வெள்ளி வீடியோ : வானம் இன்று ஏன் உடைந்து போனது என் நாணம் கூட ஏன் கரைந்து போனது

 உளுந்தூர்ப்பேட்டை ஷண்முகம் எழுதிய பாடல்.  டி ஆர் பாப்பா இசை.  சீர்காழி கோவிந்தராஜன் குரல்.  இன்றைய தனிப்பாடல்!

சிவனுக்கு இசைந்தது சிவராத்திரி அவன்

தேவிக்குகந்தது நவராத்திரி

அவனின் துணையோ ஒரு சக்தி இந்த

அகிலம் காண்பது நவசக்தி

அவனின் துணையோ ஒரு சக்தி இந்த

அகிலம் காண்பது நவசக்தி [சிவனுக்கு]

தவத்தில் நிலைக்கும் ஒருபாதி -தன் 

சந்ததி காக்கும் மறுபாதி 

தவத்தில் நிலைக்கும் ஒருபாதி -தன் 

சந்ததி காக்கும் மறுபாதி 

விதைக்கும்  உழவன் சிவனென்றால் - அதன் 

விளைவைச் சுமப்பவள் உமையன்றோ 

விதைக்கும்  உழவன் சிவனென்றால் - அதன் 

விளைவைச் சுமப்பவள் உமையன்றோ 

இரவில் ஒருநாள் மலர் மலரும் என்றோ 

ஒருநாள் அது உலரும் 

இரவில் ஒருநாள் மலர் மலரும் என்றோ 

ஒருநாள் அது உலரும் 

இடையில் மடியில் இருத்தி வைத்து எம்மை 

வளர்ப்பாள்  அன்னையன்றோ 

இடையில் மடியில் இருத்தி வைத்து எம்மை 

வளர்ப்பாள் அன்னையன்றோ 

தாயாய் வந்தாள் ஒரு சக்தி தாகம் தீர்த்தாள் ஒரு சக்தி 

ஆயகலைகள் அருள்பவளாய் ஆக்கம் தந்தாள் ஒரு சக்தி 

செல்வம் தந்தெனை சீராட்டி செழிக்கச் செய்தாள் 

ஒரு சக்தி 

அல்லும்பகலும் அருகிருந்தே ஆற்றல் கொடுத்தாள் ஒரு சக்தி 

உடன் பிறந்தவள் ஒரு சக்தி உள்ளம் நிறைந்தவள் ஒரு சக்தி 

தோள் தவழ்ந்தவள் ஒரு சக்தி வாழ்வு முழுவதும் சிவசக்தி 

ஒன்பது சக்திகள் ஓருருவாய் நின்றதும் ஆணவம் 

சென்றதுவே 

ஒன்பது இரவுகள் அவள் நினைவாய் 

ஒளிவிளக்கேற்றுவோம் வாரீரே 

ஒளிவிளக்கேற்றுவோம் வாரீரே 

ஒளிவிளக்கேற்றுவோம் வாரீரே 

===========================================================

இன்று வாணி ஜெயராமை விட்டு கொஞ்சம் வெளியே வருகிறேன்.  பின்னர் மறுபடி தொடரும்!

1985 ல் வெளிவந்த படம் ஸ்ரீதரின் 'உன்னைத்தேடி வருவேன்'.  படம் வெற்றி பெற்றிருந்தாலும் 'கல்கி' தனது விமர்சனத்தில் 'சாம்பாரும் பாயசமும் கலந்தது போல இருக்கிறது' என்றதாம்!  என்ன அர்த்தமோ..  ஜெயமன்மதனுக்கே வெளிச்சம்.

படத்துக்கு இசை இளையராஜா.  முதலில் ரமேஷ்- எஸ் ஜானகி பாடிய பாடலொன்றை இன்று பகிர்கிறேன்.  வைரமுத்து பாடல்.

காட்சியில் ஸ்ரீதர் சுரேஷுக்கு சாதனாவுக்கும் போதுமான உடைகள் வாங்கித் தர மறந்து விட்டதால், அலலது மறுத்து விட்டதால் காட்சி இல்லாமல் பாடலைப் பகிர்கிறேன்!

ஒரு நாளில் வளர்ந்தேனே

மலர்ந்தேனே தேவனே..

உன்னைப் பார்த்த பின்பு

இமைகளும் பாரமா

இன்று தூங்கவில்லை

தலையணை தாங்குமா..ஆ..

ஒரு நாளில் வளர்ந்தேனே

மலர்ந்தேனே தேவனே.

நீரின் ஆழம் பார்க்க வந்த பிள்ளையே

உன் நெஞ்சின் ஆழம்

இன்னும் பார்க்கவில்லையே

நீரின் ஆழம் பார்க்க வந்த பிள்ளையே

உன் நெஞ்சின் ஆழம்

இன்னும் பார்க்கவில்லையே

மோகம் எல்லை மீறுமே

மூச்சில் உஷ்ணம் ஏறுமே

மோகம் எல்லை மீறுமே

மூச்சில் உஷ்ணம் ஏறுமே

பார்வையாலே பாலை வார்க்கிறாய்

என் பக்கம் வந்து என்னை ஏய்க்கிறாய் 

வானம் இன்று ஏன் உடைந்து போனது

என் நாணம் கூட ஏன் கரைந்து போனது

வானம் இன்று ஏன் உடைந்து போனது

என் நாணம் கூட ஏன் கரைந்து போனது

மூடி வைத்த பூ இது

மோகம் வந்து பூத்தது

மூடி வைத்த பூ இது

மோகம் வந்து பூத்தது

வானம் வந்து நீர் தெளித்தது ஹோ

புது பூமி இன்று புல்லரித்தது ஹொய்.

ஒரு நாளில் வளர்ந்தேனே

மலர்ந்தேனே. தேவனே

உன்னைப் பார்த்த பின்பு

இமைகளும் பாரமா

இன்று தூங்கவில்லை

தலையணை தாங்குமா..