பெங்களூர் என்ன கொம்பா ?

 

அப்பாதுரை : 

இட்லி, வடை அல்லது பொங்கல், பூரி அல்லது தோசை மற்றும் காபியுடன் கூடிய மினி டிபன் சென்னையிலும் 75-100 ரூபாக்குக் கிடைக்கிறது - சுகாதாரமான டிபன் கடைகள் (அன்னபூரணி, சங்கீதா, மயிலாபூர் மாமி). பெங்களூர் என்ன கொம்பா ?

# உணவுப் பண்டங்கள் விலை பல காரணங்களால் மாறுபடும்.  இது லாஜிக்கை மீறிய நிலவரம். மசால் தோசை ஒரே ஊரிலேயே 75 முதல் 175 ௹ வரை இருக்க வாய்ப்புண்டு.  விவாதத்துக்கு அப்பாற்பட்ட சமாசாரம். 

பெங்களூர் கொம்பு இல்லை வாலாகவேதான் இருக்கட்டுமே..!!

கீதா சாம்பசிவம் - பதிவில் சொன்ன பதில் : 

"பெண்"களூர் மட்டுமல்ல ஆந்திராவிலும் ஓட்டல்களில் உணவுப் பண்டங்கள் விலை குறைவே! அதோடு இல்லாமல் இங்கே தமிழகத்தில் 60 ரூபாய்க்குக் குறைந்து தோசை கிடைப்பதில்லை. சாதா தோசை தான்! அதையும் மொறுமொறுவெனக் கொடுப்பதாய்ச் சொல்லிக் கொண்டு தூள் தூளாய்க் கொடுக்கிறாங்க/இல்லைனா உடைச்சு எடுக்கிறாப்போல் கொடுக்கிறாங்க! :(

& சாப்பாட்டு விஷயங்கள் மட்டும் அல்லாது, நகர சுத்தம், மக்கள் மனோ நிலை எல்லாவற்றிலும், சென்னையை விட பெங்களூரு கொம்பாக இருக்கிறது என்றுதான் எனக்கும் தோன்றுகிறது. 

கேள்விகள் கேட்டவர்(களு)க்கு எங்கள் நன்றி. தொடர்ந்து, நிறைய கேள்விகள் கேளுங்கள். 

= = = = =

மற்றவர்கள் யாரும் கேள்வி கேட்கவில்லை என்பதால் இதோ எங்கள் கேள்விகள் சில. 

1)  அன்றாட வேலைகளில் நீங்கள் அலுத்துக்கொண்டே செய்யும் வேலை எது?

2) உங்கள் சமையல் அறையிலோ, உங்கள் அறையிலோ அல்லது உங்கள் பீரோவிலோ அதது, அதனதன் இடத்தில் இருக்குமா - அல்லது ஒவ்வொன்றையும் எல்லா இடங்களிலும் தேடித் தேடித்தான் கண்டு பிடிப்பீர்களா? 

3) உங்கள் அன்றாட வேலைகளில் அதிக நேரம் எடுத்துக்கொள்ளும் வேலை எது?

4) " Thank you " என்ற பதத்தை அடிக்கடிப் பயன்படுத்துவீர்களா? ஒரு நாளைக்கு எவ்வளவு தடவைகள்? 

5) உங்களுக்கு யாராவது எதற்காவது நன்றி (Thank you) கூறினால் உங்கள் பதில் என்னவாக இருக்கும்?

a ) ஒரு புன்னகை 

b ) ஒரு கும்பிடு 

c ) " அட - இதுக்கெல்லாம் என்னங்க thanks ?"

d ) நீங்களும் ஒரு "thank you "  சொல்லிவிடுவீர்களா ? 

6) இதுவரையில் நீங்கள் " Thank you " சொல்லி, அதைக் கேட்டவரிடமிருந்து வந்த விசித்திரமான response என்று எதைச் சொல்வீர்கள்?

= = = =

படம் பார்த்து, கருத்து சொல்லுங்க 

1) 

2)  

3) 

4) 

5) 

= = = =