வெள்ளிப் பனிமலை அருவியில் விழுந்து... வெற்றித் திருமகன் மடியினில் கிடந்து

 ​L R ஈஸ்வரி பாடிய கற்பூர நாயகியே பாடல் இன்றைய தனிப்பாடல்.  அவிநாசி மணி இயற்றிய பாடலுக்கு சோமு கஜா இசை.

கற்பூர நாயகியே… கனகவல்லி….

கற்பூர நாயகியே…. கனகவல்லி….

காளி மகமாயி! கருமாரி அம்மா…..

பொற்கோவில் கொண்ட சிவ காமியம்மா

பூவிருந்த வல்லி தெய்வானையம்மா

கற்பூர நாயகியே… கனகவல்லி….

காளி மகமாயி… கருமாரி அம்மா….

[நெற்றியில் குங்குமமே நிறைய வேண்டும்

நெஞ்சில் உன் திருநாமம் வழியவேண்டும்] (2)

கற்றதெல்லாம் மேன் மேலும் பெருக வேண்டும்

பாடும் கவிதையிலே உன் நாமம் வாழ வேண்டும்

கற்பூர நாயகியே… கனகவல்லி….

காளி மகமாயி… கருமாரி அம்மா….

[காற்றாகி கனலாகிக் கடலாகினாய்

பயிராகி உயிராகி உடலாகினாய்] (2)

நேற்றாகி இன்றாகி நாளாகினாய்

நிலமாகி பயிராகி உணவாகினாய்

தோற்றாலும் ஜெயித்தாலும் வாழ்வாகினாய் (2)

தொழுதாலும் அழுதாலும் வடிவாகினாய்

போற்றாத நாளில்லை தாயே உன்னை! (2)

பொருளோடு புகழோடு வைப்பாய் என்னை

பொருளோடு புகழோடு வைப்பாய் என்னை

கற்பூர நாயகியே… கனகவல்லி….

காளி மகமாயி… கருமாரி அம்மா….

கருமாரி அம்மா

கருமாரி அம்மா

========================================================================================

1974 ல் எஸ் ஏ அசோகனின் சொந்தத் தயாரிப்பாக அமலராஜ் பிலிம்ஸ் பெயரில் வெளியிடப்பட்டு 150 நாட்கள் ஓடியதாக சொல்லப்படும் படம் 'நேற்று இன்று நாளை'.

ஆனால் இந்தப் படம் எடுத்துஅசோகன் நஷ்டமடைந்தார் என்று படித்த ஞாபகம்.  MGR, மஞ்சுளா, லதா, நம்பியார், அசோகன் நடித்த படம்.  ப நீலகண்டன் இயக்கத்தில் எம் எஸ் விஸ்வநாதன் இசை.  ஒரே ஒரு பாடல் மட்டும் வேறு ஏதோ படத்துக்கு கே வி மகாதேவனால் இசை அமைக்கப்பட்ட நெருங்கி நெருங்கி பழகும்போது பாடல் உபயோகப்படுத்தப்பட்டுள்ளதாம்..

TMS சுசீலா பாடிய இன்றைய பாடலை புலமைப்பித்தன் எழுதி இருக்கிறார்.  இந்தப் படத்தில் இரண்டு தலைவர் பாடல்கள் உண்டு.

நீ என்னென்ன சொன்னாலும் கவிதை

உன்னை எங்கெங்கு தொட்டாலும் இனிமை

நீ என்னென்ன சொன்னாலும் கவிதை

உன்னை எங்கெங்கு தொட்டாலும் இனிமை

நீ என்னென்ன செய்தாலும் புதுமை

உனை எங்கெங்கு தொட்டாலும் இளமை

இனிமை... இளமை...

நீ என்னென்ன செய்தாலும் புதுமை

உனை எங்கெங்கு தொட்டாலும் இளமை

இனிமை... இளமை...

சின்னஞ்சிறு மலர் பனியினில் நனைந்து (2)

என்னைக் கொஞ்சம் வந்து தழுவிட நினைந்து (2)

முல்லைக் கொடியென கரங்களில் வளைந்து (2)

முத்துச்சரமென குறு நகை புரிந்து 

குறு நகை புரிந்து

நீ என்னென்ன சொன்னாலும் கவிதை

உன்னை எங்கெங்கு தொட்டாலும் இனிமை

பொன்னில் அழகிய மனதினை வரைந்து (2)

பொங்கும் தமிழினில் கவிதைகள் புனைந்து (2)

பன்னீர் புதுமலர் இதழ்களில் நனைந்து (2) 

கங்கை நதியென உறவினில் கலந்து

உறவினில் கலந்து...

நீ என்னென்ன சொன்னாலும் கவிதை

வெள்ளிப் பனிமலை அருவியில் விழுந்து

வெற்றித் திருமகன் மடியினில் கிடந்து

உள்ள சுகத்தினை முழுவதும் அளந்து

இந்த உலகினை ஒரு கணம் மறந்து

ஒரு கணம் மறந்து...

நீ என்னென்ன சொன்னாலும் கவிதை

உன்னை எங்கெங்கு தொட்டாலும் இனிமை

நீ என்னென்ன செய்தாலும் புதுமை

உனை எங்கெங்கு தொட்டாலும் இளமை

இனிமை... இளமை...