வெள்ளி வீடியோ : காஞ்சி பட்டுடுத்தி நடந்திடும் கங்கையின் ஊர்வலமோ

 பானு அக்கா சில நாட்களுக்கு முன்னால் ஒரு நேயர் விருப்பம் கேட்டிருந்தார்.  'தாகம்' திரைப்படத்தில் வரும் 'வானம் நமது தந்தை' என்று தொடங்கும் பாடல்.

பாபு நந்தன்கோடு இயக்கத்தில் முத்துராமனும் நந்திதா போஸும் நடித்த இத் திரைப்படம் 1974 ஆம் ஆண்டு வெளிவந்தது.  இசை எம் பி ஸ்ரீநிவாசன்.  பாடலை எழுதியவர் பூவை செங்குட்டுவன்

படம் பற்றிய விவரங்கள் கிடைக்கவில்லை.  பாடல் இதோ...

எஸ் ஜானகி குரலில் பாடல்.  நடுவில் ஒரு ஆண்குரல் 'மனித இனத்தில் பிறப்பதற்கு?' என்று கேட்கும்.  அது முத்துராமன் குரல் என்று நினைக்கிறேன்.

இனி என் விருப்பமாக...​

தெலுங்கு மற்றும் கன்னடப் படங்களாக வந்ததை தமிழ்ப்படுத்தி பி வாசு எழுத, கே எஸ் ரவிக்குமார் இயக்கத்தில் ஜெயராம் குஷ்பூ, அஞ்சு நடிப்பில் 1993 இல் வெளிவந்த திரைப் படம் புருஷ லட்சணம்.

காளிதாசன் பாடலுக்கு இசை தேவா.  படம் பார்க்காவிடினும், என்ன பாடல்கள் இதில் இருக்கின்றன என்று பார்ப்போம் அல்லவா...   அதில் இந்த ஒரு பாடல் மட்டுமே எனக்குப் பிடித்த பாடல்.

தேவா இசையில் நிறைய நல்ல பாட்டுக்கள் உண்டு.  இதுவும் அதில் ஒன்று.

எஸ் பி பாலசுப்ரமணியம் சித்ரா குரலில் ஒரு மெலடி.

செம்பட்டுப்பூவே வெண்மொட்டுத்தேரே

ஸ்ரீரங்கக் காவிரியே

பொன் மொட்டு மானே பூந்தட்டுத் தேனே

பூமியின் தேவதையே

மண்ணிலே ஒரு வெண்ணிலா

கலை வண்ணங்கள் இந்த பெண்ணிலா

குளிர் மேகம் உந்தன் கண்ணிலா

குயில் பாடும் கீதம் சொல்லிலா

காஞ்சி பட்டுடுத்தி

நடந்திடும் கங்கையின் ஊர்வலமோ

கால ப்ரம்மனவன் வழங்கிய பெண்ணினச் சீதனமோ

மண்ணிலே அந்த தேவன் சபை வந்து கூடும்

பல வாழ்த்துச் சொல்லி உன்னை பாடும்

புன்னகைதான் பொன்னகையோ

கன்னிகை வா வா வா வா

பூவின் நெஞ்சுக்குள்ளே

புதுவித போதை துள்ளியதே

காதல் பள்ளியிலே

படித்திட ஆசை சொல்லியதே

என்னவோ இது என்றும் இல்லாத மயக்கம்

இமை ரெண்டும் ஒட்டாமல் உறக்கம்

என் விழியில் உன் முகம்தான்

நின்றது வா வா வா வா

செம்பட்டுப் பூவும் வெண்மொட்டுத் தேரும்

ஸ்ரீரங்க நாதருக்கே ஹோய்

பொன் மொட்டு மானும் பூந்தட்டுத் தேனும்

என்னுயிர் ராமனுக்கே... ஹோய்

மண்ணிலே வந்த வெண்ணிலா

இந்த கண்ணனைக் கொஞ்சும் பெண் நிலா

குளிர் மேகம் உந்தன் கண்ணிலா

குயில் கீதம் காதல் சொல்லிலா