வெள்ளி வீடியோ :180209 : அர்த்தம் தெரியாமல் மொழியும் புரியாமல் இசைக்கும் பாடல் எதற்கு?

     பரதம் மலையாளப்படத்தின் தமிழ்த்தழுவல் சீனு என்கிற தமிழ்ப்படம். 

     கார்த்திக் மாளவிகா நடித்தது.  பி வாசு இயக்கத்தில், அவரே ஒரு முக்கிய வேடத்திலும் முதல் முறையாக நடித்த படம்.  இசை தேவா.

     தேவா என்றதும் ஆர்வம் புஸ் என்று அடங்குகிறதா?  இல்லை.  இந்தப் படத்தில் ஹரிஹரன் குரலில் இரண்டு மிக நல்ல பாடல்கள் உண்டு.  ஒன்று "வணக்கம் வணக்கம் வணக்கம்"  பாடல்.  இரண்டாவது "மாதவா...  சேது மாதவா...."    

     வாலியின் பாடல்கள்.

     நான் முதலில் பகிர நினைத்தது "மாதவா... சேது மாதவா" பாடலைத்தான்.  ஆனால் காட்சியும் கிடைக்கவில்லை.  சரி விடு,  சந்தோஷம் என்று பாடலைக் கேட்டால் ஸ்லோ டெம்போவில் கிணற்றுக்குள் கேட்கிறது.  எனவே முதல் பாடலான "வணக்கம் வணக்கம் வணக்கம் "  பாடலைப் பகிர்கிறேன்.  மளவிகாவை ரசிக்கலாம்.  காட்சியை, கார்த்திக்கையும் ரசிக்கலாம்!

     மாதவா பாடல் என்ன ராகம் என்று கீதா ரெங்கன் சொல்வார்.  ஏன், வணக்கம் வணக்கம் வணக்கம் பாடலையும் என்ன ராகம் என்று சொல்லுங்கள் கீதா.

     பொறாமைக்கார அண்ணன் வாசுவுக்காக தனது இசைத்திறமையை மறைத்து வைத்து விளையாட்டுப் பிள்ளையாக இருக்கிறார் கார்த்திக்.  குடியால் ஒருநாள் வாசுவால் பாடமுடியாமல் போக, அந்நாளில் வெளிப்படுகிறது கார்த்திக்கின் இசைத்திறமை.  இந்தக் காட்சியில் வரும் பாடலை இன்று பகிர்கிறேன்.  உணர்ச்சிகரமான படம்.  

என்றும் பா(டு)யும் நதி கொஞ்சம் ஓய்வெடுத்து இருக்கு ஒரு ஓரமா..

இரு கண்கள் என நினைத்து எங்கள் குலம் வளர்க்கும் இசையும் தடம் மாறுமா? (தடுமாறுமா?)

"அந்த எந்தக் கீர்த்தனமும் எந்தக் கண்ணிகளும் தமிழில் இல்லாததா?  

அந்த  எந்த தாளங்களும் எந்த ராகங்களும் தமிழன் சொல்லாததா?

அர்த்தம் புரியாமல் மொழியும் புரியாமல் இசைக்கும் பாடல் எதற்கு?

சொந்த மொழியென்றும் சொந்த இசையென்றும் இருக்கும்போது நமக்கு?

பூந்தமிழே தேன் தமிழே என் உயிரும் நீதானம்மா....."

பின்குறிப்பு :  வாலியின்  இந்த வரியில் எனக்கு சம்மதமில்லை!

//அர்த்தம் புரியாமல் மொழியும் புரியாமல் இசைக்கும் பாடல் எதற்கு?//