"திங்க"க்கிழமை : ராகி இட்லி - ஜெயக்குமார் சந்திரசேகர்

  

கேழ்வரகு இட்லி

JKC

 

அவசியம் வேண்டிய உபகரணங்கள்: கிரைண்டர், மிக்ஸி (மின் தடை இல்லாமல் இருக்க வேண்டும்.)

 வேண்டிய சமையல் பாத்திரம் : இட்லி பாத்திரம், இட்லி தட்டு.

 இட்லி செய்வதற்கு  வேண்டிய பொருட்கள் : கேழ்வரகு ஒரு கப். இட்லி அரிசி ஒரு கப். வெள்ளை உளுந்து அரை கப்புக்கும் சற்று கூடுதலாக. வெந்தயம் வேண்டி வந்தால், உப்பு. 

அதாவது இட்லிக்கு ஊறப்போடுவதில் அரிசியை பாதியாக குறைத்துவிட்டு கேழ்வரகை சேர்த்துக்கொள்வது. முந்தைய நாள் உளுந்து தனியே, அரிசி கேழ்வரகு தனியே என்று கிரைண்டரில் அரைத்து உப்பிட்டு எல்லாவற்றையும் ஒன்றாகக் கரைத்து புளிக்க வைக்கவும். அடுத்த நாள் புளித்த மாவை கலக்கி வைத்துக் கொள்ளவும்.

புளித்த மாவை இட்லி தட்டுகளில் ஊற்றி ஆவியில் வே வைத்து எடுக்கவும். 

இதற்கு தொட்டுக்கொள்ள பச்சை மிளகாய் கார சட்னியும் தேங்காய் சட்னியும் செய்தோம்.

கார சட்னி, தக்காளி, வெங்காயம், பச்சை மிளகாய், சிறிது கடலை பருப்பு ஆகியற்றை சிறிது எண்ணையில் வதக்கி எடுத்து மிக்ஸியில் அரைத்து எடுக்கப்பட்டது.

கேழ்வரகு கிலோ 40 ரூபாய் தான். அரிசி விலையைக் காட்டிலும் கம்மி.

கிரைண்டர் மிக்ஸி இல்லாமல் இட்லி செய்ய

இங்கு சூப்பர் மார்க்கட்டில் ராகி மாவு (பொடி), உளுந்து மாவு  (பொடி), இட்லி குருணை ஆகியவை கிடைக்கின்றன. ராகி மாவு ஒரு பங்கு, இட்லி குருணை ஒரு பங்கு, உளுந்து மாவு அரைப் பங்கு எடுத்து நீர் விட்டு தோசை மாவு போல் கரைத்துக்கொள்ளவும். இட்லி குருணை தண்ணீர் குடிக்கும் என்பதால் கொஞ்சம் நீர்க்கவே இருக்கட்டும். ஒரு இரவு முழுதும் புளிக்க விடுங்கள்.

அடுத்த நாள் எடுத்து இட்லி செய்யலாம். இட்லி ரொம்ப கல் போல இருந்தால் கொஞ்சம் ENO salt மாவில் சேர்த்துக் கொள்ளலாம்.