மே மாதத்து படப் போட்டி - 'கோடை காலம்' வோட்டுப் போடுங்கள்!

 

நெல்லைத்தமிழன்: 

1. கோடை காலம்னு சொல்றீங்களே... பாலைவனமுள்ள நாட்டிற்கு கோடைக்காலமேது, குளிர்காலமேது? அங்க பெரும்பாலும் பகல்ல கோடையாகவும் இரவில் குளிர்காலமாகவும்தானே இருக்கும்?    

# நம்ம ஊரு பாலைவனம் அமைப்பின் கோடை காலம் என்று குறிப்பாக எதையும் சொல்ல மாட்டோம் என்பது சரிதான்.

2. ஐயோ.. வெயில் காலம் வரப்போகுதே என்று கவலைப்பட முக்கியக் காரணங்கள் என்னவாயிருக்கும்?   ஆஹா வெயில் காலம் வந்துவிட்டதேன்னு சந்தோஷமடைய முக்கியக் காரணங்கள் என்னவாயிருக்கும்? 

# கோடை காலத்தை கண்டு கலக்கம் அடைவதன் காரணம் சூடு வியர்வை. ஏசி காரணமாக அதிக மின்சார கட்டணம். மின்வெட்டு சமயத்தில் ஏற்படும் சங்கடம். 

கோடையை வரவேற்கக் காரணம் பள்ளி கல்லூரிகளுக்கு விடுமுறை. அதை முன்வைத்து மேற்கொள்ளப்படும் உல்லாசப் பயணம். நண்பர்கள் உறவினர்களின் சந்திப்பு.

& "ஐயோ.. வெயில் காலம் வரப்போகுதே!": ஸ்வெட்டர் வியாபாரிகள்! 

"ஆஹா வெயில் காலம் வந்தாச்சு!": கோடையில் ஐஸ் கிரீம் ருசிப்பவர்களும், ருசிப்பவர்களை ரசிப்பவர்களும்!  

3.   உங்களுக்குப் பிடித்தது மழைக்காலமா, குளிர்காலமா இல்லை கோடைக்காலமா?

# எனக்குப் பிடித்தது குளிர்காலம்தான். காரணம் செலவில்லாமல் ஒரு போர்வையை போர்த்திக் கொண்டு நிம்மதியாக இருக்கலாம். ஏசி மின்விசிறி குளிர்பானம் என்று எந்தச் செலவும் இல்லை.

& சென்னை குளிர்காலமும், பெங்களூரு கோடைக்காலமும்! 

கீதா சாம்பசிவம் : 

சொந்த அண்ணா, தம்பி, அக்கா, தங்கை உறவெல்லாம் திருமணம் வரை இருக்கும் நெருக்கம் அவரவர் குழந்தைகள் என்றான பின்னர் விரிசல் ஏற்படுவது ஏன்? என்னளவில் சகோதரர், குழந்தைகளுடன் நெருக்கம் காட்டினாலும் அவங்க நெருங்குவது இல்லை. இதுவும் கொஞ்சம் ஆச்சரியமா இருக்கு! 

# அந்தக்காலத்தில் குடும்பம் இந்த அளவு விரிவடையவில்லை. மேலும் ஒரு குறுகிய வட்டத்துக்குள் எல்லாரும் இருந்தார்கள். இப்போது போல அமெரிக்கா ஆஸ்திரேலியா என்று குடிபோகவில்லை. கோடை விடுமுறை என்று வந்தால் எல்லாரும் கூடி உல்லாசமாக இருந்த காலம். இப்போது அதற்கான வசதி வாய்ப்பு இல்லை என்று ஆனபின் நெருக்கம் எப்படி வரும் ?

& காலம் மாறும்போது, கண்ணோட்டங்களும், values மாறுவதும் சகஜம்தான்! 

ஒவ்வொருத்தரும் ஒவ்வொரு சமயம் செய்யாத தவறுக்குத் தண்டிக்கப்படுகின்றனர். உங்களுக்கு அந்த அனுபவம் உண்டா?

# எல்லாருக்கும் அந்த அனுபவம் இருக்கும். எனக்கும் இருக்கிறது. ஆனால் சின்ன வயதில் அற்பக் காரணங்களுக்காக மிகச் சாதாரணமான தண்டனை. கேட்டதால் நினைவுக்கு வந்தது. மற்றபடி உறுத்தல் இல்லாத சம்பவங்கள்.

& ஒன்றா இரண்டா - நிறைய தண்டனைகள் சிறு வயதில் அனுபவித்துள்ளேன். 

ஆரம்பப் பள்ளி நாட்களில் நான் செய்யாத தவறுகள் பலவற்றிற்கும் பயங்கரமாக தண்டனை அனுபவித்துள்ளேன். 

நான் அப்படி ' செய்யாத தவறுகள்' இவைகள்தான்: 

1) வீட்டுக் கணக்கு செய்யாதது. 

2) வீட்டுப் பாடங்கள் எழுதாதது. 

3) உண்மைகள் சொல்லாதது. 

4) பரிட்சையில் அதிக மார்க் வாங்காத தவறு. 

குறைந்த பட்ச தண்டனை : பெஞ்சு மேலே ஏறி நிற்பது. 

அதிக பட்ச தண்டனை : பெஞ்சு மேலே ஏறி நின்று, அதிக மார்க் அல்லது முதல் மார்க் வாங்கிய மாணவி சந்திரலேகாவிடம், ஆசிரியர் சொல்படி குட்டு வாங்கியது. 

சென்னை உங்களைக் கவர்ந்தது உண்டா? இப்போது சென்னையில் இல்லை என்பதால் வருத்தம் இருக்கா?

# சென்னை கவர்ந்தது உண்டு.  இப்போது இல்லை. உறவுகள் பலர் இருக்கும் இடம் என்பதால் இன்றும் ஈர்ப்பு உண்டு. சூடு அழுக்கு அதிகம் இல்லாத பெங்களூர் பிடித்திருக்கிறது. இங்கும் குப்பை மேடுகள் உண்டு - ஆனால் அருகில் இல்லை.

& அந்தக் காலத்தில் சென்னை என்னைக் கவர்ந்த நாட்கள் : சென்னை இசைவிழா நாட்கள். இப்போது சென்னையில் இல்லையே என்னும் வருத்தம் எதுவும் இல்லை. 

= = = = = = = = = = = =

நெல்லைத் தமிழன் கேட்டுள்ள பல கேள்விகள் & கே சக்ரபாணி கேட்டுள்ள சில கேள்விகளுக்கு பதில்கள், அடுத்த வாரம். 

= = = = = = = = = = =

KGG பக்கம் : 

மே மாதத்து புகைப்படப் போட்டி - 'கோடை காலம்' 

இந்த மாதத்துப் போட்டிக்கு 26 + 4 படங்கள் வந்துள்ளன. 

கடந்த மூன்று போட்டிகளில், ஒவ்வொருவரிடமிருந்தும் வந்த படங்களை தொடர்ச்சியாக வெளியிட்டேன். 

இந்த மாதம் அப்படிச் செய்யவில்லை. 

ஒருவரிடமிருந்தே 5 படங்கள் வந்திருந்தால், அவைகளை தொடர்ச்சியாக வெளியிடாமல், random numbers கொடுத்து வெளியிட்டுள்ளேன். 

வாசகர்கள் ஒவ்வொருவரும் எல்லா படங்களையும், நிறுத்தி, நிதானமாக, ஒவ்வொன்றாகப் பார்த்து, 'கோடை காலம்' என்ற தலைப்பிற்குப் பொருத்தமான படங்களைத் தேர்ந்தெடுத்து அவற்றிற்கு வோட்டுப் போடலாம். 

உங்களுக்குப் பிடித்த படங்கள் எல்லாவற்றிற்கும் நீங்கள் வோட்டுப் போடலாம். 

உங்கள் வீட்டில் உள்ள மற்ற உறுப்பினர்கள் சார்பாகவும் நீங்க வோட்டுப் போடலாம். 

உதாரணமாக : 

என்னுடைய (kgg அல்ல ) வோட்டு  : 405, 407, 409, 413, 419, 423, 425. 

என் உதவியாளரின் வோட்டு : 401, 402, 406 .. 

ஆனால், பொய் / கள்ள வோட்டுகள் வேண்டாம்! நிஜமாகக் கேட்டு, வோட்டு பதிவு செய்யுங்க! 

ஒருவர் அதிகபட்சமாக 15 படங்களுக்கு வோட்டுப் போடலாம். 

ஆரம்பியுங்க வாக்குப் பதிவை! 

இதோ - போட்டிக்கு வந்த படங்கள் : 

கீழ்க்கண்ட 4 படங்கள் எதிர்பாராத விதமாக, சேர்க்கப்படாமல் விட்டுப் போய்விட்டன. அனுப்பியவர்கள் மன்னிக்கவும். 

அடுத்த புதன் கிழமை வரை, எப்போது வேண்டுமானாலும் பதிவின் கருத்துரைப் பகுதியில் வோட்டுப் போடலாம். 

சந்தேகங்கள் எதுவும் இருந்தால் கருத்துரைப் பகுதியில் கேட்கவும். 

= = = = = = = = = = =