"திங்க"க்கிழமை : இரட்டையர் – தாளகம் vs வறுத்து அரைத்த குழம்பு (வறுத்தரைச்ச குழம்பு) - கீதா ரெங்கன் ரெஸிப்பி.

இரட்டையர் – தாளகம் vs வறுத்து அரைத்த குழம்பு (வறுத்தரைச்ச குழம்பு) 

ஹாய்! ஹாய்! ஹாய்! மக்களே கொஞ்சம் நாளாச்சு எபி கிச்சன் ஷோவுல பார்த்து! எல்லாரையும் தினமும் தானே பார்த்துட்டுருக்க அப்புறம் என்ன பில்டப்பு! னு எல்லாரும் என்னை கேள்வி கேட்க வரதுக்குள்ள மீ எஸ்கேப் ஷோவுக்கு ஓடிடறேன்….

ரைட்டோ! இன்னிக்கு எல்லாரும் வந்துட்டீங்களா. பூஸார் அண்ட் ஏஞ்சல் அப்படியே உங்க அண்ணன் நெல்லை வந்துருக்காரானு பாருங்க. 

"நெல்லை அண்ணன் வந்துருக்காரு கீதா". ஏஞ்சல் பூஸார் எதுக்கோ ரொம்ப உங்களைப் பார்த்து சிரிக்கிறார் பாருங்க. நெல்லை உங்களுக்கு அண்ணனோ? அவர் உங்களை வேற என்னவோ சொன்னாரேனு. அப்புறம் பூஸார் இடம் இல்லைனு டேபிளுக்கு அடில போய் வம்பு பண்ணுவார். ஏஞ்சல் நீங்க பூஸாரை ப்ரோக்ராம் முடிஞ்சதும் நல்ல்ல்ல்ல்லாஆஆஆ கவனிச்சுக்குங்க. 

"ஸ்ரீராம் கேமரா எல்லாம் ரெடியா. போலாமா “எபி”சோடுக்கு!"

"என்னது கேமரா ரெடியானா? எப்பவோருந்து ரோலிங்க். இப்ப நீங்க பேசினது எல்லாம் வந்தாச்சு...ம்ம் சீக்கிரம் குக்கரி ஆரம்பிங்க" 

ஓகே டைரக்டர் ஸ்ரீராம் குரல் கொடுத்தாச்சு. ஸோ நாம ஷோவுக்குப் போவோம். "நம்ம கீதாக்கா தாளகம் செய்முறை எழுதியிருந்தப்ப உங்க செய்முறையும் போடுங்கனு சொன்னதால நாம இன்னைக்கு “தாளகம்” செய்முறை பார்க்கப் போறோம். அதோடு அதன் இரட்டையான “வறுத்து அரைத்த குழம்பு” ஒன்றையும் பார்க்கப் போறோம். இது என் பாட்டி செய்யும் குழம்பு. ரெண்டுக்கும் கொஞ்சம் தான் வித்தியாசம். முதலில் தாளகம் அப்படியே கூடவே வ அ கு வையும் பார்த்துடலாம். படங்களோடு.

தாளகத்திற்குத் தேவையான பொருட்கள்.

                      

              வாழைக்காய், கத்தரிக்காய், வெண்டைக்காய், சேனைக்கிழங்கு, மஞ்சள் பூஷணிக்காய், சேப்பங்கிழங்கு (சேம்பு மட்டும் வேக வைத்து எடுத்துக் கொள்ளணும்)

காய்கள் – எல்லாமே நாட்டுக் காய்கள் தான். வ அ கு வுக்கும் இதே காய்கள் தான். இதோ இந்த அளவு எடுத்துக்கோங்க. முருங்கையும் போடலாம். நான் போடலை.

தாளகத்திற்கு                                               வறுத்து அரைத்த குழம்பிற்கு

துவரம் பருப்பு – 2 ஸ்பூன்                               கடலைப் பருப்பு - 2 ஸ்பூன்

(படத்துல உள்ள ஸ்பூன் அளவு.)                        உளுத்தம் பருப்பு - 2 ஸ்பூன்

உளுத்தம் பருப்பு – 2 ஸ்பூன்                            வெந்தயம் - 1 ஸ்பூன்

வெந்தயம் – 1 ஸ்பூன்                                   எள்ளு - 3 ஸ்பூன்

பச்சரிசி – 1 ஸ்பூன்                                      பச்சரிசி - 1 ஸ்பூன்

புளி - எலுமிச்சை அளவு - இரண்டு குழம்பிற்குமே இதே அளவு புளி

தேங்காய் – 1 கப். கப்பில் நன்றாக அளக்கணும். (200 கிராம் கப்) இரு குழம்பிற்கும் இங்கு கொடுக்கப்பட்டுள்ள பொருட்களுக்கு இதே அளவு தேங்காய்

வறுப்பதற்கு, தாளிக்க – தேங்காய் எண்ணை கொஞ்சம்.

முதலில் புளியைக் கரைத்து அதில் காய்களைப் போட்டு வேக வைக்க வெண்டும். கொஞ்சம் தேங்காய் எண்ணை விட்டு கறிவேப்பிலையும் அந்த எண்ணையில் நனைத்துப் போட வேண்டும். தேவையான உப்பையும் போட்டு காய் வெந்ததும் வெந்து வைத்திருக்கும் சேம்பையும் போட்டுக் கொதிக்க விடவும் சிம்மில் வைத்து.

பச்சரிசி எண்ணை இல்லாமல்                                        எள்ளு எண்ணை இல்லாமல் வறுப்பது வஅகு விற்கு

தாளகத்திற்கு பச்சரிசியை எண்ணை இல்லாமல் வறுத்துக் கொண்டு, வெந்தயத்தைக் கொஞ்சம் எண்ணை விட்டு கருகாமல் வறுத்துக் கொள்ளவும். (வறுத்து அரைத்த குழம்பிற்கு பச்சரிசியை வறுத்ததும், எண்ணை இல்லாமல் எள்ளையும் வறுத்து எடுத்துக் கொண்டு விடவும். அப்புறம் வெந்தயம் எண்ணை விட்டு தாளகத்திற்குச் சொன்னது போல்)  பருப்புகளையும் கொஞ்சம் எண்ணையில் வறுக்கவும் 

பிறகு, தேங்காயை நல்ல கோல்டன் ப்ரௌன் நிறத்தில் வறுக்க வேண்டும்.

வறுத்தவை எல்லாம்

மிக்சியில் ரொம்பவும் நைஸாக இல்லாமல், ரொம்பவும் கரகர என்று இல்லாமல் அதிகம் தண்ணீர் சேர்க்காமல் அரைத்து

பின்னர் எல்லாவற்றையும் மிக்சியில் ரொம்பவும் நைஸாக இல்லாமல், ரொம்பவும் கரகர என்று இல்லாமல் அதிகம் தண்ணீர் சேர்க்காமல் அரைத்து வெந்த காய்களுடன் சேர்த்து ரொம்பவும் கெட்டியாக இருந்தால் மிக்ஸி கழுவிய நீரையும் சேர்த்து சிம்மில் கொதிக்க வைத்துவிட்டு வாசனை வந்ததும் அணைத்துவிடவும்.

தேங்காய் எண்ணையில் கடுகு, கறிவேப்பிலை தாளிக்கவும்

வ அ கு விற்கு எண்ணை இல்லாமல் அரிசி, எள்ளு இவற்றைத் தனி தனியே வறுக்கவும். எள்ளு ஓவராக வறுபடக் கூடாது. ஜஸ்ட் வெடிக்கத் தொடங்கியதும் எடுத்துவிட வேண்டும். பின்னர் பருப்புகள், வெந்தயம் எல்லாம் கொஞ்சம் எண்ணையில் வறுத்து, தேங்காயும் கோல்டன் ப்ரௌன் நிறத்தில் வறுத்து அரைப்பது எல்லாம் அப்படியே தாளகம் போலவே தான். என் பாட்டி செய்வது வஅகு. 

எங்கள் ஊரில் ஆடிச் செவ்வாய், வெள்ளியில், தை வெள்ளியில் மஞ்சப் பொங்கல் (பச்சரிசி, கொஞ்சம் துவரம் பருப்பு, மஞ்சள் பொடி சேர்த்து பொல பொலவென வேக வைத்து – குக்கரிலும் வேக வைத்து எடுக்கலாம் – அதில் உப்பு சேர்த்து, நெய்யில் ஜீரகம், கொஞ்சம் பெருங்காயம், கறிவேப்பிலை சேர்த்து தாளித்து தேங்காய் துருவலையும் சேர்த்து செய்வதுண்டு. இதற்குத் தொட்டுக் கொள்ள ஊரில் தாளகம் செய்வார்கள். 

என் பாட்டி எங்கள் வீட்டில் இதைச் சாதாரண நாட்களில் செய்தாலும், மங்கிலிப் பெண்டுகள் என்று என் பிறந்த வீட்டில் செய்யப்படும் நிகழ்விற்கு இப்பொங்கல் + வஅகு இதைத்தான் செய்வார்கள்.

இங்கு கொடுக்கப்பட்ட அளவு 6 - 8 பேர் சாப்பிடும் அளவு. உங்கள் வீட்டிற்குத் தகுந்தாற் போல் செய்து கொள்ளலாம்.  

எபிகிச்சன் ஷோ டைரக்டர் ஸ்ரீராமுக்கு மிக்க நன்றி. ஓகே கைஸ். மீண்டும் அடுத்த எபிசோடில் சந்திக்கும் வரை டாடா பை பை சொல்கிறோம் எபி கிச்சன் க்ரூ.

ஏஞ்சல் பூஸார் எதுக்கோ உங்களைப்

 பார்த்து சிரிக்கிறார் பாருங்க.

இதெல்லாம் சும்மா...பூஸாருக்கு வலிக்காது. விளையாட்டுதான்...

கார்ட்டூன் படங்கள் : நன்றி இணையம்