கரையான் அரித்த ஒரு லட்சம் ரூபாய் மற்றும் நான் படிச்ச கதை

 

அரிய ரத்த வகை நோயாளிக்கு கல்லீரல் மாற்று சிகிச்சை: உலகில் முதல் முறையாக மியாட் மருத்துவமனை அசத்தல்

புதுச்சேரி: உலகில் முதல் முறையாக அரிய ரத்த வகை நோயாளிக்கு கல்லீரல் மாற்று சிகிச்சை சென்னை மியாட்டில் வெற்றிகரமாக செய்யப்பட்டது.  'பி-பாசிடீவ்' ரத்த வகை கொண்ட மாலத்தீவை சேர்ந்த ஒருவருக்கு கல்லீரல் நோய் இருந்தது. மேலும் அவருக்கு மண்ணீரல் விரிவாக்கம், நீரிழிவு, தைராய்டு, கொழுப்பு மற்றும் இதய நோய்களும் இருந்தன.  கல்லீரலில் சிரோசிஸ் இருந்ததால், அவசர கல்லீரல் மாற்று அறுவை சிகிச்சை தேவைப்பட்டது. நாள்பட்ட கல்லீரல் நோய் காரணமாக உணவுக்குழாயில் உள்ள நரம்புகள் பெரிதாகி மேல் இரைப்பை குடல் ரத்தப்போக்குக்கு வழிவகுத்தது.  இதனால் ரத்த வாந்தி, அடிக்கடி மூக்கில் ரத்த கசிவு என உயிருக்கு ஆபத்தான அறிகுறிகள் தென்பட்டன.  அடிக்கடி மூக்கில் ரத்தம் வடிவதை கண்டு வாழ்க்கையில் விரக்தியடைந்த அவர் கடைசி நம்பிக்கையாக மாலத்தீவில் உள்ள மியாட் மருத்துவமுகாமிற்கு சென்றார். மியாட்டின் இரைப்பை, குடல்பை நிபுணர்கள் அவரை பரிசோதித்து மூக்கில் ரத்தம் வடிதலை நிறுத்தினர்.  உலகளாவிய ரத்த தானம் செய்பவர்களுக்கான ரத்த வகையான 'ஓ-பாசிடீவ்' ரத்த வகை கொண்ட அவரது மகன் தனது கல்லீரலின் ஒரு பகுதியை தானம் செய்ய முன் வந்தார். அதையடுத்து சென்னை மியாட்டில் அவருக்கு கல்லீரல் மாற்று சிகிச்சை செய்ய பரிசோதனை நடந்தது. அங்குதான் புதிய சிக்கலும் உருவானது.  அதாவது அவருக்கு ஆன்டி கிட் ஜே.கே., (பி) எனும் ஆன்டிபாடி பாசிடீவ் இருப்பது கண்டறியப்பட்டது. இது ஆசிய மக்களிடையே அரிதான ரத்த வகை ஆகும். கிட் ஆன்டிஜன்ஸ் ஆர்.பி.சி,க்கள் மற்றும் சிறுநீரகங்களில் சவ்வில் மட்டுமே வெளிப்படுத்தப்படுகின்றன.  அதன் குறைந்த டைட்டர்கள், நிலையற்ற தன்மை காரணமாக வழக்கமான சோதனையில் கண்டறிவது மிகவும் கடினம்.  இந்த ரத்த குழு கண்டறியப்படாமல் பொருந்தாத ஆன்டி கிட் ஜே.கே.,(பி) ஆன்டிபாடி நெகட்டிவ் ரத்தத்துடன் மாற்றப்பட்டால் உடல் முழுவதும் உள்ள சிறிய நாளங்களில் ரத்த உறைவு, ரத்த போக்கு ஏற்படும்.  மேலும் இத்தகை பொருத்தமின்மை ரத்த சிவப்பணுக்களின் அழிவுக்கும் கடுமையான சிறுநீரக காயம் போன்ற கடுமையான சிக்கல்களுக்கும் வழி வகுக்கும். இதன் விளைவாக மரணம் ஏற்படலாம்.  மியாட் மருத்துவ குழுவினர் இதனை சவாலாக எடுத்துக் கொண்டு கல்லீரல் மாற்று அறுவை சிகிச்சையை வெற்றிக்கரமாக செய்து, நோயாளியை காப்பாற்றியுள்ளனர்.  இந்த வெற்றிக்கரமான அறுவை சிகிச்சை செய்த மியாட் இன்டர்நேஷனல் கல்லீரல் மாற்று அறுவை சிகிச்சை திட்ட இயக்குநர் கார்த்திக் ராஜ், கல்லீரல் மற்றும் பல உறுப்பு மாற்று அறுவை சிகிச்சை திட்ட இயக்குநர் கார்த்திக் மதிவாணன், ரத்தமாற்ற மருத்துவ துறை தலைவர் ஜோசுவா டேனியல் ஆகியோரை மியாட் இன்டர்நேஷனல் தலைவர் மல்லிகா மோகன்தாஸ் பாராட்டினார்.

=============================================================================================

==================================

அசாமில் செயற்கை நுண்ணறிவு பயன்பாடு. 

=============================================

நான் படிச்ச கதை / வாசிப்பின் மகத்துவங்கள்                --- ஜீவி - 

ஒரு பத்திரிகையைப் பார்த்ததும் அதில் கதைகள் இருக்கும் பக்கங்களைத் தேடி வாசிப்பவர்கள் மிகக் குறைச்சலே.  தொடர்கதைகளுக்கு வேண்டுமானால் இந்தக் கணிப்பு மாறியிருக்கலாம்.  போன வாரம் அந்தத் தொடரை எந்த இடத்தில் விட்டோம் என்ற நினைவு உந்துதலில் விட்ட இடத்திலிருந்து அதைத் தொடர்ந்து வாசிக்க வேண்டும் என்ற ஆர்வம் அதற்குக் காரணமாக இருக்கலாம்.  பத்திரிகைகளில் வெளிவரும் தொடர்கதைகளின் உயிர் நிலையே இந்த ஆர்வம் தான்.  தற்கால தொலைக்காட்சி கதைத் தொடர்கள் அந்த இடத்தை இப்பொழுது கைப்பற்றியிருக்கின்றன.

ஆனால் இணையப் பதிவுகளில் கதைகள் எழுதுவதும் மற்றும் கதைத் தொகுப்புகளின் வாசிப்பும் பெருமளவில் கூடியிருக்கின்றன என்றே சொல்ல வேண்டும்.  எல்லோரும் எல்லாவற்றையும் செய்யப் பழகிக் கோலோச்சும் காலம் இது.

இருந்தாலும் முக நூல் போன்ற தளங்களில் கதையெல்லாம் வாசிக்கறவர்கள் தாங்கள் வாசித்ததைப் பற்றி நாலு வரி கூட பகிர்ந்து கொள்ளாமலிருப்பது எனக்கு பல சமயங்கள்லே ஆச்சரியமா இருக்கும். இது பற்றி நண்பர்கள் சிலரிடம் பேசியிருக்கிறேன்.  அதுக்கு சிலர் ஏதேதோ காரணங்களெல்லாம் சொல்லியிருக்காங்க.  அதெல்லாம் இங்கே இப்போ வேண்டாம்.

ஒரு கதையை எத்தனை கோணங்கள்லே நம்ம பார்வைலே பாக்கலாம்ன்னு பாக்கலாம்.

ஜெயந்தி சங்கர் 

[படத்தின் கீழ் இருக்கும் அவர் ;பெயரை க்ளிக் செய்தால் அவர் பற்றிய விவரங்கள் பற்றி படிக்கலாம்!]

இதோ கீழே இருக்கு ஒரு அழகான சிறுகதை.  'கல்கி' பத்திரிகைலே பிரசுரமானது.  ஜெயந்தி சங்கர் அவர்கள் எழுதியது. வாசிப்பது என்பது ஒன்றே ஆனாலும் வாசிப்பனுபவம் என்பது ஒவ்வொருவருக்கும் ஒரு மாதிரி,  சொல்லப் போனால் அது தான் கதைகள் மாதிரியான கற்பனைப் படைப்புகளின் சிறப்பே. இந்த சிறுகதையைப் படிச்சிட்டு 'இந்தளவு  எடுப்பா எழுதிட்டு இவ்வளவு சாதாரணமா முடிச்சிட்டாங்களே, இதை விட இப்படி நல்லா முடிச்சிருல்லாமே'ன்னு நீங்க வேறொரு முடிவைக் கொடுக்கலாம்.  சில எழுத்தாளர்களுக்கோ வாசகர்கள் எதிர்பார்க்காத 'திடுக்' முடிவுகளைக் கொடுத்து அவங்களை திகைக்க வைக்கறதிலே தனி குஷி.  அந்த மாதிரி ஒரு எதிர்பாராத முடிவை இந்தக் கதைக்குக் கொடுக்க உங்களுக்குத் தோணலாம்.

இந்த மாதிரி ஆசைகளை நிறைவேற்றிக்கத்தாங்க இப்ப இந்த சான்ஸ்.

நீங்க செய்ய வேண்டியதெல்லாம் இதான்.  ஆற அமர இந்தக் கதையை வாசியுங்கள்.  கதாசிரியர் இந்தக் கதைக்குக் கொடுத்திருக்கிற முடிவுக்கு மாற்றாக இன்னும் சுவாரஸ்யமான வாசிக்கிறவர்கள்  எதிர்பார்த்தேயிருக்காத மாதிரி கதை முடிவு ஏதாச்சும் உங்களுக்குத் தோணினா  கதாசிரியர் எழுதியிருக்கிற இந்தக் கதை முடிவிலே நீங்க நினைக்கிற இடத்திலே கட் பண்ணி அதற்கு மேலே கதை தொடர்கிற தொடர்ச்சி மாதிரியே நீங்க எழுதி கதையை முடிக்கணும்.  அவ்வளவு தான்.

நம்ம எழுத்துத் திறமைகளை வளர்த்துக் கொள்ள தாங்க இந்த மாதிரி முயற்சிகளெல்லாம்.  வழக்கம் போல எபிக்கும் அதிலே தனி சந்தோஷம்.

இதோ கதை:

https://www.sirukathaigal.com/%e0%ae%aa%e0%ae%bf%e0%ae%a9%e0%af%8d-%e0%ae%9a%e0%af%80%e0%ae%9f%e0%af%8d/

நன்றி sirukathaigal.com