அவளுக்கும் நான் மட்டும் தெரிந்திட வேண்டும் அவள் முகம் நான் மட்டும் அறிந்திட வேண்டும்...

 

2001 ஆம் வருடம், எனது திருமண நாளான ஆகஸ்ட் 17 ஆம் தேதி அன்று வெளியானது "பூவெல்லாம் உன் வாசம்" திரைப்படம்.  ரசிக்கத்தக்க ஒரு படம்.

ஜோதிகா நடித்த பாத்திரத்தில் முதலில் ஐஸ்வர்யா ராய் மற்றும் ப்ரீத்தி ஜிந்தாவை அணுகினார்களாம்.  நல்லவேளையாக அவர்கள் மறுத்துவிட, ஜோதிகா அந்தப் பாத்திரத்தை ஏற்று நடித்து ரசிக்க வைத்தார்.

இந்தப் படத்துக்கான பாடல்களை வைரமுத்து எழுத, வித்யாசாகர் அருமையாக இசை அமைத்திருந்தார்.  'யுக்தாமுகி' , 'செல்லா உன் வீட்டுக்கு' பாடல்களைத் தவிர மற்ற பாடல்கள் எனக்குப் பிடிக்கும்.  இன்று இந்தப் படத்திலிருந்து இரண்டு பாடல்களை இங்கு பகிர்கிறேன்.

முதல் பாடல் ஸ்ரீராம் பார்த்தசாரதி பாடிய 'புதுமலர் தொட்டுச் செல்லும் காற்றை நிறுத்து' 

இந்தப் பாடலின் ஆரம்ப இசை, பிறகு பாடகருடன் குழுவினர்சொல்லும் 'டுண்டுண்டாரா டுண்டுண்டாரா   டுண்டுண்டாரா...'...!  நடன அசைவுகளும் ரசிக்க வைக்கும்.

அழகான அமைதியான நடன அசைவுகள்..     நாயகனுக்கு காதல் வந்து விட்டது என்பதை நாயகியிடம் மட்டுமில்லாமல் சுற்றி உள்ளவர்களுக்கெல்லாம் சொல்கிறார்..  சுகமான கற்பனை, சுகமான ரசிக்கும்படியான பாடல்..

குழு : {தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா ரா} (2)

ஹோய்

{தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா ரா} (2)

புது மலர் தொட்டு செல்லும் காற்றை நிறுத்து

புது கவி பாடி செல்லும் ஆற்றை நிறுத்து

கிசு-கிசு கொண்டு செல்லும் கிளியை நிறுத்து

காதல் வந்ததே

இரு முயல் துடிக்கின்ற முத்தம் நிறுத்து

இருதயம் அடிக்கின்ற சத்தம் நிறுத்து

இலங்கையில் நடக்கின்ற யுத்தம் நிறுத்து

காதல் வந்ததே எனக்கு காதல் வந்ததே

குழு : {தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா ரா} (2)

கூவ சொல்லாதே குயிலை நிறுத்து

ஆட சொல்லாதே அலையை நிறுத்து

காய சொல்லாதே நிலவை கொளுத்து… ஓ

முட்டி வழிகின்ற அருவி நிறுத்து

சுற்றி வருகின்ற பூமி நிறுத்து

பூமி துளைக்கின்ற புல்லை நிறுத்து

இந்த அகிலத்தின் ஓசைகள் நின்றுவிடல் வேண்டும்

அவள் விடும் சுவாசத்தின் சத்தம் மட்டும் வேண்டும்

நட்சத்திர மண்டலத்தில் ஓர் இடம் வேண்டும்

நாங்கள் மட்டும் பேசிக்கொள்ள தனி மொழி வேண்டும்

கண்ணசைவில் மின்னல் விழ புன்னகையில் பூக்கள் விழ

கை அசைவில் வானம் விழ பெண் அசைவில் நானும் விழ

காதல் வந்ததே காதல் வந்ததே

காதல் வந்ததே காதல் வந்ததே

குழு : {தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா ரா} (2)

நனனனனனனா…….நனனனனனா…..

காதில் வேல் வீசும் கொலுஸை நிறுத்து

சேதம் செய்கின்ற சிரிப்பை நிறுத்து

வாதம் செய்கின்ற வளையல் நிறுத்து

கண்கள் களவாடும் மின்னல் நிறுத்து

கதறி அழுகின்ற இடியை நிறுத்து

கத்தி எழுகின்ற மலையை நிறுத்து

அந்த இரு விழி தெறிக்கின்ற மின்னல்கள் வேண்டும்

இதழ் வழி பொழிகின்ற மழை மட்டும் வேண்டும்

அவளுக்கும் நான் மட்டும் தெரிந்திட வேண்டும்

அவள் முகம் நான் மட்டும் அறிந்திட வேண்டும்

சிந்தி விழும் முதல் மழை வந்து விழும் முதல் அலை

எந்திரிக்கும் முதல்வரை சுந்தரிக்கு சொந்தமாகவே

காதல் வந்ததே காதல் வந்ததே

காதல் வந்ததே காதல் வந்ததே

புது மலர் தொட்டு செல்லும் காற்றை நிறுத்து

புது கவி பாடி செல்லும் ஆற்றை நிறுத்து

கிசு-கிசு கொண்டு செல்லும் கிளியை நிறுத்து

காதல் வந்ததே

இரு முயல் துடிக்கின்ற முத்தம் நிறுத்து

இருதயம் அடிக்கின்ற சத்தம் நிறுத்து

இலங்கையில் நடக்கின்ற யுத்தம் நிறுத்து

காதல் வந்ததே எனக்கு காதல் வந்ததே

{தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா ரா} (2)

ஹோய்

{தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா தின்தின்தாரா

தின்தின்தாரா ரா} (2)

ஷங்கர் மகாதேவனுக்கு அமைகின்ற பாடல்கள் எல்லாமே சவாலான பாடல்களாகத்தான் அமையுமா என்று தோன்றும்.  

இதோ, இன்று பகிரும் "தாலாட்டும் காற்றே வா" பாடல், 'வராக நதிக்கரை ஓரம் பாடல், 'உனைக்காணாமல் நான் இங்கு நான் இல்லையே', பாடல்,  'சந்தனத்தென்றலை ஜன்னல்கள் தண்டித்தல் நியாயமா'  'தனியே தன்னந்தனியே' இப்படி சொல்லிக் கொண்டே போகலாம்.  'உனைக்காணாமல்' பாடல் எல்லாம் இந்தக் கால பாஷையில் 'வேற லெவல்'

இன்றைய பாடலில் அந்த உயரத்தில் ஆரம்பிக்க முடியுமா என்பது ஒரு புறம் இருக்க  'என்னுயிரே நீ வா' என்னும் இடத்தின் உயரம் நினைத்துப் பார்க்க முடியாதது.

இரண்டு பாடல்களிலும் அழகான, இளமையான அஜித், ஜோதிகா.  காட்சியையும் ரசிக்கலாம்.  பாடல்களையும் ரசிக்கலாம்.

ஆராதனா பாடல் மாதிரி சாலையில் ஜீப்பில் பாடி வரும் அஜித்தின் குரல் ரயிலுக்குள் ஜோதிகாவுக்கு கேட்கும் அபத்தம் எல்லாம் மீறி ரசிக்க வைக்கும் பாடல்.  

பாடலில் ரிதம் ரயிலின் தண்டவாள தாளக்கட்டு போல தொடரும் ரசனை.

தாலாட்டும் காற்றே வா தலை கோதும் விரலே வா 

தொலை தூர நிலவே வா தொட வேண்டும் வானே வா

உன் சின்ன இதழ் முத்தம் தின்னாமல் என்

ஜென்மம் வீணென்று போவேனோ 

உன் வண்ண திருமேனி சேராமல் என்

வயது பாழ் என்று ஆவேனோ

உன் அழகு ராஜாங்கம் ஆளாமல் என் ஆவி சிறிதாகி 

போவேனோ

என்னுயிரே நீ தானோ என்னுயிரே நீ தானோ

தாலாட்டும் காற்றே வா தலை கோதும் விரலே வா 

தொலை தூர நிலவே வா தொட வேண்டும் வானே வா

கண்ணுக்குள் கண் வைத்து கண்இமையால் கண் தடவி

சின்னதொரு சிங்காரம் செய்யாமல் போவேனோ

பேச்சிழந்த வேளையிலே பெண் அழகு என் மார்பில்

மூச்சு விடும் ரசனையை முகராமல் போவேனோ

உன் கட்டு கூந்தல் காட்டில் நுழையாமல் போவேனோ

அதில் கள்ள தேனை கொஞ்சம் பருகாமல் போவேனோ

நீ பாதி தூக்கத்தில் புலம்புவதை ஒலிப்பதிவு நான் செய்ய 

மாட்டேனோ  (2)

நீ ஊடல் கொண்டாடும் பொழுதுகளில் அதை உனக்கு ஒளிபரப்ப மாட்டேனோ

என்னுயிரே நீ தானோ என்னுயிரே நீ தானோ

தாலாட்டும் காற்றே வா தலை கோதும் விரலே வா

ஒரு நாள் ஒரு பொழுது உன் மடியில் நான் இருந்து திருநாள்

காணாமல் செத்தொழிந்து போவேனோ

தலையெல்லாம் பூக்கள் பூத்து தள்ளாடும் மரமேறி இலையெல்லாம்

உன் பேரை எழுதாமல் போவேனோ

உன் பாதம் வாங்கி நெஞ்சில் பதியாமல் போவேனோ

உன் கண்ணீர் எச்சில் ருசியை அறியாமல் போவேனோ

 உன் உடலை உயிர் விட்டு போனாலும் என் உயிரை உன்னோடு

பாய்ச்சேனோ  (2)

உன் அங்கம் எங்கெங்கும் உயிராகி நீ வாழும் வரை நானும் 

வாழ்வேனோ

என் உரிமை நீ தானோ என் உரிமை நீ தானோ

தாலாட்டும் காற்றே வா தலை கோதும் விரலே வா 

தொலை தூர நிலவே வா தொட வேண்டும் வானே வா

உன் சின்ன இதழ் முத்தம் தின்னாமல் என் ஜென்மம் வீணென்று

போவேனோ 

உன் வண்ண திருமேனி சேராமல் என் வயது பாழ் என்று 

ஆவேனோ

உன் அழகு ராஜாங்கம் ஆளாமல் என் ஆவி சிறிதாகி போவேனோ

என்னுயிரே நீ தானோ என்னுயிரே நீ தானோ நீ தானோ