சம்பவம் : பேப்பர் டாஸ்க்

 நெல்லைத்தமிழன்  :

கே :  தேர்தல் வாக்குறுதிகள் கொடுக்கும் கட்சிக்கு/வேட்பாளருக்கு, அவர்கள் தோற்றாலும் கொடுத்த வாக்குறுதியை நிறைவேற்றும் கடமை எப்படி இருக்கும்?

          # ப :  தேர்தலில் வெற்றி பெற்றால் இதைச் செய்வோம், அதைச் செய்வோம் என்றுதானே வாக்குறுதிகள் கொடுக்கிறார்கள்?   தோற்றுவிட்டால் பிரச்சினையே இல்லை.  வென்றால் தான் சாக்கு போக்கு சொல்லி சமாளிக்க வேண்டும்.

பானுமதி வெங்கடேஸ்வரன்  :

1) கே :  யார் அந்த கமலா?  அவர் பெயரை(கமலா ஆரஞ்சு) ஏன் ஆரஞ்சிற்கு சூட்டினார்கள்?

          # ப :  சரியான காரணம் தெரிந்து கொள்ள வழியே இல்லை என்று நினைக்கிறேன்.  "முதலில் வெளிநாட்டிலிருந்து கொண்டு வந்தது கமலா என்ற பெண்மணி அல்லது கமலாகரன் என்ற..." என்று சமாளிக்க வேண்டியதுதான்!!

           ப :  காரணம் இப்படி வேண்டுமானால் இருக்கலாம்...   ரொம்பத் தேடினால் இப்படி சொல்லக் கிடைக்கிறது!!  ஹிஹிஹி...

The name Kamala is a girl's name of Hindi origin meaning "lotus or pale red; or, a garden". A multicultural name that manages to sound soft and strong at the same time, Kamala is also another name for the Hindu goddess Lakshmi.

          இப்படி ஒன்று இருக்கிறது, தெரியுமோ...

The navel orange actually grows a second “twin” fruit opposite its stem. The second fruit remains underdeveloped, but from the outside, it resembles a human navel—hence the name. Navels are part of the winter citrus family. They're seedless, peel easily, and are thought to be one of the world's best-tasting oranges.

2) கே :  Latrine என்பது Toilet ஆனது, இப்போது wash room, rest room என்கிறார்கள். இந்த  பரிணாம மாற்றம் எப்படி,ஏன் நிகழ்ந்தது?

          # ப :  "க***ஸ்" என்று சொல்ல சங்கடப்பட்டு Latrine ஆக்கினோம்.  அதுவும் சரியில்லை என்று...   இவ்வாறாக ஒன்றன் பின் ஒன்றாக...

          * ஆங்கிலத்தில் Rest room என்று சொல்வது இருக்கட்டும்...  அதையே தமிழ்ப் படுத்தி 'ஒப்பனை அறை' என்று எழுதி வைக்கிறார்களே..  அதை என்ன சொல்ல..!

3) கே :  ஒரே பெற்றோருக்கு பிறந்து, ஒரே மாதிரி  சூழலில் வளர்ந்தாலும் உடன் பிறந்தவர்களின் இயல்பு ஒரே மாதிரி இருப்பதில்லையே?

          # ப :  அதுதான் " அவரவர் வாங்கி வந்த வரம் " என்று சொல்கிறோம்.  பிராரப்த சஞ்சித கர்மம் - காரண சரீரம் இவை நினைவுக்கு வருகின்றன.

<><><><><><><><><><><><><><><><><><><><><><><><><><><><><><><><><><><><><><><><><><><><><><><><>

KGG பக்கம்  KGS பக்கம் 

"ஏழாவது St. Joseph High School ல படிச்சுக்கிட்டிருந்தேன்...   1956 ம் வருஷம்.  அப்பல்லாம் வெள்ளிக்கிழமை அன்னிக்கி ஒரு டாஸ்க் கொடுப்பாங்க...  பேப்பர் டாஸ்க்.  டெக்ஸ்ட் புக்கைப் பார்த்து தமிழ்ல ஒரு பக்கம், இங்கிலீஷிலே ஒரு பக்கம் எழுதிக்கிட்டு வரணும்.  அப்புறம் நாலு சின்ன கணக்கு கொடுப்பாங்க...   அத சால்வ் பண்ணிக்கிட்டு வரணும்,...  அப்புறம் ஒரு படம் வரைஞ்சு கொண்டு வரணும்..  முக்காவாசி எல்லா பசங்களும் மாம்பழம்தான் வரைஞ்சு கொண்டு வருவாங்க..  வரைய ஈஸி!

சம்பவம் நடந்த அந்த குறிப்பிட்ட வாரம் எழுத என்னிடம் பேப்பர் எதுவுமே இல்லை.  என்னடான்னு பார்க்காதீங்க..   அதெல்லாம் வாங்க வீட்டுல வசதி கிடையாது.  என்னிடம் அப்பல்லாம் டெக்ஸ்ட் புக் கூட கிடையாது.  மொத்த வருஷத்துக்கும் ஒரு ரஃப் நோட்டு மட்டும்தான்.  இப்போ நேத்து ஒரு பங்க்ஷன்ல பழைய பிரெண்டு பாலுவைப் பார்த்தேன்.  என் பையன் கிட்ட சொல்லிக்கிட்டிருந்தான்.. "உங்கப்பா கிட்ட ஒரு பேனா மட்டும்தான்   இருக்கும்.அது போதும் அவனுக்கு..."

எங்க விட்டேன்...   ஆங்..   எழுத பேப்பர் இல்லையா?  என்ன பண்ணலாம்னு பார்த்துக்கிட்டிருந்தா வாசல்ல சினிமா விளம்பர வண்டி போகுது...  'சந்திரஹாரம்'னு ஒரு படம்...  அதுக்கு சின்ன சின்ன போஸ்டர் பேப்பர்களை வாரி இறைச்சுகிட்டே போறாங்க...  உங்களுக்குத்தான் தெரியுமே...  அப்போ அப்படிதான் செய்வாங்க...  ஒரு பக்கம் விளம்பரமும் மறுபக்கம் காலியாகவும் இருக்கும்.  சட்டுனு ஓடி அதை கலெக்ட் செய்து வைத்தேன்...அதிலேயே எழுதிட்டேன்.

[சந்திரஹாரம் படத்தை இயக்கியவர் ககமலாகர காமேஸ்வர ராவ்.  மேலே கேள்வி பதில்கள் செக்ஷன்ல கமலா ஆரஞ்சுக்கு சொல்லி இருக்கற கமலாகரர் இவர் இல்லையாம் ] 

திங்கக்கிழமை பேப்பர் டாஸ்க் வொர்க்கை கலெக்ட் செய்யும்போது நானும் இந்த பேப்பர்களைக் கொடுத்தேன்.  பூவராகன் ஸார் கரெக்ட்டா தப்பான பக்கத்தைப் பார்த்தார்.  எனக்கும் சினிமாவுக்கும் ரொம்ப தூரம் என்பதை அவர் அறியார்!

"என்னடா...  சினிமா விளம்பரத்தை என்னிடம் கொடுக்கறே.." என்று பேப்பரை என் கையில் திணித்து "கிளாஸை விட்டு வெளில போ" என்றார்.

போயிட்டேன்.

வெளியே நின்று கொண்டிருந்தபோது ஹெட்மாஸ்டர் ரெவரென்ட் ஃபாதர் மரியதாஸ் அந்தப் பக்கம் வந்தார்.

"ஏன் வெளில நிக்கறே?"

நோட், பேப்பர் வாங்க வசதி இல்லாத நிலையையும், இப்போது இந்த பேப்பரின் ஒரு பக்கத்தில் எழுதி கொண்டு வந்தததையும் சொல்லி, கையில் வைத்திருந்த பேப்பர்களைக் காட்டினேன்.

வாங்கினார்.  பார்த்தார்...  படித்தார்.

அப்புறம்,

ஒரு வெள்ளை பேப்பரை எடுத்தார்.  

"உன் பெயர் என்ன?"

சொன்னேன்.

"Subramaniyam is exempted from writing paper task for rest of the year" என்று எழுதி கையெழுத்திட்டு கொடுத்து விட்டு சென்று விட்டார்..."

()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()()

எங்களிடமிருந்து இரண்டு கேள்வி...

ஒன்று, ஏதாவது ஒரு விஷயம் இப்போது இருக்கும் நிலையிலிருந்து மாறி 'இப்படி இருந்தால் நல்லாயிருக்குமே' என்று நினைப்பதுண்டா?  என்ன விஷயம்?  எப்படி இருப்பது, எப்படி இருக்கவேண்டும் என்று எதிர்பார்க்கிறீர்கள்?

இரண்டு, 'ஒரே ஒரு கேள்விதான் உங்க கிட்ட கேட்கணும் என்று 'நிறம் மாறாத பூக்கள்' ராதிகா, சுதாகர் கிட்ட கேக்க நினைச்ச மாதிரி யார் கிட்டயாவது கேட்க ஒரு கேள்வி வைத்து வன்மத்துடன் / கோபத்துடன் காத்திருக்கிறீர்களா?  என்ன அது?