நான் தரிசனம் செய்த கோவில்கள்: நெல்லைத்தமிழன் : வைரமுடி யாத்திரை 11

 

வைரமுடி யாத்திரை – ஹொசஹொலாலு, மாண்ட்யா – பகுதி 11

 

ஹொசஹொலாலு கோவிலின் வெளிப்புறச் சிற்பங்களிலேயே இன்னும் இருக்கிறோம். எனக்கு கால அவகாசம் மிகக் குறைவாக இருந்தது. 2-3 மணிநேரம் எனக்கு இருந்திருந்தால், ஒவ்வொரு சிற்பத்தையும் ஊன்றிக் கவனித்து அதன் சிறப்பையும், பல கோணங்களில் அந்தச் சிற்பத்தைப் புகைப்படம் எடுப்பதையும் செய்திருப்பேன். எந்த வரிசையில் ஒவ்வொரு சிற்பமும் அமைந்திருக்கிறது, அவைகள் ஒன்றுக்கொன்று தொடர்புள்ளவையா? இல்லை எந்த இட த்தில் cut ஆகிறது? (அதாவது அது வரைதான் ஒரு சிற்பி செதுக்கியிருப்பார். அதற்கு அடுத்த slab இன்னொருவருடையதாக இருந்திருக்க க் கூடும் என்றெல்லாம் அவதானித்து அதற்கு ஏற்றவாறு புகைப்படம் எடுத்திருக்கலாம். இருக்கும் மிகக் குறைந்த அவகாசத்தில் இது சாத்தியப்படாது என்பதால், வேக வேகமாக புகைப்படம் எடுப்பதில் கவனம் செலுத்தினேன்.  வெளிப்புறச் சுவர்களின் சிற்பங்களைத் தொடர்ந்து பார்ப்போம்.

எனக்கு என்னவோ ஒவ்வொரு கல்லிலும் சிற்பங்கள் செதுக்கி அவற்றை ஒன்றின் மேல் ஒன்றாக நேர்த்தியாக அடுக்கியுள்ளதுபோலத் தெரிந்தது. எப்படி இவற்றைச் செதுக்கினார்கள், எங்கே அமர்ந்து செதுக்கியிருப்பார்கள், அவர்களுக்கான வாழ்வாதாரம் மாதக் கூலியா என்றெல்லாம் யோசிக்கிறேன்.

அடிப்பகுதி வரை சிற்பங்கள். எப்படிச் செதுக்கி எப்படி அடுக்கி வைத்தார்களோ. அடுத்த படத்தில் உள்ளதுபோல மாடங்கள் ஒவ்வொரு மூலையிலும் (3?) இருக்கின்றன. அவைகளில் பொதுவாக சிலா உருவங்கள் இருக்கவேண்டும் (சிறிய சந்நிதி போல). ஆனால் அவைகள் வெறுமையாக இருக்கின்றன. அங்கிருந்த சிற்பங்கள் காணாமல் போயிருக்கலாம் என்று தோன்றுகிறது.

இன்னொன்று நான் கவனித்தது, சிற்பங்கள் நின்ற, அமர்ந்த மற்றும் ஆடும் நிலையில் இருந்தாலும், அதற்கான width ரொம்ப அதிகமில்லை. அதனால் சிற்பங்களின் கால் பாதம் கிடைமட்டமாக (horizondal) அமைக்கப்பட்டுள்ளது. நீங்களே கவனித்துப் பாருங்கள்.

 

நிறைய படங்கள் இந்தப் பதிவை அலங்கரித்துவிட்டன. உண்மையில், ஒவ்வொரு பத்தையும் கூர்ந்து கவனிக்கும்போது, அதன் அலங்காரங்களும் சிற்பங்கள் என்ன சொல்லவருகின்றன என்பதும் பிடிபட ஆரம்பிக்கிறது.  அடுத்த வாரம் பார்ப்போம்.

(தொடரும்)