ஹோம் ஸ்கூலிங் பற்றி ..

 

பானுமதி வெங்கடேஸ்வரன் : 

Home schooling என்பதை ஆதரிக்கிறீர்களா? வெளிநாடுகளில் கொஞ்சம் இருக்கும் இந்த முறையை நம் நாட்டிலும் வெகு சிலர் கடைபிடிக்கிறார்கள் போலிருக்கிறதே?

# "நல்ல" பள்ளிகளில் படிக்க செலவு மிக அதிகம்.  போவது வருவதில் சிரமம்.   தற்போது குழந்தை கடத்தல் , பாலியல் தொல்லை, போதைப் பொருள் போன்ற   அபாயம் இவற்றை வைத்துப் பார்க்கும்போது வீட்டிலேயே கல்வி என்பதில்  ஒரு கவர்ச்சி இருக்கிறது.

ஆனால் ஒத்த வயதினரோடு நட்பு, உடற்பயிற்சி , குழுச் செயல்பாடு போன்றவை இழப்புப்பட்டியலில் வரும். கொரோனா காலத்தில் வீட்டில் பள்ளி பெரிய நன்மையாகத்தான் இருந்தது. பள்ளி செல்லாமல் பயிலும் இரண்டொரு கெட்டிக்காரப் பிள்ளைகளை எனக்குத் தெரியும். வரும் நாட்களில் வீட்டில் பள்ளி மிகப் பரவல் ஆகலாம் என்றுதான் நினைக்கிறேன்.

& ஜலதோஷம் / தலைவலி இருந்த நாட்களிலும் கஷ்டப்பட்டு பள்ளிக்கூடத்திற்குப் போய் வந்த நாட்களை நினைக்கும்போது .. 'ஹூம் - இதெல்லாம் அந்தக் காலத்திலேயே வந்திருக்கக் கூடாதா' என்று ஏக்கம் வருகிறது.  

March 23 அன்று இரவு 8 மணி முதல் 9 மணி வரை மின் உபகரணங்களை நிறுத்தினீர்களா?

# இல்லை கவனிக்கவில்லை.

& மறுநாள் - அதாவது மார்ச் 24 அன்று தொலைக்காட்சி செய்திகள் பார்த்தபோதுதான் நினைவுக்கு வந்தது. ஆனால் நான் சாதாரணமாக எல்லா தினங்களிலுமே இரவு எட்டரை மணிக்கு எல்லா விளக்குகளையும் அணைத்துவிட்டு தூங்கிவிடுவேன். காலை 3 மணிக்கு எழுந்த பின் விளக்கு மீண்டும் எரியத் தொடங்கும்.  

= = = = = = = =

வாசகர்களுக்கான கேள்விகள் : ( கேட்டிருப்பவர் : நெல்லைத்தமிழன்) 

1. நிறையப் படித்து பல விஷயங்களைத் தெரிந்துகொள்கிறோம் (வேலைக்கும் இதற்கும் சம்பந்தமில்லை. வேலை, உயிர் வாழ, குடும்பத்தைக் காப்பாற்ற, அடுத்த சந்ததியை வளர்க்க). அதனால் என்ன பிரயோசனம்? உதாரணமாக, அண்ணா, கடைசி ஆபரேஷனுக்கு முன்னால் தான் படித்துக்கொண்டிருந்த புத்தகத்தை முடித்துவிடுகிறேன் என்றாராம்  புத்தக அறிவு எதற்கு உபயோகம்?  

2. விவாதம் செய்து அல்லது உங்கள் Point of Viewவை விளக்கி, யாருடைய கருத்தையாவது மாற்ற நேர்ந்திருக்கிறதா? அப்படி இருந்தால் பகிர முடியுமா?  

3. இந்தப் பழக்கத்தை இவர்களைப் பார்த்துக் கற்றுக்கொண்டு அதைக் கடைபிடிக்கிறேன் என்று எவற்றைச் சொல்வீர்கள்?

4. நிம்மதியாக மனம் விட்டுப் பேச நீங்கள் நினைப்பது உங்கள் துணைவரிடமா, நண்பர்களிடமா அல்லது பெற்றோர்களிடமா?  

= = = = = = = =

KGG பக்கம் : 

பாலிடெக்னிக் படித்த காலத்தில் - முதலாம் ஆண்டில் எங்களுக்கு physics பாடம் எடுத்து நடத்தியவர், வாஞ்சிநாதன் என்னும் ஆசிரியர். அவர் பாடம் சொல்லிக்கொடுக்கும்  விதம் மிகவும் அருமையாக இருக்கும். 

physics பரிட்சை கேள்வித் தாளில் பெரும்பாலும் ஒவ்வொரு கேள்வியிலும் இரண்டு பகுதிகள் இருக்கும். முதல் பகுதி தியரி அல்லது வெறும் பாடப் பகுதி. இரண்டாம் பகுதி முதல் பகுதி சம்பந்தப்பட்ட ஒரு கணக்கு கேள்வி. 

வாஞ்சிநாதன் சொல்லுவது: 

நீங்க எவ்வளவு முட்டி மோதி, தலையால் தண்ணி குடித்தாலும் - முதலாவது தியரி பகுதியில் முழு மதிப்பெண் வாங்க முடியாது. ஆனால், கணக்கு பகுதியில் முழு கவனம் செலுத்துங்கள். கணக்கு பகுதிக்கு மட்டுமே முழு மதிப்பெண்கள் கிடைக்கும். 

கொடுக்கப்பட்டுள்ள கணக்கை மீண்டும் மீண்டும் படியுங்கள். (Read, read and read and understand the English of the problem. )

பிறகு, கணக்கில் கொடுக்கப்பட்டுள்ள விவரங்களை, அழகாக பட்டியல் இடுங்கள். 

எளிய உதாரணம் : 

Voltage = 12 V

Resistance  = 20 ohms 

Current = ? 

Always remember the formula V = I*R ( ஒரு புன்சிரிப்போடு .. " என்னை ஞாபகம் வைத்துக்கொள்ளுங்கள் - Vanchinathan = IR .. ஐயர் !!)

If V = I x R, you know I = V / R. 

so, when you apply the formula, you can find that Current I in this problem is V / R = 12/20 = 0.6 Amp. 

*********

Calorimetry / Specific heat பாடம் நடத்தும்போது .. 

A Bright, Clean Dry Empty Calorimeter with stirrer ( Calorimeter and stirrer are husband and wife - don't separate them!) taken and weighed. 

***********

Dynamics பாடம் நடத்தும்போது .. 

E V.R = M.A  ( Remember the famous couple E V Ramasamy = Mani Ammai) 

Efficiency multiplied by Velocity Ratio = Mechanical Advantage. 

********** 

Physics Lab முதல் வகுப்பில் சந்திரன் என்ற மாணவர் வேட்டி சட்டை அணிந்து laboratory வகுப்பிற்கு வந்தார். 

வாஞ்சிநாதன் அவரிடம் சொன்னார் : " சந்திரன் அண்ணே! நீங்க வேட்டி கட்டிக்கொண்டு செல்ல வேண்டிய இடம் Lavatory - Laboratory அல்ல ! இங்கு பாண்ட் ஷர்ட் அணிந்துதான் வரவேண்டும்  " 

**********

வாஞ்சிநாதன் நினைவுகள் இன்னும் இருக்கின்றன - அடுத்த வாரம் பார்ப்போம். 

= = = = = = =