வியாழன், 28 ஜனவரி, 2021

பக்கம் பார்த்துப் பேசு

 சாதாரணமாக சாலையில் நடந்து செல்லும்போதோ அல்லது பொது இடங்களிலோ நமக்குள் பேசிக்கொண்டாலும் அருகில் தாண்டிச்செல்வோரை  சில நேரங்களில் அது புருவம் உயர்த்த வைக்கும்.  ஏனெனில் நாம் அந்த நேரம் பேசும் ஓரிரு வார்த்தைகள்  அவர்களைக் குறிப்பதாக பொருள் கொள்ள வைத்து விடும்.

வெள்ளி, 22 ஜனவரி, 2021

வெள்ளி வீடியோ : வண்ண கூந்தல் கையில் இறங்க வட்டக்கண்கள் பாதி உறங்க

சென்ற வாரம் எல் ஆர் ஈஸ்வரி பற்றிச் சொல்லி இருந்தேன்.  அதனால் என்று இல்லை, யதேச்சையாகவே இந்த வாரம் இரு எல் ஆர் ஈஸ்வரி பாடல்கள்.

வியாழன், 21 ஜனவரி, 2021

எப்படி எல்லாம் சிக்கிக்கொள்கிறோம் பாருங்கள்...

 குழந்தைகளை பராமரிப்பது ஒரு கலை.  நம் குழந்தைகளை விடுங்கள், நண்பர்கள் அல்லது உறவினர்கள் யாராவது 'கொஞ்சம் பார்த்துக்குங்க..  இதோ வந்துடறேன்'னு உங்க கிட்ட குழந்தையை விட்டுப் போயிருக்காங்களா?

வெள்ளி, 15 ஜனவரி, 2021

வெள்ளி வீடியோ :  நூலாடும் சின்ன இடை மேலாடும் வண்ண உடை நானாக கூடாதோ தொட்டு தழுவ

 1954 ல் வெளியான படம் பொன்வயல்.  நடிகர் டி ஆர் ராமச்சந்திரன் தயாரித்து கதாநாயகனாக நடித்த திரைப்படம்.  படமே காணாமல் போய்விட்டதாம்.  தியேட்டரிலிருந்து மட்டுமல்ல, படச்சுருளே காணோமாம்.  கல்கி எழுதி கல்கியில் தொடராக வந்த பொய்மான் கரடு கதையைத்தான் டி ஆர் ராமச்சந்திரன் படமாக எடுத்து நடித்தார்.  கதாநாயகியாக நடித்தவர் அஞ்சலிதேவி.

வியாழன், 14 ஜனவரி, 2021

செவ்வாய், 12 ஜனவரி, 2021

மறக்கவியலாத சிறுகதை - சீட்டு  - அப்பாதுரை

   சீட்டு

     சித்திரை மாதம் முதல் நாள். அதிகாலை ஆறு மணி இருக்கும். “விடிஞ்சா சித்திரை டோய்.. விசால நித்திரை டோய்” என்று ஏதோ முணுத்தபடி நல்லசிவம் பெரிய மரப்பெட்டியை எடுத்து ஒற்றை மாட்டு வண்டியில் வைக்க முயன்றார். பின்னால் ஓடி வந்த நரசிம்மன் பெட்டியின் பூட்டை அசைத்துப் பார்த்து “பூட்டியிருக்கு” என்றார். “ஆமாய்யா, என்னை நம்பலியா?” என்று சிரித்த நல்லசிவம் மறுபடி பெட்டியைத் தூக்கினார். “ஆச்சுயா, இதான் கடைசி பெட்டி..” என்று வண்டியில் இருந்த மற்ற நான்கு வரிசைகளைக் காட்டினார். வரிசைக்கு ஆறு என்று இருபத்து நாலு சிறிய பெட்டிகளைச் சுட்டினார்.

வெள்ளி, 8 ஜனவரி, 2021

வெள்ளி வீடியோ : நீர் கொண்டு போகின்ற கார்மேகமே, தூரல்கள் நீ போட தாகம் தீரும்...

 மகுடி!  

இதை வாசித்து பாம்பைப் பிடித்து விடுவார்கள் என்று நம்பி இருக்கிறேன்.  இதை வாசித்தால் எங்கிருந்தும் ஒளிந்திருக்கும் பாம்புகள் வந்துவிடும் என்று நம்பி இருக்கிறேன்.  ஆனால் சுவாரஸ்யமான வாத்தியம்தான் மகுடி.  அதை எப்படி செய்கிறார்கள் என்று பாருங்கள்.

வியாழன், 7 ஜனவரி, 2021

அவன் ஆன நான்...

 நோலனுக்கு ஒன்றும் புரியவில்லை.  தான் யார் என்பதே புதிராக இருக்கிறது.  அவனை அவன் மகள் - என்ன பத்து வயது இருக்குமா? - அவள்தான் பார்த்துக் கொள்கிறாள்.  அவனுக்கு நேர்ந்த விபத்து பற்றிச் சொல்கிறாள்.  அவன் எல்லாவற்றையும் மறந்து விட்டது பற்றிச் சொல்கிறாள்.