வெள்ளி வீடியோ 180119 : உந்தன் பேர்கூட சங்கீதம் ஆகின்றது ; பொழுது நமக்காக நமக்காக விடிகின்றது

பழனிபாரதி பாடலுக்கு சிற்பி இசை அமைத்திருக்கிறார்.  

இந்தப் படத்தில் இருக்கும் ஏழெட்டு சிறிதும் பெரிதுமான பாடல்களில் இது ஒன்று மட்டும் எஸ் பி பாலசுப்ரமணியம் பாடியது.

விக்ரமன் படம் என்பதாலோ, அப்போது அங்கு வேறு பொழுது போக்கில்லாததாலோ, இந்தப் படம் ரிலீசான சமயம் நான் இதை மதுரை சக்தி-சிவம் திரை அரங்கில் பார்த்தேன்.  என் மகன் பிறந்த சமயம் அது.  மாமனார் வீடு சென்று அவனைப் பார்த்து விட்டு,  பொழுது போகாமல் பார்த்த படம்.  அப்போதே இந்தப் பாடல் கவர்ந்து விட்டது.

அடிக்கடி கேட்கும் பாடல்களில் ஒன்று.  வழக்கமான ஏமாற்றிய காதலியை, அவள் திருமணத்திலேயே பார்த்து அதிர்ச்சியடடைந்து காதலன் பாடும் காட்சி.  

ஆனந் பாபு நடிப்பில் வந்த படங்களில் சில நல்ல பாடல்கள் அமைந்ததுண்டு.  அவற்றில் இதுவும் ஒன்று.  சமீபத்தில் சன் டிவி திரைவிழாவில் மோகினியைப் பார்த்தபொழுது சிரிப்பாக இருந்தது.  இந்தக் காட்சியைப் பார்க்கும்போது அது நினைவுக்கு வருகிறது.

எல்லாப் புகழும் எஸ் பி பி க்கே!

வானம் நூறாகலாம் 

யாவும் பொய்யாகலாம் 

தமிழ்மணம்.