பாலுக்கும் உண்டோ ஹீட் யூனிட் !

 

சென்ற வாரமும் எங்களை யாரும் கேள்வி கேட்காததால் --- 

இதோ எங்கள் கேள்விகள் :

1) இன்ஸ்டன்ட் காப்பி சுவையா இல்லை டிக்காஷன் காப்பி சுவையா ?

1 a ) டிக்காஷன் காப்பி என்றால், சிக்கரி சேர்ந்ததா - அல்லது பியூர் காபியா - காபி : சிக்கரி என்ன விகிதம்? 

2) கத்தரி வெயில் என்று பெயர் வரக் காரணம் என்ன? 

3) ரொம்ப நாள் பழகியவர் ஒருவர் - ஏதோ மனஸ்தாபத்தால் கொஞ்சநாள் விலகி இருந்தவர் ஏதோ ஒரு குடும்பக் கொண்டாட்டத்தில் உங்களைப் பார்த்து புன்னகை செய்கிறார் - நீங்கள் என்ன செய்வீர்கள்? 

4) உங்களின் பலம் என்ன? பலவீனம் என்ன?

5) உங்கள் வாழ்க்கையில் இதுவரை தீராத அல்லது நிறைவேற்ற முடியாமல் போன ஆசை ஏதும் உண்டா?

= = = = = = = = =

KGG பக்கம் : 

நாகை JTS கணக்கு வாத்தியார்கள் பற்றி சிறு குறிப்புகள். 

மூன்று வருடங்களில் நான்கு கணக்கு வாத்தியார்களை நாங்கள் பார்த்தோம். 

முதலில் வந்த கணக்கு வாத்தியார் ரொம்ப ஸ்டைல் ஆக ஆங்கிலம் பேசுவார். ஆனால் அல்லது அதனால் - ரொம்ப மாணவர்களுக்கு கணக்கு பாடம் புரிந்துகொள்வது கடினமானது. நவ் லெட் அஸ் டேக் நேதர் (அனதர்!)  ப்ராப்ளம்  .. வேர் .. 

அடுத்து வந்த கணக்கு ஆசிரியர் ஒவ்வொரு அத்தியாயமும் விளக்கிவிட்டு, ஒரே ஒரு 'மாதிரி' கணக்கை போர்டில் எழுதி அதை முழுவதும் போட்டுக் காட்டிவிட்டு, அந்த அத்தியாயத்தில் புத்தகத்தில் கொடுக்கப்பட்டுள்ள பயிற்சி கணக்குகளை எங்கள் நோட்டில், எங்களைப் போடச்சொல்லிவிட்டு , தன் கையில் உள்ள Erle stanley gardner - பெர்ரி மேசன் நாவலைப் படித்துக் கொண்டிருப்பார். 

ஒருநாள் அல்ஜீப்ரா பகுதியில் அவர் போர்டில் போட்டது ஏதோ ஒரு milk - calories சம்பந்தப்பட்ட x, y கணக்கு. எங்களுக்கு அப்போது calory என்றால் என்ன என்று தெரியாது. ஜெயபால் என்னும் பையன் - ஆசிரியரிடம் - " சார் calory என்றால் என்ன?" என்று கேட்டான். அதற்கு அவர் மிகவும் எளிதாக " calory என்பது heat சம்பந்தப்பட்ட ஒரு அளவை" என்று மட்டும் சொல்லிவிட்டு சிக்கலான அந்தக் கணக்கை தொடர்ந்து போட்டுக்கொண்டிருந்தார். 

என்னென்னவோ செய்து பார்த்தாலும் கணக்கின் விடை நெகட்டிவ் வேல்யூ வந்துகொண்டிருந்தது. அதாவது கணக்கில் கொடுக்கப்பட்டுள்ள விவரங்களின் படி பாலின் உஷ்ணத்தை குறிப்பிட்டுள்ள அளவுக்கு ஏற்ற -348 calories தேவை என்றே வந்துகொண்டு இருந்தது. அவர் ஒவ்வொரு ஸ்டெப் ஆக மீண்டும் மீண்டும் சரிபார்த்தார் - ஊஹூம் - பலனில்லை. 

மீண்டும் ஜெயபால் அவரிடம், " என்ன சார் பிரச்சனை?" என்று கேட்டான். 

அதற்கு அவர் " இந்தக் கணக்குக்கு நெகட்டிவ் ஆன்சர் வரக்கூடாது. பாசிட்டிவ் வேல்யூ வரவேண்டும்." என்றார். 

ஜெயபால் உடனே " சார் உங்க ஆன்சர் சரிதான் " என்றான். 

அவர் உடனே மேலும் குழப்பமாகி, அவனிடம் " எப்படி?" என்று கேட்டார். 

ஜெயபால் அதற்கு " சார் நீங்க இது heat பற்றிய கணக்கு என்கிறீர்கள். பால் உடம்புக்குக் குளிரச்சிதானே - ஹீட் இல்லையே அதனால்தான் நெகட்டிவ் வேல்யூ வருகிறது" என்றான். வகுப்பில் இருந்த எங்கள் எல்லோருக்கும் இது லாஜிகல் என்றே தோன்றியது. ஆசிரியர் ஒன்றும் சொல்லவில்லை. "இந்தக் கணக்கை நான் நாளை வந்து சரி செய்கிறேன். நீங்கள் இதைத் தவிர்த்து மீதி கணக்குகளை போடுங்கள்" என்று சொல்லிவிட்டுப் போய்விட்டார். 

பிறகு பாலிடெக்னிக் படித்த காலத்தில்தான் எனக்கு அந்த calory கணக்குக்கு நெகட்டிவ் வேல்யூ வந்தது பற்றி ஜெயபால் சொன்ன விளக்கம் எவ்வளவு அபத்தம் என்று தெரிந்தது. அந்தக் காரணத்தை இங்கே நான் விவரிக்க ஆரம்பித்தால் உங்களுக்கு போர் அடிக்கும் என்பதால் சிறிய உதாரணத்துடன் விடுகின்றேன். - பப்பாளிப்பழம் உடம்புக்கு ஹீட் என்றும், பால் உடம்புக்குக் குளிர்ச்சி என்றும் வைத்துக்கொள்வோம். குறிப்பட்ட அளவு பப்பாளிப்பழ ஜாம் செய்ய 2700 கிலோ கலோரி தேவைப்படுகிறது என்றால், குறிப்பிட்ட அளவு பாலைக் காய்ச்ச ஏதாவது பாசிட்டிவ் வேல்யூ கலோரிதான் தேவைப்படும். நெகட்டிவ் வேல்யூ கலோரி கிடையாது. 

பிறகு வந்த கணித ஆசிரியர் தேவதாஸ்  என்பவர். 

வந்த முதல் நாளே போர்டில் பத்து கணக்குகளை எழுதிப் போட்டுவிட்டு எங்கள் எல்லோருக்கும் ஒரு சர்ப்ரைஸ் டெஸ்ட் என்று சொன்னார். அந்தக் கணக்குகளை ஒரு தாளில் அந்த வகுப்பிலேயே சால்வ் செய்யச் சொன்னார். பரீட்சைத் தாளில் எங்கள் பெயரை எழுதி மடித்துக் கொடுக்கச் சொன்னார். 

பத்து கணக்கும் மிகவும் கடினமான அல்ஜீப்ரா கணக்குகள். 

எங்கள் எல்லோருக்குமே தலை சுற்றி மயக்கம் வராத குறைதான். 

நான் எழுதிய பரீட்சை பேப்பருக்கு என்னுடைய சுய மதிப்பீட்டின் படி 28% மார்க் வந்தால் அதிகம் என்று நினைத்தேன். 

ஆனால் .. 

(தொடரும்)