"திங்க"க்கிழமை : கலவை சாத மசாலா - துரை செல்வராஜூ ரெஸிப்பி

 கலவை சாத மசாலா..

*** *** ***

இதனை பிரியாணி மசாலா என்றும் சொல்லிக் கொள்ளலாம்..

தேவையான பொருட்கள்: 

நட்சத்திரப் பூ -  5 கிராம்

{Star Anise} 

பிரிஞ்சி இலை - 6 

வற மிளகாய் - 6 

பட்டை - 5 

கிராம்பு - 10 

ஏலக்காய் - 20 

ஜாதிக்காய் - 1

மிளகு - 1 டேபிள் ஸ்பூன் 

சோம்பு 2 டேபிள் ஸ்பூன் 

மல்லி விதை - 2 டேபிள்  ஸ்பூன்

செய்முறை:   நட்சத்திரப் பூ, (விதைகளை நீக்கி ஓடுகள் மட்டும்) பட்டை, பிரிஞ்சி இலை, ஜாதிக்காய் (மேல் ஓடு மட்டும்) ஏலக்காய், வற மிளகாய், கிராம்பு, மல்லி, மிளகு - எல்லாவற்றையும் வெயிலில் உலர்த்தி எடுத்து மிதமான சூட்டில் வறுத்துக் கொள்ளவும்..

இது ஆறியதும், மிக்ஸியில் அரைத்துக் கொள்ளவும்..

இறுக்கமான டப்பாவில்  இந்தப் பொடியை வைத்துக் கொள்ளவும்..

காய்களுடன் கலவை சாதம் செய்யும் போது தேவைக்கேற்ப சேர்த்துக் கொள்ளவும்..

காய் கலவை சாதத்தில் பச்சை மிளகாய் சேர்த்துக் கொள்வதால் (மசாலாப் பொடியில்) வற மிளகாயைக்  குறைத்துக் கொள்க.. அல்லது தவிர்த்து விடுக.. 

இரசாயனங்கள் ஏதும் அற்ற இக்குறிப்பினை இயன்ற வரை எல்லாரும் பின்பற்றலாம்..  

( இருப்பினும் கட்டாயம் எதுவும் இல்லை!..)

***