எங்கள் பதிவின் கேள்விக்கு பதில் என்ன சொல்லுவோம் வாரீர்! பு த ன் 180620

கீதா சாம்பசிவம் : 

க்ர்ர்ர்ர்ர்ர்ர் நான் பார்க்கறச்சே யாருமே இல்லை. ஆனால் துரை சாரோட கருத்து என்னோடதுக்கு 2 நிமிஷம் முன்னாடி காட்டுது! முதல்லேயே ஏன் காட்டலை? கேஜிஜி சார், பதில் சொல்லுங்க! 

ப: பதில். 


உங்க கருத்தை ரசிச்சுப் படிச்சு அப்புறம் வலை அனுப்பியிருக்கும்.

நல்லா சுவாரசியமா பதில் சொல்லி இருக்கீங்க! அடுத்த வாரமும் இரண்டு பேரும் பதில் சொல்வீங்களா?

ப: இந்த வாரம் மூன்று பேர் பதில் சொல்கிறோம் ; என் பதில்கள் + மஞ்சள் வண்ணம் +  நீல வண்ணக் கண்ணன் (இவர் எந்தக் கே ஜி யும் இல்லை! ) 

மாறுபட்ட பதில் இருந்தால் இரண்டென்ன மூன்று நான்கு கூட வரலாமே.

வல்லி சிம்ஹன் : 

ஆஹ்ம் தலைக்கு டை போடலாமா கூடாதா.?

ப : இதுக்கு பதில்  யார்  சொல்றாங்கன்னு கண்டுபிடியுங்க! 

தலய்க்கு மய் போடுவது என்பது மய்யமாக இருக்கவேண்டும். ஆங்காங்கே சர்வாதிகார இருள் முடிக்குள் சில ஜனநாயக வெண்மை ஒளிக்கீற்றுகளும் தெரியவேண்டும். 

தலைக்கு டையா!  ஹா ஹா ஹா .... காலா என்றால் கருப்பு! ஆன்மிகம் ஆனால் என்றும் வெளுப்பு! 


தலை இப்பலாம் பெப்பர் சால்ட் லுக்கைதான் விரும்புகிறார் !

அதிரா :

ஒரு திருமணத்துக்குப் போனால் அதில் நாமே மணப்பெண்ணாக மணமகனாக.. அப்படியே இறப்பு வீடு போனால் அதில் நாமே இறந்திருப்பவராக.. பேச்சுப் பார்க்கப் போனால் அங்கு நாமே மேடையில் பேசுபவராக.. இப்படியும்கூட மனம் கற்பனை பண்ணுமெல்லோ:))).. இதிலிருந்து உங்களுக்கு என்ன புரியுது கெள அண்ணன்?.... மனதுக்கு வேறு வேலையே கிடையாது எனப் புரியுதோ?

ப: கல்யாண வீடுகளில், சந்தோஷமாக ஓடியாடித் திரிகின்ற சிறுவர்களில் ஒருவனாகத்தான் கற்பனை செய்துகொள்வேன். 
இறப்பு வீடு போனால், யார் போலியாக அழுகிறார்கள், யார் உண்மையான வருத்தத்தை, எப்படி வெளிப்படுத்துகிறார்கள் என்று ஆராய்வேன். இறந்தவராக கற்பனை செய்தது இல்லை. 

மேடைப் பேச்சுக்கள் கேட்கும்பொழுது, தெரிந்த விஷயமாக இருந்தாலும், பேச்சாளர் அதை எப்படிக் கூறுகிறார், எந்த வார்த்தையில் அழுத்தம் கொடுக்கிறார் என்பது போன்ற விவரங்களை ஆராய்ச்சி செய்வேன்.


எனக்கு அப்படித் தோன்றியதில்லை.  மொய் கொடுத்து விட்டு எப்போது சாப்பிடப் போவது, துக்கம் கேட்டு விட்டு எப்படி கிளம்புவது, மேடைப்பேச்சிலிருந்து எப்படி நழுவுவது என்றே என் சிந்தனை ஓடும்.

கெள அண்ணன் இந்தப் பூஸோ கொக்கோ?:) எப்படி வந்ததெனத் தெரியுமோ உங்களுக்கு?

ப: எப்படி வந்ததெனவா? ஓ, தெரியுமே! பூசார் நடந்து வந்திருப்பார், கொக்கு பறந்து வந்திருக்கும். 

கொங்கணவர் செய்த ஸ்டண்ட் தான் ஆதிகாரணம்.

இப்போ எங்கள் புளொக்கில் அசோகன் குப்புசாமி அவர்களின் கொமெண்ட்டை மட்டும் வச்சு.. எங்கள் புளொக்கில் கொமெண்ட் போடுவோர் எல்லோருமே இப்படித்தான் எனும் முடிவுக்கு வரலாமோ?:

ப: ப்ளாக் படிப்போர் பெரும்பாலும் அ கு தான். பாருங்க போன வாரம் ஒரு பதிலில், எனக்குப் பிடித்த தமிழ் வருடம், "சுக்ருத" என்று எழுதியிருந்தேன். அப்படி ஒரு ஆண்டின் பெயர் உள்ளதா என்று யாராவது சோதித்து /யோசித்துப் பார்த்தார்களா! 

அவரவர் போடும் கமெண்ட்ஸ் வைத்து அவரவர் எப்படி என்று யோசிக்க முடியும்.

உங்களுக்கு நடப்பது ... ஜிம் போவது சைக்கிள் ஓடுவது பிடிக்குமோ இல்ல... வீட்டிலிருந்து அரட்டை அடித்து ரீவி பார்ப்பது பிடிக்குமோ?:) [ஒரு சொல் பதில்களுக்குத் தடா:)]

ப: நடப்பது மட்டுமே நடந்துகொண்டிருக்கிறது. ஜிம் போனதில்லை. சைக்கிள் ஓடுவது! புதுசா இருக்கே! எப்படி ஓடும்? இப்போ இருக்கின்ற இரத்தில் ரீவி கிரையாது. 

 வீட்டில் இருந்து கொண்டே டீவியில் சைக்கிள் ஓட்டுவதையும் ஜிம் செய்வதையும் பார்க்கப் பிடிக்கும்.

நடப்பதும் அரட்டையும்.


ஏஞ்சல் : 

1,உங்களுக்கு மிகவும் பிடித்த அட்வெர்டைஸ்மென்ட் தொலைக்காட்சியில் ? 

ப: ஸ்ரீகுமரன் தங்கமாளிகை செயின் திருவிழா விளம்பரம். இப்போவும் வருதா என்று தெரியவில்லை.



       
முன்னர் கின்லே விளம்பரம்.  அப்புறம் ஹாவேல் 


2,இந்த வாரம் நீங்கள் பார்த்த அழகான ஒன்று ?

  ப: 

இந்த வாரம் என்பது நீங்கள் கேள்வி கேட்டப்போதா?  நான் பதில் சொல்லும்போதா?

அழகான அதன்  பேரைக் கேட்கத் தோன்றவில்லை !

3, சிலர் குழந்தைகளை கிள்ளி கொஞ்சுகிறார்களே அது பற்றி உங்கள் கருத்து ?

ப: குழந்தை பதிலுக்குக் கிள்ளினால் அல்லது கிள்ளுபவர் முகத்தில் புர்ரென்று எச்சில் துப்பினால் நன்றாக இருக்கும் என்று நினைப்பேன். 

அம்மாவைக் கிள்ள முடியவில்லையே என்கிற ஏக்கமோ என்னவோ...!


அவங்கள ஒரு அடி வச்சுப் பாராட்டணும்.

4,அடிக்கடி முணுமுணுக்கும் ஒரு பழைய பாடல்மற்றும் ஒரு புது பாடல் ?

ப: பழைய பாடல் சீசனுக்கு சீசன் மாறும். இந்த சீசனில் : "எல்லாம் இன்ப மயம் " 
புதுசு : பாடல் வரிகள் ஏதாவது புரிந்தால்தானே! 

அவ்வப்போது மாறிக்கொண்டே இருக்கும்.  அன்றாடம் காதில் விழும் வார்த்தைகளினால் அந்த வார்த்தை சம்பந்தப்பட்ட பாடல் நினைவுக்கு வந்து முணுமுணுத்துக்  கொண்டே...  சமயங்களில் ஏன் இந்தப் பாடலை முணுமுணுக்கிறோம் என்று அதன் காரணத்தை நினைவுகளில் பின்சென்று கண்டுபிடித்ததுண்டு.  அந்த அளவு அது அனிச்சைச் செயல்!



5,விலங்குகள் பேசினால் ? :) அதில் எந்த விலங்கு பேசினால் நன்றாக இருக்கும் :?

  

எது பேசினாலும் பைரவர் பேசக்கூடாது.  நன்றி உள்ளவை என்று நாம் நினைத்துக் கொண்டிருக்கும் அவை, திடீரென நம்மை (மனிதர்களை திட்ட ஆரம்பித்து விட்டால் ஏமாற்றமாகி விடும்...


நாயும் குரங்கும் பலதரப்பட்ட அனுபவங்கள் பற்றிப் பேசக் கூடும்.


6,இது வரை இந்த விஷயத்துக்கு யாருமே app கண்டுபிடிக்கலையென்று நீங்கள் நினைப்பது ?

ப: Statistical Analysis. Forward interpolation using any accurate formula. I will enter x and y values 6 or 7 sets and ask for forward interpolation value next.  Example : I will give stock price of Reliance industries for the past 6 or 7 consecutive days and ask for the interpolation for tomorrows stock price. 

கேள்விகளுக்கு பதில் சொல்லும் app 


7,உங்களை மியூசியத்தில் ஓர் இரவு முழுதும் தனியே தங்க வைத்தால் என்ன செய்வீங்க ?

ப: கண்களை இறுக மூடிக்கொண்டு, ' ஹ என்னதான் நடக்கும் நடக்கட்டுமே! இருட்டினில் பீதி மறையட்டுமே! தன்னால ஒளி வரும் மயங்காதே ! தறி கெட்டு என்றும் புலம்பாதே ' என்று கர்ணகடூரமான குரலில் பாடிக்கொண்டிருப்பேன். 

முதலிலேயே தூக்க மாத்திரை டபுள் டோஸாக எடுத்துக்கொண்டு தூங்கி விடுவேன்!

அவதிப் பட்டவாறு தூங்க வேண்டி வரும். நானும் ஒரு எக்ஸிபிட் !

8,புதிதாய் கற்க விரும்பும் வெளி நாட்டு மொழி ?

ப: சலாமியா மொழி மற்றும் அதிரா தமிழ்.


9,சிறு வயதில் பப்ளிக் டெலிபோன் பூத்தில் காயின்ஸ் போட்டு தெரியாத நம்பருக்கு ராங் கால் செய்த அனுபவம் உண்டா ?
அதன் விளைவுகளையும் கூறவும் .

ப: தெரியாத நம்பருக்கு கால் செய்ததுண்டு; ஆனால் காசு போட்டதில்லை! 

போனை வச்சுட்டுப் போய்யா என ஏசப்பட்டிருக்கிறேன்.

10,எரிச்சலூட்டும் ஒலி ?
(எனக்கு செருப்பை தேச்சு பராக் பரக்னு நடந்தா பிடிக்காது )

ப: வாயில் மெல்லுகின்ற ஓசை எனக்குப் பிடிக்கவே பிடிக்காது. அப்படி யாராவது எதையாவது சாப்பிட்டால் அந்த இடத்தில் இல்லாமல் ஓடிவிடுவேன். அல்லது வானொலி / தொலைகாட்சி வால்யூம் அதிகப்படுத்தி வைப்பேன். 

தண்ணீரையோ, காபியையோ பாத்திரத்திலோ டம்ளரிலோ ஊற்றும் ஒலி.  அடுத்ததாய் பக்கத்திலிருப்பவர் பச்சக் பச்சக் என்று சப்தப்படுத்திக்கொண்டே சாப்பிடுவது!

இசை நிகழ்ச்சியில் பின் ஸீட் அரட்டை.

11,உங்கள் நண்பர்கள் அனைவருக்கும் பொதுவான ஒரு நல்ல ஒரு கெட்ட பழக்கம் குணம் ?

ப: நல்ல பழக்கம் : நான் சொல்லும் ஜோக்குகளுக்கு சிரிப்பது.
கெட்ட பழக்கம்: அவர்கள் சொல்லும் அறுவை ஜோக்குகளுக்கு நான் சிரிக்கவேண்டும் என்று எதிர்பார்ப்பது!

என்னிடம் இருக்கும் குறைகளை பொருட்படுத்தாதது.

நல்ல பழக்கம் கடன் தருவது கெட்ட பழக்கம் கடன் கேட்பது

12, டிக்கெட் வாங்காம பஸ்ஸில் பிரயாணம் செய்த அனுபவம் உண்டா ?

ப: நிறைய உண்டு. புரசவாக்கத்தில் நான் அண்ணன் குடும்பத்தோடு தங்கியிருந்த நாட்களில், பக்கத்துப் போர்ஷனில் தங்கியிருந்தவர்கள்,  தாம்சன், ஜான் என்று இருவர். இருவரும் பல்லவன் நடத்துனர்கள். அநேகமாக ரூட் எண் 16 அல்லது 22 ல் அவர்கள் வேலை இருக்கும். அந்த பஸ்ஸில் நான் ஏறினால், என்னிடம் டிக்கெட் கொடுக்க வரவே மாட்டார்கள். காசு கொடுத்தால், என் கையைப் பிடித்து தள்ளிவிட்டுவிடுவார்கள். பல நாட்கள் ஓசிப்பயணம் புரசைவாக்கம் டு எக்மோர் அல்லது எக்மோர் டு புரசைவாக்கம். முதன்முறையாக (இண்டர்வியூவுக்காக) அசோக் லேலண்டு / எண்ணூர் எங்கே இருக்கு என்று கூடத் தெரியாத நாளில் ( September 1971 ) ஜான் என்னை அழைத்துக்கொண்டு, எண்ணூர் செல்வது எந்த வழியில், தங்கசாலையில் எங்கே பஸ் மாறவேண்டும் என்றெல்லாம் வழி காட்டுவதற்கு வந்தார். அவரிடமும், அவரோடு சென்றதால், என்னிடமும் நடத்துனர்கள் காசு கேட்கவில்லை.அந்த டிரிப் முழுவதும் ஓசிப்பயணம்தான்!

 வாங்கிய டிக்கெட் காற்றில் பறந்துபோய், கையில் வேறு காசு இல்லாததால் இறங்கும் வரை திக்திக்கென இருந்த அனுபவம் உண்டு.  (பள்ளிக்காலம்)

இறங்கியபின் நினைவுக்கு வந்து வெட்கப்பட்டதுண்டு.


13,அடிக்கடி misspell செய்யும் ஆங்கில /தமிழ் வார்த்தை ?

ப: நான் மிஸ்பெல் செய்வது எது என்று எனக்குத் தெரிந்தால் உடனேயே திருத்திக்கொண்டுவிடுவேன். அதனால் எனக்குத் தெரியாமலேயே மிஸ்பெல் ஆவது எது என்பதை மற்றவர்கள்தான் கூறவேண்டும். என் சீனியர் மேனேஜர் ஒருவர்  which என்பதை wich என்றுதான் எப்பொழுதுமே எழுதுவார்.  

என் மகன் முன்பு கேசரியை கேஸ்வரி என்பான்!  பிறந்த நாளுக்கு நமஸ்காரம் செய்ய வருபவன், "ஆசீர்வாதம் பண்ணு" என்பதற்கு பதில் எங்கள் எதிரே நின்று "நமஸ்காரம் பண்ணு" என்பான்!

ised  ஆ ized ஆ என பலமுறை குழம்புவதுண்டு

14,உங்களிடம் இருக்கும் மிகவும் வயதான பொருள் ?

ப: என் பள்ளிக்கூடநாட்களில், என் அப்பா, ஒரு ஆசாரியை வீட்டிற்கே வரவழைத்து, எங்கள் தோட்டத்து மரத்தின்  பலகைக் கொண்டு செய்த ஒரு டேபிள். ஐம்பதுக்கு மேலே ஆகிறது அதன் வயது.

என் மாமியார்!

நானேதான்


15,புத்தகம் அல்லது பொருட்கள் கடன் வாங்கி திருப்பி தர்லைன்னா எப்படி அதை மீண்டும் பெறுவீர்கள் ?

ப: ரொம்ப இக்கட்டான நிலைதான். அதனால நான் புத்தகம் மற்றும் எனக்குச் சொந்தமான எதையும் கடன் கொடுப்பதும் இல்லை, எதையும் கடனாக கேட்பதும் இல்லை.

மனசுக்குள் அது திரும்பி வந்து விட்டது என்று மறுபடி மறுபடி சொல்லிக்கொண்டு அப்புறம் அதை நானே நம்பி விடுவேன்.

புதுசா கடன் / இரவல் கேட்கிற மாதிரி நடித்ததுண்டு.

16,நீங்கள் சமீபத்தில் ஒட்டுக்கேட்ட வித்யாசமான சம்பாஷணை ?

ஒட்டுக் கேட்கிற அளவு இங்கே காது ஸ்மார்ட் இல்லை !

என் பதிலும் டிட்டோ, டிட்டோ !

17,மணிக்கணக்காக நீங்கள் பேசக்கூடிய ஒரு topic ?

ப: மேடையில் பேசவேண்டும் என்றால், எந்த டாபிக் இருந்தாலும் கால்மணி நேரமாவது பேசுவேன். ஒரு குழுவில் அல்லது யாரையாவது சந்திக்கச் சென்றால், அவர்களைதான் அதிகம் பேசவிட்டு, கேட்டுக்கொண்டிருப்பேன். 

என் பெயர் மணி இல்லை என்பதால் கணக்காக நான் பேசும் topic பற்றி அவருக்காக நான் சொல்ல முடியாது.

மனித மனம். கர்நாடக சங்கீதம்

18,கே ஜி யக்ஞராமன் சார் :) இப்போ அந்த வில்லி சரோஜா உங்க முன் வந்தா என்ன செய்வீங்க ?

பார்க்கிற சந்தோஷத்தைச் சொல்லி நிறைய பழங்கதை அவ அக்கா கஸ்தூரி பற்றி எல்லாம் விசாரிப்பேன்.

19,மந்தாரை இலையில் கட்டிய மிக்ஸர் /பிளாஸ்டிக் பாக்கெட் மிக்ஸர் ..குறைந்தது மூன்று வித்யாசம் கூறவும் ?

ப: ம மி : சுற்றுச்சூழல் பாதுகாப்பு. பி மி : சு சூ கேடு. 
ம மி : மணம் + சுவை. பி மி : பேட் ஸ்மெல் , சாதாரண சுவை.
ம மி : செலவில்லாதது. பி மி அனாவசிய பேக்கிங் செலவு. 

மணம் ருசி திருப்தி வயசு.

20, சின்ன சின்ன விஷயங்கள் சந்தோஷத்தை தரும் அப்படி இந்த வாரம் உங்களை ஹாப்பியாக்கிய குட்டி விஷயங்கள் ?

ப: ஓட்ஸ் தோசை என்று புதிய காலை உணவு ஒன்றைக் கண்டுபிடித்தேன். புதிய மார்பிள் நான் ஸ்டிக் தவாவில் வார்த்து சாப்பிட்டேன். பரம திருப்தி. 

சின்ன சந்தோஷம், நடைப்பயிற்சியின் போது, படுத்திருந்த தெருநாய் ஒன்று, நான் அருகில் சென்றும் பயமோ சினமோ காட்டாதது. (குட்டி விஷயங்கள் பரிச்சயம் இல்லை!)



வாட்ஸ் அப் : 

பானுமதி வெங்கடேஸ்வரன் : 

பிக் பாஸ் மீண்டும் வந்துவிட்டாரே! தொடர்வீர்களா? 

ப: ஊஹூம் மாட்டேன். நம் நேரம் + மின் செலவு,  விரயம். லாபம் அடைபவர்கள் விளம்பரர்களும், வியாபாரிகளும் மட்டுமே. அந்த நேரத்தில் கொஞ்சம் நிம்மதியாக தூங்கலாம்! 

=================

நன்றி நண்பர்களே! அடுத்த வாரம் மீண்டும் சந்திப்போம்!