தீபாவளிக்குத் தங்கமணியின் தயாரிப்புகள்

வலைப் பேச்சின் பொழுது, 'தீபாவளிக்கு என்னென்ன பட்சணங்கள் செய்தீர்கள்?' என்று கேட்டார், நம் நண்பர் வலையாபதி. நான் சமையலறைக்குப் போய், அங்கு கண்ணில் கண்டவைகளை, சோனி டிஜிட்டல் காமிராவால் சுட்டு, படங்களை சுடச் சுட, அவருக்கு மின்னஞ்சல் மூலமாக அனுப்பி வைத்தேன். 

அவர், அவைகள் என்னென்ன என்று தெரிந்துகொண்டார். அவருடன், அறையில் தங்கியிருந்த, ஆங்கிலம் மட்டுமே அறிந்த நண்பர் ஒருவருக்கு, அந்தப் படங்களைக் காட்டியதும், அவர் ஆங்கிலத்தில் கூறிய சொற்கள் இங்கே உள்ளன. 

1. பயோ டிக்ரேடபிள் கோல்ஃப் பால் (Bio degradable golf ball)  

  

2. மாஜிக் பிரிக் (Magic brick)   

  

3 சூப்பர் குளூ (Super glue)   

   

4.பின் குஷன் (Pin cushion)    

      

5 பேர்ட்ஸ் நெஸ்ட் (Bird's nest)    

    

(நாங்கள் அனுப்பிய படங்கள் இவை அல்ல. ஆங்கில நண்பர் கூறிய வார்த்தைகளுக்குத் தகுந்த வகையில் சில படங்கள் தேடிப் பிடித்துப் போட்டுள்ளோம்!)

தங்கமணி செய்தவை என்னென்ன பட்சணங்கள் என்று நீங்க கண்டு பிடியுங்க! கண்டு பிடித்த பட்சணப் பெயர்களை,  பின்னூட்டத்தில் பதியுங்கள்.