S.ஜானகியின் குரலில் ரசித்த பாடல் எது? + சரோஜாதேவி 07

 

கேள்வி பதில்கள் : 

நெல்லைத்தமிழன் :

1. மதுவை எதற்காக ஒழிக்கவேண்டும்? ஜனநாயக நாட்டில், குறிப்பிட்ட சத மக்கள் மதுவை விரும்புகிறார்கள்.  அதனை ஒழிப்போம் என்றால் அந்த முடிவிற்கு எதிர்ப்பு கிளம்பாதா?  

# அளவாக குடிக்கத் தெரியாத மக்கள் பெரும்பாலாக இருக்கும்போது மதுவை ஒழிப்பதற்கும் ஒரு நியாயம் இருக்கிறது.

* சோமபானம், சுராபானம் என்று ஆயிரமாயிரம் ஆண்டுகளாக புழங்கி வருவதை அப்படி ஒழித்துவிட முடியுமா என்ன!  இதை எல்லாம் எப்படி கட்டுக்குள் வைத்திருந்தீர்கள் என்று ராஜராஜ சோழனை கேட்கவேண்டும்!

2.  அறிவியல் கண்டுபிடிப்புகள், முன்னேற்றங்கள் மக்களை சோம்பேறிகளாக ஆக்குகிறதா?   

# " இந்த வேலையை எளிதாகச் செய்ய வழி சொல்லித் தருகிறோம்.  உங்கள் நேரத்தை வேறு வழிகளில் உபயோமாகச் செலவு செய்யுங்கள் "  என்றுதான் விஞ்ஞானம் சொல்கிறது .  அதை கேட்கும் அளவுக்கு நமக்கு புத்திசாலித்தனம் இல்லை. என்ன செய்வது ? Time saving leading to time wasting.

* இப்போதைய தலைமுறை வாழ்க்கையின் பாதி நேரத்தை தூக்கத்திலேயே கழிக்கிறது!

3. மக்களிடம் தேவைக்கு அதிகமாக பணம் இருப்பதாக உங்களுக்குத் தோன்றவில்லையா?  அத்தியாவசிய தேவைகளுக்கு அதிகமாக. மற்றபடி ஆடம்பரமாக இருக்கவேண்டும் என்றால், அதற்கு எத்தனை கோடிகள் இருந்தாலும், இன்னும் தேவை என்றுதான் தோன்றும்.

# மக்கள் தொகையில் ஒரு மிகச்சிறு சதவிகிதம் பேருக்குத்தான் நீங்கள் சொல்லுகிற மாதிரி அதிகப் பணவசதி  இருக்கும் . ‌ மிகப்பெரும்பான்மையான இல்லாதவர்கள் நம் கண்ணுக்குப் படுவதில்லை. இது ஒரு வருந்தத்தக்க விஷயம்.

* சேமிப்பு என்பது இப்போதெல்லாம் ரொம்பக் கம்மியோ என்கிற சந்தேகம் எனக்கு வரும்.

4. ஆட்டமேடிக் மெஷினில் செய்யும் முறுக்கு, வடை போன்றவை ருசியாக இருக்கிறதா இல்லை கையினால் செய்பவைகளில்தான் ருசி அதிகமா? உங்கள் கருத்து என்ன?

# கைப் பக்குவம் என்பதைத்தான் கை மணம் என்று சொல்கிறோம்.  எல்லாவற்றையும் அளவாக எடுத்து சரியாகச் சமைப்பதுதானே கை மணம் ? இதை ஒரு எந்திரம் சரியாகச் செய்யுமானால் அதில் ருசி குறைவதற்கு வழியே இல்லை. அப்படி குறைவதாகத் தோன்றினால் அது நமது கற்பனை.

* சப்பாத்தி மெஷினில் செய்யப்படும் சப்பாத்தி சாப்பிட எனக்குப் பிடிக்காது.  கையால் இட்டு தவாவில் இட்டு சுட்டு எடுக்கும் சப்பாத்திதான் பிடிக்கும்!

5. யூடியூப்ல, உயிர்வாழ மிக முக்கியமான 5 விஷயங்கள்,  ஹார்ட் அட்டாக் வரப்போகிறதா என்று சொல்லும் 3 அறிகுறிகள், 70க்கு மேல் நீங்க ஆரோக்கியமாக இருக்கீங்க என்பதற்கு 7 செயல்கள் என்றெல்லாம் அட்ராக்டிவ்வா தலைப்பு வச்சுட்டு, சட்டுப் புட்டுன்னு அந்த விஷயங்களைச் சொல்லாமல் அரை மணி நேரம் அறுக்கறாங்களே.. அதன் காரணம் என்ன?

# நீளமாகச் சொல்வது ஒரு சாமர்த்தியம் என்று நினைப்பதால்தான் இப்படி நடக்கிறது. ஒருவேளை சில பேருக்கு வளவள என்று படிப்பதில் ஒரு சுவாரசியம் இருக்குமோ ?

& இகற்கு நான்கு காரணங்கள் சொல்லலாம்! ஒன்று -  நாலு பேர் நம்மைப் பற்றி உயர்வாக நினைக்கவேண்டும் என்ற நினைப்பு. அந்த நினைப்பு வருவதற்கு ஐந்து காரணங்கள் இருக்கலாம். அதில் ஒன்று நாம் நமக்காகப் பேசவில்லை என்றால் வேறு யார் பேசுவார்கள் என்ற எண்ணம் அந்த எண்ணம் வருவதற்கு ஆறு காரணங்கள் சொல்லலாம் . அதாவது .. 

ஆ ! நெ த ஓடுகிறார் - யாராவது அவரைப் பிடியுங்கள்! 

பானுமதி வெங்கடேஸ்வரன் : 

S.ஜானகியின் குரலில் ரசித்த பாடல் எது?

# சிங்கார வேலனே தேவா .. 

ராசாவே உன்னை நம்பி

சுந்தரி கண்ணால் ஒரு சேதி

& சிங்காரவேலனே தேவா 

இந்த மன்றத்தில் ஓடி வரும் 

சொர்க்கமே என்றாலும் .. அது நம்மூரு போல வருமா? 

இன்னும் பல உள்ளன 

* 'பைனரிலே பதில் சொல்லு'ங்கற மாதிரி இப்படி சிங்கிளா கேட்டா எப்படி...  அது கெடக்கு நெறைய....  இளையராஜா வருகைக்குப் பின் ஜானகி எல்லைகளைக் கடந்தார்.

= = = = = = 

படமும் பதமும் : 

ஸ்ரீராம்.

என்னவாக்கும் இது?!

நெல்லைத்தமிழன் : 

ஒரு முறை ஹைதராபாத்திற்கு அலுவலக விஷயமாக நான் பஹ்ரைனிலிருந்து வந்திருந்தேன்.அங்கு தாஜ் ஹோட்டலில் தங்கியிருந்தேன்.  எனக்கு நல்ல ஆந்திரா வெஜிடேரியன் மீல்ஸ் சாப்பிடணும் என்று கொள்ளை ஆசை.  தங்கியிருந்த ஹோட்டலில் மதிய உணவு 750-800 ரூபாய் என்று நினைவு (2008 வாக்கில்). துரதிருஷ்டவசமாக நான் வெளியே பல இடங்களுக்குச் செல்லவேண்டி வந்ததால், மதிய உணவு சாப்பிட இயலவில்லை.  மேலே உள்ள படம் ஹுசைன் சாகர்.  என்னை மதிய உணவிற்கு வெளியே சூப்பர் இடத்திற்குக் கூட்டிச்செல்லப்போகிறேன் என்று நான் சந்தித்த கம்பெனியைச் சேர்ந்தவர் சொன்னார். நான் திரும்பத் திரும்ப, வேண்டாம், நான் ப்யூர் வெஜிடேரியன், அதனால் நல்ல வெஜிடேரியன் உணவகம் நானே சென்றுகொள்கிறேன் என்றேன். அவர், அதெல்லாம் நான் பார்த்துக்கொள்கிறேன் என்று சொல்லிவிட்டார்.

இந்த சார்மினார் ஸ்தூபி, 16ம் நூற்றாண்டில் கட்டப்பட்ட, ஹைதிராபாத்தின் பழம்பெரும் சின்னம். இதனைப் பார்க்கும்போதெல்லாம் எனக்கு நம் செல்லப்பா சார் நினைவு வரும். அவர்தான் அந்த இடங்களில் அவருடைய அனுபவங்களைப் பதிவு செய்திருந்தார்.  என்னைக் கூட்டிச் சென்றவர் இதற்கு அருகில் ஒரு புகழ்பெற்ற உணவகத்துக்கு அழைத்துச் சென்றார். அது முஸ்லீம் உணவகம். எனக்கு அதிர்ச்சி ஆகிவிட்டது. ஆனாலும் அவர், இங்கு வெஜிடேரியன் உணவும் கிடைக்கும் இது மிகவும் புகழ்பெற்றது என்று சொன்னார். இது அலுவலகப் பயணமாச்சே... மனதில் கர்ர்ர்ர்ர்ர்ர்ர்ர்ர்ர்ர்ர்ர் (எத்தனை வேண்டுமானாலும் போட்டுக்கொள்ளுங்கள்) ஆனால் வெளியில் காட்டிக்கொள்ளாமல் அவருடன் சென்றேன். எனக்கு நல்ல வெஜிடபிள் பிரியாணி மற்றும் ஒரு இனிப்பு ஆர்டர் செய்தார்.  சாப்பிட்டுத் தொலைத்தேன்.  மனதில் என்னடா இப்படி ஒரு தவறு செய்துவிட்டோமே என்று உறுத்திக்கொண்டே இருந்தது. இன்றைக்கும், அதாவது பல அனுபவங்களுக்குப் பிறகும், அத்தகைய ரெஸ்டாரண்டில் என்னால் நுழைய முடிவதில்லை. சிறிய வயதிலிருந்தே மனதில், சுத்தம் சுகாதாரம் பதிந்துபோய்விட்டது.

பிரியாணியைப் பற்றியும் ரெஸ்டாரண்ட் பற்றியும் சொல்லிவிட்டு படத்தைப் பகிராமல் இருக்கலாமா?  அதே நேரத்தில் 90களில் பாண்டிபஜார் அருகில் இருந்த பிரில்லியண்ட் இன்ஸ்டிடியூட் மற்றும் போஸ்டாபீஸ் சாலைகளில் மாலை 6 மணிக்கு மேல் கையேந்தி பவன்கள் வரும். அங்கு உணவு சாப்பிட்டிருக்கிறேன். முழுவதும் வெஜ்தான். உறுத்தல் இருந்ததில்லை. ஆமாம் அத்தகைய ருசியான உணவகங்கள் இப்போது எங்கே போய்விட்டன?

எ பி கமெண்ட் : 

ஆமாம், படத்தில் உங்கள் முகத்தில் அசௌகரியம் + சந்தேகம் தெரிகிறது! 

== = = = = == = = 

KGG பக்கம் : 

சரோஜாதேவி தொடர் கதை : 

முன்கதை சுருக்: 

பகுதி 01 :  பாபா ஒரு துப்பறியும் நிறுவனத்தில் private detective ஆக வேலையில் சேர்கிறான். நாநா என்பவரிடமிருந்து appointment கேட்டு - சந்திக்க நேரம் கேட்டு வாட்ஸ் ஆப் செய்தி வருகிறது. பாபா சம்மதிக்கின்றான். 

பகுதி 02 :  நாநா வருகிறான். சரோஜா மெமரி கார்ட் பற்றி விளக்குகிறான். பாபாவின் ஜாதகம் கேட்கிறான். பாபா உள்ளே சென்று ஜாதகம் கொண்டுவருகிறான். 

பகுதி 03 :  நாநா பாபாவிற்கான சரோஜா மெமரி கார்ட் உருவாக்கி, அதை இயக்கி ஒரு ஜோதிட முன் நிகழ்வை சொல்கிறான். 

பகுதி 04 : நாநா சொன்னபடியே பாபாவின் நெற்றியில் இரத்தக் காயம் ஏற்படுகிறது. 

பகுதி 05 : நாநா, பாபாவின் நெற்றிக்கு பெரிய கட்டுப் போட்டு, எதிர் வீட்டு விமலாவின் கடைக்கண் பார்வை பெற யோசனை சொல்கிறான். தெருவில் கூடிய கலாட்டா கும்பலை போலீஸ் வேன் ஏற்றிச் செல்கிறது 

பகுதி 06 : பாவனா நீ எந்திரி! நானாவின் வீட்டிற்கு வரும் பாபாவை வரவேற்பது, பாவனா என்னும் கம்ப்யூட்டர் பிம்பம். அதுதான் நானாவின் அந்தரங்கக் காரியதரிசி. பாவனாவால் படிக்க முடியும், கேட்க முடியும், கேள்விகளுக்கு பதில் அளிக்கவும், யோசனைகள் சொல்லவும் முடியும். 

இனி 

பகுதி 07 : அறுஷ்கா & தமெனா !! 😄

" பாபா நீ வீணா ஃபோட்டோவை பாவனா பக்கத்துல இருக்கும் காமிரா முன் காட்டு" 

" பாவனா நீ வீணா ஃபோட்டோவை என் அமெரிக்க ஃப்ரெண்ட் ஆனந்துக்கு அனுப்பி வீணாவைப் பிடிச்சுருந்தா எனக்கு செய்தி அனுப்பச் சொல்லு. " 

பாபா வீணா ஃபோட்டோவை பாவனாவின் காமிரா கண்ணுக்கு முன் காட்டினான். 

" ஓ கே" என்றது பாவனா. 

" அனுப்பிட்டேன் பாஸ்" 

" பாவனா அறுஷ்கா வந்தாங்களா? இன்னைக்கு என்ன காலை டிஃபன்? பாபா காலையிலேயே ஆஸ்பத்திரி போறேன்னு சொல்லிட்டு வந்ததால இன்னும் ஒன்னும் சாப்பிட்டிருக்கமாட்டான். " 

" ஆமாம். இனிமேதான் டிஃபன் சாப்பிடணும்" என்ற பாபா " ஆமாம் அது யாரு அனுஷ்கா?" என்றான். 

" அனுஷ்கா இல்லை அறுஷ்கா - பாவனா வெச்ச பேரு - அவங்க ஒரிஜினல் பேரு எல். விஜயலட்சுமி. லஸ் கார்னர் லச்சுமணன் விஜயலச்சுமி. அவங்க நல்லா சமைக்கிறாங்கன்னு நான் சொன்னதால 'அறுசுவை அக்கா'ன்னு பட்டம் கொடுத்து அதைச் சுருக்கி அறுஷ்கான்னு ஆக்கிடுச்சு இந்த வாயாடி. அதோட சில சமயங்களில் அவங்க ஊர்வம்பு கதைகள் நிறைய சொல்லி அறுக்கறதுனாலயும் அந்தப் பேர்" 

" பாஸ் இன்னைக்கு உங்க ஃப்ரெண்ட் வருவார்னு நீங்க சொல்லியிருந்ததால உங்க ரெண்டு பேரையும் அங்கே வரச் சொல்லிட்டாங்க " 

" சரி. நாங்க போய் டிஃபன் சாப்பிட்டுவிட்டு வர்றோம். அப்புறம் சரோஜாதேவி மெமரி கார்டு டெமோ வெச்சிக்கலாம் " 

" பாவனா - வாசல்ல யாரு வர்றாங்க பாரு? " 

" பாஸ் நம்ம தமெனா வந்துருக்கு. இன்னிக்கு லேட் போலிருக்கு.வாசல் பெருக்கி தண்ணி தெளிச்சு கோலம் போட்டுட்டு உள்ளே வரும்." 

பாபா, " யாரு தமன்னாவா?" என்றான் குழம்பிப் போய்.‌

" வழக்கம் போல பாவனா வெச்ச பேருதான் தமெனா. அந்தப் பொண்ணு பேரு மைனா. அது தரைப் பெருக்கி மெழுகுவதால அதை செல்லமா தமெனான்னு சொல்லுவோம்!"

" பாவிகளா! உங்களுக்கு நடுவுல இருந்தா சீக்கிரமே எனக்குப் பைத்தியம் பிடிச்சுடும். வா போகலாம் டிஃபன் சாப்பிட" என்றான் பாபா. 

இருவரும் புறப்பட்டனர். வாசலில் ஓரத்தில் ஒதுங்கி நின்றுகொண்டு இருந்தாள். பாவாடை தாவணி அணிந்த பெண் ஒருத்தி.

" என்ன மைனா? நல்லா படிச்சுக்கிட்டு இருக்கியா? ஸ்கூல் ஃபீஸ் கட்டிட்டியா? படிப்புல ஏதாவது சந்தேகம் இருந்தா பாவனா கிட்ட கேளு.‌ படிப்புக்கு என்ன பணம் வேண்டும்னாலும் பாவனா கிட்ட சொல்லி வை. நான் கொடுக்கிறேன் " என்றபடி பாபாவுடன் புறப்பட்டான் நாநா. 

" சரி அண்ணா " என்றாள் மைனா. 

" என் கார்ல போகலாமா இல்லை உன் காரா? " என்றான் பாபா. 

" காரெல்லாம் வேண்டாம். ரெண்டு காரும் இங்கேயே இருக்கட்டும். பக்கத்து தெருவுல இருக்கற ஹோட்டல்தான் நாம் போக வேண்டிய இடம். நடந்தே போயிடலாம். வா" என்றபடி நடந்தான் நாநா. 

அதிக ஆர்ப்பாட்டம் இல்லாத சாதாரண ஆனால் சுத்தமான ஹோட்டல். முரளீஸ் கஃபே. 

கல்லாவில் உட்கார்ந்திருந்த நடுத்தர வயது ஆள், " வா நாநா - நீ ஃப்ரெண்ட் கூட வருவேனு விஜயா சொன்னாங்க. ஃப்ரெண்ட் பேர் என்ன?"

" பாபா. ஃப்ரெண்ட் மட்டும் இல்லே. பிசினஸ் பார்ட்னர் " 

" அடேடே அப்படியா! வெல்கம் சார். அடிக்கடி வாங்கோ." 

" பிசினஸ் எல்லாம் எப்படிப் போகுது?" என்று கேட்டான் நாநா. 

" எல்லாம் நல்லா போய்கிட்டு இருக்கு. பிசினஸை கொஞ்சம் மேம்படுத்தலாம்னு ஒரு யோசனை. " 

" சரி. நம்ம எக்ஸ்பர்ட் ஏகாம்பரத்தை வரச் சொல்கிறேன். அவருடன் பேசி என்ன செலவாகும்னு முடிவு செய்து எனக்கு செய்தி அனுப்புங்க முரளி" 

" சரி நாநா" 

**** 

உள்ளே சென்று ஒரு மின் விசிறிக்கு கீழே உள்ள மேஜை அருகில் நாற்காலிகளில் உட்கார்ந்தனர் இருவரும். 

" நாநா தம்பீ வாப்பா. இன்னிக்கு உங்க ஃப்ரெண்ட் வருவார்னு பாவனா சொல்லிச்சு. அவரு என்ன டிஃபன் சாப்பிடுவார்னு தெரியாததால நான் ஒன்றும் அங்கே கொண்டு வந்து கொடுக்கலை. இங்கேயே வந்து வேண்டியதை சாப்பிட்டுக்கலாம்னு பாவனா கைல சொன்னேன்" என்றார் விஜயா. 

"சரி அக்கா " என்றான் நாநா. 

பாபாவும் நாநாவும் வேண்டிய காலை உணவு வகைகளை இரசித்துச் சாப்பிட்டனர். 

கல்லா அருகே அவர்கள் வந்த போது முரளி, நாநாவிடம், " பில் பாவனாக்கு அனுப்பி , அது பேமெண்ட் பண்ணிடுச்சு " என்றார். 

**** 

வீட்டிற்கு வந்தனர் நாநாவும் பாபாவும். 

பாவனாவிடம் தமெனா சயன்ஸ் பாட சந்தேகம் ஏதோ கேட்டிருந்ததால் கம்ப்யூட்டர் திரையில் படத்துடன் விவரங்கள் பாவனா சொல்லிக் கொண்டு இருந்தது. 

அது முடிந்ததும் மைனா எழுந்தாள். 

" நான் போயிட்டு வரேன் அண்ணே" என்று சொல்லிவிட்டு கிளம்பினாள். 

" பாவனா முரளீஸ் கஃபே எக்ஸ்பேன்ஷன் ப்ராஜெக்ட் பத்தி ஏகாம்பரம் கிட்டேருந்து தகவல் வந்தா எனக்கு அனுப்பு." 

" எஸ் பாஸ் " 

" சரி. இப்போ ச தே மெ கார்ட் டெமோ டைம். பாபா நான் இப்போ உருவிலிருந்து அருவமாகப் போகிறேன். பாத்துக்கோ" என்று சொன்னான் நாநா.‌

முன்பு சரோஜா மெமரி கார்டுக்கு கட்டிய மணிக்கட்டுப் பட்டையை விட சற்று பெரிய பட்டையைக் கையில் கட்டிக் கொண்டான். 

" இங்கே பார் இதில் நான்கு பக்கத்திலும் நான்கு பொத்தான்கள் உள்ளன. 

1) பவர் ஆன் / ஆஃப்

2) வைப்ரேட் (Vi) 

3) டி வைப்ரேட் ( DeVi) 

4) எமர்ஜென்சி 

முதலில் பவர் ஆன் செய்துவிட்டேன். 

அடுத்து வைப்ரேட். 

ஓ கே . ஸ்டெடி இப்போ டி வைப்ரேட்" என்று சொல்லி பொத்தானை அமுக்கினான் நாநா. 

உடனே ... 

(தொடரும்) 

ஸ்ரீராம் படம் விடை  :