எந்த ஆசிரியரைக் கண்டால் பயம்?

 

கீதா ரெங்கன் : 

போற போக்கைப் பார்த்தா வீட்டிற்கு விருந்தினர் யாரேனும் வரேன்னு சொன்னா, 72 மணி நேரத்துக்குள்ள கோவிட் நெகட்டிவ் சர்டிஃபிக்கேட் கொண்டு வரணும் அதுவும் ஆர் டி - பி சி ஆர் மட்டும் போதாது சி டி ஸ்கான் ரிப்போர்ட்டும் வேணும்னு ரொம்ப முன் ஜாக்கிரதை முத்தண்ணாக்கள், ஃபோபியா மக்கள் இனி சொல்லத் தொடங்கிடுவாங்களோ?

$ விருந்தினர் வருகிறேன்(றோம்) என்று சொன்னவுடன் நெகட்டிவ் ரிப்போர்ட்டுடன் வாங்க என்றால் அவர்களும் உங்கள் குடும்ப அங்கத்தினர்கள் சான்றிதழுடன், மற்ற வசதிகள் பற்றியும் விசாரிக்கலாம். எனவே   கொரானா போகும் வரை வீடியோ விசிட் மட்டுமே என்றிருங்கள்.

# சொல்வதே நல்லது.

& "யாரும் இருக்கும் இடத்தில் இருந்துகொண்டால் எல்லாம் சௌக்கியமே" - கருடன் சொன்னது, அதில் அர்த்தம் உள்ளது. 

கீதா சாம்பசிவம் : 

1. பள்ளி நாட்களில் நெருங்கிய நட்பாகப் பழகியவர்கள் இப்போதும் தொடர்பில் உள்ளனரா? அதே பழைய நட்புத் தொடருமா? அல்லது தயக்கம்/விலகல் இருக்குமா?

$ தொடரும்... ஆனால் மூப்பு, வாழ்க்கைத் துணைவரின் விருப்பு வெறுப்புகள் இவற்றுடன்..

# இருந்தால் நன்றாக இருக்கும். ஆனால் இல்லை.

& பள்ளி  நாட்களில் நெருங்கிய நட்பாகப் பழகியவர்கள் இப்போது யாரும் தொடர்பில் இல்லை. 

2. பலரும் முகநூல் மூலம் பழைய நட்பைக் கண்டு பிடிப்பதாகச் சொல்கிறார்கள். உங்களுக்கும் அப்படிக் கிடைச்சிருக்காங்களா?

 # முயற்சி செய்து தோற்றுப் போனேன்.

& நானும் பல முயற்சிகள் செய்து பார்த்தேன். ஊஹூம் - யாரையும் கண்டுபிடிக்க முடியவில்லை. 

3. முகநூலின் மத்யமர் குழுமத்தின் மூலம் நான் சில மதுரைக்காரங்களையும் ஒரு சில தூரத்து உறவுகளையும் கண்டு பிடிச்சேன். உங்களுக்கு அப்படி நேர்ந்தது உண்டா? அவர்களுடன் இப்போதும் தொடர்பில் இருக்கிறீர்களா?

& சில தூரத்து உறவுகளை கண்டுபிடிச்சேன். (மத்யமர்  மூலம் இல்லை - வேறு குழுக்கள்.) ஆனால் - அவர்கள் யாரும் ஒன்றும் பெரிதாக ஆர்வம் காட்டவில்லை. 

4. படிக்கும் நாட்களில் ஆசிரியர்/ஆசிரியைக்குப் பிடித்த மாணவராக/மாணவியாக இருந்தது உண்டா? எனில் எந்த ஆசிரியர்?

 $ இருந்திருக்கிறேன். தலைமை ஆசிரியர்.

# 11வது வகுப்பில் மட்டும் அறிவியல் ஆங்கில ஆசிரியரின் அபிமான மாணவன். 7, 8 வகுப்புகளில் எல்லார் மேலும் அன்பும் பரிவும் காட்டிய பெருமக்கள் ஓரிருவர் இருந்தனர்.

& ஆங்கிலம் மற்றும் சமூக பாடம் ஆசிரியர்கள் என்னை வியந்து பாராட்டியது உண்டு. 

5. எந்த ஆசிரியரைக் கண்டால் பயம்? வகுப்பில் முதல் மூன்று இடங்களுக்குள் இருப்பீர்களா?

$ யாரைக் கண்டும் பயந்தது இல்லை. மூன்று இடங்களுக்குள் - ஆம்

# பயம் இல்லை. ஆங்கிலத்தில் மட்டும் sslc யில் முதல் நிலையைப் பகிர்ந்து கொண்டதுண்டு.

& ஆறாம் வகுப்பில் social studies ஆசிரியரைக் கண்டு பயமோ பயம். மனிதர் கொடுங்கோலர். மிகக்  கடுமையான தண்டனை தருவார். முதல் மூன்று இடங்களுக்குள் - ஆம். 

6. நேற்று முகநூலில் ஏடிஎம்மின் பதிவில் ஒருவர் தான் கேரளா எனவும் அங்கே இருந்தாலும் தமிழ் எழுதப் படிக்கத் தெரியும் என்று சொன்னதோடு ஹிந்தி மொழி கற்றலும் அங்கே கட்டாயம் என்றும் சொன்னார். அவருக்குத் தெலுங்கும் தெரியுமாம். அதை விடுங்க. இங்கேயும் ஹிந்தி கற்பிப்பது பள்ளிகளில் பாடத்திட்டத்தில் வருமா?

$ மொழித்தேர்ச்சி எவ்வளவு என்பதைப் பொறுத்தது . அலுவலகம்/ பஸ் ஸ்டாண்ட் மாதிரி இடங்களில் 30 நாட்களில் xxxx கற்றுக் கொள்ளுங்கள் போதுமே. இலக்கிய ஆய்வு, மொழிபெயர்ப்புப் பற்றி தம்பியைத்தான் கேட்க வேண்டும்.

# இங்கே இந்தி அசாத்தியம் பண்ணப்பட்டுள்ளது.

& வராது. 

7. எந்த மொழி கற்பதற்கு எளிது?

$ தேவை,ஈடுபாடு இவை இருந்தால் எஸ்கிமோ மொழி கூட.

& Halló skilurðu hvaða tungumál ég er að tala? (ஹி - ஹி இது எஸ்கிமோ ஊருக்குப் பக்கத்து ஊரு மொழி )

# ஆர்வம் இருந்தால் எதுவும் எளிது.

பானுமதி வெங்கடேஸ்வரன்: 

புத்தகங்களில் படித்து விட்டு, அல்லது மற்றவர்கள் சொல்வதை கேட்டு ரொம்ப ஆசையாக ஒரு இடத்திற்கு சென்று ஏமாந்திருக்கிறீர்களா?

$ : - 

Feb 2007 இல் கூந்தன்குளம் பறவைகள் சரணாலயம் சென்று ஏரியில் இருந்த பறவைகள் கூடி மக்களை மகிழ்விக்க வருங்காலத்தில் குடும்ப நண்பர்கள் உடன் வர வேண்டும் என்று முடிச்சு போட்டுக்கொண்டு வரும் முன், திரு பால் பாண்டியனுடன் ஒரு போட்டோ எடுத்துக்கொண்டு வந்தேன்.

# தாஜ்மஹால்.

காலண்டரில் இருக்கும் பெரும்பான்மையான தேதிகளும் ஏதோ ஒரு தினம் என்கிறார்களே? டாய்லெட் தினம் என்று கூட ஒரு நாள் இருக்கிறது. இவையெல்லாம் எங்கே,யாரால் நிர்ணயம் செய்யப்படுகின்றன?

$ யாரால் நிர்ணயிக்கப் படுகிறது என்பதை விட யாருக்கு அனுகூலம் என்று நோக்கினால், வியாபாரிகளுக்கும், டெலிபோன் கம்பெனிகளுக்கும் என்பது புரியும்.

# நல்ல கேள்வி.  பதில்தான் தெரியவில்லை.

& பொழுது போகாத பொம்முகளால்தான் நிர்ணயம் செய்யப்படுகின்றன என்று நினைக்கிறேன். 

= = = = =

மின்நிலா மலர் வெளியீடு காலவரையின்றி ஒத்திப் போடப்பட்டுள்ளது. 

காரணங்கள் : 

1) மலர் தயாரிப்புப் பணிகளுக்கு நேரம் ஒதுக்கமுடியவில்லை. 

2) கன்னா பின்னா என்றும் - ஆச்சா போச்சா என்றும் ஒரு மலரைத் தயாரித்து வெளியிட மனம் வரவில்லை. 

3) ஊரடங்கு காரணமாக சில சௌகரியங்களை இழக்கவேண்டி வந்துவிட்டது. 

வாசகர்கள் அனுப்பியுள்ள எல்லா படைப்புகளும் நிச்சயம் பயன்படுத்தப்படும். அதுவரை எங்களுடன் சேர்ந்து பொறுமை காக்கவும். நன்றி. 

= = = =