'அழகிய லைலா...' ரம்பா மாதிரி...

ஒவ்வொரு நாளும் இரண்டு முறை தத்தித்தத்தி ஐவி ஊசி போட்டுக்கொண்டு வந்தேன்.  மூன்று நாட்களும் வெவ்வேறு சோதனைகள் செய்து கொண்டுதான் இருந்தார்கள்.  டாக்டர் சோமுவும், அவர் உதவியாளர்களும் அவ்வப்போது வந்து சோதித்துச் சென்றனர்.  மூன்றாம் நாள் மறுபடி எனக்கு கவுன் சோதனை வந்தது.

ஸ்கேன் எடுக்க வேண்டும் என்று அழைத்தார்கள்.  கட்டாயம் கவுன் என்று அறிவித்தார்கள்.  இந்தமுறை வீல்சேர் என்பதோடு தள்ளிக் கொண்டு வர ஒரு பெண்.

வீல்சேர் போய்க்கொண்டே இருந்தது.   வாசல் கேட்டுக்கு செல்லும் வழி வர, சந்தேகம் வந்தது.  'கவுனோடு என்னை கடத்துகிறார்களோ' என்று அல்லது, வேறு ஆஸ்பத்திரிக்கோ என்று!  ஆனால் அந்தப் பெண்மணி 'இல்லை.  இந்த ஸ்கேன் இந்த கட்டிடத்தில் இல்லை, எதிரே உள்ள கட்டிடத்தில் தான் இருக்கிறது.  அங்கு செல்ல வேண்டும்' என்று சொன்னார்.

"அப்போ எதுக்கு வெயிட் செய்யறோம்?"

"ஆம்புலன்ஸுக்கு" 

"என்ன?  ஆம்புலன்ஸா?"

வாயிற்காப்போன்களாக  இருந்தவர்களிலிருந்து ஒரு பெண் வந்து என்னைப்பற்றிய விவரங்களை கேட்டு அறிந்து ஒரு நோட்டில் பதிந்து அந்தப் பெண்ணிடம் கையெழுத்து வாங்கி கொண்டார்.

"இது எதுக்கு?"

"ரூல்ஸ்.."

எல்லோரும் இது ஒரு வார்த்தை தெரிந்து வைத்துக் கொண்டிருக்கிறார்கள்..

"அதுதான் எதுக்கு?"

"சில பேஷண்ட் அப்படியே எஸ்கேப் ஆயிடுவாங்க..  இன்னாரை கொண்டு போனோம், அவரை திரும்பி கொண்டு வந்துட்டோம், இன்ன டைம் என்று தெரிய.."

"ஓ..  அப்படியே எஸ்கேப் ஆவாங்களா..  அதுக்குதான் கவுன் போட்டு கூட்டிகிட்டு வரீங்களா?!" 

அந்தப் பெண் களுக்கென்று சிரித்து ஐந்து விரல்களால் கண்கள் மூக்கு வாயை பொத்தி சிரிப்பை சிறிது நேரம் கண்டின்யு செய்தார்.

எரிச்சலாக இருந்தது.

பிறகு நான் வீல்சேரில்தான் அழைத்து வரப்பட்டேன், ஆம்புலன்ஸில்தான் எதிர் கட்டிடத்துக்கு அழைத்துச் செல்லப்பட்டேன் என்பதற்கு ஆதாரமாம்.  ஆம்புலன்ஸ் எண் எழுதுவார்களாம்.  சிறு சிரிப்புகள் இன்னும் மாரியம்மாள் அந்தப் பெண் சொன்னது இது.

அந்த நேரத்தில் ரயில் நிலையத்துக்கு வந்த ரயில் மாதிரி ஒரு ஆம்புலன்ஸ் வந்து நின்று எங்களை எதிர்நோக்க, அதன் ஓட்டுநர் நிறைய 'வசனங்களுடன்' (எதற்கென்று புரியும் என்று நினைக்கிறேன்)  எங்களை ஏற்றிக் கொண்டு எதிர் பிளாட்பார்மில் இருந்த கட்டிடத்துக்கு கொண்டு சேர்த்தார்.  ரூல்ஸ்!  அந்த இடத்தை - அதாவது ரோட் க்ராஸ் செய்வதைப் போல இந்த பிளாட்பார்மில் இருக்கும் கட்டிடத்திலிருந்து எதிர்ப்பக்க பிளாட்பார்மில் இருக்கும் கட்டிடத்துக்கு - வீல்சேரில் கடக்கக் கூடாதாம்!

அந்தக் கட்டிட வாசலில் இறக்கி விட்டு முடிந்ததும் அழைக்கச் சொல்லி ஆம்புலன்ஸ் டிரைவர் விடைபெற,  இன்னொரு கூத்து நடந்தது.  வீல்சேர் இந்த கட்டிடத்திலிருந்து புதிதாக எடுக்க வேண்டும்.  அங்கு நான் உட்கார்ந்து வந்தது அந்த கட்டிடத்தின் சொத்து!  அதை அங்கேயே விட்டு விட்டு வந்தாச்சு.

கூத்து என்னவென்றால், அந்தப் பெண்மணி வீல்சேர் எடுக்க உள்ளே போக இறங்கி நின்ற நான் என் மானத்தைக் காக்க பெரும் போராட்டம் நடத்த வேண்டி இருந்தது.  அந்த இடத்தில் மட்டும் பேய்க்காற்று அடிக்க, 'உள்ளத்தை அள்ளித் தா' ரம்பா மாதிரி என் கவுன் பறந்தது.  ரம்பாவைப் போலவே கவுனை இரண்டு கைகளாலும் அழுத்திப் பிடித்துக் கொண்டு அலறினேன்.  "டேய்...   டேய்..  ஏதாவது செய்டா..  காத்துடா... "  

மகன் திணறினான்.  அவனும் வந்து கவுன் பறக்காமல் பிடித்துக் கொண்டான்.  "என்னப்பா இவ்ளோ காத்து இங்கே...  மழையா இருந்தா குடை பிடிக்கலாம்...  இதுக்கு என்ன செய்ய..?"

வீல்சேர் எடுத்துக் கொண்டு வந்து கொண்டிருந்த பெண்மணி என் நிலை கண்டதும் சிரிப்பை அடக்க முடியாமல் சிரித்துக் கொண்டு, வேகமாக வந்தார்.  வீல்சேரைப் பிரித்து அதில் அமரச் செய்து போர்வை போர்த்தி தொடைகளை மறைத்தார்.

உள்ளே அழைத்துச் செல்லப்பட்டு, எனக்கு முன்பாக ஒரு ஆக்சிடன்ட் ஆன இளம்பெண் காத்திருக்க, அவர் டர்ன் முடிந்ததும் எனக்கு எடுத்தார்கள்.  தொடைகளில் கவுனில் கைவைத்துக் கொண்டே அங்கு நான் பட்ட அவஸ்தைகள் தனி.  வெளியே வந்தததும் போகலாம் என்றால் அந்தப் பெண்மணி என்னை வராண்டாவில் உட்காரவைத்து விட்டு ரிப்போர்ட் வாங்க உள்ளே செண்ட்ஸரு, அங்கிருப்போருடன் சிரித்துச் சிரித்து கதையடித்துக்கொண்டிருந்து விட்டு வந்தார்.

ஆச்சரியகரமாக ஆம்புலன்ஸ் தயாராய் நின்றிருந்தது. ரம்பா கோலம் மறுபடி வராமல் அழுத்திப் பிடித்தபடி சட்டென ஏறி ஆம்புலன்சில் அமர்ந்து ரோட் க்ராஸ் செய்து, இங்கிருக்கும் வீல்சேரில் அமர்ந்து நோட்டில் கையெழுத்துப் போட்டுவிட்டு வந்த பெண்ணுடன் அறையை அடைந்தேன்.  ரிப்போர்ட்டும் வந்ததது.

===========================================================================================

ஏதோ ஒரு

வலிய காரணத்தின்

எளிய கணத்தில்

கணவர்களிடமிருந்து

மகன் கைகளுக்கு

மாறுகிறது

மனைவிகளின் மீதான

ஆதிக்கம்!

கேள்வியாக கேட்கிறாய் 

ஏன் 

பதிலை மட்டும் 

கேட்க மாட்டேன் 

என்கிறாய்

===========================================================================================

கேள்விகள் கேட்போருக்கு...  சென்ற வாரம் இதை வெளியிட்டு அது சரியாக வரவில்லை.  எனவே இன்று மீண்டும் சரியாக...

=========================================================================================

1963 தாமரை புத்தகத்திலிருந்து...  ஆமாம், தாமரை என்றொரு புத்தகம் வந்ததது தெரியுமோ....

எட்டாவது வகுப்பிலே தமிழ்க் கட்டுரைப் போட்டி நடந்து கொண்டிருந்தது. வகுப்பு ஆசிரியர், தன் வாயைத் திறந்து, "பேசாதீர் கள், நேரத்தை விணாக்காதீர்கள், அரை மணிக்குள் கிரிக்கெட் விளை யாட்டைப் பற்றிச் சுவையாகத் தமிழில் கட்டுரை ஒன்று எழுத வேண்டும். ஆமாம், நேரம் முப்பது நிமிடங்களே. அதற்குப் பிறகும் சும்மா எழுதிக்கொண்டிருந்தால் விடைத்தாளை ஏற்றுக்கொள்ள மாட்டேன்!" என்று முழங்கிவிட்டு அந்த அறையில் நடைபோட் டார்.

வகுப்பிலிருந்த நாற்பத்தொரு தலைகளும், பேனாவைப் பிரித்து வைத்துக்கொண்டு கீழே குனிந்துகொண்டன. ஆசிரியர், எந்த மாணாக்கனாவது எழுதாமல் இருக்கிறானா, பிறர் எழுதுவதைப் பார்த்து, தான் எழுதுகிறானா என்று கண்ணோட்டம் செலுத்திக் கொண்டிருந்தார்.

ஆயிற்று ஐந்து நிமிடங்கள். ஒரே ஒரு மாணவன் மட்டும் விடைத்தாளில் சில வரிகளை எழுதி மடித்துக் கொடுத்துவிட்டு வகுப்பிலிருந்து மிக விரைந்து வெளியேறினான்.

போகிற அந்த மாணவனை வியப்போடு பார்த்துக்கொண்டே. "அட அவசரக்குடுக்கை !" என்று தன் வாயினால் முணுமுணுத்துக் கொண்டு அவன் என்னதான் எழுதியிருக்கிறான் என்று விடைத் தாளைப் பிரித்துப் பார்த்தார் ஆசிரியர்.

அதில் - "மழை. கிரிக்கெட் ஆட்டம் நடக்கவில்லை" என்று எழுதியிருந்தது!

============================================================================================

1988  தெற்கத்திக்கள்ளன் என்னும் படத்திலிருந்து ஜானகி  அம்மாவின் குரலில் ஒரு இனிய காதல் பாடல்.  இளையராஜா இசை.  கங்கை அமரன் பாடல்.  காட்சியில் விஜயகாந்தும் ராதிகாவும்.

 

===========================================================================================

'தமிழ்நாட்டு விளையாட்டுகள்' என்று ஒரு புத்தகம்.  60 களில் வெளியான புத்தகம்.  அதன் முன்னுரை சுவாரஸ்யம்.  பொருளடக்கத்தில் பாருங்கள்.  வரிசை எண்களே தமிழ் எண்களாக கொடுக்கப்பட்டிருக்கிறது!

முகவுரை

விளையாட்டாவது விரும்பியாடும் ஆட்டு. (விகைள = விருப் பம். ஆட்டு ஆட்டம்.) அது சிறுவர் பெரியோர் ஆகிய இரு சாரார்க்கும் பொதுவேனும், முன்னவர்க்கே சிறப்பாக உரிய தாம். மக்கள் நிலைத்த குடும்பவாழ்க்கை வாழத் தொடங்கிய காலத்திலிருந்து,விளையாட்டுவினை உலகில் நிகழ்ந்து வந்திருக் கின்றது. வேலை செய்யாத பருவத்தில் அல்லது ஓய்வு நேரத் தில், சிறுவர் பெரியோரின் செயலை அல்லது இயற்கை நிகழ்ச்சியை ஈடித்து மகிழ் திறமே விளையாட்டுத் தோற்றமாகத் தெரிதலின், அது முதன்முதல் சிறுவரிடையே தோன்றிற்றெனக் கொள்ளுதல் தவறாகாது.

விளையாட்டு கிலைக்களன், வாழ்க்கைத் தொழில், போர், அருஞ்செயல், சிறப்பு நிகழ்ச்சி முதலியவாகப் பலதிறப்படும். உழவர் செய்யும் பயிர்த்தொழிலைச் சிறுவர் நடித்தாடும் ஆட்டு பண்ணையென்றும்; ஓர் இளங்கன்னிக்குக் களிறுபுலி முதலிய விலங்குகளாலும் ஆழ்கீராலும் சேரவிருந்த கேட்டை, தற்செய லாக அவ்வழிவந்த காளைப் பருவத்தானொருவன் நீக்கிய செய்தி யைச் சிறார் நடித்தாடுவது கெடவால் என்றும்; பெயர்பெற்றதாக ஊகிக்க இடமுண்டு. (பண்ணை = வயல்)
"கெடவரல் பண்ணை ஆயிரண்டும் விளையாட்டு"

(தொல்.உரி.21)

பிற்காலத்தில் அவ்விரு பெயர்களின் சிறப்புப் பொருளையும் அறியாதார், அவற்றை விளையாட்டு என்னும் பொதுப்பொருளி லேயே வழங்கினர் போலும்!
விரும்பப்படுதல், செயற்கெளிமை, இன்பந்தரல் ஆகிய மூன்றும் விளையாட்டின் இயல்பாகும். ஒருவன் ஓர் அருளினையை எளி தாகச் செய்துவிடின், அவன் அதை ஒரு விளையாட்டுப்போற் செய்துவிட்டான் என்பர். விளையாட்டு இன்பக் தருவதுபற்றியே,

"செல்வம் புலனே புணர்வு விளையாட்டென் றல்லல் நீத்த உவகை கான்கே " என (1205), அதை இன்பவழி நான்கனுள் ஒன்றாகக் கூறிய தோடு, இன்ப நுகர்ச்சியையே 'பண்ணை' (1195) என்னுஞ் சொல்லாற் குறித்தனர் தொல்காப்பியர். அப் பண்ணை யென் னுஞ் சொற்கு, "முடியுடை மூவேந்தருங் குறுநில மன்னரு முதலாயினோர் நாடகமகளிர் ஆடலும்பாடலுங் கண்டுங் கேட்டுங் காமநுகரும் இன்ப விளையாட்டு " என்று பேராசிரியர் உரை கூறியிருத்தல் காண்க. எளியதும் இன்பந் தருவதுமான செய லெல்லாம் விரும்பப்படுவதே. இறைவன் அடியாரைக் காக்கும் திருவருட்செயல்கள் மேற்கூறிய மூவியல்புங் கொண்டன வென் னுங் கொள்கைபற்றியே, அவை திருவிளையாடல் எனப்படுவன.

விளையாட்டால் ஒருவர்க்கு, உடலுரம், உள்ளக்கிளர்ச்சி, மறப்பண்பு,மதிவன்மை, கூட்டுறவுத்திறம், வாழ்நாள் நீட்டிப்பு முதலியன உண்டாகின்றன. இக்காலத்தில் சிலர்க்கு, 'கரும்பு தின்னக் கைக்கூலிபோல்' விளையாட்டால் பிழைப்பு வழியும் ஏற்படுகின்றது. நீண்டகாலமாக வாழ்க்கைத் தொழில்வகையாக இருந்துவரும் நாடக நடங்களும், முதற்காலத்தில் விளையாட் டாகத் தோன்றியவையே.

ஒருசில விளையாட்டுக்கள் உலக முழுமைக்கும் பொதுவே னும், பல விளையாட்டுக்கள் வெவ்வேறு நாட்டிற்குத் தனிச் சிறப்பாகவே யுள்ளன. அவை பெரும்பாலும் நாட்டுப்பற்றை யூட்டுவன. ஆங்கில ஆட்சி நீங்கித் தமிழாட்சி வாவிருக்கும் போது, வழக்குக் குன்றிய தமிழ்நாட்டு விளையாட்டுக்களை நாடு முழுதும் பரப்புவது நல்லதென்று கண்டு, சைவசித்தாந்த நூற் பதிப்புக் கழக ஆட்சித்தலைவரும் தூயதமிழருமான திருவாளர், வ. சுப்பையா பிள்ளையவர்களின் விருப்பத்திற் கிணங்கி, இச் சிறுநூலை எழுதலானேன்.
வழக்கற்ற விளையாட்டுக்கள் இறுதியிற் குறிப்பிடப்பட்டுள் ளன. இந்நூலில் இடம்பெறாத தமிழ்நாட்டு விளையாட்டுக்களை எவரேனும் எழுதியனுப்பின், அவை நன்றியறிவொடு அடுத்த பதிப்பிற் சேர்த்துக்கொள்ளப்பெறும்.
1-12-54.
}
ஞா. தே-

முன்னுரை

உள. எல்லா விளையாட்டிற்கும் பொதுவாகச் சில கூறுகள் அவையாவன :

(1) கட்சி பிரித்தல்
இரு கட்சியார் விளையாடும் விளையாட்டுக்களிலெல்லாம், முதலாவது, கட்சி பிரித்துக்கொள்ளல் வேண்டும். ஆற்ற லும் மூப்பும் வாய்ந்த இருவர் முதலில் கட்சித்தலைவராய் அமர்ந்துகொள்வர். அதன்பின், பிறர் இவ்விருவராய்ச் சேர்ந்து தமக்குக் கவர்ச்சியான வெவ்வேறு புனைபெய ரிட்டுக்கொண்டு, கட்சித்தலைவரிடம் சென்று "இவ்விரு பெயராருள் உமக்கு எவர் வேண்டும்?" எனக் கேட்பர். கட்சித்தலைவர் யாரேனுமொருவரைத் தெரிந்துகொண்டு அவரைத் தம் கட்சியிற் சேர்த்துக்கொள்வர். இங்ங னம் இவ்விருவராய்ச் சேர்ந்து செல்லற்கு உத்திக்கட்டுதல் என்று பெயர். கட்சித்தலைவனைப் பொதுவாக அண்ணாவி என அழைப்பர். இவை பாண்டிநாட்டு வழக்கு.
உத்தியாளர் கட்சித்தலைவரைக் கேட்கும்போது,

"காற்றைக் கலசத்தில் அடைத்தவன் வேண்டுமா? கடலைக் கையால் நீந்தினவன் வேண்டுமா?"
என்றும்,

"வானத்தை வில்லாய் வளைத்தவன் வேண்டுமா? மணலைக் கயிறாய்த் திரித்தவன் வேண்டுமா?"

என்றும், பிறவாறும், அருஞ்செயல் ஆற்றிய பழமறவரின் சிறப்புப் பெயர்களையே கூறிக் கேட்பர். இத்தகைப் பெயர் களைக் "கூடிவரு வழக்கின் ஆடியற் பெயர்" என்பர் தொல் காப்பியர் (சொல்: 165.)
மகளிராயின், தாந்தாம் விரும்பிய பூப்பெயரைச் சொல்லிக் கேட்பர்.

குதிரைக்குக் காணங்கட்டல்

41
(2) இரவாட்டு

திரவை. நிலவொளியில்லா தவிடத்துத் தெருவிளக்கொ இங்கு, இரவென்றது கண்தெரியும் பிலும் சில ஆட்டுக்கள் ஆடப்பெறும்."
பிடித்துவிட்டால், எறிந்தவன் தொலைவான். அதன்பின் எதிர்க்கட்சியாருள் ஒருவன் அவ்வாறு ஆடல் வேண்டும். திரி பிடிக்கப்படாவிடின், ஒருவன் எத்தனை முறையும் ஆடலாம். திரி மனைக்குட் புகாமல் எல்லைக்கு வெளியே நிலாக்கவீழினும் எறிந்தவன் தொலைவான்.

க. குதிரைக்குக் காணங்கட்டல்
ஆட்டின் பெயர் குதிரைக்குக் காணங்கட்டி அ றின்மேல் ஏறுவதாகப் பாவித்துக்கொண்டு, ஒரு கட்சிய இன்னொரு கட்சியார்மேல் ஏறி விளையாடுவது குதிரை காணங்கட்டல். காணங்கட்டுதலாவது கொள்வைத்தல்,

ஆவோர் தொகை: பொதுவாக, எண்மர்க்கு வே பட்ட சிறுவர் இதை ஆடுவர்.
ஆடு கருவி: ஓர் ஆடைத்துண்டை முறுக்கிப்பி னிய திரி இதற்குரிய கருவியாம். ஏறத்தாழ ஐந்துகள் இடையிட்ட இரு சமதூரக் கோடுகளைக்கீறி, அவற்க எதிரெதிராக நின்று ஆடும் இரு கட்சியாரும் தத்தம்ம் யெல்லை என்பர்.
ஆடிடம் : ஊர்ப் பொட்டலும் அகன்ற தெரு இதை ஆடுமிடமாம்.
ஆடு முறை: ஆடுவார் எல்லாரும் முதலாவது கட்டிச் சமத்தொகையான இருகட்சியாகப் பாகப் பிரி கொள்வர்.

முந்தி யாடவேண்டுமென்று துணியப்பட்ட யாருள் ஒருவன், திரியின் ஒரு முனையைத் தன் வலக் பெருவிரற்கும் அடுத்த விரற்கும் இடையில் இடுக்கி, கையையும் நிலத்தில் ஊன்றி, கரணம் போடுவதுபே காலைத்தூக்கித் திரியை எதிர்க்கட்சியாரின் மனைக்கு காலால் எறிவான். அதை எதிர்க்கட்சியார் அந்தரத்தில் பிடிப்பார்.

தவறாத ஒவ்வோர் எறிவும், காணம் விளைத்துக் குதி ரைக்குக் கட்டற்குரிய ஒவ்வொரு வினையாக முறையே தொடர்ந்து கூறப்படும். முதல் எறிவில், "உழுதாயிற்று" என்றும்; இரண்டாவதில், "விதைத்தாயிற்று" என்றும்; "முளைத்து விட்டது" என்றும் ; இங்ஙனமே முதாடர்ந்து மேற்பட்டவற்றில் முறையே, “ஓர் இலக்கு விட்டிருக்கிறது", "சர் இலக்கு விட்டிருக்கிறது", "மூவி லக்கு விட்டிருக்கிறது", "நாலிலக்கு விட்டிருக்கிறது", "ஐயிலக்கு விட்டிருக்கிறது", "ஆறிலக்கு விட்டிருக்கிறது" "ஏழிலக்கு விட்டிருக்கிறது", "எட்டிலக்கு விட்டிருக் கிறது", "ஒன்பதிலக்கு விட்டிருக்கிறது", "பத்திலக்கு விட்டிருக்கிறது", " கொடியோடி யிருக்கிறது", "பூப்பூத் திருக்கிறது", "பிஞ்சுவிட்டிருக்கிறது", "காய் காய்த்து விட்டது", "காணத்தை அறுத்தாயிற்று", "களத்தில் அடித்தாயிற்று", "வீட்டிற்குக் கொண்டுவந்தாயிற்று' "அடுப்பில் வேகிறது", "குதிரைக்கு வைத்திருக்கிறது" என்றும் கூறப்படும். அடுத்த எறிவில், எதிர்க்கட்சியார் குனிய, வென்ற கட்சியார் அவனவன் உத்திப்படி அவர் மேல் ஏறிக்கொள்வர். குறித்த தொலைவாவது, குறித்த தடவை ஓரிடத்தைச் சுற்றியாவது, தோற்ற கட்சியார் வென்ற கட்சியாரைச் சுமந்து செல்லவேண்டும். அதோடு ஓர் ஆட்டை முடியும்.

ஆட்டுத் தோற்றம்: இவ்விளையாட்டு ஒருகால் உழி ஞைப் போரினின்று தோன்றியிருக்கலாம்.

ஒரு நகர் அல்லது தலைநகர் நீண்டகாலமாக முற்றுகையிடப்பட்டிருக்கும்போது, நொச்சியார் (அதாவது அடை பட்டுள்ள நகரத்தார்) தமக்கும் தம் கால்நடைகட்கும்

ங. ஊதா மணி

பல பிள்ளைகளுள் மூவர் கைகோத்துச் சாட் பூட் திரி ' என்று சொல்லிக்கொண்டு மூன்றுதரம் அசைத்தி, திரி என்று சொன்னவுடன் கையையுருவிக் கை மேற்கை வைப்பர். மேற்கை, அகங்கை மேனோக்கி யிருந்தால் 'வெள்ளை' என்றும், புறங்கை மேனோக்கியிருக் கை தால் ' கருப்பு' என்றும், சொல்லப்படும். இவ்விரண்டில் எவ்வகையிலேனும், தனியாக வைத்த பிள்ளை விலகிவிட வேண்டும். பின்பு, ஏனையிருவரும் முதலிற் சேராத வேறொரு பிள்ளையுடன் கைகோத்து, முன்போன்றே ஒரு பிள்ளையைப் பிரிக்கவேண்டும். மூவரும் ஒரே வகை யாய்க் கைவைத்திருந்தால், மீண்டுங் கைகோக்கவேண் டும். இங்ஙனம் மும்மூவராய்க் கைகோத்து ஒவ்வொருத் தியைப் பிரித்தபின், இறுதியில் இருவர் இருப்பர். அவ் விருவருடன், முதன்முதற் பிரிந்த பிள்ளை 'ஒப்புக்கு ' என்று சொல்லிக் கைகோக்கும். முன்பு பிரியாத இரு வருள் யாரேனும் ஒருத்தி தனிவகையிற் கைவைப்பின், அவன் விலகிவிட, அடுத்தவள் அகப்பட்டுக்கொள்வாள்.

அகப்பட்டுக் கொண்டவள் சற்றுத் தொலைவிற்போய் நிற்க, அவளுக்கு முன்னமே காட்டப்பட்ட ஒரு மணிமாலை அல்லது வேறோர் அணி, ணி ஒரு பிள்ளையிடம் ஒளித்து வைக்கப்படும். தொலைவில் நிற்பவள், "வரலாமா?" என்று சேட்டு, "வாலாம்" என்று சொன்னபின் வந்து, மணி மாலை வைத்திருக்கிறவள் என்று ஒரு பிள்ளையை ஊகிப் பாய்ச் சுட்டிக்காட்டும். இல்லாதவள் எழுந்து நிற்பாள். ஐயத்திற்கிடமாயிருப்பின், அவள் மடி முதலியவற்றைப் பிடித்துப் பார்க்கலாம். ஒருமுறை கண்டுபிடிக்கத் தவறி னவள் மறுமுறைபுங் கண்டுபிடித்தல் வேண்டும். மணி மாலை வைத்திருப்பவனைக் கண்டுபிடித்திவிடின், மற்றெல் லாப் பிள்ளைகளுஞ் சேர்ந்தி, "ஊதாமணியைக் கண்டு பிடித்தால் கைதட்டுவோம்" என்று பாடிக் கைதட்டி மகிழ்வர். இது தெருவிலும் ஊர்ப்பொட்டலிலும் விளை யாடப்பெறும்.

 பூப்பறிக்க வருகிறோம்

கட்சிக்கும் பொதுவாக ஒரு பொதுவாகப் பதின்மருக்குக் குறையாத பல பிள்ளை ன் உத்திகட்டிச் சமமான இருகட்சியாகப் பிரிந்து, ஓர் அகன்ற தெருவிலேனும் ஊர்ப்பொட்டலிலேலும் இரு ஒரு நடுக்கோடு கீறி, அதற்கு இப் பாலும் அப்பாலும் நின்றுகொள்வர். பின்பு இருகட்சி பாரும் கட்சிவாரியாகக் கைகோத்து முன்பின்னாகப் பின் வருமாறு பாடிக்கொண்டு, மாறிமாறி நடுக்கோடு வரை சென்று மீள்வர்.

முதற் கட்சியார் : பூப்பறிக்க வருகிறோம், பூப்பறிக்க வருகிறோம், இந்தநாளிலே.

இரண்டாங் கட்சியார் : யாரனுப்பப் போகிறீர்? யாரனுப்பப் போகிறீர் ? இந்தநாளிலே.

கமலா அனுப்பப் போகிறோம், கமலா அனுப்பப் போகிறோம், இந்தநாளிலே.

இ: எந்தப்பூ வேண்டும்? எந்தப்பூ வேண்டும்? இந்தநாளிலே.

மு: மல்லிகைப்பூ வேண்டும், மல்லிகைப்பூ வேண்டும், இந்தகாளிலே.

இன்னபூ வேண்டுமென்று சொல்லி முதற்கட்சியார் பாடி முடிந்ததும், இருகட்சியினின்றும் ஒவ்வொரு பிள்ளை முன்சென்று நடுக்கோட்டையடுத்தவுடன், இருவரும் ஒருத்தியை யொருத்தி பிடித்திழுப்பர். கோட்டிற்கப்பால் பாடி, வேறிருவர் இழுப்பர். சேரும். பினபு முன்போற் பாடி, இங்கனம் இவ்விருவராய் எல்லாரும் இழுக்கப்பட்டபின், மிகுதியாகப் பிள்ளைகள் சேர்ந்திருக்கிற கட்சியார் வென்றவராவர்.

======================================================================================

சும்மா சுவாரஸ்யத்துக்கு ஒரு செய்தி.  இப்படியும் இருக்கிறது என்று தெரிந்து கொள்ள!

======================================================================================

ஜானி.  ரஜினி ஸ்ரீதேவி நடித்த மகேந்திரன் படம்.   1980 ல் வந்தது.  அதில் கீரவாணி ராக அடிப்படையில் அமைந்த பாடல் காற்றில் எந்தன் கீதம்...

கண்ணதாசன் பாடலை இளையராஜா இசையில் பாடியிருப்பார் ஜானகி அம்மா.

நெஞ்சத்தைக் கிள்ளாதே படம் இயக்கிக் கொண்டிருக்கும்போதே ரஜினியுடன் ஒரு படம் செய்ய வேண்டும் என்கிற விருப்பத்தில் இதையும் எடுத்துக் கொண்டிருந்தாராம் மகேந்திரன்.  தயாரிப்பாளர் கடைசி கட்டத்தில் கொஞ்சம் கைவிரிக்க, இருக்கிற ஸ்டாக் ஷாட்களை வைத்து மேனேஜ் செய்து மகேந்திரன் எடுத்த விதமும் நன்றாய்த்தானிருந்ததாம்.  முதன்முறையாக ஓவியர் ஜெயராஜ் படத்துக்கான உடை டிசைனை தெரிவு செய்தாராம்.  முதலில் படம் வரைந்துகொண்டு பின்னர் உடைகள் தெரிவு செய்தாராம்.

ஜானகி அம்மா..   எங்கள் நினைவில், எங்கள் வாழ்வில் என்றும் நீங்கள் இசையாய் இணைந்திருப்பீர்கள்.

=====================================================================================

இந்தப் பெண்ணை நீங்கள் மறந்திருக்க மாட்டீர்கள்.  மறக்க முடியாத குரலுக்கு சொந்தக்காரர்.  தமிழ்நாட்டின் ஒவ்வொரு ஜீவனும் அறிந்த, கேட்ட குரல்.

==========================================================================================

சென்னையில், தமிழ்நாட்டில் இப்படி ஒரு படத்துக்கு விளம்பரம்!

அடுத்த இரண்டு ஹாஸ்யத்தொகுப்பும் ஏற்கனவே பார்த்திருந்தால் 'கம்'மென்று இருந்து விடுங்கள்!!!

படிக்க சிரமப்படாதீர்கள்.  தொடர்ச்சி கிடையாது!!

கி ராஜேந்திரன்....