திங்கக்கிழமை 160118 :: எள்ளுருண்டை

எள்ளுருண்டையில் என்ன இருக்கிறது என்கிறீர்களா?  நாங்கள் எள்ளுருண்டை என்பதை எள், வெல்லம், ஏலக்காய்ப் பொடி மட்டும் வைத்துச் செய்வோம்.  இந்த எள்ளுருண்டை எனக்கு மிக மிகப் பிடிக்கும்.

இப்போது சொல்லப்போவது  அலுவலகத்தில் ஒரு நண்பி சொன்ன எள்ளுருண்டை மாதிரி.  இதை அவர்கள் அவ்வப்போது செய்து சாப்பிடுவார்களாம்.  (நாங்கள் எள்ளுருண்டை திவச தினத்திலும், அமாவாசை தர்ப்பணம் [ரொம்ப ரேர்] போன்ற சமயங்களிலும் மட்டும் செய்வோம்)

இதை நான் இன்னும் செய்து பார்க்கவில்லை என்பதால் படங்கள் இல்லை!         

                                                                                

இனி செய்முறை :

அரைக் கிலோ பனை வெல்லம் எடுத்து துருவி வைத்துக் கொண்டு, 

அரைக்கால்படி படி அல்லது கால் கிலோ கருப்பு எள் எடுத்து, பொரியுமளவு வறுத்து அரைத்துத் தனியாய் வைத்துக் கொண்டு,

அதே அளவு கேப்பை மாவு புட்டு செய்து எடுத்துக்கொண்டு, 

மிக்சியில் வறுத்த அரைக்கால்படி க. பருப்பு நைஸாய் அரைத்து எடுத்துக் கொண்டு,  பிறகு பொடி செய்த கருப்பு எள், புட்டு, பனை வெல்லம் எல்லாவற்றையும் அதில் போட்டு ஒரு சுற்று சுற்றி இறக்கிக் கொள்ளவும். 

நெய் சூடாகக் காய்ச்சி அதில் ஊற்றி உருண்டை பிடித்து வைத்துச் சாப்பிடலாம். 

சீக்கிரத்தில் கெடாது.  உடம்புக்கும் நல்லது.












படங்கள்  :  நன்றி இணையம்.