லால் பாக் உலா 04 :: K G கௌதமன்

 

மேற்கண்ட படம் எடுத்த பிறகு, ஒரு வாயில் வழியாக வாயில் காவலர்களிடம்  (பூங்காவில் உள்ளே நுழைய வாங்கிய அனுமதி சீட்டுகள் விவரம் ) சொல்லிக்கொண்டு பிறகு மாவலி டிஃபன் ரூம் நோக்கிப் படை எடுத்தோம். ஆனால் அங்கே பெரிய, நீண்ட வரிசை வரிசையில் நின்று மேல் தளத்திற்கு சென்று அங்கே பார்த்தால் இன்னும் காத்திருப்புகள். ஐந்து பேர்களுக்கு இடம் தேவை என்று சொன்னோம். அது இன்னும் நேரமாகும் என்று தெரிந்தது. வெயில் ஒரு பக்கம் ஏறத் தொடங்கியிருந்தது. 'சரிதான் மாவலியை பிறகு ஒரு நாளில் பார்த்துக்கொள்வோம்' என்று முடிவெடுத்து, நாங்கள் வெளிவந்த வாயில் அருகிலேயே இருந்த 'New Udupi Anand Bhavan ' சென்று, காலை சிற்றுண்டி சாப்பிட்டு பிறகு திரும்ப உள்ளே வந்தோம். மொத்தமாக 36 நிமிடங்கள் நழுவிச் சென்றுவிட்டது. 

படத்தில் உள்ள மலர் கடிகாரம் working clock என்று விக்கி சொல்கிறார். ஆனால் அது ஒன்றும் ஓடுவதாகத் தெரியவில்லை. படம் எடுக்கப்பட்ட நேரம் காலை 10.13 

மலர் கடிகாரம், சுமார் நாற்பது வருடங்களுக்கு முன்பு HMT நிறுவனத்தாரால் லால் பாக் தோட்டத்திற்கு பரிசளிக்கப்பட்டது. 2018 ஜனவரி மாதம் 2.5 இலட்ச ரூபாய் செலவில் பழுது பார்க்கப்பட்டது. ஆனாலும் இப்போது(ம்) அது ஓடவில்லை என்பது வருத்தமான செய்தி.  

(தொடரும்)