பாஸிட்டிவ் செய்திகள்

 

1) கிருஷ்ணம்மாள் ஜெகன்னாதன்.

 

 

2) சிறு வயதில் தந்தை கடனை அடைத்த மகன். திருச்சி காந்தி மார்க்கெட் கௌதம்ராஜ்.

 

3) 15 வயது அங்கட் தர்யானி(Angad Daryani ) பள்ளியை 9வது கிரேடோடு நிறுத்திக் கொண்டு செய்த காரியம்...! [முகநூல் பகிர்விலிருந்து]

வெள்ளிக்கிழமை வீடியோ 140110:: 10 காசு.

உங்களிடம் பத்து நாணயங்களைக் கொடுத்து, அவற்றை, 

# ஐந்து நேர்க் கோடுகளில் அமைக்க வேண்டும்.
# ஒவ்வொரு கோட்டிலும் நான்கு நாணயங்கள் அமைய வேண்டும் 
என்று கூறினால், உங்களால் அமைக்க முடியுமா? 
வெள்ளிக்கிழமை வீடியோ காண்பதற்கு முன்பு இதை முயற்சி செய்து பாருங்கள். 
              
உங்கள் விடை, இந்த வீடியோவில் காணப்படுகின்ற விடைகளிலிருந்து மாறுபட்டிருந்தால், எங்களுக்கும் சொல்லுங்கள். 
                  

'திங்க' கிழமை 140106:: ரசத்தில் தேர்ச்சி கொள்!

தேவையான பொருட்கள்: 

  

துவரம் பருப்பு ஐம்பது கிராம்.

மிளகு 14

மிளகாய் வற்றல் 4

சீரகம் இரண்டு கிராம் (அரை தேக்கரண்டி) + ஒரு கிராம் (தாளிக்க) 

தனியா ஐந்து கிராம்.(ஒரு தேக்கரண்டி) 

மஞ்சள் பொடி ஒரு கிராம் (இரண்டு சிட்டிகை) 

ஒரு எலுமிச்சம் பழம்.

தாளிக்க / வறுக்க சிறிது நெய் / எண்ணை. 

கடுகு இரண்டு கிராம் (அரை தேக்கரண்டி) 

பொடி உப்பு : தேவைக்கேற்ப. 

கறிவேப்பிலை, கொத்துமல்லித் தழை சிறிதளவு. 

இரண்டு சிறிய, சுத்தமான கைக்குட்டை (அளவுள்ள மெல்லிய துணி) 

       

ரெடியா? ஆரம்பிக்கலாமா? 

               

# துவரம் பருப்பை எண்ணை அல்லது நெய் விட்டு பொன்னிறமாக வறுத்துக் கொள்ளுங்கள்.

             

# அது ஆறிய பிறகு, அம்மா கொடுத்த இலவச மிக்சியில் 'விப்பரில்' ஐந்து வினாடிகள் ஓட்டி இரண்டொன்றாக உடைத்துக் கொள்ளுங்கள், பருப்பை. (மிக்சியை அல்ல) 

           

# உடைத்த துவரம்பருப்பை. ஒரு சுத்தமான துணியில் இட்டு, தளர்த்தியாக முடிச்சுப் போட்டு வையுங்கள்.  

               

# மிளகு, மிளகாய் வற்றல், தனியா, சீரகம் (அரைத் தேக்கரண்டி அளவு) எல்லாவற்றையும் தனித் தனியே வறுத்து எடுத்துக் கொள்ளவும். 

            

# மேற்கண்ட மிளகு, மிளகாய்,  தனியா, சீரகம் பொருட்களோடு மஞ்சள் தூளை சேர்த்து, நன்றாகக் கலக்கி, மற்றொரு துணியில் இட்டு, தளர்த்தியாக முடிச்சுப் போட்டு வையுங்கள். 

              

# ஒரு பாத்திரத்தில், அரை லிட்டர் தண்ணீர் கொதிக்க வைக்கவும். 

           

# தண்ணீர் கொதி வந்ததும், அதில் துவரம்பருப்பு கட்டிய துணியை அப்படியே இறக்கி வைக்கவும். 

      

# ஒரு நிமிடம் கழித்து, மற்ற துணி முடிச்சையும் அந்தத் தண்ணீரில் இறக்கவும். 

    

# பருப்பு (துணி முடிச்சில் உள்ளது) வேகும் வரை வெயிட் பண்ணவும். 

            

# துவரம் பருப்பு வெந்ததும், அடுப்பை அணைத்துவிட்டு, இரண்டு துணி முடிச்சுகளையும் கிடுக்கிப் பிடிப் போட்டு வெளியே எடுக்கவும். 

              

# துணிப் பொருட்கள் ஆறியவுடன், அவற்றை  (அ கொ) மிக்சியில் இட்டு,  (எச்சரிக்கை: துணியை சேர்த்து அரைக்காதீர்கள்) அடுப்புப் பாத்திர பருப்புத் தண்ணியை கொஞ்சமாக விட்டு எவ்வளவு முடியுமோ அவ்வளவு விழுதாக அரைத்துக் கொள்ளுங்கள். 

              

# அரைத்த கலவையை, சிறிதளவு தண்ணீரில் கரைத்து, வடிகட்டி எடுத்து, வடிகட்டிய நீரை அடுப்புப் பாத்திரத்தில் உள்ள பருப்புத் தண்ணீருடன் சேர்த்து விடவும். 

          

# பாத்திரத்தில் உள்ள ரசத்திற்கு தேவையான அளவு உப்புப் போடவும். 

          

# ரசத்திற்கு கறிவேப்பிலை, கொத்துமல்லித் தழை போடவும். 

             

# கடுகு சீரகம் இவற்றைத் தாளித்து, ரசத்தில் போடவும். 

         

# ரசம் சூடு ஆறியதும், அதில் ஒரு எலுமிச்சம்பழத்தை நறுக்கி, சாறு பிழிந்து கொள்ளவும். 

   

சுவையான ரசம் தயார்! 

                     

ஞாயிறு 235:: மவுண்ட்பேட்டன்!

        

பார்த்தசாரதி சபா காண்டீன் வாசலில் டிசம்பர் முப்பத்தொன்றாம் தேதி எடுத்த படம்! 

     

Positive செய்திகள்

1) அரசின் சலுகைகள் வேண்டாம். தனக்கும், அமைச்சர்களுக்கும் சுழல் விளக்கு பந்தா கிடையாது. பதவியேற்ற அன்றே வேலைகள் தொடக்கம். பதவியேற்க மெட்ரோ ரயிலில் பயணம்.  இவை தொடரவேண்டும். வதவத என்று அமைச்சர்கள் இல்லாமல் ஐந்தே அமைச்சர்கள். "இப்போதைக்கு" பாஸிட்டிவ் மனிதராகவே தெரிகிறார் கேஜ்ரிவால். ஸ்டன்ட் என்று தோன்றினாலும் ஒரு ஆரம்பமாக இருக்கட்டுமே....     

  

2) மறுபடியும் ஒரு ரயில் விபத்து. 26 பேர் பலி. சோகமான விஷயம். அதில் ஒரு பாசிட்டிவ் செய்தி கண்ணில் பட்டது. அதே ரயிலில் பயணம் செய்த பெங்களுருவைச்சேர்ந்த சரண், அவரின் மனைவியையும் மாமனாரையும் காப்பாற்றமுடியாத நிலையிலும் 20 பேர்களின் உயிரைக் காப்பாற்றியிருக்கிறார். இன்னொருவரும் அதேபோல மனைவி, மாமனார் தீயில் கருகினாலும் 3 பேர்களுக்கும் மேல் காப்பாற்றி இருக்கிறார்.

தீ மற்ற பெட்டிகளுக்குப் பரவாமல் அந்தப் பெட்டியை மற்ற பெட்டிகளிலிருந்து விரைந்து கழற்றி விட்ட டிரைவரின் விரைந்த செயல்பாடும் பாராட்டுக்குரியதே. 

3) உயிருக்கு பயப்படாத ATM காவல் வீரர் சஹாபுதீன்.

4) ஏழைக் குழந்தைகளின் கல்விக் கண் திறக்கும் (முன்னாள்) லாரி ஓட்டுனர் எஸ் பி செல்வராஜ்.


 

5) நந்தினி

வெள்ளிக்கிழமை வீடியோ 140103:: படைப்பாற்றல் அதிகரிக்க யோகா!

                          

குட்டியானையின் கண்ணீர்.

அம்மா...அம்மா...

எழுந்திரிம்மா...

என்னம்மா கண்ணு தொறக்க மாட்டேங்கறே...

எனக்கு உன்னை மட்டும்தானேம்மா தெரியும்?

அப்பா கூட கவனிக்கவே மாட்டாரே மா..

வொயரைத் தொட்டே...

விழுந்துட்டியேம்மா..

இனி நான் யார் கூடம்மா

இருப்பேன்?

கூட்டத்திலே மற்றவர்கள்

என்னை அவர்கள் அருகில்

அண்டக் கூட விடுவார்களா அம்மா...

என்னை எங்கேயும் தொலையாமல்

நீதானம்மா சேர்த்துச் சேர்த்து

அழைத்துப் போவே...

மனுஷக் கூட்டம் வர்றத்துக்குள்ள
வாம்மா போகலாம்

எழுந்திரிம்மா...

எழுந்திரிம்மா...

கூகிள் ப்ளஸ்ஸில் நண்பர்களால் பகிரப்பட்ட படம்.

மனிதர்கள் யானைக் கூட்டத்திலிருந்து தங்களை, தங்கள் உடைமைகளைப் பாதுகாத்துக் கொள்ள ஏற்படுத்திய மின்சார வேலியில் பட்டு உயிரிழந்த தன் தாயைத் தனது தும்பிக்கையால் தடவித் தடவிக் கண்ணீர் உகுத்த குட்டி யானையின் இந்தப் படம் மனதை ரொம்பவே பாதித்தது.