உள் பெட்டியிலிருந்து ஒரு மீள் கவிதை, இரவலாக ஒரு ஜோக், இரு பாடல்கள்

அப்பாவிக் காதல்

ஒளிந்து பிடித்து

விளையாடிக் கொண்டிருந்த

அவன், அவள்...
       

விளையாட்டின் நடுவே

அவள் அனுப்பினாள்

வாட்சாப்

அவனுக்கு.. 
     

'நீ என்னை

கண்டு பிடித்தால்

இறுக்கி அணைத்து

ஒரு உம்மா...
   

கண்டு பிடிக்க

முடியவில்லை

என்றால்

அதுவரை ஒளிந்திருப்பேன்

                                                                 தோட்டத்தில்.!'

========================================================= =============

 

யோசனை 

நான் மிகவும் 

விரும்புபவர்களை 

இழந்து விடுவேனோ 

என்று அடிக்கடி

அச்சப் படும் எனக்குள்

இன்னொரு கேள்வி..

என்னையும்

யாராவது இப்படி யோசிப்பார்களோ?

====================================================================

ஒரு ஜோக் - FaceBook லேருந்து...

                                                                                    

      ஒரு நாள், காதர் பாயின் இடது கால் நீல நிறத்தில் மாறி விட்டது. பயந்து போய் ஊரில் உள்ள மிகப்பெரிய மருத்துவமனைக்கு சென்று மருத்துவரை அணுகி ஆலோசனை கேட்டார்.

      பரிசோதனை செய்து விட்டு காலில் விஷம் ஏறி விட்டது என்றும் காலை அகற்ற வேண்டும் எனவும் சொல்ல, அதிர்ச்சி அடைந்த காதர் பாய் தயக்கத்துடன் வேறு வழியின்றி காலை எடுத்துவிட ஒத்துக் கொண்டார்.

     சில நாட்களுக்குப் பிறகு வலது காலும் நீல நிறத்தில் மாற, மீண்டும் அதே மருத்துவமனைக்கு சென்றார். வலது காலிலும் விஷம் ஏறி விட்டது என்று சொல்லி அந்தக் காலையும் அகற்ற வேண்டும் என மருத்துவர் சொல்லி விட, நொந்து போன காதர் பாய் அதற்கும் ஒத்துக் கொண்டார்.

     இரு கால்களையும் இழந்து, கட்டை கால்களுடன் நடமாட ஆரம்பித்த பாய்-க்கு சில நாட்களுக்குப் பிறகு மீண்டும் அதிர்ச்சி.  கட்டைக் கால்களும் நீல நிறத்தில் மாறி விட,  பதற்றத்துடன் மருத்துவரை அணுக, மருத்துவருக்கு கட்டைக் கால்களில் விஷம் எப்படி ஏறியது என்று ஒரே ஆச்சரியம். மீண்டும் ஆரம்பத்தில் இருந்து அனைத்து வகையான உடல் பரிசோதனைகளையும் முடித்த பின் மருத்துவர் சொன்னார்,

     "காதர் பாய், உங்கள் லுங்கி சாயம் போகிறது, மன்னித்து விடுங்கள்"..

================================================================

படித்ததிலிருந்து...

                                                                                       

      ...அப்போது ஒரு பாட்டுக்கு 200 ரூபாய் கொடுப்பார்கள்.  கதை, வசனம் எழுதினால் 3,000 ரூபாய் கொடுப்பார்கள்.  பிரமாதமாக எழுதுபவர்களுக்கு 10,000 ரூபாய்.  ஏனென்றால், அப்போது எம் ஜி ஆருக்கே 35,000 ரூபாய்தான் சம்பளம்.  சிவாஜி 30,000 ரூபாய் வரை வாங்கினார்.  அந்தச் சமயத்தில் முதல் முறையாக ஒரு லட்ச ரூபாய் சம்பளம் வாங்கியவர் கே.பி சுந்தராம்பாள்....

சினிமா விகடனிலிருந்து...

==========================================================================











பாடல்கள் பகுதி பதிவின் நீளம் கருதி வெட்டப்பட்டது..  -  எங்கள் ப்ளாக் தணிக்கைக்குழு.