திங்கக்கிழமை 180730 : பறங்கிக்காய் தயிர் பச்சிடி - நெல்லைத்தமிழன் ரெஸிப்பி

இங்க வந்தப்பிறகு, நான்தான் காய்கறிகள் வாங்கிவருவேன். அதுவும் மறுநாளுக்குத் தேவையானது மட்டும்தான் வாங்குவேன். எத்தனையோவருடம் விமானத்தில் வரும் காய்கறிகளை வாங்கி, அதை குளிர்சாதனப் பெட்டியில் இட்டு அன்றைய வாரத்துக்கான உணவைச் செய்தவனுக்கு,புதிய காய்கறிகளைப் பார்ப்பதே மிக்க மகிழ்ச்சியா இருக்கு. பக்கத்திலேயே கடை இருக்கும்போது எதற்கு நிறைய காய்கறிகளை வாங்கிகுளிர்சாதனப் பெட்டியில் வைக்கணும்?

நான் வெண்டைக்காயை அழுத்திப் பார்த்து வாங்குவதைப் பார்த்த அங்கு வேலை பார்க்கும் பெண்மணி, நுனியை உடைச்சுப் பார்த்து வாங்குங்கஎன்றாள். நான், நுனியை உடைத்தால் மற்றவர்கள் எப்படி வாங்குவாங்க, அப்படிச் செய்யலாமா என்றேன். அதுக்கு, இங்க, காய்கறி, பழங்களைஏஜெண்டுகள்தான் சப்ளை பண்றாங்க. அன்றன்றைக்கு வாடியது, கெட்டுப்போனவைகளை இரவே, ஏஜெண்டு திரும்ப்பப் பெற்றுக்கொள்வார்.அதுனால எங்களுக்கு நஷ்டம் இல்லை. சும்மா உடைத்துப் பார்த்தே வாங்குங்க என்றார்.

அன்றைக்கு, அப்போதான் பறங்கிக்காயை கட் செய்து வைத்துக்கொண்டிருந்தார். அதைப் பார்த்ததும், எனக்குத்தான் பிடிக்காது, பசங்களாவதுசாப்பிடட்டும் என்று வாங்கிவந்தேன். அதை வைத்து, என் மனைவி, தயிர்ப்பச்சிடி செய்தாள். ரொம்ப ரிலக்டன்’டாத்தான் நான் தட்டில்போட்டுக்கொண்டேன்.  துவையல் சாதத்திற்கு மிக நன்றாக இருந்தது. இந்த வார திங்கள் பதிவாக, அதனை எங்கள் பிளாக்குக்கு அனுப்பினேன்.

செய்முறை

இதுல பெருசா அளவுலாம் கிடையாது. தேவையான பொருட்கள்,  பறங்கிக்காய்,  2-3 பச்சை மிளகாய், 3 மேசைக்கரண்டி தேங்காய் துருவல், கடுகுதிருவமாற, தேவையான அளவு தயிர், கொஞ்சம் உப்பு, கொத்தமல்லித் தழை அலங்கரிக்க.  

முதலில் பறங்கிக்காய் தோலை எடுத்துவிட்டு, நன்கு திருவிக்கொள்ளுங்கள்.

இதை கொஞ்சம் வேகவைத்துக்கொள்ளணும். அதுக்காக எங்க வீட்டில் அவனில் வேகவைக்கும் சாதனம் இருக்கு. அதுல கீழ கொஞ்சம் தண்ணீர்விட்டுவிட்டு, மேல் தட்டில் திருவின பறங்கிக்காய் கொட்டி, மூடிவிட்டு, அவனில் 4 நிமிடங்கள் வைத்தால் தேவையான அளவு வெந்துவிடும்.

பச்சை மிளகாய், தேங்காயை மிக்சியில் நன்கு அரைத்துக்கொள்ளவும்.

பாத்திரத்தில் வெந்த பறங்கிக்காய், தயிர், பச்சைமிளகாய்/தேங்காய் அரைத்த கலவை, தேவையான உப்பு போட்டு கலந்துகொள்ளவும்.

சிறிது எண்ணெயில் கடுகை திருவமாறி, இதனுடன் சேர்க்கவும்.

கொத்தமல்லித் தழையை இதனுடன் சேர்த்துக் கலக்கவும்.

அவ்ளோதான். பறங்கிக்காய் தயிர் பச்சிடி ரெடி.

சித்த மருத்துவம், பறங்கிக்காயின் மருத்துவப் பயன்களைச் சொல்லுது. பித்தத்தை நீக்கும், நல்ல பசியை உண்டாக்கும். உடம்பு சூடாகிவிட்டால்,பறங்கிக்காய் சாப்பிட குளிர்ச்சியடையும் என்றெல்லாம் சொல்லுது.  இதுநாள் வரை நான், பறங்கி அல்வா, பறங்கிக்காயை உபயோகப்படுத்தி,வெல்லம் சேர்த்துச் செய்யும் கறியைத் தவிர வேறு எதற்கும் உபயோகப்படுத்தியதில்லை. ஹோட்டல்களில், பறங்கிக்காய் விலை குறைவுஎன்பதாலும், பருப்பின் அளவைக் குறைத்து பறங்கிக்காயை அதிகரிப்பதால் சாம்பார் பருப்பு போட்டதுபோல் தெரியும் என்றுஉபயோகப்படுத்துவார்கள்.  ஆனால் இந்த பறங்கிக்காய் பச்சிடியை நான் விரும்பிச் சாப்பிட்டேன்.

சப்பாத்திக்கே, சைட் டிஷ் ஆக, இந்தப் பச்சிடியை உபயோகப்படுத்தலாமோ?

நீங்களும் செய்துபார்த்துவிட்டுச் சொல்லுங்கள்.

அன்புடன்

நெல்லைத்தமிழன்