ராமாயணத்தில் தர்மத்தின் வழி நின்ற ஸ்ரீராமனின் முடிவு ஏற்கும்படி இல்லையே?

 

நெல்லைத்தமிழன் : 

இந்த தேசம்தான் அணு ஆயுதம் அதற்கான முயற்சி செய்யலாம், இவங்கள்லாம் அதைப் பற்றி நினைத்துக்கூடப் பார்க்கக்கூடாது என்று வளர்ந்த நாடுகள் நினைப்பது, செயல்படுத்துவது சரியா?

# அணு ஆயுதங்களை பொருத்தவரை எந்த தேசமுமே அதை வைத்திருக்கக் கூடாது பயன்படுத்தக் கூடாது பயன்படுத்துவேன் என்று பயமுறுத்தவும் கூடாது என்பதுதான் என் கட்சி. இந்தியா அணுகுண்டு தயாரித்த பின் அணு ஆயுதங்கள் பற்றிய நமது பார்வையே முற்றிலுமாக மாறிப் போய்விட்டது. அதற்கு சில நியாயங்களும் இருக்கலாம் என்பது ஒப்புக்கொள்ள வேண்டியதுதான். அந்தக் காலத்தில் ராஜாஜி சொன்ன மாதிரி எல்லாரும் எல்லா அணு ஆயுதங்களையும் அழித்திருந்தால் உலகம் எவ்வளவோ நல்லபடியாக முன்னேறி இருக்கும்.‌

& அணு ஆயுதங்களை எல்லா நாடுகளும் கைவிடவேண்டும் என்பதுதான் எனக்கும் ஆசை. நாம சொன்னா யார் கேட்குறாங்க ! 

பானுமதி வெங்கடேஸ்வரன்: 

உங்கள் வாழ்க்கையில் அதிக விலை கொடுத்து கற்றுக் கொண்ட பாடம் ஏதாவது உண்டா? அதிக விலை என்பது பணம் அல்ல.

# அதிக விலை கொடுத்தேனே தவிர பாடம் கற்றதில்லை !!

& F and O Option trading என்பது ஒரு மாய மான் என்பதுதான் நான் கற்ற பாடம். 

ராமாயணத்தில் தர்மத்தின் வழி நின்ற ஸ்ரீராமனின் முடிவு ஏற்கும்படி இல்லையே?

# வால்மீகி ராமாயணம் பட்டாபிஷேகத்தோடு முடிவடைந்து விடுவதாகவும்,  உத்தரகாண்டம் என்ற பிற்பகுதி பின்னர் வேறு யாரோ எழுதிச் சேர்க்கப்பட்டதாகவும் சொல்லுகிறார்கள.  நீங்கள் ராமனின் முடிவு என்று எதைச் சொல்லுகிறீர்கள் ?  சீதையை யாரோ ஏதோ சொன்னதால் காட்டுக்கு அனுப்பினார் என்பதையா, அல்லது ஸ்ரீ ராமர் சரயு நதியில் இறங்கி தன் உயிரை விட்டார் என்பதையா ?

& சக்கரவர்த்தி ராஜகோபாலாச்சாரியார் எழுதிய சக்ரவர்த்தி திருமகன் (இராமாயணம்) படித்திருக்கிறீர்களா? (PDF வடிவில் என்னிடம் உள்ளது.) அந்தப் புத்தகத்தின் முடிவுரைப் பகுதியில் ஒரு பகுதி இது: 

கே. சக்ரபாணி சென்னை 28: 

1. எத்தனையோ  மருமகள்கள்   மாமியாரை  அம்மா   என்று   கூப்பிடுவதுண்டு.  ஆனால்    யாரேனும். மாப்பிள்ளைகள். மாமனாரை. அப்பா. என்று. கூப்பிட்டு. பார்த்திருக்கிறீர்களா? 

# நான் பார்த்ததில்லை என்பதால் அப்படி அழைப்பவர்களே இல்லை என்று ஆகிவிடாதல்லவா ?

& உறவுகளுக்குள் நடக்கும் திருமண பந்தங்களில் மருமகள்கள் இப்படி அழைப்பது இல்லை என்று நினைக்கிறேன். 

மருமகள்கள் மாமியார் மற்றும் மாமனாரை அம்மா, அப்பா என்று அழைப்பது ஒரே வீட்டில் அனைவரும் ஒன்றாக இருக்கவேண்டியிருப்பதால் சாத்தியம் ஆகிறது. 

ஆனால் மருமகன்கள் மாமியார் மாமனார் ஆகியோருடன் ஒரே வீட்டில் வாழ்வது இல்லை. அதனால் அம்மா அப்பா என்று அவர்களுடைய ஒரிஜினல் பெற்றோர்களையே அழைக்கலாம்! 

2.  சிறுவயதில்    அந்தாட்சரி   விளையாடியிருக்கிறீர்களா?   இலங்கை  வானொலியில்  அந்தகாலத்தில்   திரு. சாகுல்ஹமீது. அவர்கள்    சுத்த  தமிழில்  கம்பீரமாக  அந்தாட்சரி   நிகழ்ச்சி   நடத்தியதை கேட்டிருக்கிறீர்களா? 

# எனக்கு அந்தாக்ஷரியில் நாட்டமில்லை என்பதால் நான் சாகுல் ஹமீது நிகழ்ச்சிகள் பார்த்ததில்லை .

& சா ஹ அந்தாக்ஷரி நினைவில் இல்லை. ஆனால், விவிதபாரதி தமிழ் வர்த்தக ஒலிபரப்பில் பி கே அந்தாக்ஷரி போட்டிகளை நிறைய வாரங்கள் கேட்டு இரசித்தது உண்டு. நாங்களும் (நான், என் அண்ணன், சித்தப்பாவின் மகன்கள், மகள் எல்லோரும் ) அந்தாக்ஷரி வகையில் பாட்டுப் பாடி மகிழ்ந்தது உண்டு. 

= = = = = = = =

படமும், பதமும். 

பானுமதி வெங்கடேஸ்வரன்: 

இந்த இரண்டு வர்ண செம்பருத்தி பூ என் அக்கா வீட்டில் பூத்ததாம், நான் முதல் முறையாக பார்க்கிறேன். வேறு யாராவது இப்படி வித்தியாசமாக பார்த்திருக்கிறீர்களா?

= = = = = = = =

நெல்லைத்தமிழன் : 

கோயிலுக்குச் சென்று இறைவனை வழிபாடு செய்வது ஒரு விதம். தன்னுடைய பிரதிமையையே சன்னிதிக்கு முன்னால் செய்துவைத்துவிடுவது எப்போதுமே தான் இல்லாவிட்டாலும் தன் சிலையாவது இறைவன் சன்னிதியையே நோக்கிக்கொண்டே இருக்கவேண்டும் என்பதற்காகவா?  படம்-இரண்டாம் சரபோஜி மன்னர் மற்றும் அவர் மனைவியோ இல்லை மகளோ. இந்த வெண்கலச் சிலை (ரொம்ப உயரமானது) இருப்பது கும்பகோணம் சக்ரபாணி கோயிலில். 

(சிலைகளின் உயரங்களைக் கணக்கில் கொண்டு பார்த்தால், மனைவியாக இருக்க வாய்ப்பு இல்லை என்று தோன்றுகிறது) 

= = = = = =

ரொம்ப வருடங்கள் முன்னாலதான் கிராமத்துல இந்த மாதிரி பூப்புனித நீராட்டு விழாலாம் நடக்கும்னு சொல்வாங்க. இது என்ன..இதைப்போய் விளம்பரப்படுத்திக்கிட்டு, இதெல்லாம் தனிப்பட்ட விஷயம் அல்லவா என்றெல்லாம் நாம ரியாக்‌ஷன் கொடுத்திட்டிருந்தோம். இந்தக் காலத்திலெல்லாம் இப்படி நடக்காது, காரணம் எல்லாரும் படிச்சவங்கன்னுலாம் கருத்து தெரிவிச்சிட்டிருந்தோம். இந்தப் பதாகை சில மாதங்களுக்கு முன்பு ஒரு பெரிய ஹோட்டலில் பார்த்தேன்.  இது நவீன பூப்புனித நீராட்டு விழா. ஆங்கிலத்தில் பந்தாவா போட்டிருக்காங்க. 

= = = = = =

KGG பக்கம். 

மேலே பா வெ மேடம் அனுப்பியிருந்த ஒரு பூ இரண்டு வர்ணங்கள் படம் எனக்குக் கிடைப்பதற்கு ஒருநாள் முன்பு, பெங்களூரில் காலை உணவு உண்ணவும் மற்றும் சில பொருட்கள் வாங்கவும் எங்கள் பகுதியில் சிற்றுலா சென்றோம். 

அப்போது ஒரு கடை வாசலில் இருந்த இரு வர்ண செடி என் கவனத்தைக் கவர்ந்தது. அது, இங்கே : 

= = = = = = =

பெங்களூரில் காக்கைகள் கிடையாது. ஆனால் புறாக்கள் மிக அதிகம்! தினமும் காலையில் நடைப் பயிற்சி செல்லும்போது கூட்டம் கூட்டமாக புறாக்கள் கண்ணில் படும். 

இதோ இந்தப் படத்தில் நீங்கள் காண்பவை அப்படி சில மாடப்புறாக்கள் - இல்லை இல்லை மாடிப் புறாக்கள்! என்ஜாய் மாடி !! 

= = = = = = = = = = =