'திங்க'க்கிழமை : கத்தரிக்காய் மிளகுஷ்யம்/மிளகூட்டல்/மிளகூட்டான் - கீதா ரெங்கன் ரெஸிப்பி

 

 

கத்தரிக்காய் மிளகுஷ்யம்/மிளகூட்டல்/மிளகூட்டான்

எல்லோருக்கும் வணக்கம், வந்தனம், ஸுஸ்வாகதம், நமஸ்கார்! 

இது எங்கள் வீட்டில் செய்யப்படும் ஒரு செய்முறை. இது பொதுவாகப் பத்தியச் சமையல்தான் என்றாலும் என் பாட்டி விருந்தினர் வரும் போது பெட்டியில் கொடுத்திருக்கும் செய்முறையில் முதலில் கொடுத்திருப்பதுபடிச் செய்வார். பத்திய முறையும் பெட்டியில் கடைசியில் கொடுத்திருக்கிறேன்.  

கத்தரிக்காய்க்கு மட்டுமே புளி சேர்த்துச் செய்வாங்க. மற்ற காய்களைச் செய்யும் போது புளி சேர்க்காமல் செய்வாங்க. பத்தியம் என்றால் கத்தரிக்காய்க்கும் புளி சேர்க்காமல் செய்வாங்க

எங்கள் வீட்டில் புடலங்காயுடன் உருளைக் கிழங்கு சேர்த்தும் இந்தச் செய்முறையில் செய்வாங்க. பத்தியம் என்றால் உருளை இல்லாமல்.

சௌசௌ, புடலை, அவரை எதுவாக இருந்தாலும் பத்தியம் என்றால் தேங்காய் சேர்க்காமல்தான். 

துவரம் பருப்பு அல்லது பாசிப்பருப்பு சேர்த்துச் செய்தாலும், பத்தியம் என்றால் கண்டிப்பாகத் துவரம்பருப்பு சேர்ப்பதில்லை. பாசிப்பருப்புதான் சேர்ப்பது.

இப்படி கொலாஜ் செய்வது இப்போது மகனுக்கும் இதையே அனுப்ப எளிதாக இருக்கிறது. அவன் செய்முறைகள் எல்லாம் தொகுத்துத் தரச் சொல்லிக் கொண்டே இருப்பதால், இதுவரை வெறும் குறிப்புகள் மட்டுமே தொகுத்து வைத்துள்ளேன்.  இங்கு இப்படிப் போடத் தொடங்கியதும் தான் எனக்கு ஐடியா வந்தது படங்களோடு அனுப்பினால் அவனுக்கு இன்னும் வசதியாயிற்றே என்று. 

சரி செய்முறை இதோ. ரொம்ப சிம்பிள் தான்..

சரி அடுத்து வரும் சில செய்முறைகள் பல வருடங்களுக்கு முன் கற்றவை அதை ஒவ்வொரு பதிவிலும் சொல்கிறேன். படங்கள் இருக்கின்றன. எழுத வேண்டுமே!

எபி ஆசிரியர்கள் அனைவருக்கும் மிக்க மிக்க நன்றி கூறி அடுத்த செய்முறையுடன் எபி கிச்சனில் சந்திக்கிறோம்! அதுவரை பை ஃப்ரென்ட்ஸ்...