புதன் வந்தாச்சு; பதில்கள் வந்தாச்சு! 180725

ஏஞ்சல் :

1,அமாவாசை வந்ததும் பவுர்ணமி எங்கே போகிறது ?????

(இது மாதிரியான கேள்வியையே என்னைத்தவிர யாரும் உங்களை கேட்ட்டிருக்க மாட்டாங்க இனியும் கேட்கமாட்டாங்க :))))))))))))))))))))))) 

பதில் : ​ அமா வரும்போது பௌ அங்கு இருந்தாலல்லவா போவதற்கு ?

அமாவாசை இருந்த இடத்துக்கு!

2, உங்கள் வாழ்வின் மாபெரும் இலட்சியம் என்ன ? அதை எட்டி பிடிக்க என்ன முயற்சி எடுத்தீர்கள் அல்லது எடுக்கப்போகின்றீர்கள் ?

பதில் : ​  இலட்சியம் எதுவும் தேவையில்லா நிலையே என் லட்சியம்.

வாழ்க்கை போகும் பாதையில்...

3, மனிதன் அழிப்பதில் அல்லது உருவாக்குவதில் இவ்விரண்டில் எதில் சிறந்தவன் ?

​

பதில் : பொதுவாக மனிதன் இப்படி எனச் சொல்ல இயலாது. ஆக்கத்திலும் அழிவிலும் திறமைசாலிகள் உண்டல்லவா ?

ஆவதும் மனிதனாலே ; அழிவதும் மனிதனாலே!
4, அரசாங்கம் ஒரு கடும் சட்டம் போடணும்னா என்ன விஷயத்துக்கு போட வேண்டும் என்று நீங்கள் நினைக்கிறீர்கள் ?

பதில் :  ​மகளிருக்கு இழைக்கப்படும் அநீதிகளைத் தடுக்க சட்டம் என சொல்லத் தோன்றினாலும், இது சட்டம் சாதிக்க முடியாத விஷயம்.  

5, அன்றாடம் நடக்கும் அல்லது நடைபெறும் ஒரு அதிசயம் ??

பதில் :  ​ என் மூச்சு.

அஃதே!

6, சமீபத்தைய டெக்னாலஜி வளர்ச்சியின் கண்டுபிடிப்புகளில் உங்களை அதிகம் மகிழ்விப்பது எது ??  அதிகம் எரிச்சலையே தருவது எது ?

பதில்  :  தொலைத்தொடர்பு தொலைக்காட்சி..

7,உங்கள் வாழ்க்கையில் அதிகம் சந்தோஷத்தை கொடுக்கும் நபர் ???
ஒருவரை மட்டும் சொல்லணும் :)))))))))))

பதில் :  அந்த அழகான அறிவான குழந்தை.

பாஸ்!

8,நம்மை சந்தோஷப்படுத்தும் ஒரு விஷயம் எல்லோரையும் சந்தோசம் ஆக்க மாட்டேங்குதே ஏன் ?

பதில்  :  நம்மகிட்டதான் ஏதோ சரியில்லை.

9,நல்லது எது கெட்டது என்று எப்படி தீர்மானிப்பீர்கள் ??
(எதுக்கு கேட்டேன்னா நான் கெட்டதுன்னு நினைக்கிறது சிலருக்கு நல்லதாக படுகிறதே )

பதில்  :  ​நல்லது அல்லாதது தீர்மானத்தின் பாற்பட்டதல்ல.

10, திடீர்னு உங்களை கமிஷனர் ஆக்கிட்டா நீங்கள் முதலில் அரெஸ்ட் செய்யும் நபர் யாராக இருக்கும் ? என்ன காரணத்துக்கு ?

பதில் :  அரெஸ்டு செய்வது கமிஷனர் வேலையல்லவே.

துளசிதரன் : 

திரையுலகில் பெண்கள் தங்களுக்காகப் போராடத் தொடங்கியுள்ளார்கள். இது தொடருமா இதனால் நல்ல மாற்றம் ஒன்றை எதிர்பார்க்கலாமா? இல்லை நிலைமை பழையபடிதான் இருக்குமா?

பதில் : திரையுலகில் மகளிர் பற்றி விவாதிக்க நம்மிடம் தகவல் போதுமானதாக இல்லை.

கீதா ரெங்கன் :

மக்கள் ஏன் ஜோஸ்யம் பார்க்கிறார்கள்? 

1. கடவுளை நம்பினாலும் ஏன் ஜோஸ்யம்? அப்போ கடவுளிடம் நம்பிக்கை குறைகிறதா? ஜோஸ்யத்தில் நம்பிக்கை கூடுகிறதா? இல்லை என்றால் இறைவனை எப்படித் தொழுவது என்ற குழப்பத்தில் இறைவனிடம் மன்றாடினால் பதில் நேரடியாகக் கிடைப்பதில்லை என்பதால், ஜோஸ்யம் சொல்லும் வழிகளில் இறைவனை வழிபட எளிது என்று நினைத்து, விடை தெரிய முற்படும் மனிதனின் பரபரப்பான அவசர குணம் ஜோஸ்யத்தை நாட வைக்கிறதா?

2. இல்லை மனிதனின் இயல்பான க்யூரியாசிட்டியா எதிர்காலத்தில்/அடுத்து என்ன நடக்கும் என்ற அறிய முற்படும் இன்செக்யூர்ட் ஃபீலிங்கா?

(எங்கள்) பதில்  : ஜோஸ்யம் ஆற்றாமையால் தூண்டப் படுவது. கடவுள்பால் நம் நம்பிக்கை கூட  மேலோட்டமானதுதான். இடர் வந்தபோது எல்லாவற்றையும் முயன்று பார்க்கத் தூண்டப் படுகிறோம்.இரண்டிலும் நம்பிக்கை ஸோ ஸோ தான்.  மற்ற மூவரும் பின்னூட்டத்தில் பதிலளிப்பார்கள் என்று நம்புகிறோம்.

கீதா சாம்பசிவம் : 

அந்தத் தயிர்சாதம், நாரத்தங்காய் சாப்பிட்டிருப்பது தான் தமன்னாக்காவா?  

    

பதில்  :  நெல்லையைக் கேட்டால் தெரியும்.

தயிர் சாதம் சாப்பிட்டால் ஏழைனு அர்த்தமா நீலவண்ணக் கண்ணரே? பதில் சொல்லுங்க!  

பதில் : நான் அப்படிச் சொல்லவில்லையே..

இப்போக் கொஞ்சம் சீரியஸான கேள்வி! பெண் குழந்தைகளை இப்படிப் பாடாய்ப்படுத்தறாங்களே! அதை எப்படி நிறுத்தறது? அரசு சட்டங்கள் போட்டாலும் யாரும் பயப்படறதே இல்லையே! என்ன செய்தால் திருந்துவார்கள்? 

பதில் :  பண்பாட்டுக்கு முக்கியத்துவம் உணரப் படாதவரை வெறும் சட்டம் தீர்க்க முடியாத பிரச்சினை இது.

உங்க திருமணம் ஜாதகப் பொருத்தம் பார்த்து நடந்ததா?

பதில்  :  இல்லை.


உங்க வீட்டில் மற்றத் திருமணங்கள்?

பதில்  :  ஜாதகப்பொருத்தம் பார்த்தும் நடந்தது.

ஜாதகப் பொருத்தம் பார்த்துத் திருமணம் செய்வது நல்லதா? அல்லது மனப்பொருத்தம் மட்டும் போதுமா?

பதில்  :  ம பொ இருந்தால் ஜா போ வேண்டாம் என ஜோ களே சொல்வர்.

உங்களுக்கு ஜோதிடத்தில் நம்பிக்கை உண்டா?

​

பதில்  :  நம்பிக்கை இல்லை.

எந்த ஜோசியர் சொன்னதாவது உங்க வாழ்க்கையில் நடந்திருக்கா? 

பதில்  :   இல்லை.

பானுமதி வெங்கடேஸ்வரன் : 

அட! அடுத்த வாரம் நீல வண்ண கண்ணன் பதில்களா? அப்போ அழகான அனுஷ்காவின் படங்களை எதிர்பார்க்கலாமா?

பதில் :  லாமே..!

    
   

பிரவேசிக்கும் பொழுதே புரட்டிப் போடும்படியானா செயல்களை அல்லது சாதனைகளை புரிபவர்களுக்கு புயல் என்னும் பட்டம் தரப்படுகிறது. உ.ம். இசைப்புயல் ஏ.ஆர்.ரஹ்மான், வைகைப்புயல் வடிவேலு. இது ஒரு புறம் இருக்கட்டும், இன்னொரு புறம் நிஜமான புயல்களுக்கு பெரும்பாலும் பெண்களின் பெயர்களைத்தான் வைக்கிறார்கள். இது இரண்டையும் எப்படி இணைப்பீர்கள்? பின் குறிப்பு: அதற்கு போட்டோ ஷாப்பின் உதவியை நாடக்கூடாது சொல்லிப்புட்டேன். 

​பதில்  :  

வேகத்துக்கு உதாரணமாக வந்தால் புயலுக்கு மதிப்பு.

பெண்பெயர் வைத்தாலாவது கடுமை குறையுமா என்று பார்க்கிறார்களோ ?

ஏகாந்தன் :

கீதாவின் கேள்வி நம்பர் 1-ஐப் படித்ததும், என் கண்கள் மேலும் கீழும் துழாவின. இது கீதாவின் கேள்விதானா? அதிராவின் வாடை தூக்கலாக இருக்கிறதே.. ஒரு கேள்வி ஒரு பாரா முழுதும் வியாபித்தால் அது அதிராவல்லவா? 

பதில்  :  அல்ல.

ஒருவேளை, அதிராவும் கீதாவும் ஒற்றர்தானா -ஐ மீன் - ஒருத்தர்தானா? ம்ஹ்ம்.. எவ்வளவு தெளிவாக இருந்தது, ஒருகாலத்தில் எபி? 

பதில் :  கலக்கறோம்னு சொல்றீங்களா!

அதிரா : 

1. அழகிய மிதிலை நகரினிலே.. ஆருக்கு யானகி காத்திருந்தா:)???

பதில்  :  பழகிடும் ராமன் வரவை எண்ணி பாதையை அவள் பார்த்திருந்தாள்...

2. குண்டக்க மண்டக்க என்றால் என்ன?:).

பதில்  :  பார்த்திபன் வடிவேலுவைக் கேட்டால் தெரியும்!

3. பாரி காலத்தில் ஏழைகளே இல்லையோ?:), அப்படி ஏழைகள் இருப்பின் எதுக்காக ஒரு முல்லைக்கொடிக்கு தன் தேரை முட்டாகக் கொடுத்தார்? அவருக்கு என்ன பிரச்சனை?:)..  

பதில்  :  முல்லைக்குத் தேர் ஒரு கற்பனை என்பது என் நம்பிக்கை.

4. உங்களுக்கு அனுக்காவைப் பிடிச்சிருப்பதன் ரகசியம் என்னவோ? ஏனெனில் படத்தில மட்டுமே பார்த்துத்தான் பிடிச்சிருக்கும்.. நேரில் பாகவில்லை, குணம் நடை உடை தெரிந்திருக்க ஞாயமில்லை எனவே அவவி படத்தில மட்டும் பார்த்து பிடித்ததன் காரணம் என்ன? 

பதில்  :  சிலரைப் பார்த்த உடனே பிடிக்கும்.  சிலரைப் பார்க்கப்பார்க்கப் பிடிக்கும்.  அனுஷ்ஷை பார்த்த உடனேயும் பிடித்தது.  பார்க்கப் பார்க்கவும் பிடித்தது!  ஜோக்கைத் தவிர்த்து உண்மையைச் சொல்ல வேண்டுமென்றால் கொஞ்ச நாட்களுக்கு முன் கோவை ஆவி நஸ்ரியா ரசிகராக இருந்து ஒரு கவிதைப்புத்தகமே வெளியிட்டார்.  அப்போது சும்மா போட்டிக்காக, விளையாட்டாய் அனுஷ் படம் வெளியிட்டு முகநூலில் பதிவிடத் தொடங்கினேன்.  அப்படியே தொடர்ந்து விட்டது.

5.உங்களுக்கு மனதில் பதிந்து விட்ட சில பாடல் வரிகள்.. பாடல்கள் அல்ல... அவை பாட்டின் நடுப்பாகத்தில் கூட இருக்கலாம்.. ஆனா அடிக்கடி மனதில் ஓடுபவை அப்படி ஏதும் இருக்கோ?:)..

பதில்  :  இருந்தாலும் மறைந்தாலும் பேர் சொல்லவேண்டும்..  இவர் போல யாரென்று ஊர் சொல்லவேண்டும்..

பதில்  :  "சொந்தமென்று வந்ததெல்லாம் சொந்தமுமில்லை.." வரிகளை எண்ணுவதுண்டு.

கமலா ஹரிஹரன் : 

இத்தனை பேர் அற்புதமாக கேள்வி கேட்கிறார்கள். எனனிடம் மட்டும் ஒரு கேள்வியும் ஏன் மாட்ட மாட்டேனென்று அடம் பிடிக்கிறது? 

பதில் :  இதோ கேள்வி பிறந்து விட்டதே..  

நெல்லைத்தமிழன் : 

படிக்கறவங்கள்ல யார் யார் யாருடைய ரசிகர்னு தெரிஞ்சுக்க பல நடிகைகளின் படங்கள் போட்டிருக்கீங்க. இது ஆணாதிக்க மனோபாவமா இல்லை பெண்கள் யாருடைய ரசிகைகளும்அல்ல, அப்படி இருந்தால் வடிவேலுவின் ரசிகையாக மட்டும்தான் இருக்க முடியும்னு நினைக்கறீங்களா?

பதில்  :  ரசனை அழகின் பாற்பட்டது.

பிளாக்கில் ஆர்வத்துடன் கலந்துகொள்வதற்கும் ஒரு ரிடைர்மென்ட் ஏஜ் உண்டா? கோபு சார், கந்தசாமி சார், தமிழ் இளங்கோ சார், சமீபமா ஜீவி சார் இன்னும் பலர் இடுகைகளைக் குறைக்கிறாங்க இல்லைனா எழுதறதே இல்லையே? என்ன காரணம்?

பதில்  :  எழுதாத காரணம் அவர்கள் தான் சொல்லவேண்டும். எனினும் சலிப்பு மனித இயல்பு.

இப்போ பயணத்தில் குரும்பூர் என்ற ஊரையும் ரயில்வே ஸ்டேஷனையும் பார்த்தேன். யாருக்காவது குரும்பூர் குப்புசாமி ஞாபகம் இருக்கா? 

பதில்..  ஓ...  இருக்கே...
​
பதில்  :  கு கு. நினைவிலிருந்தாலும் பெரிய இம்ப்ரெஷன் இல்லை. நேரில் அவர் என் அலுவலகத்துக்கு சொந்த வேலை காரணமாக வந்தபோது நான் "சிலிர்த்து" எழாதது அவரை வியக்க வைத்தது.

எனக்கு சில சமயம் எக்சாம் நாளை இருக்கு இன்னும் நிறையப் படிக்கவேண்டுமேன்னு கனவில் பயந்து, எழுந்தவுடன், அப்பாடா.. இப்போ வேலைனா பார்க்கிறோம்னு மனசு ரிலாக்ஸ் ஆயிருக்கு. உங்களுக்கு குறிப்பிடும்படியான, வெளியில் சொல்லக்கூடிய கனவுகள் (தூக்கத்திலிருந்து திடுக்கிட்டு எழுந்துக்கும்படியான) என்ன வந்திருக்கு?

பதில்  :  யானை துரத்துவது போல...

​

பதில்  :  58 ஆன பின்னும் ஆபீஸ்வேலையில் தொடர்வதான கனவு பலமுறை வருகிறது

பலர் பதிலளித்து குழப்பாம ஒரு பதிலை மட்டும், ரசனையான ஒன்றை, வெளியிடுவது ரசனையைக் கூட்டுமா? 

பதில்  :  பலர் பதிலளிப்பது வேறுபட்ட கோணத்தைக் காட்டுவதாகப் பார்க்க வேண்டும். பதிலளிப்பவர் எவருமே ஸ்பெஷலிஸ்ட் அல்லர்.

பத்திரிகைகளுக்கு எழுதியதுண்டா? அந்த அனுபவம் சொல்லுங்க

பதில்  :  இல்லை.  மெயிலில் அனுப்பிய கவிதை கல்கியில் வந்தது.  அது கூட ஒரு நண்பர் உதவியினால்..!

​

பதில்  :  பத்திரிகைகளுக்கு எழுதியதில்லை.

திருடியது உண்டா? அந்த அனுபவமும் அதை எப்படி கடந்து வந்தீங்க என்பதும்.

பதில்  :  உண்டு.  பின்னர் நினைத்து பலநாட்கள் வெட்கியதுண்டு.

​

பதில்  :  இளம்பருவத்தில் அற்ப சமாசாரங்களைத் திருடியதுண்டு. அதைக் கடப்பது இயல்பாக முயற்சியின்றி சாத்தியமாயிருந்தது.

மன்னிப்பு கேட்டிருக்கீங்களா, குறிப்பா இணை/துணையிடம்? அப்போ அவங்க ரியாக்‌ஷன் எப்படி? 

பதில்  :  ம்ம்ம்...   சௌஜன்யம், சகஜம்...

​

பதில்  :  மன்னிப்பு கேட்க சந்தர்ப்பம் வரவில்லை.

ரொம்ப கடவுள், நேர்மை, பக்தி என்றெல்லாம் சொல்றவங்க, நல்லவங்களா இல்லாத்தை கவனிச்சிருக்கீங்களா? அப்போ இறை நம்பிக்கையைப் பத்தி, அதை பிரீச் பண்றவங்களைப் பற்றி என்ன தோணும்?

பதில் :  'உங்களுக்காவது புரியுதா?  நீங்களாவது நல்லா இருங்க'ன்னு நினைத்து ப்ரீச் பண்றங்களோ!

​

பதில்  :  எல்லாரையும் ஒருசேர வகைப் படுத்துவது சரியல்ல.

இன்னொரு வீட்டில் சாப்பிடும்போது இன்னும் கொஞ்சம்னு (சில அருமையான உணவையோ, உண்மைப் பசி சமயத்திலோ) சொல்ல வெட்கப் பட்டுக்கொண்டு அப்புறம் ஏன் அப்படிச் செய்தோம்னு தோணியிருக்கா? 

பதில்  :  உண்டு.  ஆனால் ஏன் அப்படிச் செய்தோம் என்று தோன்றியதில்லை!

​

பதில்  :  நான் கேட்டு சாப்பிட கூச்சப் படுவதில்லை.

நாயை அடிப்பானேன் ... சுமப்பானேன் என்ற பழமொழி, எதுக்கு அதீத கலோரி உணவைச் சாப்பிடுவானேன், பொழுது போகாமல் (யாருக்கும் உபயோகம் இல்லாமல்) நடப்பானேன் என்பதை ஞாபகப்படுத்துதா? 

பதில்  :  எனக்கு மாம்பழ உதாரணம் நினைவுக்கு வருகிறது!

​

பதில்  :  ருசியின்பால் உள்ள பிணைப்பால் அதிகம் சாப்பிடுகிறோம். வாக்கிங் அதை சரிக்கட்ட மட்டும் இல்லையே.

தமிழ் மண ரேங்க் காலத்தில், ஆஜர் கடமைக்காக பின்னூட்டம் போடுவது இடுகைக்கு பெருமை சேர்க்குதா? பின்னூட்டம் இடுவதன் பர்பஸ் என்ன? 

பதில் : பின்னூட்டம் இட்டால்தான் நாம் படித்தோம் என்று எழுதியவருக்குத் தெரியும்.  என்னிடம் இருக்கும் எதிர்பார்ப்புகள்  பிறரிடமும் இருக்கும் அல்லவா?

​பதில்  :  

உந்துதல் இல்லாமல் சம்பிரதாயமான இடுகை காஸ்மெடிக்.

சொல்ல ஏதோ இருந்து எழுத முன்வருவது மட்டுமே பயன்தரவல்லது.