புதன் 200318 : குழப்பவாதிகளை நம்பலாமா ?

நெல்லைத்தமிழன் : 

(1) (2ம் எண் காரர்கள் 7ம் எண்ணை மணக்கலாம்) என்பது போன்று நியூமராலஜி பார்த்து எங்காவது திருமணம் நடைபெறுகிறதா?


# எண் பொருத்தம் ஒரு அடிஷனல் செக் ஆக ஆராயப்பட்டதை அறிவேன்.

$ Numerology நிமித்தம் பார்த்தல். ஜாதகம் ஜோசியம்,குறிகேட்டல் எல்லாமும் சரி, சரியில்லை என்கிற மாதிரி தீர்மானிக்கப் பட்ட விஷயங்களுக்கு பலம் சேர்க்கும் விதமாகவே இருக்கின்றன.

& 'எண்'ண பொருத்தம், மணக்கும் இந்தப் பொருத்தம்! 

(2) சிறிய வயதிலேயே இவன் வளர்ந்த பிறகு, இந்த மாதிரி பெரிய ஆளாவான் என்று கணிப்பது சுலபமா?  

# சுலபமில்லை மட்டுமல்ல மிகக் கஷ்டம். விதிவிலக்கு இசை ஓவியம் போன்ற செய்நேர்த்தி கைவரப் பட்ட குழந்தைகள். உதாரணமாக ரவிகிரண், மாண்டலின் ஶ்ரீநிவாஸ்.

$ பரம்பரை, பயிற்சி இவற்றால் மேம்படா வாழ்க்கை, பிறந்த நேரம் கொண்டு கணிக்கப் படக்கூடும் என்பது சரியல்ல.

& கணிப்பது சுலபம்தான். ஆனால் கணித்தது போல அமையுமா என்பதே சந்தேகம். 

(3)  நமக்கு கடவுள் அவசியமா இல்லை கடவுளுக்கு நாம் அவசியமா?  -- என்ன இது ஜி.எம்.பி சாரா இந்தக் கேள்வி கேட்டதுன்னு நினைக்காதீங்க. ஒரு மாறுதலுக்கு நான் கேட்டிருக்கிறேன்.

# நமக்குதான் கடவுள் அவசியம்.  அவருக்கு நாம் அவசியமாக இருக்க வேண்டும் என்ற கற்பனையில் பல கதைகள் புனைந்திருக்கிறோம். 

$ நாம் கடவுளை சார்ந்திருத்தல் நன்மை பயக்கலாம்.  கடவுள் என்பதே நாம்தான். 

& உயிருள்ள பொருட்கள், ஜடப்பொருட்கள் எல்லாவற்றிலும் ஒரே பிரம்மம்தான் இருக்கு என்கிறார்கள். 

(4) இது மூட நம்பிக்கை என்று யார் தீர்மானிக்க முடியும்? மூட நம்பிக்கை என்பது ஒவ்வொருவர் கணிப்பிலும் மாறுபடுமா மாறுபடாதா?

 # அடிப்படை நியாயம் இல்லாத நம்பிக்கை மூட நம்பிக்கைதான்.  ராசி சகுனம் ஹோரை என்று பார்ப்பவர்கள் அவற்றுக்கான நியாயங்களைக் கற்பித்துக் கொள்கிறார்கள்.

$ பஸ்சுக்கு காத்திருக்கும் போது இப்படி நடந்தால் நமக்கு இடம் கிடைக்கும், கிடைத்தால் காரிய சித்தி.... இப்படி தொடர்பற்ற விஷயங்களை காரணமாக நினைப்பதும் மூட நம்பிக்கையே.
நான் மூடன். நான் நம்பாதவற்றை என்ன என்று சொல்வது?

& இது மூடநம்பிக்கை என்பதை யாராலும் தீர்மானிக்கமுடியாது. மூடநம்பிக்கை என்பது ஒவ்வொருவர் கணிப்பிலும் மாறுபடும். 

தயவு செய்து அனைத்துக் குழுவினருக்கும் பகிரவும் என்று கண்ட கண்ட வாட்சப் செய்திகளை அனுப்புபவர்கள் பற்றி உங்கள் எண்ணம்?

# நார்ஸிஸம் வாயரிஸம் போன்ற ஒரு வலிய உந்துதல் இந்த பரவல் லைகிஸம்.

& செய்தியின் முக்கியத்துவத்தைப் பொருத்தது அது. உயிர் காக்கவேண்டிய தருணங்கள் (இரத்ததானம் etc) நோய்த்தடுப்பு முன்னெச்சரிக்கை நடவடிக்கைகள் போன்ற சமூக உதவி செய்திகள் தகுந்த ஆதாரத்தோடு (தேதி, இடம், நபர் பெயர், மொபைல் எண் விவரங்களுடன் ) அனுப்பப்பட்டால் வரவேற்கலாம். அதை விட்டு, ஊர்ஜிதமாகாத தகவல்களையும் ( ஈரோட்டில் சற்றுமுன் நடந்த விபத்தில் அடிபட்டு நினைவிழந்தவர் ஒருவர் ....... etc) குப்பைகளையும் பகிர்ந்து உண்மையான தமிழன் என்றால் உடனே ஷேர் பண்ணு .. என்று அனுப்புபவர்களை முட்டிக்கு முட்டி தட்டி வைக்கவேண்டும்! 


ஏஞ்சல் : 

1, குழப்பவாதிகளை நம்பலாமா ?

# கு.வா என்று தெரிந்த பின்பும் நம்புவீர்களா ?

$ Kuzhappavaadhi என்று தெரிந்தும் நம்ப உங்களுக்குப் பைத்தியமா?

& ஏன் இப்படி சுத்தி வளைத்து கேட்கிறீர்கள்? கமல் ட்வீட்களை நம்பலாமா என்றே கேட்டிருக்கலாமே! 

2, நம்பிக்கை என்பது எதன் அடிப்படையில் வரும் ?

 # அனுபவத்தின் அடிப்படையில் வரும். (" முருகானு சொல்லிட்டுச் செஞ்சால் சரியாயிடும் " எங்கள் தாயார்)

$ நம் திறமை பலம், நமக்கு உதவுபவரின் பலம், திரும்பத் திரும்ப நடைபெறும் நிகழ்வுகள் ஆகியவற்றின் அடிப்படையில்.

3, நேரம் சரியில்லை என்கிறார்களே இதில் நேரம் என்றால் என்ன ?

# நம்பிக்கையின் பாற்பட்ட கிரக சாரம். 

$ நாம் காரியத்தை தொடங்கிய நேரமோ கைவிட்ட நேரமோ எதுவானாலும் சரியான காலத்தில் செய்யாத, அல்லது செய்த .....
ஆமாம், இப்படி சொல்லிக்கொண்டே போனால் நேரம் சரியில்லை என்று .(ஆமாம் உங்களுக்கா, எனக்கா?) தெரிந்து கொள்ளலாம்.

& விதி. 

4, தற்கால நாகரீக உலகில் எதற்கு இத்தனை ஏற்றத்தாழ்வு ?

# ஏற்றத் தாழ்வு எப்போதும் இருக்கும். அது அநாகரிகம் அல்ல இயல்பு.

$ நாகரீக உலகத்துக்கும் ஏற்றத்தாழ்வுகள் என்பதற்கும் என்ன தொடர்பு?

                 

5, குருட்டு நம்பிக்கை /நொண்டி சாக்கு /முடவன் கொம்புத்தேன் ..இப்படிப்பட்ட வாசகங்கள் என்னமோ செய்கிறதே மனதுக்கு ஆனால் இதெல்லாம் நம் தாத்தா முன்னோர்கள் உருவாக்கினவை எப்படி இவை அக்காலத்தில் யாராலும் கண்டிக்கப்படவில்லை ?

 # அவை பல நிகழ்வுகளுக்கும் பொருந்தி இருப்பதால் கண்டிக்க ஏதுமில்லை.

 $ தாத்தா பாட்டி காலத்தில் நக்கீரர் வந்து சாலை மறியலில் ஈடுபாடு காட்டவில்லை. வேறு வேலை இருந்திருக்கலாம்.

& நீங்கள் கேட்கும் கேள்வி புரிகின்றது. உடல் ஊனத்தை முன் நிறுத்தி இருக்கின்ற சில பழமொழிகள் சரியா என்று கேட்கிறீர்கள். சரியில்லைதான். ஆனால் அந்தக்காலத்தில், சுருங்கச் சொல்லி விளங்கவைக்கவேண்டும் என்று நினைத்த சில அறிஞர்கள், இத்தகைய சொல்லாடல்களை செய்திருக்கலாம். அவர்களின் நோக்கம் ஊனமுற்றவர்களை கேலி செய்யவேண்டும் அல்லது சிறுமைப்படுத்தவேண்டும் என்று இருந்திருக்காது. 

6, கனவுகள் பின்னால் வருவதை முன்னே அறிவிப்பவை என்பது உண்மையா ? அல்லது மனப்பிரம்மையா ?

# கனவின் அடிப்படை ஆசை அல்லது அஜீரணம். எனவே பிரமைதான். 

 $ தோழி கண்ட கனவுகள் கானல் நீராவதைக் காண்கிறோம். கனவுகள் நம் உள்ளுணர்வின் வெளிப்பாடாக இருக்க நிறைய வாய்ப்பு. 

& எனக்கு வந்த சில கனவுகள் அப்படியே நிகழ்ந்ததை அறிவேன். சில மட்டும்தான். 

7, ஒரு விஷயத்தை முழுமையா குறையின்றி செய்ய இயலுமா ?

# முடியும்.

$  6 sigma படியுங்கள். 

& நல்ல திட்டமிடுதலும், அதற்கான பொருட்களும் ஆட்களும் இருந்தால் நிச்சயம் செய்ய இயலும். 

ஞாலம் கருதினுங் கைகூடுங் காலம் கருதி இடத்தாற் செயின்

8, ஒரு விஷயத்தை முயற்சிக்காம நமக்கு வராதுன்னு கைவிடுவது நல்லதா ? அல்லது முயன்று தோல்வியுறுவது நல்லதா ?

# அது முயன்று தோற்றால் உண்டாகக் கூடிய பின்விளைவுகளைச் சார்ந்தது.

$ முயலும் முன் எண்ணிப்பார்ப்பது தவறில்லை.

& முயன்று தோல்வியுறுவது நல்லது. ஆனால் அதோடு நிறுத்தக்கூடாது. ஒரு தோல்வி நமக்கு இரண்டு பாடங்களைக் கற்றுக் கொடுக்கிறது. ஒன்று - எது வெற்றி பெற வாய்ப்பில்லை என்பது தெரியவரும். இரண்டு, வேறு வழிகளில் நோக்கத்தை அடைய முயற்சி செய்ய ஒரு சந்தர்ப்பம். 

9, முடிவற்ற தன்மை /முடிவிலி என்றால் என்ன ?    இந்த சந்தானம் அடிக்கடி infinity பற்றி  கேட்கிறான் என்னை அதை உங்ககிட்ட கேட்டுட்டேன் :)

# இன்ஃபினிடி மாய எண் என்று தானே சொல்கிறார்கள்.  எனவே முடிவற்றது என ஒன்று இராது.  நமக்குப் புலப்படாத தொலைவில் சில இருக்கலாம். 

$ இரண்டை மூன்றால் வகுத்துக் கொண்டே  ......

& அட ஏனுங்கோ இந்தக் கேள்வியை என்னிடம் கேட்டீங்கோ! நான் என்ன கணித மேதையா! 

10, மனிதன் மாறிவிட்டான் என்பது உண்மையா ? அவனை மாற்றியது எது ?

 # உண்மை. மாற்றுவது காலம், ஆசை, ஆர்வம், அச்சம், சினம். 

$ உண்மை. சந்தர்ப்பம், சூழ்நிலை.

& மனிதன் மாறவில்லை. மாறிவிட்டதுபோல நடிக்கிறான். 

11, பாட்டி வைத்தியம்னு சொல்றாங்களே ஏன்  தாத்தா வைத்தியம்னு ஒன்று இல்லை ?தாத்தாக்களுக்கு வைத்தியம் தெரியாதா ?? இது தாத்தாக்கள் சார்பாக எழுப்பப்பட்ட வினா :)))))))


# குடும்பத் தலைவர் அலுவலாக வெளியே செல்வார்.  சிறு பிரச்சினைகளுக்கு வீட்டு வைத்தியம் தாய்மார்கள் கையில்தான் இருக்க வேண்டும். சீனியர் தாய் பாட்டி தான். எனவே பாட்டி வைத்தியம்.

$ பாட்டிகளுக்குத்தான் பொருள் இருக்குமிடம் தெரியும். எல்லாமே சமையலில் உபயோகிக்கும் பொருள்தானே.

================================================

9, 18, 27 ஆம் தேதியில் பிறந்தவர்கள் பற்றி  ... 

இளவயதில் பல இன்னல்களுக்கு ஆளாகி வளரும் சூழ்நிலையில் இருந்திருப்பார்கள். ஆனால், எந்த இன்னலையும் எதிர்த்து வெற்றி பெரும் மனிதர்களாக வாழ்க்கையின் பிற்காலத்தில் வாழ்வார்கள். 
யாரிடமும் கைகட்டி சேவகம் புரிவது இவர்களுக்கு பிடிக்காது.  தைரிய மனம் கொண்ட போர்வீரர்கள். 

சொல்லிலும் செயலிலும் நிதானம் காட்டாமல் அவசரப்பட்டு ஏதேனும் பேசி, செய்து, அவப்பெயரைத் தேடிக்கொள்வார்கள். 

மற்றவர்கள் இவரை சண்டைக்காரராகத்தான் பார்ப்பார்கள். 

தலைமைப்பதவியை ஒன்பதாம் எண் ஆட்களிடம் கொடுத்து, அனைத்து அதிகாரங்களையும் அவர்களுக்கு வழங்கினால், நிச்சயம் நன்றாக செய்வார்கள். ஆனால் அவர்களை செயல் செய்யவிடாது யாராவது இடைஞ்சல் செய்துகொண்டிருந்தால் எல்லாமே போச்சு! 

மார்ச் 18 ல் பிறந்த பிரபலங்கள் என்று தேடினால், சஷிகபூர், கவுண்டமணி, நடிகை மனோசித்ரா, ஏக்நாத் சோல்கர் என்று சில பெயர்கள் கிடைக்கின்றன. 

================================================