"உங்களுக்கு பரிசு விழுந்திருக்கு......."

                                                                     

"ஹலோ.."

"சொல்லுங்க... யார் நீங்க?  உங்களுக்கு என்ன வேணும் மேடம்?"

"ஹலோ ஸார்..  வாழ்த்துகள் ஸார்!  உங்களுக்கு பரிசு விழுந்திருக்கு"

"எங்க விழுந்திருக்கு?  நீங்க யார் மேடம்?"

"நான் -------------------  கம்பெனிலேருந்து பேசறேன்.   உங்க பேர் என்ன ஸார்?"

"என்ன பேர்னே தெரியாம எப்படி பரிசு விழுந்திருக்குன்னு சொல்றீங்க?"

"உங்க நம்பர் ஸார்!  இந்த நம்பருக்கு விழுந்திருக்கு..உங்களுக்குக் கல்யாணமாயிடுச்சா ஸார்?"

"ஆச்சு.. ரெண்டு தரம்.  என் நம்பர் உங்க கிட்ட எப்படி விழுந்தது மேடம்?"

"ஓ... ரெண்டு தரமா?  நம்பர் ரேண்டமா செலெக்ட் பண்ணுவோம் ஸார்.  35,000 ரூபாய்க்கு உங்களுக்கு ஒரு கிஃப்ட் ஹாம்பர்..   நீங்க எங்கே இருக்கீங்க ஸார்?"

"எதுக்கு மேடம்?   எப்ப வேணா வாங்க..  நான் ------------------------- ல இருக்கேன்.  உங்க பேர் என்ன மேடம்?"

"ஓ.. நோ ஸார்!  உங்களால வேளச்சேரி வர முடியுமா?"

"ஓ..எஸ்.. வந்தாப் போச்சு!  அங்கதான் இருக்கீங்களா மேடம்?"

"நான் இல்லை.... அங்கதான் கம்பெனி இருக்கு.."

"அப்போ நீங்க அங்க இல்லியா மேடம்?  நீங்க எங்க இருப்பீங்க?"

"ஐயோ ஸார்... அது எங்க கம்பெனி அட்ரஸ்.  நானும் அங்கதான் இருப்பேன்"

"ஓகே மேடம்.. இப்போ என்ன செய்யணும் நான்?"
 
"கடைசியாக் கல்யாணம் ஆனவங்களுடன் நாளை வேளச்சேரி வரமுடியுமா ஸார்?"

 

"அது கஷ்டம் மேடம்"

"ஏன் ஸார்?"

"கடைசியா ஆனவங்களுடன் வந்தா மத்த ரெண்டு பேருமே பிரச்னை பண்ணிடுவாங்க மேடம்"

"என்னது?  என்ன சொல்றீங்க?  நாளைக்கு வரமுடியுமா   வரமுடியாதா நீங்க?"

"நான் அட்ரஸ் சொல்றேன்.  பரிசை வீட்டுக்கு அனுப்பிடுங்களேன் மேடம்"

"அதெல்லாம் வழக்கமில்லை ஸார்..  நீங்க உங்க மனைவியுடன் நாளை நான் சொல்ற இடத்துக்கு வாங்க.. உங்களுக்கு 35,000 ரூபாய்க்கு........."

"இல்லை மேடம்.. குரியர் சார்ஜா 5,000 ரூபாய் எடுத்துகிட்டு மிச்சத்தை அனுப்பிடுங்களேன்..."

"உங்களால ஏன் நாளை வரமுடியாது ஸார்?"

"நாளை எனக்கு ப்ரியா கூட எங்கேஜ்மென்ட் இருக்கு.. முன்னாடியே சொல்லிட்டேன்.  ரொம்ப கோவக்காரி ப்ரியா.  அதனால என்னால வர முடியாது.  வேணா ரெண்டு நாள் கழிச்சு வரவா?"

டொக்.

யார் கிட்ட?   எத்தனை கால் பார்த்திருக்கோம் நாங்க!