வெள்ளி வீடியோ : வானத்தில் வெண் நிலவு ஒன்றல்லவா... மானத்தில் மங்கையர்கள் மானல்லவா கவரி மானல்லவா

 அய்யம்பட்டி ஆதிசேஷ அய்யர் எழுதிய பாடல். டி கே பட்டம்மாள் குரலில் ஒரு முருகன் பாடல்.  வேலன் வருவாரடி...  முருகன் பெருமைகள் ஒவ்வொன்றாய்ச் சொல்லிச் சொல்லிப் பாடி வேலன் வருவாரடி என்று பாடுவது அழகு...

வேலன் வருவாரடி வேலன் வருவாரடி வேலன் வருவாரடி 

வடிவேலன் வருவாரடி! 

வள்ளிமேல் மோகம் கொண்டு வேடனான வடி வேலன் வருவாரடி!

மானோடி வந்ததனால் நானோடி வந்தேனென்று வானோங்கும் தினையின் மன்மதனார் மலைத்த வேலன் வருவாரடி!

மங்கை மனதறிந்து எங்கும் தொடர்ந்தலைந்து வேங்கை மரமாகி ஓங்கி வளர்ந்த வடி வேலன் வருவாரடி வடிவேலன் வருவாரடி! 

பண்டாரமாய் சிவனை கொண்டாடியே அமுது உண்டோடி அமுது உண்டோடி என்றோடி மன்றாடி நின்றவடி வேலன் வருவாரடி வடிவேலன் வருவாரடி வேலன் வருவாரடி! வேலன் வருவாரடி 

தேனும் தினைமாவுண்டு தாங்காத விக்கல் கொண்டு கூனும் நிமிர்ந்து கொண்டு காவி உடுத்தவடி வேலன் வருவாரடி! 

வஞ்சியரின் கைபிடித்து குளக்கரையில் வஞ்சியரின் கைபிடித்து கெஞ்சிக் கரையேறி கொஞ்சுமொழி நங்கையுடன் இன்சொல் புரிந்த வேலன் வருவாரடி! 

அண்ணனருளால் குறப் பெண்ணை மணக்கவென்று எண்ணித்துதித்த திருக்கண்ணன் கொண்டாடும் வேலன் வருவாரடி! 

யானை மருட்டி வினை காலில் விரட்ட மடமானை மகிழ்ச்சியொடு மார்போடணைத்த வடி வேலன் வருவாரடி! 

நம்பியவர் துதிக்க நாரதர் ஆனந்திக்க தம்பிக்குகந்த மயிலாடப் பணியாற்றும் வேலன் வருவாரடி வடிவேலன் வருவாரடி வேலன் வருவாரடி!

===============================================================================================================

1964 ல் வெளிவந்த திரைப்படம் 'முரடன் முத்து'.  சிவாஜி கணேசனும், தேவிகாவும் ஜோடியாக நடித்த படம்.  இயக்குனர் பி ஆர் பந்துலுவும் சிவாஜியும் முதன் முதலாக இணைந்த படம்.  

தமிழிலும், கன்னடத்திலும் ஒரே நேரத்தில் எடுக்கப்பட்ட திரைப்படம்.

கவியரசர் கண்ணதாசன் பாடல்களுக்கு இசை T G லிங்கப்பா.

இந்தப் படத்தில் எனக்கு இரண்டு பாடல்கள் பிடிக்கும்,  ஒன்று 'தாமரைப்பூ குளத்திலே' பாடல்.  இன்னொன்று இன்று பகிரப்படும் 'பொன்னாசை கொண்டவர்க்கு'

முதல் பாடல் TMS -சுசீலா பாடிய டூயட். இது TMS மட்டும் தனித்துப் பாடியிருக்கும் பாடல்.  ஒரு மாதிரி கீழ் ஸ்தாயியில் அமைதியான பாடல்.  TMS இந்த சுருதியில் பாடும் பாடல்கள் குறைவு!

பொன்னாசை கொண்டோர்க்கு

உள்ளம் இல்லை

நல்ல உள்ளம் இல்லை

என்றும் பெண்ணாசை கொண்டோர்க்கு

கண்ணும் இல்லை

இரு கண்ணும் இல்லை​ (பொன்னாசை​)

கொட்டி விட்ட கூந்தலுக்கு

பூ வேண்டுமா..

​கொட்டி விட்ட கூந்தலுக்கு

பூ வேண்டுமா

முல்லைப் பூ வேண்டுமா

கொல்ல வரும் வேங்கைக்கு

மான் வேண்டுமா

புள்ளி மான் வேண்டுமா

​குயிலுக்கு வான் பருந்து

இணையாகுமா

குயிலுக்கு வான் பருந்து

இணையாகுமா

நல்ல துணையாகுமா

சொல்லக் கூடாத ஆசை நெஞ்சில்

வரலாகுமா

அது முறையாகுமா  (பொன்னாசை) 

​வானத்தில் வெண் நிலவு

ஒன்றல்லவா...

​வானத்தில் வெண் நிலவு

ஒன்றல்லவா

என்றும் ஒன்றல்லவா

மானத்தில் மங்கையர்கள் மானல்லவா

கவரி மானல்லவா

​பறவை பிரிந்த பின்னே இரை தேடுமா

பறவை பிரிந்த பின்னே இரை தேடுமா

பெண்மை உறவாடுமா

தட்டிப் பறித்தே சென்றாலும்

அது உயிர் வாழுமா

இன்பம் பயிராகுமா  (பொன்னாசை கொண்டோர்க்கு)