மே மாதத்துப் படப் போட்டி முடிவுகள்.

நெல்லைத்தமிழன்: 

1. பொள்ளாச்சி பாலியல் கொடுமையில் ஆயுள் தண்டனை பெற்ற காமுகர்கள், தாங்கள் பெற்றோருக்கு ஒரே பிள்ளை, திருமணம் ஆகவில்லை என்றெல்லாம் சொல்லி கருணை காட்ட முயல்கிறார்களே, இதனைப் பார்த்து, பெற்றோரைக் கொலை செய்துவிட்டு, தாங்கள் இப்போது அனாதை என்பதால் கோர்ட் தண்டிக்கக்கூடாது என்றும் கேட்டுவிடுவார்களோ? 

# வக்கீல் ஒரு வழக்கில் வாதாடும் போது எப்படியாவது தன் கட்சிக்காரர் தண்டனையிலிருந்து தப்ப வேண்டும் என்றுதான் முனைவார்.  அவரிடம் எதிர்பார்க்கப் படுவதும் அதுதான். என்னவானும் முயற்சி செய்து வெற்றி பெறவேண்டும் என்ற அளவில் அது சரிதான்.

2. கிரிமினல் குற்றங்களில் வெளிப்படையாகத் தெரிந்து குற்றம் சாட்டப்பட்டவர்களுக்கு, அவர்கள் தாங்கள் நிரபராதி என்று நிரூபிக்கும் வரையில் சிறைத்தண்டனையை ஏன் வழங்கக்கூடாது? கல்ஃப் தேசங்களில், குற்றம் செய்துவிட்டால் முதலில் ஜெயில், பிறகு கோர்ட்டில் வாதாடுவது என்ற முறை இருக்கிறது. அதாவது ஆக்சிடண்ட் செய்து அதனால் இன்னொருவர் இறந்தாலோ இல்லை வேறு குற்றச் செயலில் ஈடுபட்டாலோ முதலில் சிறை, நிரபராதி என்று நிரூபணம் ஆகும்வர உள்ளேதான் இருக்கணும் என்ற முறை இருக்கிறது. அதனால் ஓரளவு குற்றம் குறைகிறது என்று நினைக்கிறேன். உங்கள் கருத்து என்ன?  

# ஒருவர் (நிரூபணமாகாத) சந்தேகத்தின் பேரில்தான் கைதாகிறார். போலீஸ் அராஜகம் இருக்குமானால் நிரபராதி கூட கைதாகலாம். எனவே நீங்கள் சொல்வது சரிப்படாது.  சில நாடுகளில் மிக விரைவாக கடும் தண்டனை தருவது வியப்பாகத்தான் இருக்கிறது.

3.  திருமணமாகி வீட்டுக்கு வரும்போது முதலில் பாலும் பழமும் கொடுப்பதன் காரணம் என்ன? என்னுடைய புரிதலுக்கு எட்டியபடி, அந்தக்காலத்தில் பயணம் செய்து வந்திருப்பார்கள், பசிக்கும். அதனால் உடனடி பசிக்கு பாலும் பழமும், பிறகு நல்ல விருந்து செய்தபிறகு நல்லா சாப்பிடட்டும் என்று நினைத்திருப்பார்களோ? காரணத்தைத் தொலைத்துவிட்டு காரியத்தை மாத்திரம் நாம் பிடித்துக்கொண்டிருக்கிறோமோ?  

# மிகப் பழங்காலத்தில் உபசாரமாகவும், உயர்ந்த உணவு என்பதாலும் பழமும் பாலும் கொடுக்கப்பட்டிருக்கலாம். நல்ல சகுனம் என்றும் கருதி இருக்கக்கூடும். 

அப்போதெல்லாம்  திருமணத்திற்காக மிக நீண்ட பயணங்களை  மேற்கொண்டிருந்திருப்பார்களா என்பதே தெரியவில்லை.‌ இனிய சுவை கொண்டது , தீங்கு இல்லாதது,  எளிதில் கிடைப்பது என்கிற காரணங்களுக்காக பாலும் பழமும் தேர்வாகி இருக்கக்கூடும்.

சடங்குகள் பலவும் காலம் காலமாக ஏன் செய்கிறோம் என்பது தெரியாமலே பின்பற்றப்பட்டு வருகின்றன.  அந்த வகையில் இதுவும் ஒன்று.

@CGSenu: 

திருமணமாகி மணமக்கள் வீடு திரும்பும்போது அவர்களுக்கு முதலில் பாலும் பழமும் வழங்குவதற்குக் கீழ்கண்ட காரணங்கள் உள்ளன. இதுவொரு தமிழ்ச் சமூக மரபாகவும் கலாச்சார அடையாளமாகவும் பார்க்கப்படுகிறது:

1. அன்பும் உளவியல் வரவேற்பும்

பாலும் பழமும் அன்பின் அடையாளமாகக் கருதப்படுகிறது. புதிய வாழ்கைத் துவங்கும் மணமக்களுக்கு வீட்டில் அனைவரும் அன்போடு வரவேற்கின்றனர் என்பதை உணர்த்தும் ஒரு இனிய முறையாக இது அமைகிறது.

2. ஊட்டச்சத்து மற்றும் தாய்மையின் அடையாளம் 

பால்: தூய்மை, புனிதம், பரிசுத்தம் என்பவற்றின் அடையாளமாகக் கருதப்படுகிறது. அது நல்ல ஆரோக்கியத்தின் அடையாளமாகவும் பார்க்கப்படுகிறது.

பழம்: வளம், நலன், இனிமை ஆகியவற்றைக் குறிக்கிறது.

3. மங்களம், புதிய தொடக்கத்திற்கு சிறந்த புனிதச்சுடர். 

இந்த வழக்கம் நல்ல தொடக்கத்திற்கான நற்குறியீடாகச் செயல்படுகிறது. வாழ்கையில் இனிமையும், அமைதியும் நிலவ வேண்டும் என்பதற்கான சின்னமாக பாலும் பழமும் வழங்கப்படுகின்றன.

4. ஆயிரம் ஆண்டு பழமைவாய்ந்த மரபு. 

இந்த மரபு நம் தமிழ் கலாச்சாரத்தின் ஒரு பகுதியாகவே இருந்து வந்துள்ளது. பால் மற்றும் பழம் இரண்டும் இயற்கையானவை, புனிதமானவை என்றும் நம்பப்படுகிறது.

5. மணமக்களுக்கு ஓய்வும் சக்தியும்

திருமண நிகழ்வுகள் மிக நீளமானவை; மனதுக்கும் உடலுக்கும் சோர்வாக இருக்கலாம். பால் மற்றும் பழம் உடலை புத்துணர்வுபடுத்தும் என்பதால் உடல்நல பராமரிப்பாகவும் இதை வழங்குவர்.

4.  மற்றவர்கள் கவர்ச்சியாக உடை அணிவது, பிறரது கவனத்தைக் கவர என்று நினைக்கிறேன், அதனால் பிறர் கண்கொட்டாமல் பார்த்தால் என்ன தவறு என்பது என் எண்ணம். ஆனால்  என் மகள் பல வருடங்களுக்கு முன்பு என்னிடம் சொன்னது, அவங்க அவங்களுக்குப் பிடித்த உடையை அவரவர்கள் அணிகிறார்கள். அதற்காக மற்றவர்கள் பார்க்க என்று நீங்கள் எப்படி முடிவு செய்வீர்கள் என்றாள். நீங்க என்ன நினைக்கறீங்க?   

# பார்ப்பவரது கவனத்தை ஈர்க்க வேண்டும் என்றோ, பார்க்கிறவர் கண்களுக்கு அலங்கோலமாகக் காட்சி அளிக்கக் கூடாது என்றோ எண்ணி நல்ல உடை உடுத்துவது என்பது எதிர்பார்க்கக் கூடியதுதான். நம் கண்ணைக் கவர்கிற நபர்களை கூர்ந்து பார்ப்பது அவர்களுக்கு சங்கடத்தை ஏற்படுத்தும் என்பது உண்மை. போகிற போக்கில் சாதாரணமாகப் பார்ப்பதை யாரும் தவறாகக் கருதுவது இல்லை.

அதேசமயம் கண்ணைக் கவர்வது வேறு, பார்ப்பவர் கண்களைக் கூசச் செய்வது வேறு என்பதை நாகரிக உடை  உடுத்துபவர்கள் நினைவில் வைத்துக் கொள்வது நல்லது.

5.  கடலில் குளித்தாலும் பிறகு நன்னீரில் குளித்தால்தான் நன்றாக இருக்கிறது. இல்லையென்றால் உடல் உப்புநீரினால் அரிப்பதுபோல இருக்கிறது. உங்களுக்கு இந்த அனுபவம் இருக்கா?

# கடல் நீரில் குளிக்கும் போது நன்றாக இருக்கும். வெளிவந்த உடனேயே கசகசப்பு சங்கடம் ஏற்படும் .‌ இதை நிறைய அனுபவித்து இருக்கிறேன்.

6. நாம் இருக்கும் ஊரை விட்டு நம் சொந்த ஊருக்கே நிரந்தரமாகப் போகும் வாய்ப்பு வந்தால், வரவேற்போமா? உதாரணமா நீங்க பெங்களூரிலிருந்து நாகைக்கு, நான் திருநெவேலிக்கு....  

# எனக்கு சொந்த ஊர் இருக்கிறதே தவிர அந்த ஊரில் வீடு நிலம் நெருங்கிய உறவினர்கள் என்கிற எதுவுமே இப்போது இல்லை. அதன் காரணமாகவோ என்னவோ எனக்கு சொந்த ஊர்ப் பாசம் அறவே கிடையாது. 

& பெங்களூரு - இச்சுவை தவிர யான் போய் இந்திர லோகம் ஆளும் அச்சுவை பெறினும் வேண்டேன் நெல்லை மா நகரத்தானே ! 

7.  நம்மை நம் வயதான காலத்தில் கவனித்துக்கொள்வார்கள் என்பதனால்தான் நாம் நம் குழந்தைகளுக்கு, அவர்கள் குழந்தைகளுக்கு உதவுகிறோமா?

# வயதான காலத்தில் நம்மை நம் குழந்தைகள் கவனித்துக் கொள்வார்கள் என்று எண்ணுவதில் தவறு ஒன்றும் இல்லை. இது ஏதோ வியாபார நோக்கு என்பது போல் பார்க்கக் கூடாது. அன்பின் அடிப்படையில் ஆனதுதான் குடும்ப வாழ்க்கை. அதில் கடமையைச் செய்வதிலும்,  எதிர்பார்ப்புகள் வைத்துக் கொள்வதிலும் கவனம்  இருப்பது ஒரு தவறு என்று பார்க்க வேண்டிய தேவை இல்லை.

எதிர்பார்க்கிறபடி நடக்காவிட்டால் என்ன செய்ய வேண்டும் என்கிற தெளிவான தொலைநோக்கு இருப்பது அவசியம். குழந்தைகளோடு நல்ல பிணைப்பு இருக்கும் பட்சத்தில் அனாவசிய அச்சங்கள் தேவையில்லை என்றாலும் எதிர்பாராதது எதுவும் நடக்கும் என்கிற முன்னெச்சரிக்கை மிகவும் அவசியம்.

கே. சக்ரபாணி, சென்னை. 

1. Buy one Get one free  என்று  பெரும்பாலான சூப்பர் மார்க்கெட்டில் விற்பனை செய்கிறார்களே. அதைப்பற்றி  தங்கள் கருத்து என்ன? 

# விளம்பர நுணுக்கங்களை  நன்கறிந்த சாமர்த்தியசாலிகள்.‌

@CGSenu: "Buy One Get One Free" என்பது உண்மையில் ஒரு மார்க்கெட்டிங் யுக்தி. இது வாடிக்கையாளர்களுக்கு சலுகை தரும் போல தோன்றினாலும், உண்மையில் அது விற்பனையை அதிகரிக்கவும், குறிப்பிட்ட பொருட்கள் விரைவாக விற்கவும் வணிகர்களால் திட்டமிட்ட செயலாகப் பயன்படுத்தப்படுகிறது.

2. மற்ற கலைஞர்களுக்கு உள்ள  மதிப்பும் மரியாதையும்  திருமணம் இல்லங்களில்  வாசிக்கும்  நாதஸ்வர கலைஞர்களுக்கு  இல்லையே  ஏன்?

# இதற்கு அந்தக் கலைஞர்களின் திறமைக் குறைவு ஒரு காரணம் என்று சொன்னாலும், பல பழைய வழக்கங்களை நாம் கொஞ்சம் கொஞ்சமாக விலக்கி வருகிறோம். இன்னும் கொஞ்ச காலத்தில் நாதஸ்வரம் அறவே காணாமல் போகும் அபாயம் இருக்கிறது.

@CGSenu : உங்கள் கேள்வி மிகவும் முக்கியமானது. நாதஸ்வர கலைஞர்கள், குறிப்பாக திருமண விழாக்கள் மற்றும் கோவில் நிகழ்ச்சிகளில் நமது கலாச்சாரம், ஆன்மிகம், இசை மரபுகளின் தீவிரப் பிரதிநிதிகளாக இருந்தும், அவர்கள் பெரும்பாலான இடங்களில் மதிப்பும் மரியாதையும் குறைவாக அனுபவிக்கிறார்கள். இதற்கான காரணங்கள் பல அடுக்குகளில் உள்ளன:

🔹 1. மணநிகழ்ச்சிகளில் கலைக்கு மேல் முக்கியத்துவம் குறைவாகியுள்ளது. 

இன்று திருமணங்கள் பெரும்பாலும் சமூக வணிக நிகழ்வுகள் போல மாறிவிட்டன.

இசை ஒரு பின்னணி அமைப்பாக மட்டும் பார்க்கப்படுகிறது, அதன் உள்ளடக்கம், நுணுக்கம் பாராட்டப்படவில்லை.

🔹 2. தொழிலாளி பார்வையில் கலைஞர்களை பார்ப்பது

நாதஸ்வர கலைஞர்கள் நேரம் தவறாமல் வர வேண்டும், வாசிக்க வேண்டும், சாப்பாடு கூடச் சில நேரம் காத்திருக்க வேண்டிய நிலை.

இந்த சூழலில், அவர்கள் ஒரு "சேவை அளிப்பவர்" (service provider) என மட்டுமே பார்க்கப்படுகிறார்கள் – "கலைஞர்" என அல்ல.

🔹 3. கல்வியறிவும் கலாசார புரிதலும் குறைவாகும் ஒரு சமுதாயத்தில்,

நாதஸ்வர இசையின் தத்துவம், சங்கீத தரம், பாடல்களின் ஆன்மிகம் பற்றி பலருக்கும் புரிதல் இல்லை.

இதனால், அவர்கள் செய்யும் கலைக்கு உள்ளடக்கம் தெரியாமல், மதிப்பும் குறைகிறது.

🔹 4. தொலைக்காட்சி மற்றும் ஸ்பீக்கர் கலாச்சாரம். 

முந்தைய காலத்தில் நாதஸ்வரம் நேரடி இசையாக மட்டுமே இருந்தது; இன்று இசையை ரெக்கார்டில் வைக்கலாம், ஸ்பீக்கரில் போடலாம்.

இது நேரடி கலைஞர்களின் தேவை குறைய செய்துவிட்டது – அதே நேரம், அவர்களது இடம், மரியாதையும் பின்வாங்கியது.

🔹 5. கலைஞர்களின் நிலையும் காரணமாக இருக்கலாம். 

சில நாதஸ்வர கலைஞர்கள் தாங்கள் தரும் கலைக்காக தாங்களே குறைவாக விலை சொல்லுவார்கள், அதனால் பொதுவான மதிப்பீடு குறைகிறது.

தொழில்நுட்ப வளர்ச்சி, வருமான உறுதிக் குறைவான சமுதாய ஆதரவு – இதுவும் அவர்களை ஆவலற்றவர்களாக்கிவிடும்.

= = = = = = = =

மே மாதத்திய படப் போட்டிக்கு மொத்தம் 30 படங்கள் வந்தன. 

படங்களை அனுப்பியவர்கள் :

அனு ப்ரேம்,

கோமதி அரசு, 

கீதா ரெங்கன், 

கீதா சாம்பசிவம்,  

கௌதமன், 

எம் தில்லைநாயகம்,  

நெல்லைத்தமிழன் ஆகியோர்.  

என்னைத் தவிர மற்ற 6 பேர்களுக்கும் பங்கேற்புக்கு நன்றி. 

ஆரம்பத்தில் 4 படங்களைக் கோட்டை விட்டு, பிறகு சேர்த்ததால் எனக்கு தலையில் ஒரு குட்டு! 

 = = = = = = = = =

வழக்கம் போல இந்த எல்லா படங்களையும் பல தளங்களில் வெளியிட்டு வோட்டுகள் அளிக்க வேண்டுகோள் விடுத்திருந்தேன். 

அதிக வோட்டுகள் பெற்ற படம் : 

அனுப்பியவர் : திருமதி கோமதி அரசு அவர்கள். 

அதற்கு அடுத்தபடியாக அதிக வோட்டுகள் பெற்ற படம் : 

அனுப்பியவர் : நெல்லைததமிழன். 

இதற்கு அடுத்தபடியாக அதிக வோட்டுகள் பெற்ற படம்: 

அனுப்பியவர் : நெல்லைததமிழன். 

இதற்கு அடுத்தபடியாக அதிக வோட்டுகள் பெற்ற படங்கள் 2. 

அனுப்பியவர் : அனு ப்ரேம். 

அனுப்பியவர் : திருமதி கோமதி அரசு. 

இவைகளுக்கு அடுத்தபடியாக அதிக வோட்டுகளைப் பெற்ற 3 படங்கள் :

அனுப்பியவர் : திருமதி கீதா சாம்பசிவம். 

அனுப்பியவர் : நெல்லைத்தமிழன். 

அனுப்பியவர் : திருமதி கோமதி அரசு. 

அதிக வோட்டுகளைப் பெற்ற படங்கள் அனுப்பிய எல்லோருக்கும் வாழ்த்துகள். 

இந்த மாதத்துப் போட்டிக்கு ஒன்பது படங்களை அனுப்பி, அவற்றில் 3 படங்களுக்கு அதிக வோட்டுகளைப் பெற்ற திருமதி கோமதி அரசு அவர்களும், 

ஐந்து படங்களை அனுப்பி அவற்றில் 3 படங்களுக்கு அதிக வோட்டுகள் பெற்ற நெல்லைத்தமிழன் அவர்களுக்கும் பரிசு உண்டு. 

பரிசு அறிவிக்கப்பட்ட இருவரும் தங்கள் ஏற்புரையை,  கருத்துரைப் பகுதியில் எழுதவும்.  

= = = = = = = = = = = = =

KGG பக்கம் : 

போட்டிகள், பரிசுகள்! 

சாதாரணமாக வலைப்பூ பக்கங்களில், ஒருவர் மட்டுமே blog owner - அவருடைய எண்ணங்கள், எழுத்துகள் மட்டுமே வலையேறும் ! 

மேடைப் பேச்சாளர் போல யாரையாவது திட்டி அல்லது கேலி கிண்டல் செய்து எழுதப்படும் அரசியல் பதிவர்கள் உண்டு. 

தமிழை வளர்க்கிறேன் என்று ஒரே அடம் பிடித்து எழுதும் பதிவர்களும் உண்டு. 

மதம், மதம் சார்ந்த அல்லது சாராத நூல்களை உயர்த்திப் பிடித்து எழுதும் பதிவர்களும் உண்டு. 

சுவாரஸ்யமான அனுபவங்களை சுவையாக எழுதி வருகின்ற பதிவர்களும் உண்டு. 

எங்கள் வலைப்பூவில், controversy வேண்டாம் என்று நாங்கள் ஆரம்பத்திலயே முடிவு எடுத்ததால், அரசியல், மதம் சார்ந்த பதிவுகளை (முக்கியமாக இகழும் பதிவுகள் / செய்திகள் ) வெளியிடுவதில்லை. 

ஒரே ஆள் ஆசிரியராக இருந்தால், monotony வந்து அமர்ந்துவிடும் என்பதால், cross functional team - ஆசிரியர்கள் என்று அமைத்து பதிவுகள் எழுதி வருகிறோம். 

வலைப்பூ ஆரம்பிக்கும்போதே ஆசிரியர் kayjees சொன்னது : நம்முடைய பதிவுகளைப் படிக்கின்றவர்களுக்கு, அந்தப் பதிவால் ஏதேனும் பயன் இருக்கவேண்டும். இதை வேத வாக்காக எடுத்துக்கொண்டு பதிவுகள் எழுதி வருகிறோம். 

புதன் பதிவுகளைப் பொருத்தவரை, வாசகர்களின் படைப்பாற்றல் திறன், பங்களிப்பு இவற்றிற்கு முன்னுரிமை. நகைச்சுவை, செய்தி பகிர்வு இவைகள் sub products. 

படப் போட்டி, புதிர்ப் போட்டி - என்பவை போட்டி என்ற நோக்கத்தில் இல்லாது, அதிக வாசகர்களை பங்கேற்க வைக்கும் நோக்கத்தில் மட்டுமே நடத்துகிறோம். 

அடுத்த புதன் கிழமையிலிருந்து, கேள்வி பதில் பகுதியோடு சேர்த்து, வாசகர்கள் பங்கேற்கின்ற ' ஒரு படம் + படம் பற்றிய சில சுவாரஸ்ய தகவல்கள் ' என்ற தலைப்பில்  சில துணைப் பதிவுகள் வெளியிடலாம் என்று ஒரு யோசனை. 

மேலும் விவரங்கள் வேண்டும் என்றால், கருத்துரைப் பகுதியில் கேட்கவும். 

= = = = = = = = = = =