உங்கள் கேள்விகள், எங்கள் பதில்! புதன் 180509

அநேகமாக கேள்வி கேட்டவருக்கே மறந்து போயிருக்கும்!  

கீதா சாம்பசிவம்: 

கேஜிஜி சார், இது ரொம்ப அநியாயமா இல்லையோ! வெளியிடும் நேரம் சொல்ல வேண்டாமா? 

ப: சொல்லிடறேன்! இது வெளியிடப்படும் நேரம் : இதோ இப்பதான்! 

முழுக்கப் படிச்சுட்டுக் கருத்துச் சொன்ன ஒரே பதிவு என்ற பெருமையைப் பெறும் இந்தப் பதிவின் கேள்விகளுக்கு பதில் சொல்லி இருப்பவர் கேஜிஜி தானே? 

ப: அடேங்கப்பா! என்ன துல்லியம்! 

உங்க அம்மா உங்களுக்குக் கடைசியா அடை எப்போ செய்து கொடுத்தார்? 

ப: 1987 ஜூன் 14 ஹி ஹி அடிச்சு விடுவோம் யாரு செக் செய்யப் போறாங்க! 

இந்த வாரம் கு.கு. வந்திருப்பதால் கேஜிஜி ஒளிஞ்சுண்டிருக்காரோ? 

ப: கு கு வா ! கிக் கிக் கீ! 

அடுத்த வாரத்துக்கான கேள்விகளை எப்போக் கேட்கணும்? 

ப : எப்போ கேட்டாலும் அதுக்கு அப்புறம் வருகிற புதனில் பதில் சொல்லிடறேன்! 

முதல் வாரம் பிடிக்காத பதிவர் காசு சோபனா. அடுத்தவாரம் பிடித்த பதிவரும் அவரே. அப்போ பதில்களும் அவரே தானா?

ப: இல்லை. 

கேஜிஜியும் காசு சோபனாவும் ஒருவரா? 

ப: பலர். 

கேள்வி-பதில்களைப் பார்க்கையில் கேஜிஜி ஒருத்தரால் தான் இப்படி வடைகள், சேச்சே, விடைகள் தரமுடியும்னு தோணுது, உண்மையா, இல்லையா? 

ப: கணிதக் கேள்விகளுக்கு ஒரு ஆசிரியர், விஞ்ஞான / பொறியியல் கேள்விகளுக்கு ஒரு ஆசிரியர், இலக்கிய கேள்விகளுக்கு ஒரு ஆசிரியர், அழகுக் குறிப்புகளுக்கு ஒரு ஆசிரியர், இவை எதுவுமே இல்லாம அல்லது எல்லாம் கலந்த கேள்விகளுக்கு அல்லது குறும்புக் கேள்விகளுக்கு ஒரு ஆசிரியர் என்று வைத்துக்கொண்டோம். ஆனா பாருங்க, கோமதி அரசு மேடம் சொன்னது போல வித்தியாசமான கேள்விகளைத்தான் காணோம்!

மத்தவங்க எல்லாம் ரொம்ப சீரியஸ் டைப்! உண்டா, இல்லையா?

ப: இல்லை. 

ஶ்ரீராம் இப்படி எல்லாம் பதில் சொல்ல மாட்டார், அவர் பாணியே வேறே! அதோட அனுஷ்காவோ, தமன்னாவோ வராமல் அவரால் எந்த பதிலும் சொல்ல முடியாது! சரியா? 

ப: அடக் கடவுளே! ஸ்ரீராம் இதிலெல்லாம் ஹனுமார் மாதிரி. தன் பலம் என்ன என்று அவருக்கே தெரியாது. 

கீதா ரெங்கன்: 

அது சரி துவலை அடைனு சொன்ன அந்த ஆராய்ச்சி ஆசிரியர் யாரோ? 

ப: நான் இல்லை.

//பலம் : கோபமே வராது. பலவீனம்: இரக்க குணம். //

ஆஹா! செம... இது யாருடைய பதிலோ? 

ப: என்னுடைய பதில்தான்! 

துரை செல்வராஜூ : 

அபிநய சரஸ்வதி படம் எங்கே ஐயா!?...

ப: இதோ! 

(செல்வ) ராஜாவின் பார்வை ராணி என் பக்கம்!

(அட! என் படத்தையும் கேட்க, பார்க்க  ஆள் இருக்காரே!)

வல்லி சிம்ஹன் :

பானுமதிக்குள்ள த்ரிஷா,பாவ்னா,தமன்னா,அனுஷ்காவை அமிழ்த்திவிட்டீர்கள். 
பானுமதி மாதிரி இவர்களுக்கு நடிக்க வருமா?

ப: பானுமதி நடிப்பு ஒன்னும் ஆஹா ஓஹோ கிடையாது. மூக்கால பேசி மூக்கால பாட்டுப் பாடியவர். மாறுதலான நகைச்சுவை எழுத்தாளர். 

அதிரா : 

எப்போ பார்த்தாலும் பெண் படத்தையே போட்டுக்கொண்டு:)) ஏன் ஆண்கள் நகம் கடிப்பதில்லையோ? 

ப: ஓ ! கடிப்பாங்களே ! இதோ : 

 யாருடா அந்த அதிரா ? (சும்மா அதிருதில்ல!)

 ......... கூடுவாஞ்சேரி கோவிந்தசாமி ! 

இவரு ஆரூஊஊஊஊஊஊ? ஒருவேளை சிவாஸ் றீகல் சிவசம்போ அங்கிளின் ப்ப்ப்பிரதர் ஆக இருப்பாரோ?: 

ப: அட ! ஆமாம்! கரீட்டு! 

அதென்ன நாலு பெண்களில் அனுக்காவுக்கு மட்டும் லிப்ஸ்ரிக்:) பூசி விட்டிருக்கிறீங்க?: 

ப: இல்லை. அவுக உதட்டுல மருதாணி இட்டுகிட்டாங்களாம் ! 

1.நுளம்பு கடிச்சாலும் கோபம் வராதோ?   

   ப: நுளம்புக்கா? எனக்கா? 

எதையாவது பார்த்தவுடன்.. கேட்டவுடன், சிலருக்கு காலில் ஆராவது மிதிச்சிட்டால் கெட்ட கோபம் வரும்.. இப்படி ஏதும் உண்டோ??? 

ப : கோபம் என்பது இயலாமையின் ரூபம். இதை உணர்ந்துகொண்டுவிட்டோம் என்றால், கோபம் நம்மை அண்டாது.

1.கெள அண்ணனின் வாழ்க்கையில் தீராத அல்லது நிறைவேற்ற முடியாமல் போன ஆசை ஏதும் உண்டோ?

ப: ஒவ்வொரு கால கட்டத்தில் சில சில ஆசைகள் இருந்திருக்கலாம்; ஆனால் காலப்போக்கில் அதுவே சுத்தப் பைத்தியக்காரத்தனம் என்கிற ஞானோதயமும் ஏற்பட்டிருக்கிறது. 

2. வெளிநாட்டில் இருக்கும் நம்மவர்களைப்பார்த்து கோபம் பொறாமை அல்லது நாமும் போனால் என்ன வெளிநாட்டுக்கு எனும் விருப்பம் ஏற்பட்டதுண்டோ?  

ப: நிச்சயமாக இல்லை. என்னை எந்த வெளிநாடும் கவர்ந்தது இல்லை. 

3. நீங்கள் சைவம் தானே? அப்போ அசைவம் என்றால் எப்படியிருக்கும்.. அது நல்லதோ கெட்டதோ இப்படி ஏதும் சிந்தித்ததுண்டோ?:).

ப: இல்லை. எங்கள் காண்டீனில் பக்கத்தில் உட்கார்ந்து அசைவம் தின்றவர்களுடன் சகஜமாக உரையாடியபடி என் சைவ உணவை சாப்பிடுவேன். அசைவ உணவு விருப்பமும் கிடையாது, அதன் மீது வெறுப்பும் கிடையாது. 

லோகோ பின்ன ருசி! 

. அனுஷ்கா உங்கட வீட்டுக்கு வந்து ஸ்ரீராமின் அட்ரஸ் உம் ஃபோன் நம்பரும் கேட்டால் குடுப்பீங்களோ? 

ப: தரமாட்டேன்! "என் வீட்டு விலாசத்தை எப்புடி கண்டுபிடிச்சியோ அப்படி ஸ்ரீராம் விலாசத்தை கண்டு பிடிச்சுக்கோ போ" என்று சொல்லிவிடுவேன்!  

ஸ்ரீராம் உங்களைப்போலவேதான் இருப்பாரோ இல்லை வித்தியாசமாக இருப்பாரோ? 

 ப: ஆறு வித்தியாசங்கள் உள்ளன.

பானுமதி வெங்கடேஸ்வரன் : 

கண்ணதாசன் கவியரசு, வைரமுத்து கவிப்பேரரசு. இந்த இருவருக்கும் ஈடு கொடுத்த வாலி? 

ப: எனக்குத் தெரிந்து, மூன்று பேரும் மூன்று வித்தியாசமான டிராக். கவிதை என்று பார்த்தால், 

கண்ணதாசன்: Distinction. 

வாலி : First class. 

வைரமுத்து sorry.

நெல்லைத் தமிழன் : 

1. அது எப்படி நம் எல்லோருக்கும் மனைவியின் சமையலைவிட மனதில் அம்மா சமையல் ஒரு படி மேலோங்கியே வாழ்க்கை முழுவதும் இருக்கிறது (மனசைவிட்டு வெளியில் சொல்வது கடினம் என்றபோதும்)

ப: அம்மா சமையலுக்கு சிறுவயது முதலே பழகிட்டோம் என்பது முதல் காரணம். நமக்கு எது பிடிக்கிறது, எது பிடிக்கவில்லை, எது நம் உடம்புக்கு ஒத்துக்கொள்கிறது என்பது போன்ற விஷயங்களை அம்மா நன்கு கவனித்து, அதற்கேற்றாற்போல் செய்வார்கள். என் பள்ளிக்கூட நாட்களில், நான் சாப்பிடும்பொழுது என் அம்மா, நான் என்ன சாப்பிடுவேன், எவ்வளவு சாப்பிடுவேன் என்று அவர்களாகவே சரியாக அனுமானித்து பரிமாறுவார். 

2. அடுத்தவர் மனதில் நினைப்பதை நம்மால் உடனுக்குடன் அறிய முடிந்தால், நம் வாழ்வு எப்படி இருக்கும்? 

ப: ஒன்னும் பிரமாதமா மாறிடும் என்று எனக்குத் தோன்றவில்லை. ஒரு வகையில், அடுத்தவரின் நினைப்புகளை, அவருடைய உடல் மொழியே துல்லியமாக நமக்கு சொல்லிவிடும். 

3. முகநூல், இணையம் வழியாக ஏற்பட்ட நண்பர்களை (இருபாலாரும்) அவர்கள் எழுத்து மூலமாகவே அறிவோம். அப்போது அவர்கள் குரல், உருவம், பழகும் விதம் என்று மனது ஒரு பிம்பத்தைக் கட்டமைக்கும். நேரில் பார்க்கும்போது உங்களுக்கு அது எப்போதும் சரியாக இருந்திருக்கிறதா? (உதாரணமா நீங்கள் கொஞம் ஜாலி டைப், நகைச்சுவையா பேசும்போது தவறு நேர்ந்தாலும் ரொம்ப தப்பா எடுத்துக்க மாட்டீங்க என்ற ஒரு பிம்பம் இருக்கு (இருக்கா?). ஆனால் நேரில் அப்படியே இருக்குமா?)

  ப: கரெக்ட். 

4. ஓய்வு பெற்றவுடன் ஒரு வெறுமை வந்ததா? பகல் முழுவதும் வீட்டில் தொந்தரவு செய்யாத மனுஷன், முழு நாளும், வாரம் முழுவதும் வீட்டிலேயே இருக்கும்போது மனைவிக்கும் அது கொஞ்சம் அன்கம்ஃபர்டபிளா இருந்ததா? அந்த வெறுமையை எப்படி நீங்கள் கடந்தீர்கள்? எப்படி ஆக்டிவாக ஆக்கிக்கொண்டீர்கள்? (இதுக்கு கேஜிஎஸ், கேஜிஒய், கேஜிஜி ஆகியோர் பதில் எழுதலாம்) 

ப: ஓய்வு பெற்றவுடன், ' அப்பாடி!' என்ற நிம்மதி உணர்வுதான் வந்தது. நான் பெற்றது விருப்ப ஓய்வு.  (கே ஜி ஜி ) 

ஓய்வா ! எனக்கா ? நெவர். ( கே ஜீ ) 

It would be wise if after a certain age, perhaps let us say forty or forty-five, or younger still, you retired from the world, before you are too old. What would happen if you did retire not merely to enjoy the fruit of sensate gatherings but retired in order to find yourself, in order to think feel profoundly, to meditate, to discover reality? Perhaps you may save mankind from the sensate, worldly path it is following, with all its brutality, deception and sorrow. Thus there may be a group of people, being disassociated from worldliness, from its identifications and demands, able to guide it, to teach it. Being free from worldliness they will have no authority, no importance and so will not be drawn into its stupidities and calamities. For a man who is not free from authority, from position, is not able to guide, to teach another. A man who is in authority is identified with his position, with his importance, with his work and so is in bondage. To understand the freedom of truth there must be freedom to experience. If such a group came into being then they could produce a new world, a new culture. (Jiddu Krishnamurti)      (கே ஜி ஒய் )

மேலும், 

நான் பல்வேறு ரசனையுள்ள ஆள் என்பதால் ரிடயர் ஆனதும் வெறுமை அறவே இல்லை. உண்மையில் எனக்கு அளிக்கப் பட்ட எக்ஸ்டென்ஷனை பணிவுடன் மறுத்துவிட்டேன்.

இன்றுவரை போர் அடித்து அவதியுற்றதில்லை. கரண்ட் இன்டெரெஸ்ட் ஒன்றிரண்டு இருந்துகொண்டே இருக்கும். (கே ஜி ஒய் ராமன்) 

மீண்டும் அடுத்த வாரம் சந்திப்போம் !