கேளுங்க, சொல்றோம்! புதன் 180704

கீதா சாம்பசிவம் :

கௌதமன் சார், அந்த சிவப்பு வண்ணக் குழந்தை ஏன் 3 கிளவிகள் சே, எல்லாம் இந்த அதிராவால் வந்தது! கேள்விகள் மட்டும் தேர்ந்தெடுத்திருக்கார்? இப்போத் தான் எழுதக் கத்துக்கறாரோ? 

ப: ஆமாம் இப்போதான் பல் முளைச்சிருக்கு! 

கௌதமன் சார், உங்களுக்குப் பதில் சொல்லக் கஷ்டமான கேள்வி எது?

பதில் :  கௌ அங்கிள்...    இந்தாங்க மைக்!

சீனியர் கே ஜி , இந்தாங்க மைக்கு !

அடுத்து வருவது.

இங்கே உங்களைக் கேள்வி கேட்கும் எங்களில் புத்திசாலித்தனமாகக் கேள்வி கேட்பவர் யார்?ஏன்?
  

இப்போது புரிந்திருக்குமே.

பதில் :   புத்திசாலித்தனம்னா என்ன?

எந்தக் கேள்வி உங்களைச் சிந்திக்க வைத்தது?


போன கேள்வி !


பதில் :   எல்லாக் கேள்விகளும்.
    
எந்தக் கேள்விக்கு பதில் சொல்லத் தடுமாறினீர்கள்?

ஏறக்குறைய எல்லாவற்றுக்கும்தான்.
  

பதில் :   

எரிச்சல் அடைய வைத்த கேள்வி எது? 

இது இல்லை.

பதில் :   இந்தக் கேள்விதான் என்று சொன்னால் உங்களுக்கு எரிச்சல் வருமா?

     

கௌதமன் சார்! காசு சோபனா பேரிலேயே காசு இருக்கே! எல்லோருக்கும் கொடுப்பாங்களா? : 

ப: ஹி ஹி அது கஞ்ச சோபனா! 

தேங்காய்ச் சட்னிக்குப் பொட்டுக்கடலை வைச்சால் பிடிக்குமா? வேர்க்கடலை வைச்சால் பிடிக்குமா? அல்லது எதுவுமே கூடாதா? 

ப: பொட்டுக் கடலையை தனியாகச் சாப்பிட்டாலும் நல்லா இருக்கும், சட்னி ரூபத்திலும் நல்லா இருக்கும். வேர்க்கடலை வறுத்தோ வேகவைத்தோ சாப்பிட்டால் நல்லா இருக்கு. சட்னியில் சேர்த்தால், தானும் கெட்டு, சட்னியையும் கெடுத்துவிடுகிறது!

கட்டாயம் தேங்காய் வைக்க வேண்டும்.

இது வரை நீங்க சாப்பிட்டதிலேயே மிகவும் பிடிச்ச உணவு எது? எங்கே? யார் எப்போச் சமைச்சாங்க? 

ப: சின்ன வயதில், இரவு சீக்கிரமாகத் தூங்கிவிடுவேன். காலை வரை, கட்டை போல துயில்! ஒருமுறை, வருடாந்திர லீவுக்கு அண்ணனுடன் சேர்ந்து, கண்கொடுத்தவனிதம் என்ற ஊருக்குப் போயிருந்தேன். (ஒ வி) அக்காவும், குடும்பமும் அங்கே இருந்தார்கள். அண்ணன், மற்றும் அக்கா குழந்தைகள் எல்லோரும் ஒருநாள் மாலை கோவிலுக்குச் சென்றிருந்தார்கள். நான் வழக்கம்போல வீட்டில் கொர் கொர்... 
மறுநாள் காலை, நான் எழுந்ததும், அக்காவின் பெரிய பெண் (என்னைவிட வயதில் மிக மூத்தவர்) அவருடைய அப்பாவின் வெற்றிலைப் பெட்டியில், எனக்காக வைத்திருந்த, அனுமாருக்குச் சார்த்தப்பட்ட வடைமாலை வடை ஒன்றை எனக்குக் கொடுத்தார். அதன் சுவை இன்றுவரை எனக்கு மறக்கவில்லை!

இந்தக் கேள்விக்குப் பதில் சொல்லுவதிலேயே உங்க திறமைக்குச் சவால் விட்ட கேள்வி எது?

ப: இதுவரை அப்படி ஒரு கேள்வி வரவில்லை என்று நினைக்கிறேன். 

பதில் சொல்லும்போதுத் திண்டாடிய அனுபவம் உண்டா? 

ப: வகுப்பில் ஆசிரியர் கேட்ட கேள்விக்கு, தவறான பதில் சொல்லி, திண்டாடிய அனுபவங்கள் நிறைய உண்டு.  

கேள்விக்குப் பதில் சொல்லறேனு மாட்டிக் கொண்டதாய் நினைப்பீங்களா?

ப: நல்ல பொழுது போக்காகவும், மன நிறைவாகவும் இருக்கு. எனவே மாட்டிக்கொண்ட நினைப்பு இல்லை. 

நாங்க கேட்கும் சில கேள்விகள் உங்களைச் சிந்திக்க வைச்சிருக்கும். அப்போ ஏதேனும் தேடிக் கண்டு பிடிக்கும்படி நேர்ந்திருக்கா? அதாவது கூகிளாரின் தயவை நாடிப் போவீங்களா? 

ப: சில சமயங்களில் அப்படியும் உண்டு.

ஆசிரியர்களிலேயே ச்ரீராம் தான் சின்னவர்னு நினைச்சேன். அப்போ இந்தச் சின்னவர் யாரு? நீலவண்ணக் கண்ணன் ச்ரீராம் தானே? 

ப: கே ஜீ க்கள் பற்றி மே முப்பதாம் தேதி கேள்வி பதில் பகுதியில் அதிரா வின் கேள்வி ஒன்றுக்கு பதிலாக சொல்லியிருக்கேன். சீனியர் கே ஜி , ஜூனியர் கே ஜி, எல் கே ஜி என்று! இதில் எல் கே ஜிக்கே வயது அறுபத்தாறு ஆகுது! 

ஆசிரியர்களில் சின்னவர் ஸ்ரீராம் என்று நான் சொன்னால், சின்னவள் சண்டைக்கு வரக்கூடும்! 

  அதிரா :

தமனா அனுக்கா:) குறைந்தது 4 வித்தியாசங்கள் கூறவும்?:).. இதுக்கு நீல வண்ணப் பதில்களும் நிட்சயம் தேவை:)) 

ப: இது அந்த நீலவண்ணக் கண்ணன் அனுப்பிய நீ குழாய் சுட்டி! 

தமன்னா பாட்டியா (?) என்று அவர் பெயரிலேயே சந்தேகம் கேட்டிருப்பதை, இங்கு நான் குறிப்பிட விரும்பவில்லை! 

நெ த நோட் திஸ் பாயிண்ட்! (நாராயண, நாராயண! )

நீண்ட தூரம் சைக்கிள் ஓடிய அனுபவம் உண்டோ?[நான் ஓடியிருக்கிறேன் 30 கிலோ மீட்டர்]. 

ப: சைக்கிள் விடக் கற்றுக்கொண்டது நாகையில். அந்த அனுபவங்களை இங்கே படித்து சிரியுங்கள் ! 

அதற்கு பலநாட்கள் கழித்து ஒருநாள், அக்கா மறந்து வைத்துவிட்டு வந்த சாவி ஒன்றை எடுத்து வர அக்காவின் பக்கத்து வீட்டு உஷாவின் சைக்கிளை கடன் வாங்கி, தாறுமாறாக ஓட்டி, ஒரு  (கூடைக்கார) பறவை முனியம்மாவின் டிக்கியில் இடித்து, அவர் துரத்தியபோது சைக்கிளோடு ரொம்பதூரம் ஓடியிருக்கிறேன்!  

ப: ஓடியவா, ஓட்டியவா? உண்டு. அப்பாவை டபிள்ஸ் ஏற்றிக்கொண்டு நீண்டதூரம் ஓட்டியிருக்கிறேன். 

வெயிலுக்கு மயங்கி விழுந்த அனுபவம் உண்டோ? [நான் விழுந்திருக்கிறேன் ஹா ஹா ஹா].. ஆனா மயங்கும்போது எனக்குத் தெரியும் .. உடனே அப்பாஆஆ எனக் கத்தியிருக்கிறேன்ன்.. அப்பா டக்கெனத் தாங்கி விழவிடாமல் பிடிச்சிருக்கிறார்.. இரு தடவைகள்.. சின்ன வயசிலதான் எல்லாம்..
ஆம் என்றாலும் இல்லை என்றாலும் விளக்கத்தோடு பதில் தேவை. 

ப: சின்ன வயதில் நானும் இரண்டு முறைகள் மயக்கம் அடைந்து விழுந்ததுண்டு. பெரும்பண்ணையூர் என்ற ஊரில் முதல் முறை. அப்புறம் ஏழாம் வகுப்புப் படித்தபோது ஊட்டி பக்கத்தில் நஞ்சநாடு என்ற ஊர் பள்ளியில். இரண்டு சந்தர்ப்பங்களிலும் வெயில் காரணம் இல்லை. என்ன காரணம் என்று யாரும் ஆராயவில்லை! 

ப: வெயிலுக்கு மயங்கியதில்லை; மயிலுக்கு மயங்கியிருக்கிறேன். 

சிலபேர் தங்கள் வீட்டில மட்டும் பந்தி பந்தியாகக் கதைக்கிறார்கள்.. பதில்களும் பந்தியாகக் குடுக்கிறார்கள் ஆனா அடுத்தவங்க வீட்டுக்குப் போனால் ஒரு சொல்லு மட்டும் பேசி விட்டு சென்று விடுகிறார்களே இவர்கள் பற்றி உங்கள் கருத்து என்ன? 

ப: நானும் பெரும்பாலும் அப்படித்தான்! 

ஏஞ்சல் :

அந்த பொண்ணு படத்தை போட்டு கூகிள்ன்னா பேர் மால்விக்கா ஷர்மா னு கூகிள் சொல்லுது.

ப: சூப்பர்! பெயர் தெரியாது என்று பொய் சொன்னேன். நீங்க கண்டுபிடிச்சுட்டீங்க!

1,பேய் ,பிசாசு ,பூதம் இதெல்லாம் வெவ்வேறா இல்லை ஒன்றுதானா ??
எனக்கு விளக்கம் அனைவரிடமிருந்தும் தேவை :)
   

ப: கல்யாணத்திற்கு முன்னாடி, எல்லாம் வெவ்வேறு என்று நினைத்திருந்தேன். 

பதில் : ஆவியை விட்டுட்டீங்க ஏஞ்சல்..  

ஒன்றில்லை ஒன்றுக்கொன்று சொந்தம்.

2,இந்த உலகத்தில் சிலர் பணக்காரர் சிலர் PAUPER ஏன் இந்த வித்யாசம் ?

ப: நானும் அடிக்கடி இப்படி நினைப்பது உண்டு. ஆனால், அவரவர்கள்  நிலைமைக்கு அவரவர்கள்தான் காரணம் என்று நினைத்து மனதைத் தேற்றிக்கொள்வேன்.                 

பதில் : மேடுன்னு இருந்தா பள்ளமும் இருக்கணும் இல்லையா? 

ஒண்ணு தமிழ் இன்னொண்ணு இங்கிலீஷ் என்பதால் வித்தியாசம் ?

 
3, கண்ணுக்கு மை அழகா ?
யார் கண்ணுக்குண்ணும் தெளிவுபடுத்தனும் ?

ப: ஆமாம். அனால் கருவிழிகள் உள்ளவர்களுக்கு மட்டுமே! Green eyes, Blue eyes இருப்பவர்கள் மை இட்டுக்கொண்டால் பார்க்க பயங்கரமா இருக்கும். 

  

பதில் : தெரியாது. ஆனால் கவிதைக்கு பொய் அழகுன்னு சொல்லி இருக்காங்க..
  

எல்லார் கண்ணுக்கும் (இ)மையழகு.

4, ஸ்பைஸ் கேர்ள்ஸில் உங்களுக்கு பிடித்தவர் :)

ப: அஞ்சுல ஒன்றும் நல்லா இல்லே! 

பதில் : யாரு அதிகமா கூச்சப்படறாங்களோ அவங்க...  

5, உங்களின் பெயர் (உங்களுடைய பெயரின் ) சூட்டப்பட்டதன் காரணம் ?

பதில்: கோத்ரம். 

பதில் : நட்சத்திரம்.

   
6,பிறரிடம் பிடிக்காத 3 விஷயங்கள் ?

ப: புறம் பேசுவது, உரத்த குரலில் சண்டை போடுதல், சிலரை மரியாதை இன்றி நடத்துவது. 

பதில் : வம்பு, சண்டை, கோபம் 

7,ரகசியமாய் நீங்கள் மெச்சும் ,ரசிக்கும் நபர் ?
இதில் ஒரு ஆண் ஒரு பெண் இரு பதில்கள் எதிர்பார்க்கப்படுகின்றது ?

ப: ஸ்கூல் பஸ் வருவதற்குக் இந்த அபார்ட்மெண்டில் காத்திருக்கும் ஒரு (துருதுரு) குட்டிப் பெண்; என்னுடைய குட்டிப் பேரன்.   

பதில் : மகன், பாஸ்.

சஞ்சய் சுப்ரமணியன், ரஞ்சனி_காயத்ரி.

8,பிடிக்காத பாடல் வரிகள் ?
(எனக்கு இந்த குயிலை பிடிச்சி காலை உடைச்சி பாட்டை கேட்டாலே வெறி கிளம்பும்
அதுமாதிரி மீன் பிடித்து மீண்டும் ஆற்றில் விட ஆசை இதுவும் பிடிக்காது )

ப: யானையின் பலம் எதிலே தும்பிக்கையிலே ... என்னும் அந்தக் காலத்துப் பாடல். 

அப்புறம் 

வாலமீனுக்கும், விலாங்குமீனுக்கும் கல்யாணமாம்... 

பதில் : ஒரு பொய்யாவது சொல் கண்ணே...


9,நீங்கள் செடிப்பிரியரா ? சமீபத்தில் வாங்கிய புது செடி என்ன ?

ப: செடிப்பிரியர் என்று சொல்லிவிடமுடியாது. ஆனால் செடிகள் வளர்க்க புது முயற்சிகள் செய்வேன். சமீபத்து சந்தோஷம், தோட்டத்தில் நான் போட்ட மாங்கொட்டை முளைத்து வந்திருக்கு. அதை சரியாக நட்டுவைத்து, நீர் ஊற்றி வருகிறேன். 

விலை கொடுத்து வாங்கியது என்றால், ஒரு கறிவேப்பிலைக் கன்று அறுபது ரூபாய்க்கு வாங்கினேன், மூன்று வருடங்களுக்கு முன்பு. இப்போ பெரிய மரமாக வளர்ந்திருக்கு. 

பதில் : இல்லை. 



10,சமீபத்தில் கனவில் துரத்திய நாலுகால் விலங்கு ? 

ப: நான் துரத்தினேன் -- ஒரு டைனோசரை !

பதில் : ஓடிக்கொண்டிருக்கும்போது திரும்பி எத்தனை கால்னு எண்ணிக்கிட்டிருக்க முடியுமா என்ன!
   

பானுமதி வெங்கடேஸ்வரன்:

யாராவது செலிபிரிட்டியை பார்க்க வேண்டும் என்று துடித்ததுண்டா? அப்படி ஆசைப்பட்டு சந்தித்த அவர் ஏமாற்றமளித்தாரா? சந்தோஷமூட்டினாரா? 

ப: ஸ்ரீராமின் தந்தை, நாற்பத்தைந்து வருடங்களுக்கு முன்பு, (நான் துடிக்காது இருக்கும்போது) அவர், ஜெயகாந்தனைப் பார்க்க என்னைக் கூப்பிட்டுக்கொண்டு போனார். ஜெ கா , காரை எடுத்துக்கொண்டு அப்பொழுதுதான் எங்கேயோ வெளியில் கிளம்பிக்கொண்டிருந்தார். " Fix up some other time" என்று சொல்லி, புர்ர் என்று போய்விட்டார். பா ஹே வுக்கு ஏமாற்றம். மற்றபடி, எந்த செலிப்ரிடியையும் பார்க்கவேண்டும் என்று நான் துடித்தது இல்லை.  சிலரை அருகே பார்த்தது உண்டு. (உதாரணம் : சிவாஜி, எம்ஜியார், சுஜாதா ரங்கராஜன்)

செலப்ரிட்டி சுஜாதா ரங்கராஜன். அவர் எட்டாமலே இருந்துவிட்டார்.

  

கோமதி அரசு :

புடலங்காய் ஒரு சிறந்த மருந்து.....   உண்மைதானே ? விளையாட்டு இல்லையே? 

வாட்ஸ் அப் : 

நெல்லைத் தமிழன் : 

1. ஏன் ஆரம்ப ஆர்வம் போகப்போக பிளாக் நடத்துபவர்களிடம், அதுவும் எழுத்தாற்றலும் நிறைய ஃபாலோயர்ஸ் இருந்தாலும் ஆர்வம் போவதற்குக் காரணம் என்னவா இருக்கும்?  

ப: தனி மனித ப்ளாக் அப்படி இருக்கலாம். எங்களைப் போல ஒரு குழுவாக எழுதுபவர்களுக்கு, நிறைய ஆர்வம், நிறைய விஷயங்கள் எழுதக் கிடைப்பதால், யாராவது ஒரு ஆசிரியருக்கு எழுத போர் அடித்தாலும், அந்த நேரத்தில் மற்ற ஆசிரியர்கள் முன்னின்று எழுதிவிடுகின்றோம். 

ஆரம்ப வேகம் படிப்படியாகக் குறைவது நியதிதானே. அடியோடு காணாமல் போகாதவரை சரிதான்.

2. முகநூல், கணிணியில் எப்போதும் உட்கார்வதால் மற்றவர்களிடம் அர்ச்சனை வாங்கியதுண்டா?

ப: என்னதான் வாட்ஸ் அப் , முகநூல் எல்லாம் நம் நேரத்தை விழுங்கினாலும், செய்ய வேண்டிய கடமைகளை, அந்தந்த நேரத்தில் ஒழுங்காக செய்துவிடுவதால் பிரச்னை எதுவும் வருவதில்லை.

இல்லையே !

3. பாராட்டுகளைவிட curseகளை செல்ஃபோன், முகநூல், வாட்சப் போன்றவைகளைக் கண்டுபிடித்தவர்கள் பெறுவது எதனால்?

ப: நான் அவர்களை திட்டியது இல்லை. வாழ்த்துவது உண்டு. 

அவர்கள் பாராட்டை வேண்டியோ கண்டனங்களை எதிர்பாராமலோ இல்லை என்பதையும், அவர்கள் வேண்டியதைப் பெற்றிருக்கிறார்கள் என்றும் நினைக்கிறேன்.

4. இரண்டு வேளைகள், 300 நாட்களாவது என்று வருஷம் பூராவும் அடுக்களையில் உழலும் பெண்களின் கஷ்டத்தை அறிந்திருக்கிறீர்களா? அதிலும் ஒவ்வொரு வேளை என்ன என்ன செய்வது என்பது தலையைப் பிய்த்துக் கொள்ளும் வேலைதானே? 

ப: அடுக்களையில் உழல்வது எல்லாம் அந்தக்காலம். இந்தக் காலத்தில் (at least) அடுக்களையில் யாரும் உழல்வது இல்லை. எல்லாத்துக்கும் எந்திரங்கள் வந்து வாழ்வை சுலபமாக்கிவிட்டன !

சமையல் மட்டும் தானா ? இன்னபிறவும் ஏராளமாக இருக்கின்றன என்பதில் தெளிவாக இருக்கிறேன்.

5. நீங்கள் சமையல் செய்து நல்லா இருக்குன்னு வீட்டார் பாராட்டியிருக்காங்களா? அப்போ, நாம இப்படி பாராட்டினதே இல்லையே என்று நினைச்சிருக்கீங்களா? 

ப: சில புதிய முயற்சிகளுக்கு பாராட்டுகள், இரு தரப்பிலும் உண்டு.

முதலில் சமையல் பாராட்டும்படி இருக்க வேண்டுமே.

6. எந்த நியூஸ் சேனலிலும் கொலை, விபத்து, இயற்கை இடர்களைத் தவிர பாசிடிவ் செய்திகளே வருவதில்லை என்பதைப் பற்றி என்ன நினைக்கறீங்க?  

ப: எல்லோருமே எங்கள் ப்ளாக் ஆ நடத்துறாங்க, வாரம் ஒரு நாலாவது பாசிடிவ் செய்திகளை மட்டும் தொகுத்து வழங்க! 

பாசிடிவ் விஷயங்களைத் தேடிப் பிடிக்க வேண்டியிருக்கிறது.  அல்லவை தாமே வந்து மோதுகின்றன போலும்.

7. சம்பந்தமில்லாத கதம்பங்களிலும் மற்ற ஆசிரியர்களின் அனுமதி பெறாமல் அனுக்கா படத்தை நுழைத்துவிடுவதை நீங்கள் எப்படிப் பார்க்கிறீர்கள்?

ப: சந்தோஷமாக! 

அனு(அ)க்காவையே நுழைக்காதவரை அட்டியில்லை !

8. எப்படி தளத்துக்கான இடுகைகள் தயார் பண்ண, மற்ற இடுகைகளில் படித்துக் கருத்திட சிலருக்கு இருக்கும் ஆர்வம் எல்லோருக்கும் இருப்பதில்லை?  

ப: உண்மைதான். ஸ்ரீராமைப் பார்த்து நான் கற்றுக்கொள்ள வேண்டிய விஷயம். 

இங்காவது நெரிசல் இல்லாததை எண்ணி சந்தோஷப் பட வேண்டாமோ ?

9. ஏன் பெரும்பாலானவர்களுக்கு உப்புமா பிடிப்பதில்லை. எளிதாக செய்யமுடிவதாலா?

ப: மனிதர்கள் எல்லோரும் பெரும்பாலும் தன்னலக்காரர்கள். அதனால I என்ற எழுத்தில் ஆரம்பித்து,  I என்ற எழுத்தில் முடிகின்ற  Idli யை விரும்புகிறார்கள். பிறர் நலம் விரும்பாத காரணத்தால், U என்ற எழுத்தில் ஆரம்பித்து,  U என்ற எழுத்தில் முடிகின்ற Uppumaavu வை வெறுக்கிறார்கள் போலிருக்கு! 

(வயிறு) உப்புமே என்பதாலோ ?

10.. முன்பெல்லாம் சீசனுக்கு ஏற்ற பழங்கள் வந்ததுபோய் எல்லாப் பழங்கள், காய்கள் எல்லாக் காலத்திலும் கிடைக்கிறதே, இது நல்லதா கெட்டதா?

ப: நல்லதுதான். கெட்டதாக இருந்தால் யாரும் வாங்கமாட்டார்களே! 

இப்போது ஆண்டு முழுதும் ஒரே (கோடை) சீசன் ஆனதை கவனிக்கவில்லையா ?
 
   

மீண்டும் அடுத்தவாரம் சந்திப்போம்!