"திங்க"க்கிழமை : பஞ்சாபி வகை ஸப்சி - ரேவதி நரசிம்ஹன் ரெஸிப்பி

எல்லோரும் வளமாக  வாழ வேண்டும்.

தேங்காய் இல்லாத, புளி சேர்க்காத ,மிளகாய் இல்லாத, கொழுப்பைக் குறைக்கும் கொலஸ்ட்ரால் கட்டுப்படும், எடை குறையும். என்றேல்லாம் சொல்லி சுமிதா என்ற பெண் எனக்கு சொல்லிக் கொடுத்த பஞ்சாபிக் கூட்டு. 2005  ஸ்விஸ்ஸில் இருக்கும் போது கற்றுக்கொண்டேன்.

பஞ்சாபி  வகை சப்ஸி 

தேவையான பொருட்கள்। நான்கு  நபர்களுக்கு.

1, பயத்தம்பருப்பு....200கிராம்

2 சேர்க்கக்கூடிய காய்கறிகள்

ஸூக்கினி,

முட்டைக்கோஸ்,

சௌ சௌ

தக்காளி

பட்டாணி,

காரட்,

குடமிளகாய்

3,அரைக்க வேண்டிய மசாலா

தனியா 3 தே.கரண்டி

மிளகு 2 தே.க

பூண்டு 2

சீரகம் 3 தே.க

பெருஞ்சீரகம்..2 தே.க

ஓமம்  1 தே .க.

கசகசா 

லவங்கம் 

கிராம்பு 

ஏலம் ,

வறுத்த  கொள்ளு  ,நிலக்கடலை வறுத்தது 

தேவையான  உப்பு.

இவைகளை வெறும் வாணலியில் வறுத்து அரைத்து வைத்துக் கொள்ளவும்.

குக்கரில் பயத்தம்பருப்பையும்,காய்கறிகளையும் தனித்தனியே  வேக வைத்து எடுத்துக் கொண்டு, ஒரு தேக்கரண்டி எண்ணெயில் சீரகம் கொத்தமல்லி, இவற்றைத் தாளித்துக் கொண்டு அதில் பயத்தம்பருப்பு,காய்கறிகளை ஒன்றாகப் போட்டு உப்பும் சேர்க்கவும் .

ஒரு கொதிக்குப்பிறகு அரைத்த மசாலாவையும் சேர்த்து வாசனை வந்ததும் இறக்க வேண்டியதுதான்.

மேலே பெருங்காயப் பொடி விருப்பமிருந்தால் தூவலாம்.