'திங்க'க்கிழமை : நிலக்கடலை கிரேவி / மசாலா / கறி - கீதா ரெங்கன் ரெஸிப்பி

 

 நிலக்கடலை கிரேவி / மசாலா / கறி

நம்ம எபி சமையலறைக்கு வருகை தரும் அனைத்து ரசிகப்!!!! பெருமக்களுக்கும் எபி சமையல் குழு அன்புடன் வரவேற்கிறது. இது வட இந்தியாவில் செய்யப்படுவது என்றாலும் இன்று இங்கு பகிர்ந்திருப்பது நான் செய்யும் ஒரு முறை. (இதை என் மனதில் தோன்றியபடி பல முறைகளில் செய்வதுண்டு. மற்ற கிரேவிகளையும் சேர்த்துதான் சொல்கிறேன்)  இந்த வகை சப்பாத்தி, பூரி வகையறாக்களுக்கு நல்ல சேர்க்கை.

இருந்தாலும் நிலக்கடலை வைத்துச் செய்யப்படும் கிரேவி மஹாராஷ்டிராவில் பிரசித்தம். நான் அங்கு சென்றிருந்த போது உறவினரின் நட்பு வீட்டில் விரதம் என்று சாபுதானா கிச்சடி அதான் ஜவ்வரிசி கிச்சடிக்குத் தொட்டுக் கொள்ள தான்யாச்சி ஆம்ட்டி / दाण्याची आमटी / Danyachi Amti செய்திருந்தாங்க. நன்றாக இருந்தது. விடுவேனா உடன் செய்முறை தெரிந்துகொண்டேன். இது தயிர், கோக்கம் கலந்தது. கிட்டத்தட்ட புளிசேரி/மோர்க்குழம்பு வகை என்று சொல்லலாம்.

ஷெங்க்தானா ஆம்ட்டி/Shengdana Amti शेंगदाना आमटी, Shengdanyachi Amti/ஷெங்க்தான்யாச்சி ஆம்ட்டி என்றெல்லாம் சொல்லப்படுவது தயிர் கலக்காமலும், தேங்காய் சேர்த்தும் சேர்க்காமலும் செய்வதுண்டு. வேறொரு முறையிலும் செய்வாங்க.  இவற்றை நான் வீட்டில் செய்ய நேரும் போது பிறிதொரு திங்க வில் பகிர்ந்து கொள்கிறேன். கண்டிப்பாக வரும். பல முறை எல்லா வகைகளும் செய்திருந்தாலும் படம் எடுக்காததால் பகிர முடியவில்லை.

இன்றைய திங்கவில் இந்தச் செய்முறை... அதற்கு முன்...

படங்களை நான் ஆட்டோ கொலாஜ் முறையில் செய்வதில்லை. ஒவ்வொரு பெட்டியிலும் அந்தப் பெட்டியில் நான் கோர்க்கும் படங்களுக்கான விவரணங்கள் மட்டும் கொடுப்பதால் எடுத்திருக்கும் படங்களில் சரியாக உள்ளதை எடுத்து படங்களின் எண்ணிக்கை, விவரணங்களுக்கு ஏற்ப ஒவ்வொன்றின் அளவையும் மாற்றிப் போட்டுச் செய்கிறேன். அதனால்தான் சில சமயம் படங்கள் அதிகமாக இருந்தால் சிறிதாகிவிடுகிறது. பெட்டிகளையும் குறைக்க எண்ணியதால் எழுத்துகளும் ஒரளவு வாசிக்க முடிந்த அளவில் தட்டச்சு செய்து வந்தேன். 

சென்ற திங்கவில் நட்புகளின் பரிந்துரைப்படி இம்முறை கொலாஜில் படங்களைச் சற்று பெரிதாகவும் எழுத்துகளையும் பெரிதாகக் கொடுத்திருக்கிறேன். சரியாக உள்ளதா என்று சொல்லவும். என் மனதைப் போல் வெள்ளையான (ஹிஹிஹி) பின்புலம் தற்போது அந்தப் பட்டியலில் இல்லை. எனவே கொஞ்சம் புகை போன்ற பின்புல நிறத்தைக் கொடுத்துள்ளேன்.  எழுத்துகள் வாசிக்க முடிகிறதா என்று சொல்லுங்கள்.

அடுத்து பெட்டியிலேயே செய்முறையை எழுதுவதால் மொபைலில் வாசிப்பது  கொஞ்சம் கஷ்டமாக இருக்கு என்பதற்கு, இந்த முறை எழுத்துகளைப் பெரிதாக்கியுள்ளேன். மொபைலில் எப்படி உள்ளது என்று சொல்லவும். பெட்டியிலேயே எழுதுவதற்குக் கொஞ்சம் மன்னிச்சுக்கோங்க. 😁😁 அது மகனுக்கும் அனுப்புவதால் இப்படி. பதிவிலேயே படங்களும் அல்லது பெட்டியில் படங்கள் கொடுத்து, செய்முறையை வெளியில் கொடுத்தால் அந்தச் சுட்டியை மகனுக்கு அனுப்பினாலும் அவன் அதைப் பார்ப்பது அரிது என்பதாலும் அவன் சேமித்து வைப்பதும் கடினம் என்பதால் இப்படிச் செய்கிறேன். அதனால் கொஞ்சம் பொறுத்துக்கோங்க!!!  😊😊

சரி இனி செய்முறை...

எபி ஆசிரியர்கள் மற்றும் எபி சமையலறை ரசிகப்பெருமக்கள் அனைவருக்கும் என் மனமார்ந்த நன்றி.  மற்றொரு திங்கவில் சந்திப்போம் சுவைப்போம். அதுவரை உங்கள் அடுக்களையில் ருசித்து சுவைத்துக் கொண்டிருங்கள்!