கிரிப்டோ கரன்சி என்னும் மாயமான்!

 

ஜெயகுமார் சந்திரசேகரன் : 

தாளிப்பு என்பது தமிழ் சமையலில் முக்கிய அம்சம். சிலர் முதலில் தாளித்து பின்னர் படிப்படியாக நறுக்கிய காய்களை சேர்த்து வேக வைத்து இறக்குகின்றனர் (உ-ம் பொரியல்). சிலர் முக்கிய பதார்த்தை செய்து முடித்து இறக்குவதற்கு முன் தாளித்து சேர்க்கின்றனர் (உ-ம் கூட்டு). இவை இரண்டில் எது சரி, ஏன்?

# அது என்ன தயார் செய்கிறோம் என்பதைப் பொருத்தது. 

உப்மாக்கு முன் பச்சடிக்கோ பின்

தப்பாது தாளிப்பின் சிறப்பு.‌

கே. சக்ரபாணி சென்னை 

கிரிப்டோகரன்சி  என்பதுபற்றி  முழுவிவரம் அளிக்க இயலுமா? 

# அதிகம் சிக்கல் படுத்தாமல் கிரிப்டோ கரன்சி என்றால் என்ன என்பதை அறிய முற்படுவோம். 

ஆயிரம் ரூபாய் முதலீடு செய்து நான் ஆயிரம் "நீலி" என்ற பெயர் கொண்ட ஒரு மாயப்பணத்தை தோற்றுவிக்கிறேன். 

இந்த ஆயிரம் ரூபாய்க்கு மேல் இந்த நீலி உற்பத்தி செய்யப்படமாட்டாது. ஆனால் இந்த முதலீடான ஆயிரம் ரூபாயை நான் தனியாக வைத்திருக்கிறேன் என்று வைத்துக் கொள்ளுங்கள். 

யாரும் நீலி வாங்க முற்பட்டால் அவர்கள் ஒரு ரூபாய்க்கு கேட்டால் நான் கொடுப்பதாக இல்லை. 1.10, 1.50, 2.50 என்று விலை ஏறி வரும். 2.50  கிடைத்தால் பத்தே பத்து நீலி இரண்டரை ரூபாய் க்கு விற்கிறேன். 2.50 க்கு வாங்கியவர் அதை மூன்றரை ரூபாய்க்கு விற்க தயாராக இருப்பார். அது ஐந்து ரூபாய் ஆகும் போது நான் இன்னும் ஒரு பத்தே பத்து நீலி விற்கிறேன். வைத்திருக்கும் நானும் வாங்கிய இரண்டு பேரும் விற்கத் தயாராக இல்லாவிட்டால் வாங்குபவர்கள் அதிகமாகவும் விற்பவர்கள் மூன்றே மூன்று பேராகவும் இருப்பார்கள். விலை பத்து ரூபாய்க்கு போகும்போது இன்னும் ஒரு ஐந்தே ஐந்து நீலி நான் விற்கிறேன்.

இப்படியாக நானும், வாங்கியவர்களும் மிக அதிக விலையில்தான் விற்போம் என்றாகி விட்டால், விலை கொஞ்சம் கொஞ்சமாக மேலே ஏறுவது இயல்பு. ஏனென்றால் இரண்டரை ரூபாய்க்கு வாங்கியவர் ஐந்து ரூபாய்க்கு விற்கிறார் என்கிற செய்தி தீ போல் பரவும்.

இதை உண்டாக்கியது நான் என்பதால் விலை படிப்படியாக உயரும் போது படிப்படியாக என்னுடைய ஆயிரத்தையும் நான் விற்று விட முடியும். இதற்கு மேல் யாரும் புதிதாக தயார் செய்து விற்க முடியாத நிலையில் கையிருப்பை மேலும் மேலும் அதிக விலைக்கு விற்கவும் மேலும் மேலும் அதிக விலைக்கு வாங்கவும் நபர்கள் முன்வருவார்கள்.

இதுதான் கிரிப்டோ பின்னணி என்று நான் அறிந்து வைத்திருப்பது. எந்த காலத்திலும் யார் யாருக்கு என்ன விலைக்கு விற்றார்கள் என்கிற செய்தி வெளிப்படையாக தெரிந்தவாறுதான் இருக்கும். எனவே மோசடி எதுவும் செய்ய இயலாது என்பதும்,  இந்தக் கணக்கு வழக்குகளை யாரும் சேதப்படுத்த முடியாது என்பதும் இதன் மிக பலமான பின்னணிக்குக் காரணம்.

இது நன்றாக பிரபலமாகும் போது ஒரு பேங்க் என்கிற அமைப்பு இல்லாமலே மக்கள் பணத்துக்கு உண்டான மதிப்பைப் பெற முடியும். இகர நாணயங்களை போல் இதன் மதிப்பு இறங்குமுகம் ஆவதற்கு வாய்ப்பில்லை என்ற நம்பிக்கை இருக்கும் வரை இதன் விலை படிப்படியாக மேலே மேலே போய் அசாத்தியமான உயரங்களை எட்டக் கூடும்.

@CGSenu : கிரிப்டோகரன்சி (Cryptocurrency) என்பது டிஜிட்டல் அல்லது வழக்கமான பணமாக பயன்படுத்தக்கூடிய வர்த்தக பரிமாற்றங்களை செய்யும் ஒரு வகையான பணம் ஆகும். இது பொதுவாக கிரிப்டோகிராபி (Cryptography) எனப்படும் குறியீட்டு வழிமுறைகளைக் கொண்டு பாதுகாப்பு செய்யப்படுகிறது, அதனால் இதன் பரிமாற்றங்களைப் பாதுகாப்பாக மற்றும் முறையாகச் செய்ய முடிகிறது.

கிரிப்டோகரன்சியின் முக்கிய அம்சங்கள்:

1. டிஜிட்டல் தன்மை: கிரிப்டோகரன்சி என்பது மெய்நிகர் பணமாகும். இதன் பதிப்பு மற்றும் பரிமாற்றங்கள் முழுமையாக இணையத்தில் நிகழ்கின்றன.

2. பாரம்பரிய மத்தியசேவை இல்லாமை: இது, மத்தியர்கள் (வங்கிகள் அல்லது அரசாங்கம்) இல்லாமல், நேரடி பரிமாற்றங்களை (P2P - Peer to Peer) செய்வதற்கு உதவுகிறது.

3. பாதுகாப்பு: கிரிப்டோகிராபி பயன்படுத்துவதால், கிரிப்டோகரன்சியின் பரிமாற்றங்கள் பாதுகாப்பாக உள்ளன. இது அதன் மாறுபட்ட பாதகங்களை நிவர்த்தி செய்ய உதவுகிறது.

4. விரிவான பயன்பாடு: கிரிப்டோகரன்சி, குறிப்பாக பிட்காயினை (Bitcoin) பயன்படுத்தி, பொருளாதார பரிமாற்றங்களை உலகெங்கிலும் உள்ள நபர்களுடன் துரிதமாக மேற்கொள்கின்றனர்.

5. தன்னாட்சி: கிரிப்டோகரன்சி என்பது மத்திய ஆளுமையால் கட்டுப்படுத்தப்படவில்லை. இது பிளாக்செயின் தொழில்நுட்பத்தின் அடிப்படையில் செயல்படுகிறது, மேலும் இந்த தொழில்நுட்பம் பரிமாற்றங்களை திறந்த மற்றும் திருப்தி அளிக்கும் முறையில் பரிசோதிக்க உதவுகிறது.

கிரிப்டோகரன்சியின் சில பிரபல வகைகள்:

1. பிட்காயின் (Bitcoin): உலகின் முதன்மையான கிரிப்டோகரன்சி. 2009 ஆம் ஆண்டு துவங்கியது.

2. இத்தேரியம் (Ethereum): ஒரு கிரிப்டோகரன்சி மட்டுமல்ல, ஒரு செயலி அல்லது ஸ்மார்ட் கொன்ட்ராக்டுகளை உருவாக்க உதவும் தளம்.

3. லிட்காயின் (Litecoin): பிட்காயினை சார்ந்த மற்றும் வேகமான பரிமாற்றங்களை வழங்கும் கிரிப்டோகரன்சி.

4. ரிபிள் (Ripple/XRP): உலகளாவிய பரிமாற்றங்களுக்காக வடிவமைக்கப்பட்ட கிரிப்டோகரன்சி.

கிரிப்டோகரன்சியின் பயன்பாடுகள்:

• நகல்கள் மற்றும் பரிமாற்றங்கள்: கிரிப்டோகரன்சியில் பண பரிமாற்றங்களை வேகமாகவும் குறைந்த கட்டணங்களுடன் செய்ய முடிகிறது.

• புத்தகங்கள் மற்றும் செயலி வளர்ச்சி: பிளாக்செயின் தொழில்நுட்பம் உள்ள ஆராய்ச்சிகள் மற்றும் செயலிகள் மேம்படுத்தப்படுகிறது.

• நிதி முதலீடு: பிட்காயினின் மற்றும் பிற கிரிப்டோகரன்சிகளின் மதிப்புகள் ஏறி இறங்குவதால், அது முதலீட்டாளர்களுக்கு அதிக வருமானம் வழங்கும் ஒரு வாய்ப்பாக உள்ளது.

எதிர்காலம்:

கிரிப்டோகரன்சி நிதி உலகில் புதுமைகளை உருவாக்கி வருகிறது, ஆனால் அதோடு பல நாடுகளில் இது சட்டரீதியாக இன்னும் மதிப்பிடப்படவில்லை. எதிர்காலத்தில், கிரிப்டோகரன்சி பெரும்பாலான நாடுகளில் சட்டத்தை உட்படுத்தும் அல்லது அது காப்பாற்றப்படும் பரிமாற்றங்கள் ஆகவே, அதன் நிலையை மாறலாம்.

இந்த முறையில், கிரிப்டோகரன்சி, உலகின் பொருளாதாரங்களை மாற்றி அமைக்க முனைப்புடன் இருக்கிறது!

& crypto வில் நுழைந்து பார்க்க ஆர்வம் இருந்தாலும், பயம் பன்மடங்கு உள்ளது. எனவே இன்றளவில் நான் அதை எட்டிப் பார்க்கவோ, எட்ட இருந்து பார்க்கவோ முயற்சி செய்யவில்லை!  

நெல்லைத்தமிழன்:

பொள்ளாச்சி பாலியல் வழக்கில் சாகும் வரை ஆயுள்தண்டனை என்ற தீர்ப்பில் கருத்துக்கள் கூறும் வாசகர்கள், தூக்கிலிடவேண்டும் காலை வெட்ட வேண்டும் என்றெல்லாம் விதவிதமாக எழுதுகிறார்கள். அதுபோல கிரிக்கெட்டில் யாரை விலக்கவேண்டும் எடுக்கவேண்டும் என்றெல்லாம் எழுதுகிறார்களே. மனித மனத்தின் வியாதியா இது?

.

# பொது ஊடகம் விரிவடைந்த பின்பு மக்கள் மனம் போனபடி எழுதிப் பரப்பிக் கிளர்ச்சி அடைகிறார்கள். யாரைக் குறித்தும் என்ன வேண்டுமானாலும் எழுதலாம் என்கிற நிலை சமூகத்துக்கு நல்லதல்ல.‌ இதை விநோதமாகப் பார்க்கிறவர்கள், பார்த்துக் கவலை அடைபவர்கள் இருக்கிறார்களே அன்றி கவனித்து நடவடிக்கை எடுப்பார்கள் இலர்.

= = = = = = = = =

KGG பக்கம்: 

ஞாபகம் இருக்கட்டும் - கோடை காலம் தலைப்பிற்கு படங்கள் அனுப்ப கடைசி தேதி மே 19, மாலை ஆறு மணி. 

இதுவரை 23 படங்கள் வந்துள்ளன. 

பரிசைவிட பங்கேற்பு முக்கியம். 

= = = = = = = =

பாண்டிச்சேரி பயணப் படங்கள், மேலும் சில .. 

இன்றைய படங்கள் எல்லாவற்றிற்கும் பொதுத்  தலைப்பு : நாம் மூவர்! 

வந்த அலை ரசித்து, வரும் அலை பார்த்து .. 

அலட்சியமாக அடுத்த அலை எதிர்பார்த்து .. 

வா அலையே - தைரியம் இருந்தால் என் இடது காலைத் தொடு! 

நிலம், நீர், ஆகாயம், காற்று + வெகு தூரத்தில் அக்னி (சூரியன்) 

நரை முடி போல நுரை அலை ! 

அலைக்கு மேலே அலை வருகிறது ! அலை கரை மீது நிழல்களுக்கு மேலே ஏதோ எழுதியுள்ளது போல / வரைந்தது போல உள்ளது! 

நுரைக் குழந்தையை கரையில் விட்டு, திரும்பிச் சென்ற அன்னை அலை .. 

அதோ அங்கே ஆர்ப்பரிக்கும் அலை! 

இங்கே வந்ததும் அடங்கிவிட்டது ! 

மீதி படங்கள் பிறகு 

= = = = = = = = = = =