புதன் 181003 யூகி சேதுவா நீங்க?

சென்ற வாரப் பதிவில், எங்களைக் கேள்விகள் கேட்க எல்லோரும் மறந்துவிட்டார்கள். 


இந்த வாரம் மறக்காமல் கேள்விக்கணைகள் தொடுத்திடுங்கள்!

சென்ற வாரக் கேள்விக்கு, பதில்கள் எழுதியிருந்த,
கீதா சாம்பசிவம்,
திண்டுக்கல் தனபாலன்,
நெல்லைத்தமிழன்,
அதிரா
கீதா ரெங்கன்

ஆகியோருக்குப் பாராட்டுகள்.

'அனுஷ்கா தமன்னா பாவனா'வை (அ த பா ) மறக்க வைத்து, 'அதிரா தமிழ்ப் பாடம்' என்று நினைக்க வைத்த அதிராவுக்கு ஸ்பெஷல் பாராட்டுகள்!

கேள்வி 180919 பதிலுக்குப் பரிசு என்று அறிவித்தபின், பரிசுக்கான பதில்களைத் தேர்ந்தெடுத்தபின், என்ன பரிசு, எப்படிக் கொடுக்கலாம் என்று சிந்தித்துக் கொண்டிருந்தேன்.

25/09/18 அன்று நிஃப்டி மார்க்கெட் பார்த்தால், இந்தியா புல் ஹவுசிங் ஃபைனான்ஸ் பங்குகள் மிகப்பெரிய வீழ்ச்சியை சந்தித்தது. உடனே அஞ்சு பங்குகள் வாங்கி, அன்றே விலை ஏறியவுடன் விற்றேன். செலவுகள் போக நூற்று ஐம்பது ரூபாய்கள் லாபம் கிடைத்தது. அந்தப் பணத்தை பரிசுத் தொகையாக அளித்துவிட்டேன்.

இந்த வாரம் இதுவரை  லாபம் எதுவும் வரவில்லை. நஷ்டக் கணக்குதான்!எனவே, பரிசு எதுவும் கிடையாது! மேலும், சென்ற வாரக் கேள்விக்கு, பதில் அளிப்பவர்களுக்கு பரிசு எதுவும் அறிவிக்கவில்லை என்பதையும் நினைவில் கொள்ளவும்!
 
சென்ற வார எங்கள் கேள்வி, ஏறத்தாழ, முப்பத்தைந்து வருடங்களுக்கு முன்பு நிகழ்ந்த ஓர் உண்மைச் சம்பவம்.

என்னுடன் வேலை பார்த்த, இளவயது உதவிப் பொறியாளர்,  இந்த சிக்கலில் மாட்டியிருந்தார். பண உதவி செய்தவர் அவருடைய தாய் மாமா. சொந்த ஊரில் உள்ள நண்பரின் தந்தை (விவசாயம்), அதே ஊரில் வசிக்கும், தாய் மாமாவிடம் பேசி, பிளாட் வாங்கப் பணம் வாங்கிக் கொடுத்தார். "பணத்தைத் திருப்பிக்கொடுக்காவிட்டலும் பரவாயில்லேடா, அதற்கு பதிலாக அவருடைய பெண்ணைக் கல்யாணம் செய்துகொண்டுவிடு" என்று அவர் தந்தை கூறியவுடன் நண்பர் அதிர்ந்துபோனார்! மேலும், "பணத்தை நான் பேசி வாங்கிக் கொடுத்திருக்கேன், அதனால, பணத்தை, என் மூலமாகவே திருப்பிக்கொடு" என்ற அறிவுரை வேறு!. அப்பா பணத்தை வாங்கி, அதைத் திருப்பித் தராமல், தன்னை மாட்டிவிடுவாரோ என்ற பயம் வந்துவிட்டது. அப்பாவை ஓவர்லுக் செய்து, பணத்தை தாய் மாமாவிடம் நேரே அனுப்பினால், அப்பா மனம் வருத்தப்படும் என்கிற நிலை.

இந்த நண்பன் கொத்தவரங்காய் வற்றல் போன்று இருப்பார். மாமா பெண்ணுக்கு பிந்துகோஷ் உடம்பு, கோபுரங்கள் சாய்வதில்லை சுகாசினி ஹேர் ஸ்டைல். பறவை முனியம்மா முகம். நண்பர் மிரண்டுபோனதற்கு இவைதாம் காரணம்!

அவருடைய பிரச்னைக்கு, நான் சொன்ன ஒரே தீர்வு, " பணத்தை crossed cheque மூலமாக, மாமா பெயர் எழுதி, உங்க அப்பா விலாசத்திற்கு அனுப்பிவிடுங்க"  அவர் அவ்வாறே செய்து பிரச்சனையிலிருந்து மீண்டார் !


ஏகாந்தன் :

கடன் கதைகள் ஒவ்வொன்றாக உடன் வெளிவரும்படி கேள்வி கேட்டு வைத்திருக்கிறீர்களே.. உங்களை என்ன செய்வது?

ஒன்றும் செய்யாதீர்கள்! கதைகள் எல்லாம் படித்து இரசிப்பதற்கே! 

இந்த வாரக் கேள்வியைப் பாருங்க. துப்பறியும் சிங்கக்களுக்கானக் கேள்வி. நம் வாசகர்களில் எவ்வளவு பேர் துப்பறியும் சிங்கங்கள் என்று பார்ப்போம்! 

வாட்ஸ் அப் கேள்விகள் : 

பானுமதி வெங்கடேஸ்வரன் :

என்னடா பொல்லாத வாழ்க்கை? என்று எப்போதாவது அலுப்பு தோன்றியதுண்டா? அப்படி தோன்றும் பொழுது எப்படி மாற்றிக் கொள்வீர்கள்?

என்னடா வாழ்க்கை என்று எல்லாருக்குமே ஒரு சமயம் தோன்றும் . இதற்கு முக்கிய காரணம் வாழ்க்கையில் நம் எதிர்பார்ப்புக்கும் வாழ்க்கையில் நடப்புக்கும் இடையிலான  வேறுபாடுதான் .  சற்று நேரம் அமைதியாக இருந்துவிட்டு யோசித்துப் பார்த்தால் நம் மன நிலைதான் எல்லாவற்றுக்கும் அடிப்படை காரணம் என்பது விளங்கும். இந்த பொறுமை கைவரப் பெற்றவர்கள் அதிர்ஷ்டசாலிகள்.

Never complain in life என்பது என்னுடைய பாலிசி. எனவே, என்னடா வாழ்க்கை என்று நினைத்தது இல்லை. 

மாட்டு வண்டி ஓட்டியிருக்கிறீர்களா?  மாட்டு வண்டி, குதிரை வண்டி, கை ரிக் ஷா இவைகளில் பயணித்திருக்கிறீர்களா?

மாட்டு வண்டி மட்டுமில்லை  இரட்டை மாட்டு எரு மொட்டை வண்டி கூட ஓட்டியிருக்கிறேன் வண்டிக்காரரிடம் அனுமதி பெற்று குதிரை வண்டி கூட ஒரு சமயம் ஓட்டி பார்த்திருக்கிறேன் ஒரு 20 அடி. பயணிப்பதைப் பொறுத்தவரை எல்லா வண்டிகளிலும் படயணித்திருக்கிறேன். 

மாட்டு வண்டி ஓட்டியது இல்லை. மாட்டு வண்டி : கல்யாணமகாதேவி என்ற ஊரிலிருந்து திருவாரூர் ஸ்டேஷன் வரை இளவயதில் பயணித்தது உண்டு. குதிரை வண்டி சவாரி நாகைப்பட்டினத்தில். 

கை ரிக்ஷா பயணம் : சென்னையில் எக்மோரிலிருந்து புரசைவாக்கம் வரையிலும் 1971 ஆம் வருடம் பயணித்த ஞாபகம். 

              

ஹிந்தி எதிர்ப்பு போராட்டம், அன்னா ஹஸாரே நடத்திய ஊழல் எதிர்ப்பு போராட்டம், ஜல்லிக்கட்டு ஆதரவு போராட்டம் இப்படி ஏதாவது போராட்டத்தில் கலந்து கொண்டிருக்கிறீர்களா?

போராட்டங்களில் கலந்து கொண்டதில்லை.  இந்தி எதிர்ப்புப் போராட்டங்களில் பல கொடுமைகளை நேரடியாகக் கண்டிருக்கிறேன்.

ஜல்லிக்கட்டு போராட்டம் அமைதியாக நடந்தது . ஆனால் சாதித்தது என்ன ?  பல பேருக்கு படுகாயம் சில பேருக்கு மரணம். இந்தப் போராட்டம் தான் எதற்கு என்ற சலிப்பு தோன்றாமல் இருக்கிறதா ?

சிலை கடத்தலை ஆய்வு செய்பவர் நேர்மைக்குப் பெயர் பெற்ற ஐ ஏ எஸ் / ஐ பி எஸ் படும் பாட்டைப் பார்க்கும் போதும் வேதனைதானே !

நான் ஜூனியர் பாலிடெக்னிக் (ஜூனியர் டெக்னிகல் ஸ்கூல்) படித்த சமயம், ஹிந்தி எதிர்ப்புப் போராட்டம் என்ற பெயரில், (1965 - 66)  சீனியர் பாலிடெக்னிக் மாணவர்களுடன் சேர்ந்து,  ஒருநாள் வீதி ஊர்வலம் சென்றோம். நாலைந்து நாட்கள் பள்ளிக்கூட லீவு கிடைத்தது. 

பொறுமை, சகிப்புத்தன்மை இரண்டுக்கும் என்ன வித்தியாசம்?

பொறுமை இருப்பதால் எல்லாவற்றையும் சகித்துக் கொள்கிறார்களா? அல்லது சகிப்புத்தன்மையால் பொறுமையாக இருக்கிறார்களா?

பொறுமை என்பது ஒரு நிகழ்வுக்காக காத்திருத்தல். 

சகிப்புத்தன்மை என்பது நிகழ்வுகளோ மற்றவருடைய பழக்க வழக்கங்களோ நமக்குப் பிடிக்காதாயினும் கடந்து போகும் வரை பொறுத்துக் கொள்ளுதல்.

======================

எங்கள் ஆசிரியர்களில் ஒருவர் எழுதிய உப்புமாக் கவிதை. சுவையுங்கள். 

உப்பு மாவுமட்டு முப்புமா வாகிடுமோ

தப்பு தான்செய்வீரோ தகையீர் - உப்பிட்ட

மிளகாய் பெருங்காயம் மணக்கத் தாளிக்க

அழகாய் இருக்கு மது.

 

==============================================

இப்போ, இந்த வாரக் கேள்வி. 

கீழ் வரும் உரையாடல், A , B என்ற இருவருக்கு இடையே நிகழ்ந்தது.

இந்த உரையாடலை வைத்து, A & B பற்றி உங்கள் ஊகங்களை/ கண்டுபிடிப்புகளை  நீங்கள் எழுதவேண்டும். 

அதிகபட்ச எண்ணிக்கையில், ஏற்றுக் கொள்ளும் வகையில் பாயிண்டுகளை பதிவோருக்கு பரிசு கிடைக்கலாம். (அடுத்த வாரம் கொஞ்சம் லாபம் கிடைக்கும் போலிருக்கு!) 

A : " இன்னும் கொஞ்சம் சூட்டைக் குறைச்சீங்க என்றால் நல்லா இருக்கும்." 

B : " சரி. அப்படியே செய்கிறேன்." 

=================================================