முதல்வருக்கு என்ன பிறந்தநாள் பரிசு கொடுப்பீர்கள்?

 

பானுமதி வெங்கடேஸ்வரன் : 

தமிழக முதல்வருக்கு பிறந்த நாளில் அளிக்கப்படும் விருந்தில் கலந்து கொள்ள தேர்ந்தெடுக்கப்பட்ட சிறப்பு விருந்தாளிகளில் நீங்களும் ஒருவர் என்று உங்களுக்குஅழைப்பு வருகிறது. அவருக்கு என்ன பரிசு கொண்டு செல்வீர்கள்? அவரிடம் என்ன கூறுவீரகள்? பிறந்த நாள் வாழ்த்து என்று கூறி டபாய்க்கக் கூடாது.

# திருக்குறள் அறத்துப்பால் பற்றிய நல்ல தமிழ் நூல் பரிசாக கொடுப்பேன். அரசு வழங்கும் இலவசங்கள் , வாக்காளர்களுக்கு கட்சி வழங்கும் பரிசுகள் பற்றிய  கொள்கையை மறு பரிசீலனை செய்யக் கேட்டுக் கொள்வேன்.

இன்று காலை ஒரு கனவு, நான் காஞ்சீபுரம் செல்கிறேன், அங்கிருக்கும் நெல்லை தமிழனிடம் எனக்கு இந்த ஊர் கோவில்களைப் பார்க்க வேண்டும் என்று கூற, அவர் "உங்களுக்கு முதலில் தாயாரை சேவிக்க வேண்டுமா? பெருமாளை சேவிக்க வேண்டுமா?" என்று கேட்கிறார், "நான் அப்படியெல்லாம் இல்லை, எல்லா கோவில்களையும் பார்க்க வேண்டும் என்கிறேன்" இதோடு கனவு முடிந்து விட்டது. இந்த கனவிற்கு என்ன பொருள்? பி.கு.: நான் நெ.தெ.யை பார்த்ததே கிடையாது, என் கனவில் வந்தவர் நெ.தெ. என்று எனக்குத் தோன்றியது.

நெல்லைத்தமிழன் பதில் : 

It is bit difficult to interpret. இதன் அர்த்தம், உங்களுக்கு வைணவக் கோவில்களைக் தரிசிக்கணுமா இல்லை சிவன் கோயில்களா? வைணவக் கோவில்னா முதலில் தாயாரைச் சேவித்துட்டு பெருமாள் சந்நிதிக்குச் செல்லணும். தாயார் சந்நிதி, பெருமாள் மூலவர். சிவன் கோவில்னா முதலில் சிவன், பிறகு அம்பாள் சந்நிதி. By the by my photo has come in EB multiple times and in current yathra also few photos coming

கீதா சாம்பசிவம் : 

வடமாநில இளைஞர்கள் இங்கே வந்து பிழைப்பு நடத்துவதை ஆதரிக்கிறீர்களா? அதனால் தமிழர்களில் வேலை வாய்ப்புக் குறைகிறது என்பதும் சரியா?

# இதில் ஆதரிப்பது எதிர்ப்பதெல்லாம் எதுவுமில்லை. இந்திய மக்கள் இந்தியாவில் எங்கும் வேலை பார்க்க உரிமை உண்டு. போட்டி போட்டு ஜெயிப்பதும் தோற்பதும் அவரவர் திறன் - அதிர்ஷ்டம்.

கிராமங்களில் நூறு நாள் வேலைக்கே ஆள் கிடைப்பதில்லை. அப்போ கிடைக்கும் வடமாநில ஆட்களை வைத்து வேலை வாங்குவது தவறானதா?

# முன்பே சொன்னபடி வேலைக்கு ஆள் கிடைப்பதில் சிக்கல் இருந்தால் உள்ளூர் ஆட்கள் அந்த வேலையில் நாட்டம் காட்டவில்லை என்று ஆகும். எனவே கிடைத்த நபருக்கு வேலை தரும் கட்டாயம் வேலை தருபவருக்கு ஏற்படுகிறது.

மத்திய அரசு வேலைக்கான தேர்வில் பங்கு பெற்றுத் தேர்ச்சியடையும் விதத்தில் நம் தமிழ்நாட்டுக் கல்வி முறை தரமானதாக உள்ளதா?

# அரசு பள்ளிகள் தரும் கல்வியின் தரம் சர்ச்சைக்குரியதாகவே இருந்து வருகிறது. தமிழ்நாட்டில் அந்த தரம் சிறப்பாக இல்லை என்று நமக்கு தெரியும் பிற மாநிலங்களை பற்றி நாம் எதுவும் தெரிந்து கொள்ள வாய்ப்பு இல்லை. ஆனால் நீட் தேர்வு வேண்டாம் என்று நம் அரசே இவ்வளவு பிடிவாதம் பிடிப்பதை வைத்து பார்த்தால் நம் கல்வித்தரம் உயர்வாக இல்லை என்று நாமே ஒப்புக்கொள்வது என்று ஆகிறது.

தொழில் முனைவோராகப் பயிற்சி பெறவோ அல்லது மத்திய அரசு வேலைக்கான தேர்வுகளில் பங்கெடுக்கப் பயிற்சி பெறவோ தமிழக இளைஞர்கள் ஏன் முன் வருவதில்லை?

ஈரோடு, திருப்பூர்ப் பகுதிகளில் நடைபெற்று வரும் பின்னலாடைப் பயிற்சி, ரெடிமேட் ஆடைகளில் அலங்காரங்கள் செய்யும் பயிற்சி, உடை தயாரிப்புக்கான பயிற்சி போன்றவற்றிற்கு மத்திய அரசு இளைஞர்கள், இளம்பெண்களைத் தேர்ந்தெடுப்பதும், அவர்களுக்கு உதவித்தொகை, தங்குமிடம…

# தமிழக இளைஞர்கள் ஏதோ ஒன்றுக்கு முன் வரவில்லை என்றால் அவர்களுக்கு வேறு வாய்ப்புகள் கிடைக்கிறது என்றுதானே கொள்ள வேண்டும் ?

தமிழகத்தின் கட்சிகள் அறிந்திருக்கிறதோ இல்லையோ எனக்கே நீங்கள் சொல்லித் தான் தெரியும். வேறு விபரங்கள் எனக்குத் தெரியாது.

நாம் ஒரு பொருளை வாங்கினால் அதைப் பற்றிய விளம்பரங்கள் முகநூலிலும் ஜிமெயிலிலும் அதிகமாய் வருவது எப்படி? இணையம் நம்மைக் கண்காணிக்கிறது என்பதாலா?

# இணையத்தில் நாம் தேடும் பொருட்கள் குறித்த தகவல்கள் சேமித்து வைக்கப்பட்டு கூகுள் போன்ற நிறுவனங்கள் நாம் நம் தொலைபேசியை திறக்கும் போது அவை குறித்த விளம்பரங்களை நமக்கு அளிப்பது உண்மை. இது கண்காணிப்பு அல்லது ஆட்சேபிக்கத்தக்கது என்று சொல்லலாமா என்று அவரவர் முடிவு செய்து கொள்ள வேண்டும்.

எல்லோருக்கும் அவரவர் தாய்மொழி எனில் மதிப்பும், மரியாதையும் அதிகமாகத் தான் இருக்கும். ஆனால் தமிழர்கள் மட்டும் இதில் தனித்துவம் பெற்றவர்கள் எனச் சொல்லுவது எப்படி?

# தமிழ் மிகவும் தொன்மையான மொழி என்பதில் இரு வேறு கருத்துக்களுக்கு இடமில்லை. ஆனால் இது குறித்து எந்த அளவுக்கு பெருமைப்பட்டுக் கொள்ளலாம் வேறு மொழிகளை எப்படி எல்லாம் கருதலாம் என்பது விவாதத்துக்குரிய விஷயம். தமிழில் ஆர்வமோ தமிழில் திறமையோ அதிகம்  இல்லாவிட்டாலும் இந்தி எதிர்ப்பும் ஆங்கிலத்தில் அதிக ஆற்றல் பெறாத தன்மையும் தமிழகத்தில் பெரும்பாலும் இருந்து வருகிறது என்று எனக்கு தோன்றுகிறது. ஆங்கிலத்தைப் பொறுத்தவரை மற்ற மாநிலங்களை விட தமிழ் இளைஞர்கள் நல்ல திறமை பெற்று இருக்கிறார்கள் என்றும் சொல்லப்படுகிறது.

இன்றைய ஆரம்பக் கல்வி மாணவர்களின் கற்றல் திறன் குறைந்திருப்பதற்கும் தாய்மொழி குறித்த அறிவு அவர்களுக்கு இல்லாததற்கும் என்ன காரணம்?

# பொதுவான திறமைக் குறைவு அரசுப் பள்ளி மாணவர்களிடம் இருக்கிறது என்று நான் நினைக்கிறேன். தனியார் பள்ளிகளில் படிக்கும் மாணவர்கள் திறமை மிகவும் பெற்றிருந்தாலும் கூட , தமிழ் என்று வந்தால் அவர்களுடைய ஆற்றலும் நாட்டமும் மிகவும் குறைவாகத் தான் இருக்கிறது. தமிழில் அதிக திறமை பெற்று இருப்பதால் சாதிக்க கூடியது எதுவும் இல்லை என்ற எண்ணம் பொதுவாக நிலவி வருவது தான் இதற்கு காரணம் .

பெற்றோர்கள் வீட்டிலேயே பிள்ளைகளிடம் தமிழைத் தவிர்த்து ஆங்கிலத்தில் அதிகம் பேசுவதை நாம் பார்த்துக் கொண்டுதானே இருக்கிறோம் .

ஜெயக்குமார் சந்திரசேகரன்: 

பொது அறிவு என்றால் என்ன? பொதுவாக எல்லோரும் அறிந்திருப்பதா? அல்லது பொது வெளியில் கற்கும் அறிவா? அல்லது தேர்வுகளில் பொதுவே கேட்கப்படும் கேள்வி பதில்களா?  

# ஒருவர் தாம் படித்த படிப்பு, அல்லது அவருடைய வயது இவற்றின் அடிப்படையில் அவருக்கு இருக்க வேண்டிய சாதாரண அறிவுத் திறன் இருந்தால் அவர் போதுமான பொது அறிவு உடையவர் என்று சொல்கிறோம். பொது அறிவு உள்ளவர்கள் தம் வாழ்வில் எதிர்கொள்ளும்  பெரும்பாலான பிரச்சினைகளை சரியான முறையில் தீர்த்துக் கொள்ளும் திறன் பெற்றவர்களாக இருப்பார்கள். 

IQ என்றால் என்ன? எப்படி கணக்கிடுகிறார்கள்?

# ஒருவர் தம் வயதுக்குரிய அளவுக்கு அறிவும் திறனும் உடையவராக இருக்கிறாரா என்பதை சில வினாக்களைக் கேட்டு விடைகளை மதிப்பிட்டு IQ  என்ன என்று முடிவு செய்கிறார்கள்.  (இது எல்லாம் தெரியாமல் நீங்கள் கேள்வி கேட்டிருக்கிறீர்கள் என்று நம்புவது கடினம். )

= = =  

அப்பாதுரை பக்கம் : 

நாலு நாள் காசி போனதுல சரியா எழுத முடியலே.. கனெக்‌ஷன் ரொம்ப பேஜார் ஹை! 

டாக்டர் பகாசுர்

நம்மில் பலர் சிறு வயதில் சாக்பீஸ், பல்பம், சட்டைப் பித்தான், ஊக்கு (!) என சத்துணவுக்கு ஒவ்வாத சமாசாரங்களை அவ்வப்போது விளையாட்டாகவோ விவரமறியாமலோ விழுங்கியிருக்கிறோம். 

விசித்திர விழுங்கல்கள் என்று எபியில் அடுத்த வாரம் ஒரு பகுதி வரலாம், அதில் நீங்கள் விழுங்கிய விவரம் சேருங்கள். இல்லையெனில் இருக்கவே இருக்கிறது (அட!) பின்னூட்டம். இப்ப நவருங்கஜி.

சமகால சிறுவர்களின் விழுங்கல்கள் பற்றி மருத்துவர்கள் எவ்வளவு அக்கறை எடுத்துக் கொள்ளலாம்?  

நிறைய விழுங்கு பொருட்கள் இந்தக் காலத்தில் சிறுவர்கள் கையில் (வாயில்) சேர சாத்தியம் இருப்பதாலும் அதனால் பெற்றோர் கவலை (ரத்த அழுத்) அதிகமாகும் என்பதாலும் ஆஸ்திரேலியாவைச் சேர்ந்த பரோபகார டாக்டர் பகதூர் தன் சகாக்களுடன் சேர்ந்து ஒரு பரிசோதனை செய்தார்.  

ஒரு திங்கட்கிழமை காலை சகாக்களுடன் சேர்ந்து சாதாரணமாக நாலைந்து லெகோ துண்டுகளை சுவாகா செய்தார்.

அதற்கு பிறகு அந்த லெகோ துண்டுகள் வெளியே வரும் வரை (பேக் ஸைடுல ப்ரதர்) ஒவ்வொரு சுவாகாவும் அதாவது சகாவும் கண்காணிப்பில் இருந்தனர்.

இரண்டிலிருந்து மூன்று நாட்களுக்குள் அத்தனை பேரும் வெளிக்கொண்டு வந்துவிட்டனர். சுத்தமாகக் கழுவி (லெகோ துண்டுகளை) ஏற்றுமதி இறக்குமதி கணக்கு சரி பார்த்து அத்தனை விவரங்களையும் the defector என்ற தொழில்நுட்ப தளத்தில் செய்தியாக அறிவித்தார் பகாசுர், அதாவது பகாதுர். அதாவது எது உள்ளே போகிறதோ அது நன்றாகவே போகிறது 

எது திரும்ப வேண்டுமோ அது நன்றாகவே திரும்புகிறது என்று நன்னம்பிக்கை பரப்பும் இந்தப் பரிசோதனை மாபெரும் வெற்றி என்று சகாக்களுக்கு பரிசளித்தார். 

வேறே லெகோ துண்டுகளை கொடுத்திருப்பார் என்று நம்புவோம்.

இதனால் உலகமுழுதும் பெற்றோர்கள் நிம்மதியாக இருக்கின்றனர்.

ஜனவரி 26ம் தேதி குடியரசு தினச் செய்தி. 

கொசுறு: சிறார்களால் மிக அதிகமாக விழுங்கப்படுவது லெகோ துண்டுகள்தானாம்.

சிறு வயதில் லெகோ வைத்து விழுங்க, அதாவது விளையாட எனக்கு வாய்ப்பே கிடைக்கவில்லை. விழுங்கு பொருள் எனில் பல்லாங்குழியின் வழுவழு புளியங்கொட்டை தான் அதிகபட்சம்.  (இது செய்தி அல்ல - என் புலம்பல்.) 

= = =    

சென்ற வாரம் நாங்கள் கேட்டிருந்த 3 கேள்விகளில் முதல் இரண்டுக்கு சரியான விடைகள் (திலகா, சடை ) கில்லர்ஜி, துரை செல்வராஜு, கீதா ரெங்கன் ஆகியோர் எழுதியிருந்தனர். 

மூன்றாவது கேள்வியை எல்லோரும் சாய்ஸ்ல விட்டுவிட்டார்கள்! 

அந்தக் கேள்வியும், அதன் பதிலும் இங்கே : 

3) சீதையின் பேத்தி சகுந்தலை என்று எப்படி நிரூபிப்பீர்கள் ? 

பதில் : கம்பன் கண்ட சீதை உந்தன் தாய் அல்லவா! காளிதாசன் சகுந்தலை உன் சேய் அல்லவா ! (மொத்தத்தில் எல்லோருக்கும் அல்வா !!) ( பாடல் : கல் எல்லாம் மாணிக்கக் கல்லாகுமா ) 

= = = = = 

அடுத்த வாரம் சந்திப்போம்!