வெள்ளி வீடியோ : ஏரிக்காற்றே நில்லடி... மங்கை எண்ணம் எங்கே சொல்லடி -

கனவுகள் கற்பனைகள்.

1982 இல் வெளிவந்த திரைப்படம். நான் படம் பாக்கவில்லை.  ஆனால் இரண்டு நல்ல பாடல்கள் உண்டு இந்தப் படத்தில்.

கங்கை அமரன் இசையில் பாடல் எழுதியது வாலியாக இருக்கவேண்டும்.

சரத்பாபு, ரூபா எல்லாம் நடித்திருப்பதாக விக்கி சொல்கிறது.

காட்சி இல்லாமல் கானம் இணைத்திருக்கிறேன்.  அழகான சந்த வரிகள் கொண்ட பாடல்.  ஜெயச்சந்திரன் குரல் என்றுமே எனக்குப் பிடிக்கும்.  இனிமையான பாடல்.

தென்றல் ஒரு தாளம் சொன்னது சிந்தும் சங்கீதம் வந்தது 

சந்தங்கள் தன்னே வந்தது மாலைப்பெண்ணே 

கலை அன்னம்பல வண்ணம் கொண்டது மண்ணும் புது பொன்னில் நின்றது  

இன்னும் எனை பின்னிக் கொண்டது கன்னிப் பெண்ணே 

இரு கண்ணில் ஒரு மின்னல் வந்தது சின்னப்பெண்ணே 

ஏரிக்காற்றே...

ஏரிக்காற்றே நில்லடி...  மங்கை எண்ணம் எங்கே சொல்லடி 

வானில் விளையும் கண்மணி கண்ணில் மலரும் மேனி வெண்பனி 

வேடன் மானோ...

வேடன் மானோ கண்ணோடை மேயும்  மீனோ  

சொல் என்பதோ நீ கேள் என்பதோ 

நான் கொண்டாடும் மோகம் நெஞ்சில் உண்டென்பதோ 

மாலைப்பொன்னே 

மாலைப்பொன்னாய் மின்னுமோ கையில் வாங்கும் பொன்னாய் மாறுமோ 

மூங்கில் போலே ஆடுமோ சொல்ல ஏங்கும் நாணம் தோன்றுமோ 

ஆலங்கிளியே... 

ஆலங்கிளியே சொல்லாமல் பாடும் குயிலே 

எண்ணங்களே தேன் அள்ளுங்களே பொன்வண்டாகி நாணம் கொஞ்சம் சொல்லுங்களே