'திங்க'க்கிழமை : மோமோஸ் - ராதா சுரேஷ் ரெஸிப்பி

 

சுவையான வெஜிடபுள் மோமோஸ் செய்வது எப்படி என்று பார்ப்போம். 

வெ மோமோஸ் செய்வதில், படிப்படியாக நான்கு நிலைகள் உண்டு. 

1) மோமோஸ் செய்ய மாவு தயாரித்தல். 

2) உள்ளே அடைக்க காய்கறி கலவை செய்வது. 

3) மோமோஸ் உருவாக்குதல். 

4) வெ மோமோஸ் - வேகவைத்தல். 

= = = =

1) மோமோஸ் மாவு தயாரித்தல். 

தேவையான பொருட்கள் :

ஒரு கப் (ஆல் பர்ப்பஸ்) மைதா மாவு அல்லது கோதுமை மாவு. 

1/4 டீ ஸ்பூன் உப்பு. 

1/2 டீ ஸ்பூன் நல்லெண்ணை. 

மேற்கண்ட எல்லாவற்றையும் ஒரு தட்டில் எடுத்துக்கொண்டு, நன்றாகக் கலந்து, சிறிது சிறிதாகத் தண்ணீர் சேர்த்து சப்பாத்தி மாவு பதத்திற்கு பிசைந்துகொள்ளவும்.  

எச்சரிக்கை : மிகவும் இளகிய நிலையில் மாவு இருக்கக்கூடாது. அந்த மாவில் மோமோஸ் வடிவம் எடுப்பது கடினம். 

இப்படி பிசையப்பட்ட மாவின் மீது எண்ணெய் தடவி, மாவை அரை மணி நேரம் அப்படியே வைத்திருக்கவும்.

= = = 

2) காய்கறி கலவை தயார் செய்தல்: 

அவசியம் வேண்டியவை :

சிறிய வெங்காயம். இஞ்சி, பச்சைமிளகாய் 

வதக்குவதற்கு எண்ணெய். 

பெரும்பாலும் உபயோகப்படுத்துவது :

முட்டைகோஸ் (சைனா முட்டைகோஸ் எனப்படும் சிறிய வகை மு கோ கிடைத்தால் நல்லது )

கேரட் 

                                             

                                             

சோயா சாஸ் : 1 தேக்கரண்டி 

சில்லி சாஸ் : 1 தேக்கரண்டி. 

மிளகு. 1/2 தேக்கரண்டி 

உப்பு : தேவையான அளவு (ருசிக்கக்கேற்ப) 

வேண்டுமானால் -- --

பூண்டு 

பீன்ஸ் 

குடைமிளகாய். 

காளான் 

செய்முறை : 

வெங்காயத்தை உரித்து, சிறு துண்டுகளாக வெட்டி (finely chopped) தனியே வைத்துக்கொள்ளவும். 

பச்சைமிளகாய் நறுக்கி தனியே வைத்துக்கொள்ளவும். 

மற்ற காய்களை, அதே போன்று fine chopping (சிறு துண்டுகள்) செய்து தனியே வைத்துக்கொள்ளவும். 

                                      

                                      

(நறுக்கப்பட்ட காய்கறிகள் எல்லாம் சேர்ந்து 2 கப் அளவு இருக்கலாம்) 

முதலில், இரும்புச் சட்டியில் எண்ணெய் விட்டு, எண்ணெய் காய்ந்ததும், நறுக்கப்பட்ட இஞ்சி பச்சை மிளகாயை எண்ணெயில் இட்டு வதக்கவும். (பூண்டு சேர்ப்பவர்கள், இந்த கட்டத்தில், நறுக்கப்பட்ட பூண்டு சேர்க்கலாம்.) உடனே நறுக்கப்பட்ட வெங்காயத்தை அதிலிட்டு பொன்னிறமாக வதக்கவும். 

அதன் பிறகு, மற்ற காய்கறி கலவையையும் வெங்காயத்துடன் சேர்த்து நன்கு வதக்கவும். 

காய்கறிகள் வதங்க இரண்டு அல்லது மூன்று நிமிடங்கள் ஆகலாம். 

சோயா சாஸ், சில்லி சாஸ் இரண்டையும் இந்தக் கலவையுடன் சேர்த்துக் கிளறவும். 

மிளகு & உப்பு சேர்த்து கலக்கவும்.  

வெங்காயத்தழை / கொத்தமல்லித் தழை சேர்த்து கலக்கவும். 

பிறகு இந்தக் காய்கறி கலவையை அடுப்பிலிருந்து இறக்கி, ஆற விடவும். 

= = = =

 3) மோமோஸ் உருவாக்கல் :

பிசையப்பட்ட சப்பாத்தி மாவை, மூன்று அங்குல விட்டமுள்ள சப்பாத்திகளாக இடவும். 

சப்பாத்தியின் நடுவில் ஆறிய காய்கறி கலவையை கொஞ்சம் வைத்து, கொழுக்கட்டை மடிப்பதைப்போல மடிக்கவும். 

இப்படி செய்யப்பட்ட கொழுக்கட்டைகளை ஒன்றோடு ஒன்று ஒட்டாமல் தனித்தனியாக வைத்துக்கொள்ளவும். குக்கரில் இவற்றை வேக வைக்கும் வரையிலும், ஈரத்துணியால் மூடி வைப்பது நல்லது. 

                                     

= = = =

4) மோமோஸ் வேக வைத்தல்.

மோமோஸ் எல்லாவற்றையும், ஒன்றோடு ஒன்று ஒட்டாமல் எண்ணெய் தடவப்பட்ட இட்லி குக்கர் தட்டுகளில் அடுக்கி, இட்லி போல வேக வைத்து எடுக்கவும். மோமோஸ் வேகும் நேரம், அதன் அளவு மற்றும் சப்பாத்தி எவ்வளவு தடிமனாக செய்யப்பட்டது என்பதைப் பொருத்தது. 

                                         

சரியாக வெந்த மோமோஸ் பார்த்தால், கண்ணாடி போல உள்ளே இருக்கும் காய்கறி தெரியும். தொட்டால் மேல் மாவு கைகளில் ஒட்டாது. 

செய்யப்பட்ட மோமோஸ் - தக்காளி + மிளகாய் சாஸ் அல்லது மிளகாய் சாஸ் இவற்றுடனோ அல்லது மிளகாய் பூண்டு சட்னியுடனோ சாப்பிடலாம். 

= = = = = =

பி கு 1 :

திருமதி ராதா சுரேஷ் ஆங்கிலத்தில் கூறிய செய்முறையை கஷ்டப்பட்டு முழி (மொழி) பெயர்த்துள்ளவர் : கௌதமன். 

மோமோஸ் என்பதை மொழி பெயர்த்து, காய்கறிக் கொழுக்கட்டை என்று போடலாமா என்று யோசித்தேன். ஆனால் மோமோஸ் என்ற பெயரே இருக்கட்டும் என்று விட்டுவிட்டேன் !! 

பி கு 2: 

மேலே காணப்படுவது மோமோஸ் இனிப்பு கொழுக்கட்டை உருவம். 

மோமோஸ் கீழ்க்கண்ட வடிவிலும் இருக்கலாம். (காரக் கொழுக்கட்டை வடிவம்.) எந்த வடிவம் உங்களுக்கு சுலபமாக வருமோ அதைப் பின்பற்றலாம். 

= = = = =