ரமணியின் தாயாரும் ஸ்ரீமான் சுதர்சனமும்

ரமணியின் தாயார் 

இருபத்தேழு அத்தியாயங்களில் எழுதப்பட்ட தொடர்கதை.  விஜயராகவாச்சாரியார் அதாவது எஸ் வி வி எழுதிய கதை.  1949 இல் எழுதப்பட்ட கதை.  எப்படி என்கிறீர்களா?  சிறு ஆராய்ச்சி செய்து கண்டு பிடித்தேன்.  கதை வரும் பக்கங்களில் ஒன்றில் இந்த விளம்பரம் வந்திருந்தது.  இதைப் பற்றி ஆராய்ந்தபோது படம் வெளியான வருடம் 1949 என்று தெரிந்தது.

இந்தக் கதையிலிருந்து சில வரிகளை ஏற்கெனவே எழுதி இருந்தேன்.  எழுத்தாளர் தான் ஒரு கேரக்டரில் புகுந்து கொண்டு சில கருத்துகளை சொல்வது பற்றியும் எழுதி இருந்தேன்.

மாமனார் - மாமியாரை சேர்த்துக்கொள்ள விடாமல் கணவனைக் கட்டி வைத்து வாழ்ந்த ரமணியின் தாயார் ரமணியின் தகப்பனார் அகாலமாய் இறந்துவிட படும் துன்பம் பற்றிய கதை.  ஒவ்வொருவரிடமும் இணைந்து இருக்கும் நல்ல குணங்கள் தீய குணங்கள் பற்றி இயல்பாகச் சொல்லும் கதை.  வீட்டை விட்டு ஓடிவிடும் ரமணி திரும்பி வருவானா, மாட்டானா என்கிற சந்தேகம்.  கடைசியில் எப்படி முடிகிறது என்று கதை.

சில அந்தக் கால வார்த்தைகள் :  ​அபேட்சிக்கவில்லை இச்சித்ததில்லை, ஸ்திரவாசி, ஆப்பியாயம் (ஆறுதல்), நிகா  இன்னும் சில வார்த்தைகளைக் குறித்து வைக்கவேண்டும் என்று நினைத்தேன்.  

நீண்ட வருடங்களுக்குப் பின் படித்து மகிழ்ந்த கதை. உண்மையில் ஸ்ரீமான் சுதர்சனம்தான் படிக்க எடுத்தேன்.

இந்தப்புத்தகத்தில் மூன்று கதைகள்.  

ராமமூர்த்தியும் ஸ்ரீமானும் கடவுள்  ஆகிவிட்டனர்!  அதாவது ஆரம்பமும் இல்லை, முடிவும் இல்லை.  அதனால் பரவாயில்லை.  இருக்கும் வரை ஸ்ரீமான் சுதர்சனம் படித்து ரசிக்கலாம் என்று எண்ணம்!  

===================================================================================================

தொடர்கதைப் புதிரை இன்று விடுவிக்க முடியாமைக்கு மன்னிப்பு கோருகிறேன், வருந்துகிறேன்.  நான் கிளம்பும் நாள் வரை விவரங்கள் எனக்குக் கிடைக்கவில்லை.  அடுத்த வாரம் வியாழன் அன்று கட்டாயம் விடை தெரியும்.  அதுவரை ஊகங்களிலேயே இருப்போம்.

====================================================================================================

தத்துபித்துவம்!  இருக்கும் இடத்தை விட்டு இல்லாத இடம் தேடி.....

=================================================================================

அந்த ஏரியா பக்கமே இவரால் இப்போதைக்குப் போகமுடியாதாம்!  ஜோக் 1949.