"திங்க"க்கிழமை : யாழ்ப்பாணத் தொதல் - அதிரா ரெஸிப்பி

யாழ்ப்பாணத் தொதல்

என்ன இன்னும் ஆரையும் காணமே:))

ஆஆஆஆஆஆ இனிப்பு இனிப்பு... இம்முறை ஒரு இனிப்பு ரெசிப்பி செய்யோணும் என்றே களம் இறங்கிச் செய்து விட்டேன்ன்.. வட்சப் கோல் பண்ணிக் கூப்பிடுங்கோ நெல்லைத்தமிழனை:)).. அவர்தான் இனிப்புச் செய்து அனுப்பச் சொல்லியும், அப்படி இனிப்பான ரெசிப்பி செய்தனுப்பினால், அதைப் பாராட்டி 50 கொமெண்ட்ஸ் ஆவது போடுவேன் என்றும், கீசாக்கா அம்பேரிக்காவுக்கு எடுத்துப்போன அந்த நீலக்கலர் லக்கேஜ் மீது அடிச்சுச் சத்தியம் பண்ணியிருக்கிறார்ர்:)) ஹா ஹா ஹா.

இந்தத் தொதல் ஊரில் இடைக்கிடை செய்வோம், எங்கட அம்மா தலைமை தாங்குவா [Boss:)], இருவரைக் கூப்பிட்டு, வெளியே அடுப்பு மூட்டி, பெரிய இரும்புச் சட்டி வைத்து, அவர்களைக் கிண்ட வைத்து தொதல் செய்வோம்.. அது 10,12 தேங்காய்களில், செய்து அயலவர்க்கெல்லாம் கொடுத்து நாமும் நன்கு சாப்பிடுவோம்.

இப்படித் தொதல் சாப்பிட்டு அலுக்காது, ஏனைய சுவீட்ஸ் போல திகட்டாது, வாயில மாப்போல கரையும். நான் இதனை ஒரு தடவை செய்யோணும் என நினைச்சிருந்தேன்[இப்போ அவசரமாகச் செய்தேன்], ஆனா கிச்சின் அடுப்பில் செய்தால், தெறிச்சுப் பறக்குமே எனும் பயத்திலேயே செய்யாமல் இருந்தேன், உண்மையில்  நெல்லைத்தமிழனின் ஊக்கத்தாலேயே இனிப்பு ரெசிப்பி செய்தேன் அதுக்கு நன்றிகள் 🙏..

செய்முறைக்குள் நுழைவோமா?:))

இரு பெரிய தேங்காய்களை எடுத்து திருவி, அப்படியே கொஞ்சமாக தண்ணி விட்டுப் பிழிஞ்செடுத்த கட்டிப்பால் ஒரு லிட்டர்.

ஊறவைத்து இடிச்சு அரிச்செடுத்த அரிசிமா -125 கிராம்ஸ்

கறுப்பு சீனி[சுகர்] - 125 கிராம்ஸ்

சக்கரை[Jaggery] - 250 கிராம்ஸ்

வறுத்த பயற்றம் பருப்பு 2 மேசைக்கரண்டி[இது அதிரா செய்த பருப்பாக்கும்:)] மற்றும் உங்கள் விருப்பம்போல நட்ஸ்.

இப்பொழுது தேங்காய்ப்பால் ரெடியாகியதும், அதில் கொஞ்சம் எடுத்து சக்கரையைக் கரைத்து வடிகட்டி மிகுதிப் பாலினுள் சேருங்கோ.

முக்கியமாக ஒரு லிட்டர் பாலில் செய்யப் போகிறீங்கள் எனில், பாத்திரம் 8-10 லிட்டர் கொள்ளளவுடைய பெரிய  நொன் ஸ்ரிக் அல்லது இருப்புச் சட்டியே சிறந்தது, இல்லை எனில் அடிப்பிடிக்கும், தேங்காய் கொதித்து எண்ணெய் ஆகும்போது வெளியே தெறிக்கும்..

இப்பொழுது அனைத்தையும் ஒன்றாகக் கொட்டி...

மாவில் கட்டியில்லாமல் நன்கு கரைத்து விட்டு அடுப்பில் வைக்க வேண்டும்.

ஒரு இருபது நிமிடங்களில் இப்படி கட்டியாக தொடங்கி விடும், கை எடுக்கவே கூடாது, கிண்டிக்கொண்டே இருக்கோணும்..

நெருப்பைக் கொஞ்சம் கூட்டியே வச்சிருக்கோணும்..

இப்படி பபிள் பபிளாக வந்து வெடித்து தெறிக்கும், இதற்காகத்தான் பாத்திரம் பெரியதாக இருக்கோணும் அல்லது வீட்டுக்கு வெளியே வைத்துச் செய்ய வேண்டும்.

  இறுகி வரும்போது, நட்ஸ் ஐ சேருங்கோ...

இப்போ மெதுவாக தேங்காய் எண்ணெய் பிரிந்து வருகிறது.. என்ன ஆனாலும் கிண்டுவதை நிறுத்திவிடக் கூடாது!..

ஆஆஆஆஆஆஆ இப்போ வீடியோவைப் பாருங்கோ புரியும்

 நன்கு எண்ணெயில் மிதந்து, பொரிஞ்சு சுருண்டு குட்டிப் பந்துபோல வந்தபின்னரே இறக்க வேண்டும்... எப்படியும் 1-1 1/2[ஒன்று தொடக்கம் ஒன்றரை]மணித்தியாலங்கள் எடுக்கும், அடுப்பு வேலை மட்டும்.

உடனேயே இப்படி ஒரு ட்ரேயில் போட்டு தட்டி விட வேண்டும், இல்லை எனில் இறுகி விடும், இதில் இருக்கும் எண்ணெய் இங்கு வடித்த எண்ணெய்.. 80-100 மில்லி லீட்டர் வரையில் எடுத்தேன்..

ஆஆஆ இது ஸ்ரீராமுக்கும் அண்ணிக்கும் பிள்ளைகளுக்குமாக்கும்...  கெள அண்ணனுக்கு ஆகாது:))

இது நெல்லைத்தமிழனுக்கு மட்டும்ம்ம்ம்ம்:)), நெல்லைத்தமிழன் பிளீஸ் இங்கு வருவோருக்கு குட்டிக் குட்டிப் பீஸ் குடுப்பீங்களோ?:).. அஞ்சுவுக்கு குடுக்க வாணாம்:) அவவுக்கு ஆகாது, விரும்பினால் உங்கட அக்காவுக்கு ஒரு பீஸ் அனுப்பி விடுங்கோ பிளீஸ்ஸ்:))[கீதா ரெங்கன் அக்காவைச் சொன்னேன்:))] 

ஓடர்களுக்கு தொடர்பு கொள்ள வேண்டிய முகவரி:

அப்பாவி அதிரா

வீட்டு இலக்கம் -4

ட்றம்ப் வீதி,

குயின் எலிசபெத் ரவுண்,

ஸ்கொட்லாந்து, A41 PW4.

இந்தத் தொதல் சாப்பிட்ட பின் இப்பூடி வானத்தில் மிதப்பதைப்போல மகிழ்வாக இருக்குமாக்கும்:)).. நம்புங்கோ:))

💥💥💥💥💥💥💥💥💥💥💥💥💥💥

 “மகிழ்ச்சியை முழுமையாகப் பெற வேண்டுமானால்

அதைக் கட்டாயம் பகிர்ந்து கொள்ள வேண்டும்”

 இவ் அரிய தத்துவத்தை உங்களுக்காகத் தந்திருப்பவர்.. 

உங்கள் மதிப்பிற்கும், மரியாதைக்கும், பேரன்புக்கும் உரிய:-

புலாலியூர்ப் பூஸானந்தா அவர்கள்:).

😸😸😸😸🙏😸😸😸😸