வீட்டுத் தலைவருக்கு மரியாதை; வேலைக்காரருக்கு மரியாதை இல்லையா?

 

சென்ற வாரமும் நீங்க எல்லோரும் கேள்விகள் கேட்க மறந்துவிட்டீர்கள். அதனால் ஒரு கேள்வி - பதில்களுக்குப் பிறகு எங்கள் கேள்விகள் !!

நெல்லைத்தமிழன் : 

ஒருநாவல் எழுதும்போது, வீட்டுத் தலைவர் என்றால், அவர் இவர் என்று எழுதுவதும், வேலைக்காரர்கள் என்றால், அவன் வந்தான் என்று ஒருமையில் எழுதுவதும் எதனால்?

$ திருவைத் தேடிக்கொண்டிருப்பவர்களுக்கும் 

   திரு உடையருக்கும் காட்டப்படும் வேற்றுமை.

# நாவல் அந்தந்த வட்டார வழக்கையும் அந்தந்தக் கால கட்டத்தில் நிலவிய நிலவுகிற பழக்க வழக்கங்களையும்தான் பிரதிபலிக்கும்.

& திருடுபவனை 'திரு'டன் என்றும், பிடிப்பவரை 'போ'லீஸ் என்றும் கூடத்தான் சொல்கிறார்கள்! 

கம்பன் என்ன சொன்னான், வள்ளுவன் உரைத்த வாய்மை என்ன .." என்றெல்லாம் எழுதுபவர்கள், " விஜய் மால்யா கூறினார்"  என்றுதானே எழுதுகிறார்கள்? 

கம்பர்  - இராமனை ஒருமையில்தானே குறிப்பிடுகிறார்? 

குழைக்கின்ற கவரி இன்றி,

     கொற்ற வெண்குடையும் இன்றி,

இழைக்கின்ற விதி முன் செல்ல,

     தருமம் பின் இரங்கி ஏக,

‘மழைக்குன்றம் அனையான் மௌலி

     கவித்தனன் வரும்’ என்று என்று

தழைக்கின்ற உள்ளத்து அன்னாள்முன்,

     ஒரு தமியன் சென்றான்.

ஆனால், அந்த இராமன் - குகனோடு ஐவரானோம் என்று சொல்லி குகனை சேர்த்துக்கொள்ளவில்லையா! 

= = = = = =

உங்களுக்கு, எங்கள் கேள்விகள் : 

கீழே சில படங்கள் உள்ளன. ஒவ்வொன்றையும் பார்க்கும்போது உங்கள் மனதில் என்ன தோன்றுகிறது என்று கருத்து கூறுங்கள். 

1) 

2) 

3) 

4) 

5) 

மேற்கண்ட ஐந்து  படங்களையும்  இணைத்து கதை / கவிதை எழுத முடிந்தவர்களுக்கு பரிசு உண்டு. 

= = = = =