முதியவர்களுக்கு என்ன அறிவுரை வழங்குவது?

 

அப்பாதுரை கேட்ட 'ஐந்து' கேள்விகள் என்று சென்ற வார அப்பாதுரை பக்கத்தில் குறிப்பிட்டிருந்தேன். அப்புறம் அவர் அதில் ஒரு கேள்வியை வெளியிடவேண்டாம் என்று கேட்டுக்கொண்டதால், அந்தக் கேள்வியை இங்கே வெளியிடவில்லை. (ஆனால் - அந்தக் கேள்விக்கு திருவாளர் & மட்டும் பதில்  கூறியிருந்தார்!) 

அந்தக் கேள்வியும் & ன் பதிலும் வேண்டும் என்போர் - ஆண் வாசகர்கள் மட்டும் - தனியாக வாட்ஸ்ஆப் செய்தி அனுப்பவும். நாராயண நாராயண! வாசகிகள் risk எடுக்கவேண்டாம்! 

அப்பாதுரை : 

1. முதியவர்களுக்கு என்ன அறிவுரை வழங்குவது?

$ 8 ல் வளையாதது 80 இல் வளை யும் என்று நினைத்து உடலை வருத்திக் கொள்ளாதீர்.

# கூடுமானவரை மௌனமாக எந்த சச்சரவுகளிலும் தலையிடாமல் இருக்கப் பழகுங்கள். 

உங்கள் அன்பு ஆனாலும் கோபம் ஆனாலும் வெளியிடாமல் இருக்கப் பழகிக்கொள்ளுங்கள்.

& இளையவர்களுக்கு அறிவுரை வழங்காதீர்கள்! 

2. ஐம்பதாண்டுகளுக்கு முன் ஏற்கமுடியாதவற்றுள் எவற்றை இன்று ஏற்றுக் கொள்கிறோம்? 

$ வீட்டில் சமைக்காத உணவு. 

# கலப்பு திருமணம், இளம் பெண்கள் இளைஞர்கள் நட்போடு பழகுவது, மனதில் பட்டதை பெரியவர்கள் எதிரிலே இளைஞர்கள் பயப்படாமல் பேசுவது.

3. தென்னிந்தியாவுக்கு வரும் வட இந்தியர்கள் முதலில் அதிர்ச்சி அடைவது எதைப் பார்த்து?

$ கடல். 

# பெரும்பாலும் யாவரும் ஹிந்தி புரியாமல் இருப்பதைப் பார்த்து.

4 . சிறு வயதில் உங்கள் சகோதர சகோதரிகள் உங்களுக்கு இழைத்த மறக்க முடியாத நல்லதும் கெட்டதும் யாவை?

$ சொன்னால் சண்டை சச்சரவுகள் வரலாம்.

# சிறிதும் பெரிதுமாக நிறைய இருக்கிறது. வெளியே சொன்னால் வீண் சச்சரவு.

& காலம் சென்ற அக்காவின் அறிவுரைகளும், அவ்வப்போது கோபத்துடன் என்னைக் கிள்ளியதும்! 

கீதா ரெங்கன்: 

பெண்கள் - புகுந்த வீடு என்று சொல்வது போல் ஏன் ஆண்கள் - புகுந்த வீடு என்று சொல்வதில்லை??!!!

# மணமகள் பிறந்த வீட்டை விட்டு கணவன் வீட்டில் புகுகிறாள் அதனால் புகுந்த வீடு. மாப்பிள்ளைக்கு இது  செல்லாதல்லவா

ஜெயகுமார் சந்திரசேகர்: 

பாராளுமன்றத்திலும் சரி, சட்டசபையிலும் சரி, அரசு அலுவகங்களிலும் சரி, அண்ணாச்சி கடையிலும் சரி ' கேள்வி கேட்டால் அடிக்க வருகிறார்களே, ஏன்? என்ன காரணம்? விளக்க முடியுமா? (இந்த கேள்வி கேட்டதற்கு நீங்கள் அடிக்கமாட்டீர்கள் என்று நம்புகிறேன் )

# தமிழ் தோல்விகள் குறித்த கேள்விகளை அதிகாரத்தில் இருப்பவர்கள் விரும்புவதில்லை. மற்றபடி அண்ணாச்சி கடையில் கேள்வி கேட்டால் ஆட்சேபம் தெரிவிக்க மாட்டார்கள் என்றே நினைக்கிறேன்.

& நாடாளுமன்றம், சட்டசபைகளில் 'கேள்வி நேரம்' என்றே சில நேரங்கள் இருக்கின்றனவே! . அங்கே அப்போது கேட்கப்படும் கேள்விகளுக்கு அரசு சார்பில் பதில் கொடுத்துத்தான் ஆகவேண்டும். 

சுதந்திரம் இல்லாத கட்டுப்பாட்டு முன்னேற்றம், சுதந்திரத்தோடு கூடிய தடுமாற்றம், இவற்றில் எது நல்லது? 

# தடுமாற்றத்தை விட முன்னேற்றம்தான் விரும்பத்தக்கது.

எ பி என்றில்லை, எல்லா தளங்களிலும் பதிவுகளுக்கு வாசகர்கள் வருகை குறைந்துள்ளது, தமிழ்மணம் இருந்த காலத்தில் இருந்த பதிவு எழுதுவதிலோ, வாசிபபதிலோ இருந்த ஆர்வம் சென்று விட்டது. இது எதனால்?

# படிப்பதற்கு அளவுக்கு அதிகமாக விஷயங்கள் இருக்கும் பொழுது மிகச்சிறந்த தரத்தை கொடுக்க முடிந்தால் மட்டுமே வாசகர்களை ஈர்த்து வைக்க முடியும். வெள்ளமாக தகவல்கள் நாலா பக்கங்களிலிருந்தும் வருவதால் படிப்பவர்களுக்கு அலுப்பு ஏற்பட்டிருக்கக் கூடும்.

நெல்லைத்தமிழன் : 

1. கடவுள் என்று நாம் வழிபடுகிறோமே... அந்தக் கடவுள் சாதாரண பரதேசி கோலத்திலோ அல்லது ஏலியன்கள் ஓவியங்கள் பார்க்கிறோமே அந்த வடிவத்திலோ இல்லை கூன் விழுந்த கிழவர் வேடத்திலோ வந்தால் நம்மால் அவரை கடவுள் என்று ஏற்றுக்கொண்டு பணிய முடியுமா இல்லை அவர் மந்திரவித்தை காண்பித்தால்தான் நம்மால் நம்ப முடியுமா?  

$ கடவுள் என்றொரு 3d வடிவம் ஒருநாள் எதிரே வரும் என்று ஒரு நம்பிக்கை உங்கள் மனதில் இருந்தாலும் நான் இன்னார் என்று உங்களுக்கு விளங்கும்படி வேடமணிந்து வருவார் என்று எதை வைத்து எதிர் பார்க்கிறீர்கள்?

# வேண்டியவருக்கு வேண்டியபடி அருள் இறைவன்,  அன்பர்கள் அடையாளம் கண்டு கொள்ளும் உருவத்தில்தான் வருவார் அல்லவா? கண்ணால் பார்த்த மாத்திரத்தில் கடவுளின் மகிமையையும் கருணையையும் மனிதன் புரிந்து கொள்வான் என்பது என் நம்பிக்கை.

& ஸ்ரீமத் பாகவதத்தில் ஒரு காட்சி. சிறுவன் துருவன் நாரதர் சொன்ன தகவலின் படி, விஷ்ணுவை வேண்டி கடுந்தவம் செய்கிறான். அவனுடைய தவத்தின் தீவிரம் கண்டு, துருவனுக்கு தரிசனம் கொடுக்கத் தீர்மானிக்கிறார் பகவான். அப்படி தரிசனம் கொடுப்பதற்கு முன் விஷ்ணு, நாராதரை அழைத்து, " துருவனுக்கு என்னைப் பற்றி எப்படி விவரித்திருக்கிறாய் " என்று கேட்டு, நாரதர் துருவனுக்கு தன்னை எப்படி விவரித்திருந்தாரோ அதே கெட்டப்பில் காட்சி அளித்தாராம். 

கேட்டவரக்குக் கேட்டபடி கண்ணன் வந்தான்;

கேள்வியே பதிலாகக் கண்ணன் வந்தான் ! 

2. இணையம் என்று ஒன்று இல்லாவிட்டால் முகம் தெரியாத நாம் நல்ல நெருங்கிய நட்பில் இருக்க முடியுமா? கண்ணால் பார்த்திராத எ.பி ஆசிரியர்கள், வாசகர்களுடனான நட்பு எப்படி நம் மனதில் உருவாகிறது?   

$ டெஸ்லா எடிசன் இவர்கள் எல்லாம் பிறக்காத போதும் மனிதர்கள் கதைத்துக் கொண்டுதான் இருந்தார்கள். 

# இணையம் இல்லாவிட்டால் பரவும் சாத்தியம் இல்லை என்பது தெளிவாகவே தெரிகிறது.

3.  நம்மால் தாய் தந்தை இருவரிடமும் ஒரே அளவில் பக்தி/பாசம் காட்டமுடியாததன் காரணம் என்ன? அதுபோலவே நம் குழந்தைகளிடமும் நாம் ஒரே அளவில் பாசத்தைக் காட்டுகிறோமா? எதனால் அந்த வித்தியாசம் ஏற்படுகிறது?  

$ தாய் தந்தை இருவரிடமும் ஒரே பாசம் என்றொரு அளவிட முடியாத அன்பு,பயம்,மரியாதை போன்ற பல உணர்ச்சிக் கலவையை எப்படி அளப்பது?

# செலுத்தும்  அன்பும் பெறப்படும் அன்பும் அவரவர் எதிர்பார்ப்பின் அடிப்படையில் இருக்கிறது. இதனால் ஆளுக்கு ஆள் வேறுபடுகிறது.

4. பெரும்பாலும் வயதாக வயதாக பக்தி, கோவில் உலா என்று மனது செல்வதன் காரணம் என்ன?-இள வயதில் அவற்றில் நம்பிக்கை கொள்ளாமல் அலட்சியமாக இருந்தபோதும்.  

# முதிர்ச்சியும் தன் வினைகள் பற்றிய அச்ச உணர்வு இவையே காரணம் என்று எனக்குத் தோன்றும்.

5. போட்டி வைப்பதையும் பரிசு கொடுப்பதையும் நிறுத்திவிட்ட காரணம் என்ன? உலகளாவிய recession எபி குழுமத்திலும் வந்துவிட்டதா?

# நிர்வாக ஆசிரியர்கள்தான் பதில் சொல்ல வேண்டும்.

$ நிர்வாக ஆசிரியர்தான் பதில் சொல்ல வேண்டும். 

& நிர்வாக ஆசிரியர்தான் பதில் சொல்லவேண்டும். 

காலையில் இறைவன் அலங்காரத்துடன் வீற்றிருக்கிறார். மக்கள் சாரிசாரியாக வருகிறார்கள். எத்தனைபேர், இறைவா எனக்கு வாழ்க்கை கொடுத்ததற்கு நன்றி, இந்தத் தவறுகளைச் செய்கிறேன், மன்னித்து குறைந்த தண்டனை கொடு, எப்போதும் உன்னை நினைக்க அருள் செய்னு வேண்டுவாங்க?

# பலர் கேட்கலாம்.  நமக்கு எப்படித் தெரியும் ?

& எல்லோரும் பொன்முடி என்று நினைத்துவிட்டீர்களா! 

பானுமதி வெங்கடேஸ்வரன்: 

1. a.இப்போதும் தினசரி நாட்காட்டியில் தேதி கிழிக்கும் பழக்கம் உண்டா?

$ உண்டு. 

# உண்டு. 

& தினசரி காலண்டர் வாங்கிய வருடங்களில் செய்தது உண்டு. 

b. இப்போதும் டெலிஃபோன் நம்பர்களை சிறிய நோட்டில் குறித்து வைத்துக் கொள்வதுண்டா(hard copy)? 

$ உண்டு. 

# இல்லை. 

& இல்லை. 

c. இப்போதும் கடிதம் எழுதுவதுண்டா?

$ கடிதங்கள் whatsapp ஆகி பல நாட்கள் ஆகிற்று. 

# இல்லவே இல்லை. 

& இல்லை. 

காரில் தொலைதூர பயணங்கள் மேற்கொள்ளும்போது எப்படிப்பட்ட பாடல்களை கேட்க விரும்புவீர்கள்?

$ இளைய ராஜா

பால முரளி

கிஷோர்...

இவை மட்டுமே எங்கள் ஓட்டுனருக்கு பிடித்தவை. 

# பாடல் பயணத்தின் போது கேட்பதில்லை.. 

& கார் டிரைவர் அவருக்குப் பிடித்த பாடல்களைப் போட்டுக்கொண்டு கார் ஓட்டுவார். நான் கேட்பது இல்லை. 

= = = = = = = =

KGG பக்கம் & அப்பாதுரை பக்கம் அடுத்த வாரம் பார்ப்போம். 

= = = = = = = =

2023 ஆம் ஆண்டில் புதன் கேள்வி பதில் பகுதியில் அதிக கேள்விகள் கேட்டவர்கள்  :

நெல்லைத்தமிழன் மற்றும் பானுமதி வெங்கடேஸ்வரன். 

இருவருக்கும் வாழ்த்துகள். 

அடிக்கடி நிறையக் கேட்கவும் ! 

= = = = = = = = = = =