உள் பெட்டியிலிருந்து - 3 2012

சந்தோஷம்  என்பது ... 

    

வாழ்வில் நாம் விரும்பாத எந்த விஷயமும் சுவாரஸ்யமாயிருப்பதில்லை  ! 

 
           

மற்றவர்களுக்கு சந்தோஷம் கொடுப்பவர்கள்தான் அதிக சந்தோஷமாயிருக்கிறார்கள்..

 
            

உங்களை வெறுத்தவர்களையும் புண்படுத்தியவர்களையும் தண்டிக்கும் வழி அவர்களை லட்சியம் செய்யாமல் அவர்கள் முன் நீங்கள் சந்தோஷமாக வாழ்வதுதான்.

 
              

சந்தோஷத்தில் அழும் ஒருவனின் கண்ணீரின் முதல் துளி முதலில் வலது கண்ணிலிருந்து விழுகிறது. வலியில் அழுபவன் கண்ணீர் இடது கண்ணிலிருந்து விழுகிறது!    

====================

கேட்காத கவிதை / பார்வையின் மறுபக்கம் 

    

எல்லோருக்கும் நான் செவிடனாகத் தெரிகிறேனாம்... எனெக்கென்னமோ எல்லோரும் ஊமைகளாகத்தான் தெரிகிறார்கள்.    

===========================  

இரண்டு 'இரண்டு' விஷயம்...!

 விவாதங்களை விட,  விட்டுக் கொடுத்துப் போவது சிறந்தது.  

அர்த்தமில்லா வார்த்தைகளை விட அர்த்தமுள்ள மௌனம் சிறந்தது.

வாழ்வில் வெற்றி பெற,

கையில் ஒன்றுமே இல்லாத போது கூட நாம் எப்படி சமாளிக்கிறோம் என்பதும்,

கையில் இல்லாததே ஒன்றுமில்லை என்ற நிலையில் எப்படி நடந்து கொள்கிறோம் என்பதும் முக்கியம்.   

===========================

சமாளிப் பூ

  

என் நட்பைச் சொல்ல வார்த்தைகளே இல்லை. என் மௌனத்தைக் கூடப் புரிந்து கொள்ளும் அற்புத நட்புகள் இருக்கும் போது இதனால் எனக்குக் கவலையுமில்லை.   

=================================   

டெஃபனிஷன்.1

     

சிலருடைய பிரிவு துன்பத்தைத் தரலாம். ஆனால் அது அவர்கள் நம் இதயத்துக்கு எவ்வளவு நெருக்கமானவர்கள் என்பதை அறிய உதவுகிறது.           

=====================  

                         

டெஃபனிஷன்.2

இரண்டு பரஸ்பர மன்னிப்புகளுக்கிடயில்தான்  ஒரு சந்தோஷ உறவு மலர்கிறது.  

=================================

பழசும் புதுசும் 

   

வயதானவர் : தவறு செய்பவர்களுக்காகத்தான் அழிப்பான் உருவாக்கப் பட்டிருக்கிறது.    

                         

இளைஞன் :   திருத்திக் கொள்ள மனமிருப்பவர்களுக்காகத்தான் அழிப்பான் உருவாக்கப் பட்டிருக்கிறது.    

====================================

அஞ்சு நாலு மூணு...

                           

ஹலோ...உங்களிடம் ஐந்து விஷயங்கள் சொல்ல வேண்டும்.

ஆனால் இப்போது நாலு விஷயங்கள்தான் நினைவில் உள்ளன.

உண்மையில்  மூன்று விஷயங்கள்தான் முக்கியமானவை.

சொல்லப் போனால் உங்களுக்கு இரண்டு விஷயம் தெரிந்தால் போதும்.

விடுங்கள், ஒன்று மட்டும் சொல்லிக் கொள்கிறேன்...

"நீங்கள் எனக்கு முக்கியமானவர்"    

============================

                         

நானும் மகாத்மாவும்

                        

நான் காந்தியின் விசிறி. அவர் படங்கள் சேர்க்கிறேன். எனவே நண்பர்களே,  நூறு,  ஐநூறு,  ஆயிரம் ரூபாய் நோட்டுகள் இருந்தால் எனக்கு அனுப்புங்களேன்...  

                             

                    

"எனக்குத் தெரியும்..."

அக்டோபர் 8 1932 ஆம் ஆண்டு ஆரம்பிக்கப் பட்ட இந்திய விமானப் படைக்கு இன்று வயது 77 ஆகிறது. வயதானால் மனிதர்கள்தான் பலவீனமாவார்கள். உலகில் நான்காவது மிகப் பெரிய விமானப் படையாக பலமாகி உள்ள இந்திய விமானப் படை சுதந்தரத்துக்குப் பின் ஐந்து போர்க்களங்களை சந்தித்துள்ளது. ஆயிரத்து எழுநூறு விமானங்கள் உள்ள இதில் ஒரு லட்சத்து எழுபதாயிரம் வீரர்கள் கடமையாற்றுகின்றனராம். (நன்றி : தினமலர்)

வாழ்க வளர்க என்று வாழ்த்துவோம். ஏனென்றால் அதனால்தான் நாம் வாழ்கிறோம். எல்லோரும் சிறந்த கல்வி, வெளிநாட்டு வேலை என்று கனவு காணும்போது எத்தனையோ இளைஞர்கள் தங்கள் இன்னுயிரை தாய் நாட்டுக்காக தியாகம் செய்து கொண்டிருக்கிறார்கள். அருமையான வேலை, உடல்நிலை சரி இல்லை என்றால் உடனே மருத்துவ வசதி, பெற்றோருடனும் உற்றோருடனும் இருந்து கொண்டு பொழுது போகாமல் பலவித கேளிக்கைகள் என்று பொது ஜனம் வாழ எத்தனையோ ஜவான்கள் தங்கள் குடும்பங்களை விட்டுப் பிரிந்து வசதிகள் சிறிதும் இல்லாத காடுகளிலும், மலைகளிலும் வசித்து காவல் காக்கும் பணியை பாராட்டுவோம். மழையா, குளிரா, கடும் வெயிலா, பசியா, தாகமா என்று எதனையும் பொருட்படுத்தாது தங்கள் கடமையை ஆற்றும் இவர்களுக்கு நம் வணக்கங்கள் உரித்தாகுக.

நக்சல்களால் உயிரிழந்த காவல் வீரரின் ஆறு வயது மகன் தான் பெரியவனாகி காவல் துறையில் சேர்ந்து தன் தகப்பனைக் கொன்ற அக்ரமக்காரர்களை வேரருப்பேன் என்று துக்கத்துடனும் வேதனையுடனும் சூளுரைததை நேற்று தொலைக் காட்சி செய்திகளில் பார்த்தோம்.

ஒரு போர்வீரன் போர்க்களத்தில் காயம் பட்டு விழுந்து கிடந்த தன் நண்பனை தூக்கி வரக் கிளம்பினான். அவனுடைய Captain "நீ இனி போவதால் பயனிருக்காது. அனேகமாக உன் நண்பன் இந்நேரம் இறந்திருப்பான்" என்றான். ஆனாலும் இவன் கிளம்பி சென்று தன் நண்பனைத்தூக்கிவரக் கிளம்பி கொண்டும் வந்து விட்டான். நண்பனின் உயிரற்ற உடலை சுமந்து வந்தவனைப் பார்த்த Captain, "நான் அப்போதே சொன்னேனே, இது பயனில்லாத வேலை என்று.." என்றான். இவன் பதில் சொன்னான், "இல்லை Captain! நான் செய்தது சரி! நான் என் நண்பனை அடைந்தபோது என்னைப் பார்த்த என் நண்பன் புன்னகையுடன் சொன்ன கடைசி வரிகள்,'எனக்குத் தெரியும்டா...நீ வருவேன்னு...'