"திங்க"க்கிழமை : தஞ்சாவூர் வாழைக்காய் கூட்டு - துரை செல்வராஜூ ரெஸிப்பி

தஞ்சாவூர் வாழைக்காய் கூட்டு..

*** *** ***

தேவையானவை: 

தரமான மொந்தன் வாழைக்காய் 2 

பெரிய வெங்காயம் - 1 

தக்காளி - 1 

பச்சை மிளகாய்  5

தேங்காய் ஒரு மூடி

இஞ்சி பூண்டு சம அளவில்

 

மஞ்சள் தூள் - 1/4 டீஸ்பூன்

மல்லித்தூள் - 1 டேபிள் ஸ்பூன்

சோம்பு - 1/2 டீஸ்பூன்

மிளகு - 1/2 டீஸ்பூன்

பட்டை - 1/2 அங்குலம்

கிராம்பு - 2 

கல் உப்பு - தேவைக்கேற்ப

தாளிப்பதற்கு:

மல்லித் தழை  

கறிவேப்பிலை

கடலெண்ணெய் தேவைக்கு

மொந்தன் வாழைக்காய் தேறியதாக எடுத்துக் கொள்ளவும்.. 

தேறியதாக என்றால் சுட்டு விரல் கொண்டு வாழைக்காயைத்

 தட்டினால் - நங்.. நங்.. என்று சத்தம் வரவேண்டும்.. பெரிய வெங்காயத்தின் தோலை நீக்கி விட்டு  சன்னமாக நறுக்கிக் கொள்ளவும்..

தக்காளி பச்சை மிளகாயை நீளவாக்கில் கீறிக் கொள்ளவும்..

வாழைக்காய்களைத் தோல் நீக்கி நடுத்தர அளவில் நறுக்கி தண்ணீரில் போட்டு வைக்கவும்..

தேங்காயைத் துருவிக் கொள்ளவும்.. இஞ்சி பூண்டு சம அளவில் எடுத்து சுத்தம் செய்து தேங்காய்த் துருலுடன் சேர்த்து மிக்ஸியில் விழுதாக அரைத்துக் கொள்ளவும்.. விரும்பினால் சோம்பு மிளகு பட்டை கிராம்பு இவற்றையும் அரைத்துக் கொள்ளலாம்..

இப்போது வாணலியை அடுப்பில் வைத்து மிதமான சூட்டில் கடலெண்ணெய் காய்ந்ததும் கறிவேப்பிலை தாளித்து நறுக்கி வைத்துள்ள வாழைக்காய், வெங்காயம், தக்காளி, பச்சை மிளகாய் 

இவற்றைச் சேர்த்து உப்பு போட்டு சிறிதளவு நீர் விட்டு மூடி வைக்கவும்...

ஒரு கொதி வந்ததும் அனைத்து வைத்துள்ள தேங்காய் விழுதையும் மஞ்சள் தூள் மல்லித்தூள் சேர்த்து கொத்தமல்லியைக் கிள்ளிப் போட்டு மேலும் சிறிது எண்ணெய் விட்டு ஒரு சுழற்று சுழற்றி மூடி வைத்து அடுப்பை நிறுத்தி விடவும்..

இது தெரியாதாக்கும் என்றால் இதிலுள்ள நுணுக்கங்களைக் கவனிக்கவும்..

சாமார்த்தியசாலி என்றால் கடைசியாகக் கூட தாளித்துக் கொள்ளலாம்...

இரசாயனக் கலப்பு ஏதும் இல்லாத சுத்த சுயம்பு மாதிரியான சமையல் குறிப்பு...

நம்முடைய நலம்

நம்முடைய கையில்!..

ஃஃஃ