செய்தித் தாளில் உங்களை ஆச்சரியப்படுத்திய செய்தி எது?

 

நெல்லைத்தமிழன் : 

படங்கள் மாத்திரம் அவ்வப்போது வரும்.  முதுகு வழியே என்ன வராது?

# இது கேள்வி இல்லை - நீங்கள் அனுப்பியுள்ள ஜோக்! 

& இது கூகிள் போன்ற சில தமிழ் தட்டச்சு app களில் காணப்படும் மிகக் கொடுமையான விஷயம். 

vali  என்று type செய்தால் - அதை வலி அல்லது வளி என்று எழுதாமல், வழி என்று எழுதும். 

vaal என்று டைப் செய்தால் வால் என்றோ வாள் என்றோ எழுதாமல் வாழ என்று மொழி பெயர்க்கும். 

பேசுபவர்களுக்கு வேண்டுமானால் "ழ / ழா" உச்சரிப்புகள் வராமல் 'ள / ல' ,'லா / ளா' என்றெல்லாம் பேசலாம். ஆனால் எழுதுபவர்களுக்கு என்ன பிரச்சனை? வழி, வாழ் - என்பதை ஏன் vali - vaal - என்று தட்டச்சு செய்யப்போகிறார்கள்? vazhi vaazh என்றுதானே தட்டச்சு செய்வார்கள். கூகிள் டிரான்ஸ்லேட்டர் ஆப் மற்றும் இதர தமிழ் மொழிபெயர்ப்பு ஆப் design செய்பவர்கள் இதை கவனத்தில் கொண்டு இந்த தவறை (தவற்றை?) அகற்றவேண்டும். 

பழிங்கு அப்படீன்னாக்க என்ன?

$ மார்டன் என்றால்.,என்ன?

& மார்டனை மாடர்ன் ஆக்கி, ஆவந்திகாவை அவந்திகா ஆக்கிப் பார்த்தால் பளிங்குபோல  எல்லாம் ஒளிருமே ! 

பானுமதி வெங்கடேஸ்வரன் : 

செய்தித் தாளில் உங்களை ஆச்சரியப்படுத்திய செய்தி எது?

# செய்தித் தாள் படித்து ரொம்ப காலம் ஆகிறது. ஆச்சரியத்தைக்காட்டிலும் கவலை, சலிப்பு தருகிற செய்திகளே அதிகம்  வருகின்றன.

& இதோ இதுதான் : 

இதில் ஆச்சரியம் என்ன என்றால் - விலை மாறாமல் இருப்பது அல்ல; வேலை மெனக்கெட்டு - தினமும் இதை 'Breaking News' என்ற தலைப்பில் தினமலர் telegram பக்கத்தில் போட்டு வருகிறார்களே - அதுதான் ஆச்சரியம்! Breaking News - என்றால் என்ன அர்த்தம் என்றுகூட தெரியாமல் - ஒவ்வொரு நாளும் இதையே போட்டு record breaking சாதனை செய்துவருகிறார்கள்! 

= = = = = = =

KGG பக்கம் : 

JTS நினைவுகள் .. 

foundry வகுப்பில் மாணவர்கள் சினிமா கதை சொல்லி பொழுது போக்கியதை முன்பு எழுதியிருந்தேன். 

சொல்லுவதற்கு புது சினிமா கதைகள் இல்லை என்றால், அல்லது வகுப்பு ஆசிரியர் கலியமூர்த்தி எங்கும் அரட்டை அடிக்கச் செல்லாமல் எங்கள்  பகுதியிலேயே இருந்தால், நாங்கள் ஒரு யுக்தி செய்வோம். 

ஒரு மாணவன் அவரிடம் போய், " சார் - விலைவாசி எல்லாம் பயங்கரமா ஏறிப் போயிடுச்சு இல்லே? " என்பான். 

அவ்வளவுதான் - அவர் உடனே .. " அந்தக் காலத்துல - கத்தரிக்காய் எல்லாம் வீசை ஒரு அணா என்று வாங்கி வருவோம் .. பொய்யூர் பக்கம் போனா - தோட்டத்து கத்தரிக்காய் சின்னச் சின்னதாக இன்னும் சீப்பாக வாங்கி வருவோம் .. " என்று மலரும் நினைவுகளில் ஆழ்ந்து பேச ஆரம்பிப்பார். ஆனால் அவர் வயதானவர் இல்லை - எங்களைவிட ஏழெட்டு வயதுதான் அவருக்கு வயது அதிகம் இருந்திருக்கும். ஆனாலும் அவருடைய அப்பா - தாத்தா காலங்களைப் பற்றி அவர்கள் சொல்லியவைகளை இவர் தன்னுடைய சொந்த சரக்காக பொய்யும் மெய்யுமாக கலந்து பேசுவார். 

நாங்கள் ஒவ்வொருவராக மெதுவாகப் போய் அரட்டை அரங்கில் கலந்துகொள்வோம். கொஞ்ச நேரம் கழித்து அவருடைய டெஸ்கை சுற்றி நாங்கள் வட்ட வடிவமாக நின்றுகொண்டு அவர் விடும் கதைகளை ரசித்து (அல்லது ரசிப்பதுபோல பாவலா காட்டியபடி ) கேட்டுக்கொண்டிருப்போம். 

workshop கட்டிடத்தில் வட துருவத்தில் lathe shop. அதிலிருந்து தெற்குப் பக்கமாக நடந்து வந்தால் special machines பகுதி, workshop superintendent அறை, பெரிய திறந்தவெளி பாதை - டாய்லெட் செல்லும் வழி என்று கடந்து பிறகு carpentry பகுதி, sports அந்த book ஸ்டோர் எல்லாம் கடந்து வந்தால் smithy ஷாப் - அதில் நுழைந்து, கிழக்குக் கோடி பகுதியில்தான் foundry shop. 

இந்தப் பகுதிக்கு, பிரின்சிபால் / உதவி  பிரின்சிபால் / workshop சூப்பரின்டெண்டன்ட் - யாரும் வருவது மிகவும் குறைவு. அதனால் நாங்கள் என்ன கூட்டம் போட்டு அரட்டை அடித்தாலும் ஏன் என்று எங்களை (புதன் கேள்வி பதில் போல ) கேள்வி கேட்க ஆள் இல்லை. 

அப்படியும் யாராவது இந்தப் பக்கம் வருவதை smithy பகுதி instructor பார்த்தார் என்றால் உடனே அவர், " கலியா - ஆளு வருது " என்று ஒரு குரல் கொடுப்பார். உடனே கலியமூர்த்தி எச்சரிக்கையாகி, ஒரு moulding cleaner tool எடுத்துக்கொண்டு, நாங்கள் ஒவ்வொருவரும் தயார் செய்து வைத்துள்ள moulding பாக்ஸ் பேட்டர்ன் அச்சுகளை ஒவ்வொன்றாக குத்திக் கிளறி - "இதை repair செய்து மீண்டும் இயல்புநிலைக்குக் கொண்டுவாருங்கள் " என்று சொல்லிவிடுவார். 

அவர் செய்து வைத்த இடிபாடுகளை சரி செய்ய எங்கள் ஒவ்வொருவருக்கும் முக்கால் மணி நேரம் ஆகும்! 

ஒருநாள் நாங்கள் எல்லோரும் அவரை சூழ்ந்துகொண்டு சுவாரசியமாக அரட்டை அடித்துக்கொண்டிருந்த நேரத்தில் - smithy shop எச்சரிக்கையை நாங்கள் கவனிக்கவில்லை. 

WSS ( Workshop சூப்பரின்டெண்டன்ட் ) குமரேசன் smithy யில் நுழைந்து எங்கள் பகுதியை நோக்கி வந்துகொண்டிருந்தார். 

நல்லவேளை - கலியமூர்த்தி - நுழைவாயிலை நோக்கி உட்காரந்திருந்ததால், wss வருவதைப் பார்த்துவிட்டார். நாங்கள் அனைவரும் நுழைவாயிலுக்கு முதுகை காட்டியபடி நின்றிருந்ததால்  நாங்கள் wss வந்ததைப் பார்க்கவில்லை. " அந்தக் காலத்துல நான் என்னுடைய சைக்கிளில் நாகையிலிருந்து தஞ்சாவூர் வரை ஓட்டிச் சென்று சினிமா பார்த்துவிட்டு ஒருநாள் ராத்திரி திரும்பிவந்தப்போ .. இந்த pulley பேட்டர்ன் மோல்டிங் செய்யும்போது ரன்னர் எங்கே வைக்கணும் riser னு நல்லா தெரிஞ்சிக்குங்க - ஒவ்வொரு பேட்டர்ன் மோல்டிங் செய்யும்போதும் அதன் உயரமான பகுதியில்தான் riser வைக்கவேண்டும். இல்லாவிட்டால் moulding metal அச்சில் முழுவதுமாக பாயாமல் - casting அரைகுறையாக வரும். .. " என்று டிராக் மாறிவிட்டார் . 

' இவர் ஏன் இப்படி திடீரென்று பாயாசத்தில் மோர்க்குழம்பு கலக்கிறார் என்று முதலில் திகைத்த நாங்கள், பிறகு விஷயமறிந்து புன்னகை செய்தோம். 

 = = = = = = = = =